ಕಥೊಲಿಕ್ ಯುವ ಸಂಚಾಲನ್, ಕಥೊಲಿಕ್ ಸಭಾ ತಸಲ್ಯಾ ಲಾಯಿಕ್ ಸಂಘಟನಾಂನಿ ವಾವುರ್ನ್ ಅನ್ಭೊಗ್ ಆಸ್ಚೊ ವಿನೋದ್ ಪಿಂಟೊ ಗಾಂವಾನ್ ತಾಕೊಡೆಚ್ಯಾ ಕಜೆಬೈಲ್‌ಚೊ. ಗಾಂವಾಂತ್ ಪಾದ್ರಾಬ್ಯಾಚೊ ಬೊಟ್ಲೆರ್ ಜಾವ್ನ್ , ಮುಂಬಯ್ಚ್ಯಾ ಫಾಸ್ಟ್ ಫುಡ್ ಗಾಡಿಯೆರ್ ರಾಂದ್ಪಿ ಜಾವ್ನ್ , ಇರಾಕಾಂತ್ ಅಮೆರಿಕನ್ ಸಯ್ನಾ ಕ್ಯಾಂಪಾಂತ್ ಇನ್ವೆಂಟರಿ ಸೂಪರ್‌ವೈಸರ್ ಜಾವ್ನ್, ದುಬಯ್ ಪಾಂಚ್‌ತಾರಾ ಹೊಟೆಲಾಂತ್ ವಾವುರ್ನ್, ಪ್ರಸ್ತುತ್ ಗಾಂವಾಂತ್ ಪಾಟ್ಲ್ಯಾ ಪಾಂಚ್ ವರ್ಸಾಂ ಪಾಸುನ್ ಮಾಡಿಯಾಂ ಕೃಷಿ ಕರುನ್, ಕುಟ್ಮಾ ಸಾಂಗಾತಾ ಜೀವನ್ ಸಾರುನ್ ಆಸಾ. ಸಮುದಾಯ್ ಸೆವಾ, ಖೆಳ್ ಆನಿ ರಾಜಕೀಯ್ ತಾಚ್ಯಾ ಆಸಕ್ತೆಚೆ ವಿಶಯ್. ತಾಚ್ಯಾ ಮುಕೆಲ್ಪಣಾರ್ ತಾಕೊಡೆ ಕ್ರಿಕೆಟ್ ಪಂಗ್ಡಾನ್ ಜಾಯ್ತೆ ಟ್ರೋಫಿ ಆಪ್ಣಾಯ್ಲ್ಯಾತ್. ಏಕ್ ಬರೊ ಸಂಘಟಕ್ ಜಾವ್ನಾಸ್ಚೊ ತೋ, ಸಮಾಜಿಕ್, ರಾಜಕೀಯ್ ಆನಿ ಖೆಳಾ ಗಜಾಲಿಂಚೆರ್ ಕೊಂಕ್ಣೆಂತ್ ಬರಯ್ತಾ.
