ಪಾಟ್ಲ್ಯಾ ಸಬಾರ್ ವರ್ಸಾಂ ಪಾಸುನ್ ಕೊಂಕ್ಣೆಂತ್ ಬರವ್ನ್ ಆಸ್ಚೊ ವಿನ್ಸಿ ಪಿಂಟೊ ಮುಳಾನ್ ಆಂಜೆಲೊರ್ ಫಿರ್ಗಜೆಚೊ. ಪ್ರಸ್ತುತ್ ಆಡುಮರೋಳಿ ಹಾಂಗಾಸರ್ ವಸ್ತಿ ಕರುನ್ ಆಸಾ. ದಾಯ್ಜಿ ವಲ್ಡ್ ಮಾಧ್ಯಮ್ ಸಂಸ್ಥ್ಯಾಂತ್ ಮಾರ್ಕೆಟಿಂಗ್ ಮ್ಯಾನೆಜರ್ ಜಾವ್ನ್ ವಾವುರ್ನ್ ಆಸ್ಚೊ ತೋ ಸಬಾರ್ ವರ್ಸಾಂ ದುಬಂಯ್ತ್ ವಾವುರ್ನ್ ಆಸ್ಲೊ. ಕವಿತಾ, ಮಟ್ವ್ಯೊ ಕಾಣಿಯೊ , ನ್ಯಾನೊ ಕಾಣಿಯೊ, ಲಲಿತ್ ಪ್ರಬಂಧ್ ಆನಿ ಪಯ್ಣಾ ಸಾಹಿತ್ಯ್ ತಾಚೆಂ ಖಾಸ್ ಶೆತ್. ‘ದಾಕ್ತೆರಾಚೊ ಘುಟ್’ (ಮಟ್ವ್ಯಾಕಾಣಿಯಾಂ ಜಮೊ), ‘ಕಾತ್ಕುತ್ಲಿ’ (ಚುಟುಕಾಂ ಜಮೊ) - ತಾಚೆಂ ಬುಕಾರುಪಾರ್ ಫಾಯ್ಸ್ ಜಾಲ್ಲೆಂ ಸಾಹಿತ್ಯ್. ಆಪ್ಲ್ಯಾಚ್ ‘ಪಾಮ್ ಗ್ರೊವ್ ಪಬ್ಲಿಕೇಶನ್’ ದ್ವಾರಿ ಕೊಂಕ್ಣೆಂತ್ ಪುಸ್ತಕ್ ಪ್ರಕಾಶನಾಚೊ ವಾವ್ರ್ ತೊ ಮುಂದರುನ್ ಆಸಾ.
