ಕೊಂಕ್ಣಿ ಕವಿ ತಶೆಂ ಸಾಂಸ್ಕೃತಿಕ್ ಚಿಂತ್ಪಿ ಟಾಯ್ಟಸ್ ನೊರೊನ್ಹಾ, ಗಾಂವಾನ್ ತಾಕೊಡೆಚೊ. ಕೊಂಕ್ಣಿ ಪತ್ರಾಂನಿಂ, ದೂರ್ದರ್ಶನ್ ಬೆಂಗ್ಳುರ್ ಆನಿ ಆಕಾಶ್ವಾಣಿ ಮಂಗ್ಳುರ್, ಹಾಚೆರ್ ತಾಚ್ಯೊ ಕವಿತಾ ಪ್ರಸಾರ್ ಜಾಲ್ಯಾತ್. ಕೊಂಕ್ಣಿ ಮಟ್ವೊ ಕಾಣಿಯೊಯ್ ಲಿಕ್ಲ್ಯಾತ್. ಸಾಂಸ್ಕೃತಿಕ್ ಕಾರ್ಯಾಂಚೊ ಸೂತ್ರ್ಧಾರ್. ಆಪ್ಲ್ಯಾ ವಿಶಿಷ್ಠ್ ಕೊಂಕ್ಣೆನ್ ಕಾಣಿಯೊ ಗುಂತುನ್ ಸಾಂಸ್ಕೃತಿಕ್ ಕಾರ್ಯಿಂ ಆಪ್ಲ್ಯಾಚ್ ಶೈಲೆರ್ ಪ್ರಸ್ತುತ್ ಕರ್ಚ್ಯಾಂತ್ ತಾಚೆಂಚ್ ಏಕ್ ನಾಂವ್. ಚಾಫ್ರಾಕ್ ಲಾಗ್ಶಿಲ್ಯಾನ್ ವಳ್ಕೊನ್ ತಾಚೆ ಥಾವ್ನ್ ಕವಿತೆಚಿ ವೋಡ್ ಜೊಡ್ಲ್ಲ್ಯಾಂ ಪಯ್ಕಿ ಟಾಯ್ಟಸ್ಯೀ ಎಕ್ಲೊ.
'ಸೌಹಾರ್ದ ಫೌಂಡೇಶನ್' ಸಂಸ್ತ್ಯಾಚೊ ಏಕ್ ಟ್ರಸ್ಟಿ ಆಸೊನ್ ಗರ್ಜೆವಂತಾಂಕ್ ಘರಾಂ ಬಾಂಧುನ್ ದಿಂವ್ಚ್ಯಾ ಕಾಮಾಂತೀ ಆಪ್ಲೊ ವೇಳ್ ತೋ ದಿತಾ. ಪಾಟ್ಲ್ಯಾ ಪಂಚ್ವೀಸ್ ವರ್ಸಾಂ ಥಾವ್ನ್ ಮಂಗ್ಳುರ್ ಶ್ಹೆರಾಂತ್ 'ರಾಹುಲ್ಎಡ್ವರ್ಟಾಯ್ಸರ್ಸ್' ಸಂಸ್ತೊ ತೋ ಚಲಯ್ತಾ.
