ಮಂಗ್ಳುರ್ಚ್ಯಾ ಬೆಸೆಂಟ್ ಸ್ತ್ರೀಯಾಂಚ್ಯಾ ಕೊಲೆಜಿಂತ್ ಪತ್ರಿಕೋದ್ಯಮ್ ವಿಭಾಗಾಚಿ ಮುಕೆಲಿ ತಶೆಂ ಸಹಾಯಕ್ ಪ್ರಾಧ್ಯಾಪಿಕಾ ಜಾವ್ನ್ ಆಸ್ಚಿ ಸ್ಮಿತಾ ಶೆಣೈ ಕೊಂಕ್ಣಿ ಮಾತ್ ನಯ್ ಕನ್ನಡ, ಇಂಗ್ಲಿಶ್ ಭಾಸಾಂನೀಯ್ ಬರಯ್ತಾ. ಪ್ರಾಕೃತ್ ಭಾಸೆಂತ್ ತಿಣೆ ಉಂಚ್ಲೆಂ ಶಿಕಪ್ ಜೊಡ್ಲಾಂ. ದೂರದರ್ಶನಾಚ್ಯಾ ಚಂದನ ಚ್ಯಾನೆಲಾಂತ್ ನಿರೂಪಕಿ ತಶೆಂ ಬೆಂಗ್ಳುರ್ ಥಾವ್ನ್ ಫಾಯ್ಸ್ ಜಾಂವ್ಚ್ಯಾ ಟ್ರಾವೆಲ್ ಪ್ಲಸ್ ಪತ್ರಾಚಿ ಸಹ ಸಂಪಾದಕಿ ಜಾವ್ನ್ ಸೆವಾ ದೀವ್ನ್ ಆಸಾ. ಪತಿಕೋದ್ಯಮ್, ಸಾಹಿತ್ಯ್ ಆನಿ ಭಾಸ್ - ಸಂಸ್ಕೃತಿಚ್ಯಾ ವಿಶಯಾಚೆರ್ ರಾಷ್ಟ್ರ‍ೀಯ್ ತಶೆಂ ಅಂತರಾಷ್ಟ್ರ‍ೀಯ್ ಸೆಮಿನಾರಾಂನಿ ತಿಣೆ ಜಾಯ್ತೆ ಪ್ರಬಂದ್ ಮಂಡನ್ ಕೆಲ್ಯಾತ್. ಮಂಗ್ಳುರ್ ಆಕಾಶ್ ವಾಣಿಚೆರ್ ತಶೆಂ ಸ್ಪಂದನ ಟಿವಿಚೆರ್ ಜಾಯ್ತಿಂ ಕಾರ್ಯಕ್ರಮಾಂ ನಿರೂಪಣ್ ಕೆಲ್ಯಾಂತ್ ಮಾತ್ ನಯ್, ಮಂಗ್ಳುರ್ಚ್ಯಾ ಸುತ್ತುರಾಂತ್ ಕನ್ನಡ, ಕೊಂಕ್ಣಿ, ಇಂಗ್ಲಿಶ್ ಆನಿ ಹಿಂದಿ ಭಾಶೆಂತ್ ದೊನ್ಶಾಂ ವಯ್ರ್ ವೆದಿ ಕಾರ್ಯಾಂಚೆಂ ನಿರೂಪಣ್ ಕೆಲಾಂ. ಸಾಧನಾ ಬಳಗ ಹಾಂತು ಕಾರ್ಯಾಳ್ ಸಾಂದೊ ಜಾವ್ನಾಸ್ಚ್ಯಾ ತಿಣೆ ಸ್ಪಪ್ನ ಸಾರಸ್ವತ ತಶೆಂ ರೈಲ್ವೇ ಫ್ಲ್ಯಾಟ್‌ಫೊರ್ಮ್ ಹ್ಯಾ ನಾಟಕಾಂನಿ ಅಭಿನಯ್ ಕೆಲಾಂ. ಕನ್ನಡ - ಇಂಗ್ಲಿಶ್, ಕೊಂಕ್ಣಿ ನೆಮಾಳ್ಯಾಂನಿ ತಶೆಂ ಜಾಳಿಜಾಗ್ಯಾಂನಿ ತಿಚ್ಯೊ ಕವಿತಾ ಆನಿ ಲೇಖನಾಂ ಸರಾಗ್ ಫಾಯ್ಸ್ ಜಾತೇ ಆಸಾತ್.
