ಶಿಕೇರಾಮ್, ಸುರತ್ಕಲ್

ಮಾಧ್ಯಮಿಕ್ ಇಸ್ಕೊಲಾಂತ್ ಶಿಕ್ತಾನಾಂಚ್ ಕನ್ನಡ ತಶೆಂ ಕೊಂಕ್ಣೆಂತ್ ಮಟ್ವ್ಯೊ ಕಾಣಿಯೊ, ಲಲಿತ್ ಪ್ರಬಂಧ್, ಕವಿತಾ ಆನಿ ವೈಚಾರಿಕ್ ಲೇಖನಾಂ ಬರವ್ನ್ ಆಯಿಲ್ಲೊ ರೊನಾಲ್ಡ್ ಸಿಕ್ವೇರಾ ಗಾಂವಾನ್ ಸುರತ್ಕಲ್‌ಚೊ. ಬಿ.ಕೊಮ್. ಪದ್ವೆದಾರ್, ವೃತ್ತೆನ್ ಇಲೆಕ್ಟ್ರಿಕಲ್ ಕಂತ್ರಾಟ್‌ದಾರ್. ಬೆಂಗ್ಳುರ್, ಚಿಕ್‌ಮಗ್ಳುರ್, ಹಾಸನ್ ಧರುನ್ ರಾಜ್ಯಾಚಾ ಚಡಾವತ್ ಜಿಲ್ಲ್ಯಾಂನಿ ತಾಣೆ ಸರ್ಕಾರಿ ತಶೆಂ ಖಾಸ್ಗಿ ಸಂಸ್ಥ್ಯಾಂಕ್ ಸೆವಾ ದಿಲ್ಯಾ. ವೃತ್ತೆಚ್ಯಾ ದಬಾವಾನ್ ಆನಿ ವೆಳಾಚ್ಯಾ ಅಭಾವಾನ್ ಥೊಡೊ ತೇಂಪ್ ವಿರಾಮ್ ದಿಲ್ಲಿ ಲಿಕ್ಣಿ ಪರತ್ ಹಾತಿಂ ಘೆವ್ನ್ ಪಾಟ್ಲ್ಯಾ ತೀನ್ ಚಾರ್ ವರ್ಸಾಂ ಪಾಸುನ್ ಕೊಂಕ್ಣಿ ಸಾಹಿತ್ಯಾಂತ್ ತೊ ಕಾರ್ಯಾಳ್ ಜಾಲಾ. ಪಂಚ್ವಿಸಾ ಪ್ರಾಸ್ ಚಡ್ ಮಟ್ವ್ಯೊ ಕಾಣಿಯೊ, ಪನ್ನಾಸಾ ವಯ್ರ್ ಪ್ರಬಂದ್ ಆನಿ ಲೇಖನಾಂ ತಶೆಂ ಜಾಯ್ತ್ಯೊ ಕವಿತಾ ತಾಣೆ ಬರಯ್ಲ್ಯಾತ್. ಏಕ್ ಉತ್ತೀಮ್ ಕಾರ್ಯಾನಿರ್ವಾಹಕ್ ತಶೆಂ ಸಂಘಟಕ್ ಜಾವ್ನಾಸ್ಚೊ ತೋ ಪ್ರಸ್ತುತ್ ಕೊಂಕ್ಣಿ ಸಾಹಿತಿ ಆನಿ ಕಲಾಕಾರಾಂಚೆಂ ಸಂಘಟನ್ ( KWAA ) ಹಾಚೊ ಅಧ್ಯಕ್ಷ್ ಜಾವ್ನಾಸಾ. ವೆಗಿಂಚ್ ತಾಚ್ಯಾ ವಿಂಚ್ಣಾರ್ ಮಟ್ವ್ಯಾ ಕಾಣಿಯಾಂಚೊ ಸಂಗ್ರಹ್ ’ ಗರ್ಜೆಕ್ ಪಡತ್’ ಫಾಯ್ಸ್ ಜಾಂವ್ಚ್ಯಾರ್ ಆಸಾ. ಖಾಸ್ಗಿ ವೆವರ್ : ಜಲ್ಮಾ ತಾರಿಕ್ : ಜೂನ್ 5, 1954 ಇ ಮೇಲ್ ವಿಳಾಸ್ : ronaldjsequeira@yahoo.co.in ಮೊಬಾಯ್ಲ್ : 9448485377