ಪ್ರಸನ್ನ್ ನಿಡ್ಡೊಡಿ ಲಿಕ್ಣೆನಾಂವಾರ್ ಬರಂವ್ಚೊ ಹಿಲರಿ ಸಿ ಡಿ ಸಿಲ್ವಾ, ಗಾಂವಾಂತ್ ನಿಡ್ಡೊಡಿ ಫಿರ್ಗಜೆಚೊ. 1958 ಜೂನ್ 20 ವೆರ್ ಜಲ್ಮ್. ಪ್ರಸ್ತುತ್ ಮಿರಾರೋಡ್, ಮುಂಬಂಯ್ತ್ ವಸ್ತಿ. 8 ವೆ ಕ್ಲಾಸಿ ಥಾವ್ನ್ಂಚ್ ಕೊಂಕ್ಣಿ ಸಾಹಿತ್ಯಾ ಥಂಯ್ ವೋಡ್. ಸುಮರ್ 150 ವಯ್ರ್ ಕವಿತಾ, 20 ವಯ್ರ್ ಕಾಣ್ಯೊ, ಆನಿ ಥೊಡಿಂ ಲೇಖನಾಂ ಬರಯ್ಲ್ಯಾಂತ್. ಬಿ ಎ. ಡಿಗ್ರಿ ಆನಿ ಮಾರ್ಕೆಟಿಂಗ್ ಡಿಪ್ಲೊಮಾ ತಸೆಂಚ್ ಕೊಂಕ್ಣಿ ಸಾಹಿತ್ಯ್ ಡಿಪ್ಲೊಮಾ ಜೊಡ್ಪಿ. ಹಾಲಿಂತ್ ಪಯ್ಲೊ ಕೊಂಕ್ಣಿ ಕವಿತಾ ಬೂಕ್ ’ತಾನ್’ ಪ್ರಕಾಶಿತ್ ಜಾಲಾ. ಆಜೂನ್ ಮುಂಬಯ್ತ್ ಕೊಂಕ್ಣಿ ಭಾಸೆಚೊ ಕಾರ್ಯಾಳ್ ವಾವ್ರ್ ಕರುನ್ ಆಸಾ. ಪಯ್ಣಾರಿ.ಕೊಮ್ ಹ್ಯಾ ಜಾಳಿಜಾಗ್ಯಾಚೊ ಸಹ - ಸಂಪಾದಕ್ ಜಾವ್ನ್ ವಾವ್ರ್ ಕರ್ತಾ. ಸಬಾರ್ ಕವಿತಾ ಗೊಷ್ಟಿಂನಿ ಕವಿತಾ ಸಾದರ್ ಕೆಲ್ಯಾತ್. ದೋನ್ ಪಾವ್ಟಿಂ ಮುಂಬಯ್ ಆಕಾಶ್‌ವಾಣಿರ್ ಕವಿತಾ ಸಾದರ್ ಕೆಲ್ಯಾಂತ್. ರಾಕ್ಣೊ, ಉಜ್ವಾಡ್, ಪಯ್ಣಾರಿ ಇತ್ಯಾದಿ ಸಾಹಿತಿಕ್ ಸ್ಪರ್ಧ್ಯಾಂನಿ ಇನಾಮಾ ಆಪ್ಣಾಯ್ಲ್ಯಾಂತ್.
