ಪಂಚು ಬಂಟ್ವಾಳ್ ಹ್ಯಾ ಲಿಕ್ಣೆನಾಂವಾನ್ ಕೊಂಕ್ಣೆಂತ್ ಬರಂವ್ಚೊ ಫ್ರಾನ್ಸಿಸ್ ಸಲ್ಡಾನ್ಹಾ ಗಾಂವಾನ್ ಮೊಡಂಕಾಪ್ ಬಂಟ್ವಾಳ್ಚೊ. ಕವಿ, ಗೀತ್ಕಾರ್, ಲೇಖಕ್ ಆನಿ ಸಂಪಾದಕ್ ಜಾವ್ನ್ ಕೊಂಕ್ಣಿ ಸಂಸಾರಾಂತ್ ತೋ ಫಾಮಾದ್. ಕಾಳ್ಜಾಗಾಜ್ ತಾಣೆ ಬರಯಿಲ್ಲೆಂ ಲೊಕಾಮೊಗಾಳ್ ಪದ್. ಕಾಣಿಕ್ ಪತ್ರಾಚೊ ಸಹ ಸಂಪಾದಕ್, ಉಪ್ರಾಂತ್ ಝೆಲೊ ಪತ್ರಾಚೊ ಸಂಪಾದಕ್ ಜಾವ್ನ್ ತಾಚೊ ವಾವ್ರ್. ಬಂಟ್ವಾಳ್ ಪರಿಸರಾಂತ್ ಏಕ್ ಸಂಘಟಕ್ ಜಾವ್ನ್ ಜಾಯ್ತೆ ನಾಟಕ್, ಸಂಗೀತ್ ಕಾರ್ಯಾವಳಿ ತಾಣೆ ಮಾಂಡುನ್ ಹಾಡ್ಲ್ಯಾತ್. ಕೊಂಕ್ಣಿ ಫಿಲ್ಮಾಂಚೆಂ ಪ್ರದರ್ಶನ್ ಆಯೋಜನ್ ಕೆಲಾಂ. ಉಮಾಳೊ ತಾಚ್ಯಾ ಪದಾಂಚಿಂ ಕೊವ್ಳಿ. ಪ್ರಸ್ತುತ್ ಚಿಕಾಗೊ ಥಾವ್ನ್ ದೊ| ಲ| ಆಸ್ಟಿನ್ ಡಿಸೊಜಾ ಪ್ರಭು ಸಂಪಾದಕ್ಪಣಾರ್ ಫಾಯ್ಸ್ ಜಾಂವ್ಚ್ಯಾ ವೀಜ್ ಕೊಂಕಣಿ ಸಚಿತ್ರ್ ಹಫ್ತ್ಯಾಳಾಚೊ ಸಹ ಸಂಪಾದಕ್ ಜಾವ್ನ್ ಸೆವಾ ದೀವ್ನ್ ಆಸಾ. ಬಂಟ್ವಾಳಾಂತ್ ಸಂತೋಷ್ ಕ್ಯಾಟರರ್ಸ್ ಮ್ಹಳ್ಳೆಂ ಉದ್ಯಮ್ ತೋ ಚಲವ್ನ್ ಆಸಾ.
