ಪಾಟ್ಲ್ಯಾ ಎಕಾ ಧಾಕ್ಡ್ಯಾಪಾಸುನ್ ಕೊಂಕ್ಣೆಂತ್ ಸರಾಗ್ ಬರವ್ನ್ ಆಸ್ಚೊ ಓಸ್ಕರ್ ಲುವಿಸ್ ವೃತ್ತೆನ್ ಇಜ್ನೆರ್. ಪ್ರತಿಷ್ಠಿತ್ ಕಂಪ್ನೆನಿಂ ವಿವಿಧ್ ಹುದ್ಯಾನಿಂ ವಾವ್ರ್ ಕೆಲ್ಲೊ ತೊ ಪಾಟ್ಲ್ಯಾ ವರ್ಸಾ ಪಾಸುನ್ ಸ್ವಉದ್ಯಮ್ ಸುರ್ವಾತುನ್ ಇಂಜಿನಿಯರಿಂಗ್ ಕನ್ಸಲ್ಟೆನ್ಸಿ ಕಂಪೆನಿ ಚಲವ್ನ್ ಆಸಾ. ತಾಚ್ಯಾ ಬರ್ಪಾಂನಿ ಜಿವಾತರ್ಫೆಚ್ಯಾ ವಿಚಾರಾಂಕ್ ಆನಿ ಸಮಾಜಿಕ್ ಜಾಗೃತೆಚ್ಯಾ ವಿಶಯಾಂಕ್ ಪಯ್ಲೊ ಸ್ಥಾನ್. ಕೊಂಕ್ಣೆ ಶಿವಾಯ್ ಕನ್ನಡ, ಇಂಗ್ಲಿಶ್ ಭಾಸಾಂನೀಯ್ ತೋ ಬರಯ್ತಾ. ಕೊಂಕ್ಣೆಚ್ಯಾ ಚಡಾವತ್ ಪತ್ರಾಂನಿ ತಾಚಿಂ ಬರ್ಪಾಂ ತವಳ್ ತವಳ್ ಫಾಯ್ಸ್ ಜಾತೇ ಆಸಾ. ಆಪ್ಲೆ ಜಿವಾತರ್ಫೆ ವಿಚಾರ್ ವೆಕ್ತ್ ಕರುಂಕ್ ಆನಿ ಸಮಾಜೆಕ್ ಧೊಸ್ಚ್ಯಾ ಸಮಸ್ಯ್ಯಾಂವಿಶಿಂ ಜಾಗೃತಿ ಉಟಂವ್ಕ್ ಸಮಾಜಿಕ್ ಮಾಧ್ಯಮಾಂಚೊ ಪರಿಣಾಮ್ಕಾರಿ ಉಪೆಗ್ ಕರ್ಚ್ಯಾ ಥೊಡ್ಯಾಚ್ ತರ್ನ್ಯಾ ಚಿಂತ್ಪ್ಯಾಂಪಯ್ಕಿ ತೋ ಎಕ್ಲೊ. ಯುವಸಂಘಟನಾಂನಿ ಚಲಂವ್ಚ್ಯಾ ಶಿಬಿರಾಂಕ್ ಆಪ್ಲ್ಯಾ ಫುರ್ಸತೆ ಪರ್ಮಾಣೆ ಸಂಪನ್ಮೂಳ್ ವೆಕ್ತಿ ಜಾವ್ನ್ ವಚೊನ್ ಆಪ್ಲಿ ಜಾಣ್ವಾಯ್ ವಾಂಟುನ್ ಘೆಂವ್ಚೆ ಸಾಂಗಾತಾ ಯುವಸಕ್ತೆಚೊ ಧನಾತ್ಮಕ್ ವಾಪರ್ ಜಾಂವ್ಚೆವಿಶಿಂ ವಾವುರ್ನ್ ಆಸಾ.
