ಪ್ರಸ್ತುತ್ ಮ್ಯಾಂಚೆಸ್ಟರ್, ಯು.ಕೆ. ಹಾಂಗಾಸರ್ ವಾವುರ್ನ್ ಆಸ್ಚೊ ಇಂಜಿನಿಯರ್ ಲಾರೆನ್ಸ್ ವಿನೋದ್ ಬರ್ಬೋಜಾ ಉಡುಪಿ ದಿಯೆಸೆಜಿಚ್ಯಾ ಶಿರ್ವಾಂ ಫಿರ್ಗಜೆಚೊ. ಮೆಕ್ಯಾನಿಕಲ್ ಇಂಜಿನಿಯರಿಂಗಾಂತ್ ಪದ್ವಿ ಆನಿ ಮೆಟೀರಿಯಲ್ ಸಾಯನ್ಸಾಂತ್ ಪದ್ಯುತ್ತರ್ ಶಿಕಪ್ ಜೊಡ್ಲೆಲ್ಯಾ ತಾಣೆ ಥೊಡಿಂ ವರ್ಸಾಂ ಮುಂಬಂಯ್ತ್ ಆನಿ ಇಟೆಲಿಚ್ಯಾ ಮಿಲಾನಾಂತ್ ವಾವ್ರ್ ಕೆಲಾ. ಕೊಂಕ್ಣಿ ಭಾಸ್ ಆನಿ ಸಾಹಿತ್ಯಾಂತ್ ವಿಶೇಸ್ ಆಸಕ್ತ್ ಆಸ್ಚ್ಯಾ ತಾಣೆ ಮಂಗ್ಳುರ್ಚ್ಯಾ ಸಾಂ. ಲುವಿಸ್ ಕೊಲೆಜಿ ಥಾವ್ನ್ ಕೊಂಕ್ಣಿ ಪದವಿಕಾ ಆಪ್ಣಾಯ್ಲ್ಯಾ. ವೆಗ್ಯಾನಿಕ್ ಲೇಖನಾಂ ತಾಚ್ಯಾ ಆಸಕ್ತೆಚೊ ವಿಶಯ್ ಜಾಲ್ಲ್ಯಾನ್ ಕೊಂಕ್ಣೆಂತ್ ಜಾಯ್ತಿಂ ವೆಗ್ಯಾನಿಕ್ ಲೇಖನಾಂ ತಾಣೆ ಬರಯ್ಲ್ಯಾಂತ್. ಕೊಂಕ್ಣಿ ಪತ್ರಾಂನಿ, ಜಾಳಿಜಾಗ್ಯಾಂನಿ ತಾಚಿಂ ಲೇಖನಾಂ ಆನಿ ಕವಿತಾ ಫಾಯ್ಸ್ ಜಾವ್ನ್‌‌ಚ್ ಆಸಾತ್. ಬರಂವ್ಚೆ ಸಾಂಗಾತಾ ಯು.ಕೆ.ಚ್ಯಾ ಕೊಂಕ್ಣಿ ಸಂಘಟನಾಂನಿ ಆಪ್ಲ್ಯಾ ಕುಟ್ಮಾಸವೆಂ ತೋ ಕಾರ್ಯಾಳ್ ವಾಂಟೊ ಘೆವ್ನ್ ಆಸಾ.
