ಕುಟ್ಮಾ ಜವಾಬ್ದಾರೆ ಖಾತಿರ್ ಸಬಾರ್ ವರ್ಸಾಂ ಗಲ್ಫಾಂತ್ ವಾವುರ್ನ್ ಆತಾಂ ಮೈಸೂರಾಂತ್ ಪತಿ ಟೋನಿ ಮಸ್ಕರೇನ್ಹಸ್ ಸಾಂಗಾತಾ ನಿವೃತ್ತ್ ಜೀವನ್ ಸಾರುನ್ ಆಸ್ಚಿ ಶ್ರೀಮತಿ ಗ್ಲೇಡಿಸ್ ರೊಡ್ರಿಗಸ್ ಮುಳಾನ್ ಮಂಗ್ಳುರ್ಚ್ಯಾ ಕುಲ್ಶೇಕರ್ ಫಿರ್ಗಜೆಚಿ. 1966 ವ್ಯಾ ತಿಚೆಂ ಕುಟಮ್, ಆವಯ್ - ಬಾಪುಯ್, ಭಾವ್ - ಭಯ್ಣಿಂ ಸಗ್ಳಿಂ, ಬರೊ ಫುಡಾರ್ ಸೊಧುನ್ ಮುಂಬಯ್ ಪಾವ್ಲೆಂ. 1967 ತೆ 1977 ಹ್ಯಾ ಆವ್ಧೆಂತ್ ಮುಂಬಯ್ ಆಸ್ತಾನಾ ತಿ ಗ್ಲೇಡಿಸ್, ಕುಲ್ಶೇಕರ್, ನಿಕೇತನಾ, ಕುಲ್ಶೇಕರ್ ಆನಿ ಮಿಸ್. ರೊಡ್ರಿಗಸ್, ಕಲೀನಾ ಹ್ಯಾ ಲಿಕ್ಣೆನಾಂವಾನಿ ಮಟ್ವ್ಯೊ ಕಾಣಿಯೊ, ಲೇಕನಾಂ ಪಯ್ಣಾರಿ, ಮಿತ್ರ್, ಝೆಲೊ, ಕಾಣಿಕ್, ಸೆವಕ್ ಪತ್ರಾಂನಿ ಸರಾಗ್ ಬರಯ್ತಾಲಿ. ಝೆಲೊ ಪತ್ರಾರ್ ತಿಣೆ ಬರಯಿಲ್ಲಿ ಏಕ್ ಸಾಂಕಳ್ ಕಾಣಿ ಫಾಯ್ಸ್ ಜಾಲ್ಯಾ. ಆಕಾಶ್ ವಾಣಿಚೆರ್ ತಿಚಿಂ ಲೇಖನಾಂ, ನಾಟಕ್ ಆನಿ ಮಟ್ವ್ಯೊ ಕಾಣಿಯೊ ಪ್ರಸಾರ್ ಜಾಲ್ಯಾತ್.
