ಜಿಯೋ ಅಗ್ರಾರ್

ಜಿಯೋ ಅಗ್ರಾರ್ ಪಾಟ್ಲ್ಯಾ 30 ವರ್ಸಾಂ ಥಾವ್ನ್ ಕೊಂಕ್ಣಿ, ಕನ್ನಡ, ಇಂಗ್ಲಿಶಾಂತ್ ಬರಯ್ತಾ. ಹವ್ಯಾಸಾನ್ ತೋ ಎಕ್ ನಾಟಕಿಸ್ತ್. 2002 ಇಸ್ವೆಂತ್ ಮಿಕ್ ಮ್ಯಾಕ್ಸ್ ಲಿಖ್ಣೆಚೊ 'ಪಾಟಿಂ ಪಳೆನಾಕಾ' ನಾಟಕ್ ದಿಗ್ದರ್ಶನ್ ಕರುನ್, ಪ್ರದಾನ್ ಪಾತ್ರ್ ಖೆಳೊನ್ ರಾಷ್ಟೀಯ್ ಮಟ್ಟಾರ್ ಅತ್ಯುತ್ತಮ್ ನಟ್ ಅನಿ ನಿರ್ದೇಶಕ್, ಉತ್ತಮ್ ವೆದಿ ನಿರ್ವಾಹಕ್ ಪ್ರಶಸ್ತಿ ತಾಣೆ ಆಪ್ಣಾಯ್ಲ್ಯಾ. ಸಬಾರ್ ಧಾರ್ಮಿಕ್ ನಾಟಕಾನಿಂ ತಾಣೆ ವಾಂಟೊ ಘೆತ್ಲಾ. ವೈಟ್ ಡೌಜ್ ಸಂಸ್ಥೊ ಸಾದರ್ ಕರ್ನ್ ಅಸ್ಚ್ಯಾ ಕ್ರಿಸ್ಮಸ್ ಅನಿ ಪಾಸ್ಕಾ ಕಾಳಾಚ್ಯಾ ರೋಡ್ ಶೋಂಕ್ ಪಂದ್ರಾ ವರ್ಸಾಂ ಸ್ಕ್ರಿಪ್ಟ್ ಬರವ್ನ್ ದಿಗ್ದರ್ಶನ್ ದಿಲಾಂ. ವಿಕ್ಟರ್ ರೊಡ್ರಿಗಸ್, ಆಂಜೆಲೊರ್ ಹಾಚಿ 'ಪಾಪ್ ಆನಿ ಶಿರಾಪ್' ಕಾದಂಬರಿಚೆರ್ ಆದಾರಿತ್ 'ಕಾಣಿ ಅಶಿ ಮೊಗಾ' ಚಿ ಟಿವಿ ಸಿರಿಯಲಾಂತ್ ಪ್ರಮುಖ್ ನಟ್ ಜಾವ್ನ್, ಕಾಸ್ಟಿಂಗ್ ನಿರ್ದೇಶಕ್ ಜಾವ್ನ್ ವಾವ್ರ್ ಕೆಲಾ. 50 ವಯ್ರ್ ನಾಟಕಾಂಕ್ ದಿಗ್ದರ್ಶನ್ ದೀವ್ನ್, ಶೆಂಬೊರಾ ವಯ್ರ್ ಸಾಹಿತಿಕ್ ವೆದಿ ಕಾರ್ಯಿಂ ಕಾರ್ಯಿಂ ತಾಣೆ ನಿರ್ವಹಣ್ ಕೆಲ್ಯಾಂತ್. ವಿ. ಟಿ. ಯು. ಟೆಕ್ನಿಕಲ್ ಯುನಿವರ್ಸಿಟಿಂತ್ ಪ್ಲೇಸ್ಮೆಂಟ್ ಡೈರೆಕ್ಟರ್ ಜಾವ್ನ್ ಆತಾಂ ನಿವೃತ್ತ್ ಜಾಲಾ. ಪಯ್ಲಿಂ ಮೆಟಾಂ (ಕವಿತಾ ಜಮೊ- 2003) ಕಾಲ್ ಅನಿ ಫಾಲ್ಯಾಂ ಮದ್ಲೆಂ ಅಜ್ ( ಲೇಖನಾಂ-2006) ಲಾಪ್ಯಾಂವ್ (ಲೇಖನಾಂ-2009) - ಪರ್ಗಟ್ ಜಾಲ್ಲೆ ಕೊಂಕ್ಣಿ ಬೂಕ್. ಬಾಲ ನ್ಯಾಯ ಕಾಯಿದೆ ಎನು? ಎಕೆ? (ಭುರ್ಗ್ಯಾಂ ಹಕ್ಕಾಂ- 2006) ನಗು ಮಗು (ಕನ್ನಡ- ಭುರ್ಗ್ಯಾಂ ಹಕ್ಕಾಂ- 2008) - ಪರ್ಗಟ್ ಜಾಲ್ಲೆ ಕನ್ನಡ ಬೂಕ್. ದ ಮ್ಯಾನ್ ವಿದ್ ಅ ಮಿಷನ್ ( ಜಿಣ್ಯೆ ಕಥಾ- 2021) ದಿ ವಾಯ್ಸ್ ಒಫ಼್ ವಾಯ್ಸ್ ಲೆಸ್ ಚಿಲ್ಡ್ರನ್ ( ಕಾನೂನತ್ಮಕ್ ಲೇಖನಾಂ- 2008) - ಪರ್ಗಟ್ ಜಾಲ್ಲೆ ಇಂಗ್ಲಿಶ್ ಬೂಕ್. 500 ವಯ್ರ್ ಕವಿತಾ, 200 ವಯ್ರ್ ಲೇಖನಾಂ ಆನಿ ಸಂಪನ್ಮೂಲ್ ವ್ಯಕ್ತಿ ಜಾವ್ನ್ ಲಗ್ಬಗ್ 300 ವಯ್ರ್ ಶಿಬಿರಾಂಕ್ ತಾಣೆ ಮಾರ್ಗ್‌ದರ್ಶನ್ ದಿಲಾಂ. ಪ್ರಸ್ತುತ್ ಕರ್ನಾಟಕಚೆಂ 6 ನಾಂವಾಡ್ದಿಕ್ ಸಮಾಜ್ ಸೇವಾ ಸಂಸ್ಥೆ ತಾಚೆಥಾವ್ನ್ ಮಾರ್ಗ್‌ದರ್ಶನ್ ಜೊಡುನ್ ಆಸಾತ್.