ಪುಣೆಚ್ಯಾ ಜ್ಞಾನ - ದೀಪ ವಿದ್ಯಾಪೀಠಾಂತ್ ಫಿಲೊಸೊಫಿಂತ್ ಉಂಚ್ಲೆಂ ಶಿಕಪ್ ಜೊಡುನ್ ಆಸ್ಚೊ ಬಾ| ಐವನ್ ಸೊಜ್ ಗಾಂವಾನ್ ಕಾರ್ಕೊಳ್ ಮಿಯಾರ್ ಫಿರ್ಗಜೆಚೊ, ಮಂಗ್ಳುರ್ ದಿಯೆಸೆಜಿಚೊ ದೆಣ್ಯಾವೊಂತ್ ತಶೆಂ ಪ್ರತಿಭಾನ್ವಿತ್ ಯಾಜಕ್. 2010 ವ್ಯಾ ವರ್ಸಾ ಯಾಜಕೀ ದೀಕ್ಷಾ ಜೊಡ್ಲ್ಯಾ ಉಪ್ರಾಂತ್ ದೋನ್ ವರ್ಸಾಂ ಮೊಡಂಕಾಪ್ ಬಾಳೊಕ್ ಜೆಜು ಫಿರ್ಗಜೆಂತ್ ಸಹಾಯಕ್ ವಿಗಾರ್ ಜಾವ್ನ್ ತಾಣೆ ಸೆವಾ ದಿಲ್ಯಾ. ಭಾರತೀಯ್ ತತ್ವಶಾಸ್ತಿರ್ ತಾಕಾ ವಿಶೇಸ್ ಆಸಕ್ತೆಚೆಂ ಶೆತ್. ಕಾರ್ಕೊಳ್ಚ್ಯಾ ಗುಮ್ಟ್ಯಾಕ್ ಮಹಾಮಸ್ತಕಾಭಿಶೇಕ ಜಾತಾನಾ ಕಿಟಾಳ್ ವಾಚ್ಪ್ಯಾಂ ಖಾತಿರ್ ಗುಮ್ಟ್ಯಾ ವಿಶ್ಯಾಂತ್ ಸವಿಸ್ತಾರ್ ಅಧ್ಯಯನ್ ಲೇಕನ್ ಬರಯಿಲ್ಲೆಂ ಆಸಾ. ತಶೆಂಚ್ ಭಾರತಾಕ್ ಭೆಟ್ ದಿಲ್ಲೊ ಪಾಪಾ ಜುವಾಂವ್ ಪಾವ್ಲ್ ದುಸ್ರೊ ಹಾಂಕಾ ಸಾಂತ್ ಮ್ಹಣ್ ಪಾಚಾರ್ತಾನಾಂಯ್ ಕಿಟಾಳ್ ವಾಚ್ಪ್ಯಾಂ ಖಾತಿರ್ ವಿಶೇಸ್ ಲೇಕನ್ ತಾಣಿ ಬರಯಿಲ್ಲೆಂ ಆಸಾ. ಆರ್ಸೊ 2014 ವಿಶೇಸ್ ಅಂಕ್ಯಾರ್ ತಾಂಚಿ ಕವಿತಾ ಪರ್ಗಟ್ ಜಾಲ್ಯಾ. ತವಳ್ ತವಳ್ ಕಿಟಾಳ್ ಆನಿ ಆರ್ಸೊ ವಾಚ್ಪ್ಯಾಂಕ್ ವಿಶೇಸ್ ಲೇಕನಾಂ, ಕವಿತಾ ತೆ ಬರವ್ನ್ ಚ್ ಆಸಾತ್. ಹೆರ್ ಕೊಂಕ್ಣಿ ಪತ್ರಾಂನಿ ಆನಿ ಜಾಳಿಂನಿ ತಾಂಚಿ ಲೇಕನಾಂ ಆನಿ ಕವಿತಾ, ಐವನ್, ಮಿಯಾರ್ ಹ್ಯಾ ಲಿಕ್ಣೆನಾಂವಾರ್, ತವಳ್ ತವಳ್ ಫಾಯ್ಸ್ ಜಾತೇ ಆಸಾತ್.
