ಆಲ್ವಿ ಪೆರ್ನಾಲ್ ಹ್ಯಾಚ್ ನಾಂವಾನ್ ಕೊಂಕ್ಣಿ ಸಂಸಾರಾಂತ್ ಫಾಮಾದ್ ಆಲ್ವಿನ್ ದೊಮಿನಿಕ್ ದಾಂತಿ ಗಾಂವಾನ್ ಪೆರ್ನಾಲ್ಚೊ. ತಾಚ್ಯಾ ಕುಟ್ಮಾಂತ್ ಸಗ್ಳಿಂಯ್ ಶಿಕ್ಷಕಾಂಚ್. ಆಜೊ, ಬಾಪಯ್, ಸಗ್ಳೆ ಭಾವ್, ವೊನಿಯೊ ಆನಿ ಭಯ್ಣ್ - ಸಗ್ಳಿಂ. ಆಲ್ವಿ ಎಮ್. ಎ., ಬಿ. ಎಡ್. ಕರುನ್ ಶಿರ್ವಾಂ ಡೊನ್ ಬೊಸ್ಕೊ ಹೈಸ್ಕೂಲಾಂತ್ ಶಿಕ್ಷಕ್ ಜಾವ್ನ್ ವಾವುರ್ತೇ ಆಸಾ, 2011 ವ್ಯಾ ವರ್ಸಾ ತಾಕಾ ’ಸಾಧಕ ಶಿಕ್ಷಕ ಪ್ರಶಸ್ತಿ’ ಫಾವೊ ಜಾಲ್ಯಾ. ಆಲ್ವಿಚಿಂ ಬರ್ಪಾಂ ಫಾಯ್ಸ್ ಜಾಯ್ನಾತ್ಲಿಂ ಕೊಂಕ್ಣಿ ಪತ್ರಾಂ ಬೋವ್‌ಶಾ ನಾಂತ್. ಆಕಾಶವಾಣಿರ್ ಭಾಷಣಾಂ, ಕವಿತಾ, ಕಾಣಿಯೊ ಪ್ರಸಾರ್ ಜಾಲ್ಯಾತ್. 2013 ವ್ಯಾ ವರ್ಸಾ ಮಯ್ಸೂರ್ ದಸರಾ ಕವಿಗೋಶ್ಟಿಂತ್ ತಾಣೆ ವಾಂಟೊ ಘೆತ್ಲಾ. ಟೆಲಿವಿಶನ್ ( ನಮ್ಮ ಟಿವಿ, ಸ್ಪಂದನ್ ಆನಿ ಆತಾಂ ದಾಯ್ಜಿವಲ್ಡ್ 24 X 7 ) ಮಾದ್ಯಮಾಂತೀ ಆಲ್ವಿಚೆ ಶೋ ಬೋವ್ ಲೊಕಾಮೊಗಾಳ್ ಜಾಲ್ಯಾತ್. 2014 ವ್ಯಾ ವರ್ಸಾ ’ವೊದ್ದು ವೊರಾಂಟ್’ ಲೇಕನಾಂಚೊ ಬೂಕ್ ಫಾಯ್ಸ್ ಜಾಲಾ. ವಿದ್ಯಾರ್ಥಿಂಕ್ ಆನಿ ಯುವಜಣಾಂಕ್ ವಿವಿಧ್ ವಿಶಯಾಂಚೆರ್ ಸಂಪನ್ಮೂಳ್ ವೆಕ್ತಿ ಜಾವ್ನ್ 500 ವಯ್ರ್ ಶಿಬಿರಾಂ, ವಿಚಾರ್ ಸಾತಿಂ ಚಲವ್ನ್ ದಿಲ್ಯಾಂತ್. ಪ್ರಭಾವಿತ್ ಭಾಷಣ್‌ಕಾರ್, ಉಂಚ್ಲ್ಯಾ ಶ್ರೇಣಿಚೊ ಕಾರ್ಯಾನಿರ್ವಾಹಕ್, ಕಲಾಕಾರ್, ತರ್ಭೆತ್‌ದಾರ್ ಆನಿ ನಿರ್ದೇಶಕ್. ಬಿಂದಾಸ್ ಪೆರ್ನಾಲ್ ನಾಟ್ಕುಳ್ಯಾ ಪಂಗ್ಡಾಚೊ ಸ್ಥಾಪಕ್. 2014 ವ್ಯಾ ವರ್ಸಾ ಪಾಸುನ್ ಕೇಂದ್ರ್ ಸರ್ಕಾರಾಚ್ಯಾ ಯುವಜಣ್ ಆನಿ ಖೆಳ್ ಹ್ಯಾ ಮಂತ್ರಾಲಯಾಖಾಲ್ ಕಾಮ್ ಕರ್ಚ್ಯಾ ನೆಹರೂ ಯುವಕ್ ಕೆಂದ್ರ್, ಉಡುಪಿ ಜಿಲ್ಲ್ಯಾಚೊ ಅಧಿಕೃತ್ ಸಂಪನ್ಮೂಳ್ ವೆಕ್ತಿ.
