ವಿಲ್ಸನ್, ಕಟೀಲ್ ಹಾಚ್ಯಾ ‘ನಿಷೇಧಕ್ಕೊಳಪಟ್ಟ ಒಂದು ನೋಟು’ ಪುಸ್ತಕಾಕ್ ದಾಂತಿ ಸಾಹಿತ್ಯ್ ಪುರಸ್ಕಾರ್

ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ (ನೊ) ಆನಿ ದೆ| ಫ್ರಾನ್ಸಿಸ್ ದಾಂತಿ ಸ್ಮಾರಕ್ ಸಮಿತಿ ಹಾಣಿ ಕನ್ನಡ ಸಾಹಿತ್ಯ್ ಕೃತಿಯಾಂಕ್ ದಿಂವ್ಚ್ಯಾರಾಜ್ಯ್ ಮಟ್ಟಾಚ್ಯಾ 2019 ವ್ಯಾ ವರ್ಸಾಚ್ಯಾ ದೆ| ಫ್ರಾನ್ಸಿಸ್ ದಾಂತಿ  ಸ್ಮಾರಕ್ ಸಾಹಿತ್ಯ್ ಪುರಸ್ಕಾರಾಕ್ ಕೊಂಕ್ಣಿ – ಕನ್ನಡ ಕವಿ, ಗೀತ್‌ಕಾರ್ ಆನಿ ಸಂಪಾದಕ್ ವಿಲ್ಸನ್, ಕಟೀಲ್ ಹಾಚ್ಯಾ ನಿಷೇಧಕ್ಕೊಳಪಟ್ಟ ಒಂದು ನೋಟು ಕವಿತಾ ಸಂಗ್ರಹಾಕ್ ಲಾಭ್ಲಾ.

ಪುರಸ್ಕಾರ್ ಪ್ರದಾನ್ ಕಾರ್ಯೆಂ ಜೂನ್ 9 ತಾರಿಕೆರ್ ಸಕಾಂಳಿಚ್ಯಾ 10.00 ವೊರಾರ್ ಸಂತೆಕಟ್ಟೆ ಮೌಂಟ್ ರೊಜರಿ ಸಭಾಭವನಾಂತ್ ಚಲ್ಚ್ಯಾ ಕಥೊಲಿಕ್ ಸಭೆಚ್ಯಾ ವಾರ್ಷಿಕ್ ಮ್ಹಾಸಭೆಂತ್ ಪ್ರಧಾನ್  ಕರ್ತಲೆ  ಆನಿ ಹ್ಯಾ ಕಾರ್ಯಾಕ್ ಮಾನೆಸ್ತ್ ವಲೆರಿಯನ್ ಮಿನೇಜಸ್, ಕೋಟಾ ಮುಕೆಲ್ ಸಯ್ರೊ ಜಾವ್ನಾಸ್ತಲೆ ಮ್ಹಣ್ ಕಥೊಲಿಕ್ ಸಭಾ ಉಡುಪಿ ಪ್ರದೇಶ್(ನೊ) ಹಾಣಿ  ಪತ್ರಾಪರ್ಗಟ್ಣೆಂತ್ ಕಳಯ್ಲಾಂ.

ಪುರಸ್ಕಾರ್ ರುಪಯ್ 25,000/- ಆಯ್ವಜ್ ಆನಿ ಮಾನ್ ಪತ್ರ್ ಆಟಾಪ್ತಾ.

1980 ಇಸ್ವೆಚ್ಯಾ ಆಗೋಸ್ತ್ 31 ತಾರಿಕೆರ್ ಗ್ರೆಗರಿ ಸಿಕ್ವೇರಾ ಆನಿ ಬೆನೆಡಿಕ್ಟ ಸಿಕ್ವೇರಾ ಹಾಂಚೊ ಮಾಲ್ಘಡೊ ಪೂತ್ ಜಾವ್ನ್ ಜಲ್ಮಲ್ಲೊ ವಿಲ್ಸನ್ ರೋಶನ್ ಸಿಕ್ವೇರಾ ಗಾಂವಾನ್ ಕಟೀಲ್ಚೊ. ವಿಲ್ಸನ್ ಕಟೀಲ್ ಲಿಕ್ಣೆನಾಂವಾರ್ ಕವಿತಾ, ಕಾಣಿಯೊ, ಪದಾಂ, ಪ್ರಬಂಧ್, ಲೇಖನಾಂ-ಅಸಲ್ಯಾ ಸಾಹಿತಿಕ್ ಶೆತಾಂನಿ ತಾಣೆಂ ವಾವ್ರ್ ಕೆಲಾ.

‘ಪಾವ್ಳೆ’, ‘ದೀಕ್ ಆನಿ ಪೀಕ್’, ‘ತಸ್ವೀಂತ್’, ‘ಪಾಕ್ಳ್ಯೊ’ ಆನಿ ‘ಎನ್ ಕೌಂಟರ್’ ಎದೊಳ್  ಫಾಯ್ಸ್ ಜಾಲ್ಲೆ ಬೂಕ್. ಆಕಾಶವಾಣಿ, ದೂರದರ್ಶನ್, ದಸರಾ ಕವಿಗೋಶ್ಟಿ, ರವೀಂದ್ರ್ ನಾಥ್ ಟ್ಯಾಗೋರ್ ಜಲ್ಮಾಶತಾಬ್ದಿ ಬಹುಭಾಶಾ ಕವಿಗೋಶ್ಟಿ, ‘ಧಾರವಾಡ್ ಮೇ ಸಾಹಿತ್ಯ ಮೇಳ ಕವಿಗೋಶ್ಟಿ’ ಆನಿ ಸಬಾರ್ ಹೆರ್ ಕವಿಗೋಶ್ಟಿಂನಿ ತಾಣೆಂ ವಾಂಟೊ ಘೆತ್ಲಾ. ಕೊಚ್ಚಿಂತ್ ಚಲ್‌ಲ್ಲ್ಯಾ ಪಿ.ಜಿ. ಕಾಮತ್ ಫೌಂಡೇಶನಾಚ್ಯಾ ಬಹುಭಾಶಾ ಕವಿಗೋಶ್ಟಿಚೊ ಅಧ್ಯಕ್ಶ್ ಆನಿ ಕವಿತಾ ಟ್ರಸ್ಟಾನ್ ಆಸಾ ಕರ್ಚ್ಯಾ ಕವಿತಾ ಫೆಸ್ತಾಚ್ಯಾ ಕವಿಗೋಶ್ಟಿಚೊ ಅಧ್ಯಕ್ಶ್ ಜಾವ್ನ್ ಕವಿಗೋಶ್ಟಿ ಚಲೊನ್ ವೆಲ್ಯಾತ್.

‘ರಾಕ್ಣೊ’, ’ಕಿಟಾಳ್ ’, ’ಉಜ್ವಾಡ್’, ’ಸೆವಕ್’, ’ನಮಾನ್ ಬಾಳೊಕ್ ಜೆಜು’ ‘ದಾಯ್ಜ್’ ಪತ್ರಾಂನಿ- ಅಂತರ್ಜಾಳ್ ಪತ್ರಾಂನಿ ಆಸಾಕೆಲ್ಲ್ಯಾ ಸಾಹಿತ್ಯ್ ಸ್ಪರ್ಧ್ಯಾಂನಿ ಸಬಾರ್ ಕವಿತಾ ಆನಿ ಕಾಣಿಯಾಂಕ್ ತಾಣೆಂ ಇನಾಮಾಂ ಆಪ್ಣಾಯ್ಲ್ಯಾಂತ್. ತಾಚ್ಯೊ ಕವಿತಾ ಚಡ್ತಾವ್ ಸರ್ವ್ ಕೊಂಕ್ಣಿ ಪತ್ರಾಂನಿ ಜಾಳಿಜಾಗ್ಯಾಂನಿ ಫಾಯ್ಸ್ ಜಾಲ್ಯಾತ್.

ಕೊಂಕ್ಣೆಚ್ಯಾ ಜಾಯ್ತ್ಯಾ ಕೊವ್ಳೆಂನಿ, ಸಿನೆಮಾಂಕ್ ತಾಣೆಂ ಗಿತಾಂ ಲಿಖ್ಲ್ಯಾಂತ್. ಆಪ್ಲ್ಯಾ ಗಿತಾಂಖಾತಿರ್ ತೀನ್ ಪಾವ್ಟಿಂ ಮಾಂಡ್ ಸೊಭಾಣ್ ಸಂಸ್ಥ್ಯಾನ್ ದಿಂವ್ಚೊ ಜಾಗತಿಕ್ ಸಂಗೀತ್ ಪುರಸ್ಕಾರ್ ತಾಕಾ ಫಾವೊ ಜಾಲಾ.

ಕನ್ನಡ ಭಾಶೆಂತ್‌ಯೀ ತಾಚ್ಯೊ ಕವಿತಾ ಪರ್ಗಟ್ ಜಾಲ್ಯಾತ್. ‘ಗೌರಿ ಲಂಕೇಶ್’, ‘ಹೊಸತು’, ‘ಸಂಗಾತ’ ಆನಿ ಹೆರ್  ಕನ್ನಡ ಪತ್ರಾಂನಿಯ್ ತಾಚ್ಯೊ ಕವಿತಾ ಫಾಯ್ಸ್ ಜಾಲ್ಯಾತ್.

ಅಂಬೇಡ್ಕರಾಚ್ಯಾ 125ವ್ಯಾ ಜಲ್ಮಾವರ್ಸಾ ಮೊಕ್ಳಿಕ್ ಜಾಲ್ಲ್ಯಾ ವಿಂಚ್ಣಾರ್ 125 ಕವಿಂನಿ ಲಿಖ್ ಲ್ಲ್ಯಾ 125 ಕನ್ನಡ ಕವಿತಾಪುಂಜೊ ’ಅರಿವೇ ಅಂಬೇಡ್ಕರ್’ ಹಾಂತುಂ ವಿಲ್ಸನಾಚಿ ಕವಿತಾಯ್ ಆಟಾಪ್ಲ್ಯಾ. ಕಯ್ದ್ಯಾಂಚ್ಯಾ ಬರೆಪಣಾಖಾತಿರ್ ವಾವ್ರ್ ಕರ್ಚ್ಯಾ PRISON MINISTRY OF INDIA ಸಂಸ್ಥ್ಯಾಚ್ಯಾ ಸೊವನೀರ್ ಬುಕಾಂತ್ ಯೀ ತಾಚಿ ಕನ್ನಡ ಕವಿತಾ ಫಾಯ್ಸ್ ಜಾಯ್ಲ್ಯಾ.

ದಾಂತಿ ಸ್ಮಾರಕ್ ಪ್ರಶಸ್ತಿ ಪುರಸ್ಕೃತ್ ತಾಚೊ ಕವಿತಾ ಜಮೊ ‘ನಿಷೇಧಕ್ಕೊಳಪಟ್ಟ ಒಂದು ನೋಟು’ ಸಂಗಾತ ಪುಸ್ತಕ ಹಾಣಿ ಫಾಯ್ಸ್ ಕೆಲಾ. ಹ್ಯಾ ಬುಕಾಕ್ ನಾಮ್ಣೆಚೊ ಕನ್ನಡ ಕವಿ ಆರಿಫ್ ರಾಜಾ ಹಾಣೆಂ ಪಯ್ಲೆಂ ಉತರ್ ಬರಯ್ಲಾಂ ಅಸುನ್ ಎದೊಳ್‌ಚ್ ಹ್ಯಾ ಬುಕಾಚೆ ಜಾಯ್ತೆ ಪ್ರತಿಯೊ ವಿಕೊನ್ ಗೆಲ್ಯಾತ್ ಮಾತ್ ನಯ್ ಸಮೀಕ್ಷಕ್ ಆನಿ ವಾಚ್ಪ್ಯಾಂ ಥಾವ್ನ್ ಪತ್ರಾಂನಿ, ಸಮಾಜಿಕ್ ಜಾಳಿಂನಿ ಬರಿ ಅಭಿಪ್ರಾಯ್ ವೆಕ್ತ್ ಜಾಲ್ಯಾ.

2016 ವ್ಯಾ ವರ್ಸಾಚೊ ‘ಕಿಟಾಳ್ ಯುವ ಪುರಸ್ಕಾರ್’ ವಿಲ್ಸನಾಕ್ ಪ್ರಾಪ್ತ್ ಜಾಲಾ. ತಾಚ್ಯಾ ‘ಎನ್ ಕೌಂಟರ್’ ಕವಿತಾಬುಕಾಕ್ 2017 ವ್ಯಾ ವರ್ಸಾಚಿ ವಿಶ್ವ ಕೊಂಕ್ಣಿ ಕೇಂದ್ರಾನ್ ದಿಂವ್ಚಿ ಶ್ರೀಮತಿ ವಿಮಲಾ ವಿ ಪೈ ಕವಿತಾ ಕೃತಿ ಪುರಸ್ಕಾರ್ ಪ್ರಾಪ್ತ್ ಜಾಲಾ. ಆಯ್ಲೆವಾರ್ ದುಬಾಂಯ್ತ್ ಚಲ್‌ಲ್ಲೆಂ ತಾಚಿಂ ಪದಾಂ ಆನಿ ಸಂವಾದಾಚೆಂ ಕಾರ್ಯೆಂ  ‘ಗೀತ್ ಗಜಾಲ್’ ಬೋವ್ ಲೊಕಾಮೊಗಾಳ್ ಜಾಂವ್ಕ್ ಪಾವ್ ಲ್ಲೆಂ.

ಪ್ರಸ್ತುತ್ ‘ಆರ್ಸೊ’ ಪತ್ರಾಚೊ ಸಂಪಾದಕ್ ಆನಿ ‘ಕಿಟಾಳ್’ ವೆಬ್‍ಸೈಟಿಚೊ ಸಹ ಸಂಪಾದಕ್ ಜಾವ್ನ್ ತೋ ವಾವುರ್ನ್ ಆಸಾ.

• ವಿಮರ್ಸೊ – ಠಿಕಾ ಆನಿ ಥೊಡ್ಯಾಂಚಿಂ ದುಕಾಂ!
• ಕೊಂಕ್ಣೆಚಿ ರೊಕೆಟ್ ಟೆಕ್ನಿಕ್
• ಪೊಯೆಟಿಕಾ ಕವಿಗೋಶ್ಟಿ – ಥೊಡೆ ವಿಚಾರ್
• ಮ್ಹಜಿಂ ಹಕ್ಕಾಂ ಲುಟುಂಕ್ ತುಂ ಕೋಣ್?
• ಬಾರಾ ಸರೊನ್ ತೆರಾ ಲಾಗ್ಲಿಂ
• ಕ್ರಿಸ್ತಾಂವ್ ಮುಕ್ಕೆಲಿ!
• ಚುಟುಕಾಂ ಆಸಾತ್ ಚತ್ರಾಯ್!
• ಜಾಕ್ಕೆವ್
• ಲೊಕ್‍ಡಾವ್ನ್
• ವಿಲ್ಸನ್ ಕಟೀಲಾಚ್ಯಾ ‘ನಿಷೇಧಕ್ಕೊಳಪಟ್ಟ ಒಂದು ನೋಟು’ ಕನ್ನಡ ಕವಿತಾಜಮ್ಯಾಕ್ ಕರ್ನಾಟಕ ಸಾಹಿತ್ಯ್ ಅಕಾಡೆಮಿ ಪ್ರಶಸ್ತಿ
• ಅಕ್ತೋಬರ್ 25 ವೆರ್ ದುಬಂಯ್ತ್ – ಬೆಂಡ್ಕಾರ್ ಪ್ರೀಮಿಯರ್
• ಕೋಮುವಾದ್ ಹಿಂದುತ್ವವಾದಿಂಚೊ ಆನಿ ಕ್ರಿಸ್ತಾಂವಾಂಚೊ!
• ಶಾಳ್ ತಾಂದುಳ್ ಮೊಲಾಂವ್ಕ್ ಶಿಕಯ್ತ್, ಪುಣ್ ತೆಂ ಮೊಗಾನ್ ಜೆಂವ್ಕ್ ಶಿಕಂವ್ಚೆಂ ಸಾಹಿತ್ಯಾನ್ – ವಿಲ್ಸನ್ ಕಟೀಲ್
• ಅರ್ಥಾಭರಿತ್ ಜಿಣ್ಯೆಕ್ ಅಂತರ್‌ದೀಶ್ಟ್ , ಕವಿತಾ – ಮಾ| ದೊ| ಐವನ್ ಮಿಯಾರ್
• ಬಜ್ಜೋಡಿಂತ್ ಸಪ್ತೆಂಬರಾಚಿ ಪೊಯೆಟಿಕ್ಸ್ ಕವಿಗೋಶ್ಟಿ
• ವಿಲ್ಸನ್ ಕಟೀಲಾಕ್ ದಾಂತಿ ಸಾಹಿತ್ಯ್ ಪುರಸ್ಕಾರ್ ಪ್ರದಾನ್
• ವಿಲ್ಸನ್, ಕಟೀಲ್ ಹಾಚ್ಯಾ ‘ನಿಷೇಧಕ್ಕೊಳಪಟ್ಟ ಒಂದು ನೋಟು’ ಪುಸ್ತಕಾಕ್ ದಾಂತಿ ಸಾಹಿತ್ಯ್ ಪುರಸ್ಕಾರ್
• ಲೊಕಾಚಿ ಪಾಡ್ತ್ ಖಂಯ್ಚಿ?
• ಜೆಜುಚೊ ಶಿಸ್ ಜಾಂವ್ಚೆಂ ಮ್ಹಳ್ಯಾರ್…
• ಬೆಸ್ಟ್ ಪ್ರೇಕ್ಶಕ್ ಎವಾರ್ಡ್!