2022 – 23 ಆರ್ಥಿಕ್ ವರ್ಸಾಂತ್ ಎಂ.ಸಿ.ಸಿ. ಬ್ಯಾಂಕಾನ್ ರೂ. 10.38 ಕೊರೊಡ್ ಲಾಭ್ ಜೊಡ್ಚೆಸವೆಂ, ಬ್ಯಾಂಕಾಚಾ ಚರಿತ್ರೆಂತ್ ಪಯ್ಲೆ ಪಾವ್ಟಿಂ ಐತಿಹಾಸಿಕ್ ಪ್ರಗತಿ ದಾಖಲ್ ಕೆಲ್ಯಾ ಆಸುನ್, ರಿಜರ್ವ್ ಬ್ಯಾಂಕಾಚಾ ನಿರ್ದೇಶನಾಖಾಲ್ ಹಿಶೆದಾರಾಂಕ್ 10% ಲಾಭಾವಾಂಟೊ ಜಾಹೀರ್ ಕೆಲಾ.
ಕೊಡಿಯಾಳ್ಬಯ್ಲ್ ಮಂಗ್ಳುರ್, ಸಾಂ. ಲುವಿಸ್ ಪದ್ವೆ ಪೂರ್ವ್ ಕೊಲೆಜಿಚ್ಯಾ ಲೊಯೊಲಾ ಸಭಾಸಾಲಾಂತ್, ಆಯ್ತಾರಾ 24 ಸಪ್ತೆಂಬರ್ 2023 ವೆರ್ ಸಕಾಳಿಂ 11 ವ್ಹರಾಂಚೆರ್ ಚಲ್ಲೆಲ್ಲ್ಯಾ ವಾರ್ಶಿಕ್ ಜೆರಾಲ್ ಜಮಾತೆರ್ ಬ್ಯಾಂಕಾಚೊ ಅಧ್ಯಕ್ಷ್ ಶ್ರೀ ಅನಿಲ್ ಲೋಬೊ ಹಾಣೆ ಲಾಭಾವಾಂಟೊ ಘೋಶಿತ್ ಕೆಲೊ. ಬ್ಯಾಂಕ್ ಶಿಬಂದೆನ್ ಮಾಗ್ಣ್ಯಾಗಿತಾ ದ್ವಾರಿಂ ಜಮಾತೆಕ್ ಚಾಲನ್ ದಿಲೆಂ.
ಬ್ಯಾಂಕಾಚೊ ಅಧ್ಯಕ್ಷ್ ಶ್ರೀ ಅನಿಲ್ ಲೋಬೊ, ಉಪಾಧ್ಯಕ್ಷ್ ಶ್ರೀ ಜೆರಾಲ್ಡ್ ಜೂಡ್ ಡಿಸಿಲ್ವಾ ಮತ್ತು ವೃತ್ತಿಪರ್ ನಿರ್ದೇಶಕ್ ಶ್ರೀ ಸಿ.ಜಿ.ಪಿಂಟೊ ಹಾಣಿಂ ದಿವೊ ಪೆಟಂವ್ಚೆಂ ಸವೆಂ ಜಮಾತ್ ಆರಂಭ್ ಕೆಲಿ. ಬ್ಯಾಂಕಾಚೊ ಅಧ್ಯಕ್ಷ್ ಶ್ರೀ ಅನಿಲ್ ಲೋಬೊ, ಉಪಾಧ್ಯಕ್ಷ್ ಶ್ರೀ ಜೆರಾಲ್ಡ್ ಜೂಡ್ ಡಿಸಿಲ್ವಾ, ಬ್ಯಾಂಕಾಚ್ಯಾ ಹಿಶೆದಾರಾಂ ಪೈಕಿ ಶ್ರೀ ಅಲನ್ ಸಿ. ಪಿರೇರಾ (ಮಾಜಿ ಅಧ್ಯಕ್ಷ್ ಬ್ಯಾಂಕ್ ಅಫ್ ಮಹಾರಾಷ್ಟ್ರ), ಶ್ರೀಮತಿ ಸೆಲೆಸ್ಟಿನ್ ಲೀನಾ ಮೊಂತೇರೊ (ಮಾಜಿ ಸಿನಿಯರ್ ಮ್ಯಾನೇಜರ್, ಕರ್ನಾಟಕ ಬ್ಯಾಂಕ್) ಆನಿ ಶ್ರೀಮತಿ ಮಾರ್ಜೊರಿ ಟೆಕ್ಷೇರಾ (ಮಾನಿ ಸಿನಿಯರ್ ಎಕ್ಸೆಕ್ಯೂಟಿವ್, ಹೆಚ್.ಡಿ.ಎಫ್.ಸಿ ಬ್ಯಾಂಕ್) ಹಾಣಿಂ ಬ್ಯಾಂಕಾಚ್ಯಾ ಸಂಸ್ಥಾಪಕಾಕ್ ಪುಲಾಂ ಅರ್ಪುಂಚ್ಯಾ ಸವೆಂ ಮಾನ್ ದಿಲೊ.
ಬ್ಯಾಂಕಾಚೊ ಅಧ್ಯಕ್ಷ್ ಶ್ರೀ ಅನಿಲ್ ಲೋಬೊನ್ ಉಲವ್ನ್ “ಆರ್ಥಿಕ್ ವರಸ್ 2022 – 23 ಹಾಂತು, ಬ್ಯಾಂಕಾನ್ 10.38 ಕೊರೊಡ್ ರುಪಯ್ ಲಾಭ್ ಜೊಡ್ಲಾ. ಬ್ಯಾಂಕಾಂತ್ ಠೇವ್ 577.95 ಕೊರೊಡ್ ರುಪ್ಯಾಂಕ್ ವಾಡೊನ್ ಆದ್ಲ್ಯಾ ವರ್ಸಾಚ್ಯಾ ತುಲನಾಂತ್ 8.14% ವೃದ್ದಿ ಜಾಲ್ಯಾ ದಿಂವ್ಚಿಂ ರಿಣಾಂ 355.30 ಕೊರೊಡ್ ರುಪ್ಯಾಂಕ್ ಪಾವೊನ್, ಆದ್ಲ್ಯಾ ವರ್ಸಾಚ್ಯಾ ತುಲನಾಂತ್ 8.62% ವೃದ್ದಿ ಜಾಲ್ಯಾ. ಆದ್ಲ್ಯಾ ವರ್ಸಾ 1.62% ಆಸ್ಲ್ಲಿ ಎನ್.ಪಿ.ಎ. ಪ್ರಸ್ತುತ್ ವರ್ಸಾ 1.37% ಕ್ ದೆವ್ಲ್ಯಾ ಬ್ಯಾಂಕಾಚೊ ಬಂಡ್ವಾಳ್ 11.26% ವಾಡೊನ್ 684.31 ಕೊರೊಡ್ ರುಪಯ್ ಜಾಲಾ. ಹಿಶ್ಯಾ ಭಂಡ್ವಾಳ್, 31 ಮಾರ್ಚ್ 2023 ವೆರ್, 27.36 ಕೊರೊಡಾಕ್ ಪಾವ್ಲಾ. ಅಶೆಂ ಬ್ಯಾಂಕಾಚಿ ವಾಡಾವಳ್ ದಾದೊಸ್ಕಾಯೆಚಿ ಆನಿ ಸಮಾದಾನೆಚಿ ಜಾಂವ್ಕ್ ಪಾವ್ಲ್ಯಾ” ಮ್ಹಳ್ಳ್ಯಾ ಶ್ರೀ ಅನಿಲ್ ಲೋಬೊನ್, ಬ್ಯಾಂಕಾಚ್ಯಾ ಪ್ರಗತೆಂತ್ ಹಾತ್ ಮೆಳಯಿಲ್ಲ್ಯಾ ಸರ್ವ್ ಗ್ರಾಹಕಾಂಚೊಂ, ಸಾಂದ್ಯಾಂಚೊಂ, ಶಿಬಂದೆಚೊ ಹ್ಯಾ ವೆಳಿಂ ನಮೃಪಣಿಂ ಉಪ್ಕಾರ್ ಬಾವುಡ್ಲೊ.
2022 – 2023 ಅರ್ಥಿಕ್ ವರ್ಸಾ ಬ್ಯಾಂಕಾಚ್ಯಾ ಅಬಿವೃದ್ದಿಕ್ ನಿರಂತರ್ ಸಹಕಾರ್ ತಶೆಂಚ್ ಪಾಟಿಂಬೊ ದಿಲ್ಲ್ಯಾ ಬ್ಯಾಂಕಾಚ್ಯಾ ಹಿಶೆದಾರಾಂಚೊ ಅನಿ ಹಿತೈಷಿಚೊ ಅಧ್ಯಕ್ಷಾನ್ ಉಪ್ಕಾರ್ ಬಾವುಡ್ಲೊ. ಬ್ಯಾಂಕಾಚೆಂ ಸಾಧನ್ ಜಾವ್ನಾಸ್ಲ್ಲ್ಯಾ ಸಿಬಿಎಸ್ ಸಾಫ್ಟ್ವೇರ್ ಉಂಚ್ಲ್ಯಾ ಮಟ್ಟಾಕ್ ಪಾವಯಿಲ್ಲೆಂ, ಡಿಜಿಟಲೀಕರಣ್, ಪ್ರತ್ಯೇಕ್ ಡಿಆರ್ ಸೈಟ್ ಸ್ಥಾಪನ್, ಉತ್ತೀಮ್ ಗ್ರಾಹಕ್ ಸೆವಾ ದಿಂವ್ಚಾ ಉದ್ದೇಶಾನ್ ಶಾಖ್ಯಾಂಚೆ ನವೀಕರಣ್, ಗ್ರಾಹಕ್ ಸಂಪರ್ಕ ಸಭಾ, ಆಶೋಕನಗರ್ ಶಾಖ್ಯಾಚೆ ಸ್ಥಳಾಂತರ್, ಬ್ಯಾಂಕಾಚಿ ಸೆವಾ ಪಾಂಚ್ ಜಿಲ್ಲ್ಯಾಂಕ್ ವಿಸ್ತರಣ್, 8.75% ವಾಡಿ ದರಿರ್ ಶಿಕ್ಪಾ ರೀಣ್, ಗ್ರಾಹಕಾಂಚ್ಯಾ ಸಹಕಾರಾನ್ 90% ಸಿ.ಕೆ.ವೈ.ಸಿ. ಪೊಂತಾಕ್ ಪಾವಯಿಲ್ಲೆಂ, ಹಾಂಚೊ ವಿವರ್ ದಿಲೊ. ಬ್ಯಾಂಕಾಚ್ಯಾ ಆಡಳ್ತ್ಯಾ ಮಂಡಳೆಕ್ ಅವಿರೋಧ್ ಜಾವ್ನ್ ವಿಂಚುನ್ ಕಾಡ್ಲ್ಲೆಂ ಬ್ಯಾಂಕಾಚ್ಯಾ ಹಿಶೆದಾರಾನಿಂ ಆಡಳ್ತ್ಯಾ ಮಂಡಳೆ ವಯ್ರ್ ದವರ್ಲಿ ಪಾತ್ಯೆಣಿ ಮಾತ್ರ್ ನಂಯ್ ಅಸ್ತಾಂ ಚಡಿತ್ ಜವಾಬ್ದಾರೆನ್ ಕಾಮ್ ಕರುಂಕ್ ಪ್ರೇರಣ್ ಲಾಬ್ಲಾಂ ಮಣ್ ಮುಂದರುನ್ ತಾಣೆಂ ಮ್ಹಳೆಂ. ಶಿಸ್ತ್ ಆನಿ ಬ್ಯಾಂಕಾಚ್ಯಾ ಆರ್ಥಿಕ್ ಮಾನದಂಡ್ ಜಾವ್ನಾಸ್ಚ್ಯಾ ಓeಣತಿoಡಿಣh, ಅಖಂಖ, ಇತ್ಯಾದಿ ವಯ್ರ್ ಪ್ರಾಮುಖ್ಯತಾ ದಿಂವ್ಚ್ಯಾ ವಿಷ್ಯಾಂತ್ ದಾಂಬುನ್ ಸಾಂಗ್ಲೆ. ಬ್ಯಾಂಕಾಚೊ ಮುಕ್ಲೊ ಉದ್ದೇಶ್ ಆನಿ ಯೋಜನಾ ವಿಷ್ಯಾಂತ್ ಉಲೊವ್ನ್ ಸುರತ್ಕಲ್, ಮೂಡಬಿದ್ರಿ ಮತ್ತು ಉಡುಪಿ ಶಾಖೆ ಸ್ಥಳಾಂತರ್, ಇ-ಲಾಭಿ ಸ್ಥಾಪನ್, ವಹಿವಾಟ್ ಆನಿ ಲಾಭಾಂಶ್ ಚಡಂವ್ಯಾ ವಿಷ್ಯಾಂತ್ ತಿಳ್ಸಿಲೆಂ.
ಉಪಾಧ್ಯಕ್ಷ್ ಶ್ರೀ ಜೆರಾಲ್ದ್ ಜೂಡ್ ಡಿ’ಸಿಲ್ವ ಹಾಣಿ 104 ವ್ಯಾ ವಾರ್ಷಿಕ್ ಜೆರಾಲ್ ಜಮಾತೆಚಿ ವರ್ದಿ ವಾಚ್ಲಿ. ಕಾರ್ಯಸೂಚಿ ಪ್ರಕಾರ್ 2022 – 23 ವರ್ಸಾಚೆಂ ಲೇಕ್ ಪಾಕ್, 2023 – 24 ವ್ಯಾ ವರ್ಸಾಚೆಂ ಬಜೆಟ್ ಮಂಡನ್ ಕರುನ್ ಸಭೆಚಿ ಮಾನ್ಯತಾ ಜೊಡುನ್ ಘೆತ್ಲಿ. ಸಾಂದ್ಯಾಥಾವ್ನ್ ಆಯಿಲ್ಲಿಂ ಸಲಹಾಂ – ಸೂಚನಾಂ ಮಾನುನ್ ಘೆವ್ನ್, ಶಾಸನಾತ್ಮಕ್ ಪರಿಧೆ ಭಿತರ್ ಅನುಷ್ಠಾನಾಕ್ ಘಾಲ್ಚಿ ಭಾಸ್ ಅಧ್ಯಕ್ಷ್ ಶ್ರೀ ಅನಿಲ್ ಲೋಬೊನ್ ಜಮಾತೆಕ್ ದಿಲಿ.
ಜಮಾತೆರ್ ಬ್ಯಾಂಕಾಚೆ ನಿರ್ದೇಶಕ್ ಶ್ರೀ ಅಂಡ್ರ್ಯೂ ಡಿಸೋಜ, ಜೋಸೆಫ್ ಎಮ್. ಅನಿಲ್ ಪತ್ರಾವೊ, ಡಾ| ಜೆರಾಲ್ಡ್ ಪಿಂಟೊ, ಡೇವಿಡ್ ಡಿಸೋಜ, ಎಲ್ರೊಯ್ ಕಿರಣ್ ಕ್ರಾಸ್ಟೊ, ರೋಶನ್ ಡಿ’ಸೋಜ, ಹೆರಾಲ್ಡ್ ಮೊಂತೇರೊ, ಜೆ. ಪಿ. ರೊಡ್ರಿಗಸ್, ವಿನ್ಸೆಂಟ್ ಲಸ್ರಾದೊ, ಮೆಲ್ವಿನ್ ವಾಸ್, ಶ್ರೀಮತಿ ಐರಿನ್ ರೆಬೆಲ್ಲೊ, ಡಾ| ಫ್ರೀಡಾ ಡಿಸೋಜ, ವೃತ್ತಿಪರ ನಿರ್ದೇಶಕ್ ಸಿ.ಜಿ. ಪಿಂಟೊ, ಸುಸಾಂತ್ ಸಲ್ಡಾನ್ಹಾ ಸಾಂಗಾತಾ ಮಹಾ ಪ್ರಬಂದಕ್ ಶ್ರೀ ಸುನಿಲ್ ಮಿನೇಜಸ್, ಉಪ ಮಹಾಪ್ರಬಂದಕ್ ಶ್ರೀ ರಾಜ್ ಎಫ್. ಮಿನೇಜಸ್ ಹಾಜರ್ ಆಸ್ಲೆ.
ಮಹಾಪಬಂದಕ್ ಶ್ರೀ ಸುನಿಲ್ ಮಿನೇಜಸ್ ಹಾಣಿ ಸ್ವಾಗತ್ ಕೆಲೊ. ಉಡುಪಿ ಶಾಖ್ಯಾಚೊ ಸಿಬಂದಿ ಶ್ರೀ ಆಲ್ಡ್ರಿನ್ ಡಿಸೋಜನ್ ಕಾರ್ಯೆಂ ಚಲವ್ನ್ ವೆಲೆಂ. ಅಧ್ಯಕ್ ಶ್ರೀ ಅನಿಲ್ ಲೋಬೊನ್ ಉಪ್ಕಾರ್ ಬಾವುಡ್ಲೊ.
