ಉದೆವ್ನ್ ಯೆಂವ್ಚ್ಯಾ ಯುವ ಬರೊವ್ಪ್ಯಾಂಕ್ ಪ್ರೊತ್ಸಾವ್ ದಿಂವ್ಚ್ಯಾ ಉದ್ದೇಶಾನ್, ದೆ. ಜೋಸೆಪ್ ಆನಿ ಮೇರಿ ಪಿಂಟೊ ನಿಡ್ಡೋಡಿ ಹಾಂಚ್ಯಾ ಕುಟ್ಮಾನ್, ಕಥೊಲಿಕ್ ಸಭಾ ಉಡ್ಪಿ ಪ್ರದೇಶ್ ಹಾಂಚ್ಯಾ ಸಾಂಗಾತಾ ಮೆಳುನ್ ಆಸಾ ಕೆಲ್ಲೊ ದೆ. ಜೋಸೆಪ್ ಆನಿ ಮೇರಿ ಪಿಂಟೊ ನಿಡ್ಡೋಡಿ ಸ್ಮಾರಕ್ ಯುವ ಸಾಹಿತ್ಯ್ ಪುರಸ್ಕಾರ್, ಯುವ ಲೇಖಕ್ ಗ್ಲ್ಯಾನಿಶ್ ಜೂಡ್ ಮಾರ್ಟಿಸ್ ಅಲಂಗಾರ್ ಹಾಕಾ ಪಾವೊ ಜಾತಾ.
ಹೊ ಪುರಾಸ್ಕಾರ್ ದಶೆಂಬ್ರಾಚೆ 4 ತಾರಿಕೆರ್, ಕಲ್ಯಾಣ್ಪುರ್ ಮಿಲಾಗ್ರಿಸ್ ಕೊಲೆಜಿಂತ್, ಕಥೊಲಿಕ್ ಸಭಾ ಉಡ್ಪಿ ಪ್ರದೇಶ್ ಆನಿ ಕೊಂಕಣಿ ಲೇಖಕ್ ಸಂಗಟನ್ ಕರ್ನಾಟಕ ಹಾಣಿ ಆಯೋಜನ್ ಕೆಲ್ಲ್ಯಾ ಬರವ್ಪ್ಯಾಂಚ್ಯಾ ಸಹಮಿಲನಾಂತ್ ಹತಾಂತರ್ ಕರ್ತಾಲೆ.
ಗ್ಲ್ಯಾನಿಶ್ ಜೂಡ್ ಮಾರ್ಟಿಸ್ ಅಲಂಗಾರ್ – ಹಾಣೆ ಪಾಟ್ಲ್ಯಾ 9 ವರ್ಸಾಂ ಥಾವ್ನ್ ಕೊಂಕ್ಣಿ ಪತ್ರಾಂನಿ ಆನಿ ಅಂತರ್ಜಾಳಾಂನಿ – ಕಾಣಿಯೊ, ಕವಿತಾ, ಲೇಖನಾಂ ಬರವ್ನ್ ಆಸಾ. ಸಬಾರ್ ಸಾಹಿತಿಕ್ ಸ್ಪರ್ದ್ಯಾಂನಿ ತಾಣೆ ಇನಾಮಾಂ ಜೊಡ್ಲ್ಯಾಂತ್.
2021 ವ್ಯಾ ವರ್ಸಾ ಬಿ.ಎಸ್ಸಿಂತ್ ( ಬಯೋಟೆಕ್ನೋಜಿ) ಮಂಗ್ಳುರ್ ವಿಶ್ವವಿದ್ಯಾಲಯಾ ಥಾವ್ನ್ ಭಾಂಗ್ರಾ ಪದಕ್ ಜೊಡುನ್ ಪ್ರಸ್ತುತ್ , ಮೂಡಬಿದ್ರಿ ಅಳ್ವಾಸ್ ಕೊಲೆಜಿಂತ್ ಎಂ.ಎಸ್ಸಿ ( ಬಯೋಟೆಕ್ನೋಜಿ) ಶಿಕಾಪ್ ತೋ ಜೊಡುನ್ ಆಸಾ.
Congratulations and looking forward towards reading more of your work.