ಮಂಗ್ಳುರ್ ದಿಯೆಸೆಜ್ ಎಕಾ ವಿಚಿತ್ರ್ ಸಂಕಟ್ ಮರ್ಕಾಂತ್ಲ್ಯಾನ್ ಪಾಶಾರ್ ಜಾತೇ ಆಸಾ. ಮಂಗ್ಳುರ್ ದಿಯೆಸೆಜಿಚ್ಯಾ ಅಧಿಕೃತ್ ನಿಯೋಗಾನ್ ಸಂಘ ನಿಕೇತನಾಂತ್ಲ್ಯಾ ಗಣಪತಿ ದೆವಾಕ್ ಪುಜಾ ಕೆಲ್ಲ್ಯೊ ವರ್ದ್ಯೊ/ ತಸ್ವಿರ‍್ಯೊ ಮಾದ್ಯಮಾಂನಿ ಯೇಂವ್ಕ್ ಸುರು ಜಾಲ್ಲೆ ದಿಸಾ ಥಾವ್ನ್ ಭಾವಾಡ್ತಿ ಲೋಕ್ ಘುಸ್ಪಡ್ಲಾ. “ನ್ಹಯ್, ಹೆ ದಿಯೆಸೆಜಿಚೆ ವ್ಹಡಿಲ್ ಆನಿ ಮಣಿಯಾರಿ ಆಮ್ಕಾಂ ಭಾವಾಡ್ತಿ ಲೊಕಾಕ್ ಪುಲ್ಪತ್ರಿರ್ ರಾವೊನ್ ತಾಣಿ ಕರ್ಚಿ ಬೊಂಬ್ಯಾಪುಜಾ. ಥಂಯ್ ಗೆಲ್ಯಾರ್ ಆನಿ ತಾಣಿ ದಿಲ್ಲೊ ಪ್ರಸಾದ್ ಸೆವ್ಲ್ಯಾರ್ ಪಯ್ಲೊ ಉಪದೇಸ್ ಮೊಡ್‌ಲ್ಲೆಂ ಮಹಾಪಾತಕ್ ಜಾತಾ. ಆಮ್ಚೊ ದೇವ್ ಮಾತ್ ನೀಜ್ ದೇವ್ ಮ್ಹಣ್ ಭೆಶ್ಟಾಯ್ತಾತ್ ಆನಿ ಹೆ ಖುದ್ ವಿಶೇಸ್ ನಿಯೋಗ್ ಬಾಂದುನ್ ವಚೊನ್ ಪುಜಾ ಕರ್ನ್ ಯೆತಾತ್ “
ಹೆ ವಿಶ್ಯಾಂತ್ ದಿಯೆಸೆಜಿಚ್ಯಾ ವ್ಹಡಿಲಾಂಕ್ ವಿಚಾರ್ಲ್ಯಾರ್ “ನಾ ಹಾಬಾ, ಆಮಿ ಕೊಣೆಂಯ್ ಪುಜಾ ಕರುಂಕ್ ನಾ. ಪತ್ರಾಂನಿ ಕಿತೇಂಯ್ ಬರಯ್ತಾತ್” ಮ್ಹಣ್ ಜಾಪ್ ದಿತಾತ್. ಆತಾಂ, ಫೊಟೊ ಕಾಡುಂಕ್ ಆನಿ ಪ್ರಚಾರ್ ಕರುಂಕ್ ಪತ್ರ್‌ಕರ‍್ತಾಂಕ್ ಸಾಂಗಾತಾ ಆಪವ್ನ್ ವೆಲ್ಯಾ ಉಪ್ರಾಂತ್, ತಾಂಕಾ ತುಮಿ ಸಾಂಗಾನಾಸ್ತಾನಾ ತಾಣಿ ಕಿತೇಂಯ್ ಕಶೆಂ ಬರಂವ್ಕ್ ಜಾತಾ? ಪತ್ರಾಕರ್ತಾಂನಿ ಕಿತೆಂ ಪಳಯ್ಲಾಂ ಆನಿ ತಾಂಕಾ ಕಿತೆಂ ಸಾಂಗ್ಲಾಂ ತಾಚಿ ವರ್ದಿ ತಾಣಿ ಕೆಲ್ಯಾ. ಪುಜಾ ಮ್ಹಳ್ಯಾರ್ ಕಿತೆಂ? ಮ್ಹಣ್ ಕಳಿತ್ ನಾತ್‌ಲ್ಲೆ ತಿತ್ಲೆ ‘ಹೆಡ್ಡ ‘ ಪತ್ರ್‌ಕರ್ತ್ ಮಂಗ್ಳುರಾಂತ್ ಆಸಾತ್ ಮ್ಹಳ್ಯಾರ್ ಹಾಂವ್ ತರೀ ಪಾತ್ಯೆನಾ.
ಜಾಯ್ತ್, ಎಕಾ ಘಡ್ಯೆಕ್ ಒಪುನ್ ಘೆವ್ಯಾಂ – ಗಣಪತಿ ದೆವಾಕ್ ತುಮಿ ಪುಜಾ ಕರುಂಕ್ ನಾ! ತರ್, ದಿಯೆಸೆಜಿಚೊ ವಿಶೇಸ್ ನಿಯೋಗ್ ಬಾಂದುನ್ ಸಂಘನಿಕೇತನಾಕ್ ಗೆಲ್ಲ್ಯಾತ್ ಕಿತ್ಯಾಕ್ ? “ಕಸೊ ಆಸಾಯ್ ಬಾ?” ಮ್ಹಣ್ ಗಣಪತಿ ದೆವಾಚಿ ದೆವಾಚಿ ಹಾಲ್ – ಚಾಲ್ ವಿಚಾರುಂಕ್ ? ವಾ ಡೆಕೊರೇಶನ್ ಪಳೆಂವ್ಕ್ ?
ಪೂಜೆಚೆಂ ಸವಾಲ್ – ಭಾವಾಡ್ತ್ ಆನಿ ಪಾತ್ಯೆಣೆಚೆಂ ಬೋವ್ ಸೂಕ್ಶ್ಮ್ ಸವಾಲ್. ಹ್ಯಾ ಸವಾಲಾಕ್ ಜಾಪಿ – ದೊಡ್ಯಾ ಧಾರಿಚ್ಯಾ ತಲ್ವಾರಿಪರಿಂ. ಪುಜಾ ಕರುಂಕ್ ನಾ ಮ್ಹಳ್ಯಾರೀ ಶಿರ್ಕಾತಾತ್. ಪುಜಾ ಕೆಲ್ಯಾ ಮ್ಹಳ್ಯಾರೀ ಶಿರ್ಕಾತಾತ್.
ಪುಜಾ ಕರುಂಕ್ ನಾ ಮ್ಹಳ್ಯಾರ್ – ತುಮ್ಕಾಂ ಗಣಪತಿ ದೆವಾಚೆರ್ ಭಕ್ತ್ ನಾಂ ಮ್ಹಣ್ ಜಾಲೆಂ. ತುಮಿ ವೆಲ್ಲಿಂ ಫುಲಾಂ – ಫಳಾಂ, ದಿಲ್ಲಿ ಕಾಣಿಕ್ ಪೂರಾ ಕಣ್ಣ್‌ಕಟ್ಟಾಕ್, ಲೊಕಾಚ್ಯಾ ದೊಳ್ಯಾಂಕ್ ಮಾತಿ ಘಾಲುಂಕ್ ಮ್ಹಣ್ ಜಾಲೆಂ. ಹ್ಯಾ ಸಂಸಾರಾಂತ್ ಕೋಣ್ ತರೀ ದೆವಾಚಿ ಭಕ್ತ್ ನಾತ್‌ಲ್ಲೊ ದೆವಾಲಾಗಿಂ ವೆತಾಗೀ ? ಕಾರ್ಕೊಳ್ ಫೆಸ್ತಾಕ್ ಯೇವ್ನ್ ವಾತಿ ಪೆಟಂವ್ಚೆ ಅಕ್ರ‍ಿಸ್ತಾಂವ್ ಸಯ್ತ್ ಸಾಂತ್ ಲೊರೆಸಾಚ್ಯಾ ಭಕ್ತೆನ್‌ಚ್ ಯೆತಾತ್. ಆತಾಂ, ಗಣಪತಿ ವಾ ಗಣೇಶ ತುಮ್ಕಾಂ ಫಕತ್ ಏಕ್ ಮಾತ್ಯೆಚಿ ಮೂರ್ತಿ ಜಾಂವ್ಕ್ ಪುರೊ – ಪೂಣ್ ಹಿಂದೂ ಲೊಕಾಕ್ ತೊ ದೇವ್, ವಿಘ್ನಾಂ ನಿವಾರಕ್! ದೆಕುನ್ ಖಂಯ್ಚ್ಯಾಯ್ ಕಾರ್ಯಾಂತ್ ತಾಕಾ ಪಯ್ಲೊ ಮಾನ್. ತುಮ್ಕಾಂ ಜರಿ ಗಣೇಶ ದೆವಾಚೆರ್ ಭಕ್ತ್ ನಾ ಜಾಲ್ಯಾರ್ ಕಿತ್ಯಾಕ್ ಹೊ ನಾಟಕ್ ? ಖರ‍್ಯಾ ಭಕ್ತಿಕಾಂಚಿಂ ಕಿತ್ಯಾಕ್ ನಕ್ಲಾಂ ಕರ್ತಾತ್ ?
ಮುಂಬಂಯ್ತ್ ಸಿದ್ದಿವಿನಾಯಕ ಮಂದಿರಾಕ್ ಹರ್ ಧರ್ಮಾಚೊ ಲೋಕ್ ವೆತಾ. ಕಿತ್ಯಾಕ್ ಮ್ಹಳ್ಯಾರ್ ತಾಂಕಾ ಸಿದ್ದಿವಿನಾಯಕಚೆರ್ ಭಕ್ತ್ ಆಸಾ. ಮಾಗ್‌ಲ್ಲೆಂ ಮೆಳ್ತಾ ಮ್ಹಣ್ ಥಿರ್ ಭರ್ವಸೊ ಆಸಾ. ಸಿದ್ದಿವಿನಾಯಕಾಚ್ಯಾ ಭಕ್ತಾಂಮಧೆಂ ಕ್ರೀಸ್ತಾಂವ್ ಲೋಕ್‌ಯೀ ಆಸಾ. ಕೊರೊಡೊಂ ರುಪಯ್ ಖರ್ಚ್ ಕರ್ನ್ ಶಿರ್ವಾಂತ್ ಸಿದ್ದಿವಿನಾಯಕ ಮಂದಿರ್‌ ಉಬಾರ್‌ಲ್ಲೆಂ ಅಸಲ್ಯಾಚ್ ಎಕಾ ಕ್ರೀಸ್ತಾಂವ್ ಭಕ್ತಾನ್. ಸಿದ್ದಿವಿನಾಯಕಾಲಾಗಿಂ ಮಾಗ್‌ಲ್ಲ್ಯಾನ್ ಮ್ಹಾಕಾ ಮೆಳ್ಳಾಂ ಮ್ಹಣ್ ತಾಣೆ ಉಗ್ತ್ಯಾನ್ ಮ್ಹಳಾಂ.
ಆತಾಂ – ತುಮ್ಕಾಂ ಜರ್ ಗಣಪತಿ ದೆವಾಚೆರ್ ಭಕ್ತ್ ನಾ ಜಾಲ್ಯಾರ್ ಫುಲಾಂ – ಫಳಾಂ ಆನಿ ಮಾದ್ಯಮ್ ಫೊಟೊಗ್ರಾಫರಾಂಕ್ ಘೆವ್ನ್ ವಚೊನ್, ಪ್ರಚಾರ್ ಜೊಡ್ಚೆಂ ಕಸಲೆಂಚ್ ಹಕ್ ತುಮ್ಕಾಂ ನಾ. ತುಮಿ ಫಕತ್ ದೆವಾಕ್ ಅಕ್ಮಾನ್ ಕರಿನಾಂತ್, ತ್ಯಾ ದೆವಾಚ್ಯಾ ಖರ‍್ಯಾ ಭಕ್ತಿಕಾಚಿಂ ನಕ್ಲಾಂ ಕರ್ತಾತ್. ವರ್ಸಾಂಗಟ್ಲ್ಯಾನ್ ದೇವ್ ಶಾಸ್ತ್ ಶಿಕೊನ್, ದೊತೊರ್ – ಫ್ರೊಫೆಸರ್ ಜಾಲ್ಲ್ಯಾ ದಿಯೆಸೆಜಿಚ್ಯಾ ವ್ಹಡಿಲಾಂಕ್ – ಸಮಡ್ತೆಚಿ ಆನಿ ಭಾವಾಡ್ತಾಚಿ ಹಿ ಸೂಕ್ಷ್ ಗಜಾಲ್ ಸಮ್ಜಾನಾತ್ಲಿ ಬೋವ್ ಬೆಜಾರಾಯೆಚಿ ಗಜಾಲ್. ಕೋಣ್‌ಗೀ ಸಾಂಗ್ತಾ, ಕೊಣಾಕ್‌ಗೀ ತಾಂಚೊ ಫೊಟೊ ಪತ್ರಾಂನಿ ಯೇಂವ್ಕ್ ಜಾಯ್, ರಾಜಕೀ ಫಾಯ್ದೊ ಜೊಡುಂಕ್ ಜಾಯ್ ಮ್ಹಳ್ಳೆ ಖಾತಿರ್ – ಅಶೆಂ ‘ಫೋಟೊ ಶೂಟ್’ ಕರ್ಚೆಂ ದೇವ್‌ನಿಂದೆಕ್ ಸಮಾನ್!
ಆತಾಂ, “ನಾ ಆಮಿ ಗಣಪತಿ ದೆವಾಚ್ಯಾ ಖರ‍್ಯಾ ಭಕ್ತಿನ್ ಥಂಯ್ ಗೆಲ್ಲ್ಯಾಂವ್ – ತಾಚಿ ಆಮಿ ಮನಾಪಾಸುನ್ ಪುಜಾ ಕೆಲ್ಯಾ, ಮಜತ್ ಮಾಗ್ಲ್ಯಾ” ಮ್ಹಳ್ಯಾರ್ – “ತುಮಿ ಕೆಲ್ಯಾರ್ ಬೊಂಬ್ಯಾಪುಜಾ ಜಾಯ್ನಾಂಗೀ ? ಪಯ್ಲೊ ಉಪದೇಸ್ ಮೊಡ್‌ಲ್ಲೆಪರಿಂ ಜಾಯ್ನಾಂಗೀ? ಆಮಿ ಪುಜಾ ಕೆಲ್ಯಾರ್, ಮಜತ್ ಮಾಗ್ಲ್ಯಾರ್, ಪ್ರಸಾದ ಸೆವ್ಲ್ಯಾರ್ ಮಾತ್ ಮಹಾಪಾತಕ್ ಜಾತಾಗೀ ?” ಮ್ಹಣ್ ಭಾವಾಡ್ತಿ ಲೋಕ್ ಪಾಟಿಂ ಸವಾಲ್ ಕರ್ತಾ. ಮಾತ್ ನ್ಹಯ್, “ಆಮ್ಕಾಂಯ್ ಗಣಪತಿ ದೆವಾಚೆರ್ ಭಕ್ತ್ ಆಸಾ, ಆಮ್ಕಾಂಯ್ ಮಾಗೊಂಕ್ – ಪುಜಾ ಕರುಂಕ್ ಜಾಯ್. ಆಮ್ಕಾಂ ಕಿತ್ಯಾಕ್ ಆಡಾಯ್ತಾತ್?” – ಮ್ಹಣ್ ವಿಚಾರ್ತಾ.
ಆತಾಂ ವಯ್ಲ್ಯಾ ದೋನ್‌ಯ್ ಸಂದರ್ಬಾಂನಿ, ದಿಯೆಸೆಜಿಚ್ಯಾ ವ್ಹಡಿಲಾಲಾಗಿಂ ಮ್ಹಜೆಂ ಸವಾಲ್ –
“ನಿಕ್ಲೆಗ್ ದೇವೆರ್ನ ಭಕ್ತಿ ಇಜ್ಜಿಡ ದಾಯೆಗ್ ಬಯ್ದಿನಿ ?” ಮ್ಹಣ್ ಹಿಂದೂ ಲೊಕಾಕ್ ವಿಚಾರ್ಲ್ಯಾರ್ ತುಮ್ಚಿ ಜಾಪ್ ಕಿತೆಂ ?
… ಆನಿ,
“ತುಮಿ ಕೆಲ್ಯಾರ್ ಪಯ್ಲೊ ಉಪದೇಸ್ ಮೊಡ್‌ಲ್ಲೆಪರಿಂ ಜಾಯ್ನಾ – ಆಮಿ ಕೆಲ್ಯಾರ್ ಮಾತ್ ಕಿತ್ಯಾಕ್ ಪಾತಕ್ ?” ಮ್ಹಣ್ ಭಾವಾಡ್ತಿ ಕ್ರೀಸ್ತಾಂವ್ ಲೊಕಾನ್ ವಿಚಾರ್ಲ್ಯಾರ್ ಜಾಪ್ ಕಿತೆಂ?
ಹಿಂ ಜಾಲಿಂ ದೋನ್ ಭಾವಾಡ್ತಾಚಿಂ ಸವಾಲಾಂ. ದೇವ್ ಶಾಸ್ತ್ರ್ ಶಿಕ್ಲೆಲ್ಯಾಲಾಗಿಂ ಜಾಪ್ ಆಸ್ತೆಲಿ ಆನಿ ತೆ ದಿತೆಲೆ ಮ್ಹಣ್ ಚಿಂತಾಂ.
ಆತಾಂ ಉದೆತಾ – ನಯ್ತಿಕತೆಚೆಂ ಸವಾಲ್. ಥೊಡ್ಯಾ ತೆಂಪಾ ಆದಿಂ ವಿದ್ಯಾ ದಿನಕರ್ ಆನಿ ಶಬ್ಬೀರ್ ಹಾಣಿ ಮಾಂಡುನ್ ಹಾಡ್‌ಲ್ಲ್ಯಾ ಮತಾಂತರ್ ನಿಶೇದ್ ಕಾಯ್ದೊ ಪ್ರತಿಭಟನ್ ಸಭೆಂತ್ ಉಲಯಿಲ್ಲ್ಯಾ ಮಂಗ್ಳುರ್ ದಿಯೆಸೆಜಿಚ್ಯಾ ಸರ್ವಜಣಿಕ್ ಸಂಪರ್ಕ್ ಅಧಿಕಾರಿನ್ ಮ್ಹಳ್ಳೆಂ ಆಸಾ – ಕೊಮನ್ ಎಜೆಂಡಾ ಆಸ್ಲ್ಯಾರ್ ಸಯ್ತಾನಾ ಸಾಂಗಾತಾಯ್ ಹಾತ್ ಮೆಳಯ್ತಾಂವ್!
ದಯಾಕರುನ್, ಹಾಂಗಾಸರ್ ದಿಲ್ಲೊ ವಿಡಿಯೊ ಪಳಯಾ ಆನಿ ಆಯ್ಕಾ –
ಆತಾಂ ರಾಷ್ಟ್ರ‍ೀಯ್‌ವಾದಿ ಕ್ರೈಸ್ತರ ವೇದಿಕೆಚೊ ಆನಿ ಮಂಗ್ಳುರ್ ದಿಯೆಸೆಜಿಚೊ ಕೊಮನ್ ಎಜೆಂಡಾ ಕಿತೆಂ?
ಇಗರ್ಜೆಂತ್ ಮೀಸ್ ಜಾತಾನಾ ಇಗರ್ಜೆ ಬಾಗ್ಲಾರ್ ಮೈಕ್ ಲಾವ್ನ್ ಮೀಸ್ ಭಂಗಂವ್ಚೆಂ ? ವಿಗಾರಾಚ್ಯಾ ಕ್ಯಾಬಿನಾಕ್ ರಿಗೊನ್ ಗಾಳಿ ಆನಿ ಧಮ್ಕಿ ದಿಂವ್ಚೆಂ ? – ಕೊಮನ್ ಎಜೆಂಡಾಗೀ ?
ಮಂಗ್ಳುರ್ ದಿಯೆಸೆಜಿಚ್ಯಾ ವ್ಹಡಿಲಾಂಚೊಂ ಉಡಾಸ್ ತಿತ್ಲೋಯ್ ಅಸ್ಕತ್ ಜಾಲಾ ಮ್ಹಣ್ ಹಾಂವ್ ಚಿಂತಿನಾ. ಜ್ಯಾ ರಾಷ್ಟ್ರ‍ೀಯ್‌ವಾದಿ ಕ್ರೈಸ್ತರ ವೇದಿಕೆ ಸಾಂಗಾತಾ ಮಂಗ್ಳುರ್ ದಿಯೆಸೆಜಿಚೆ ಮುಕೆಲಿ ಸಂಘನಿಕೇತನಾಕ್ ಗಣಪತಿ ದೆವಾಚಿ ಪುಜಾ ಕರುಂಕ್ ಗೆಲ್ಯಾತ್, ತ್ಯಾಚ್ ರಾಷ್ಟ್ರ‍ೀಯ್‌ವಾದಿ ಕ್ರೈಸ್ತರ ವೇದಿಕೆನ್ ಬೊಂದೆಲ್ ಸಾಂ. ಲೊರೆಸ್ ಇಗರ್ಜೆ ಮುಕಾರ್ ಹಂಗಾಮಾ ಕರ್ನ್ ಆಯ್ತಾರಾಚೆಂ ಮೀಸ್ ಭಶ್ಟಾಯಿಲ್ಲೆಂ ದಿಯೆಸೆಜಿಚೆ ವ್ಹಡಿಲ್ ಇತ್ಲೆ ವೆಗ್ಗಿಂ ವಿಸರ್ಲೆ ? ವಿಗಾರಾಕ್ ಮಾರ್‌ಲ್ಲ್ಯೊ ಗಾಳಿ ಆನಿ ದಿಲ್ಲಿ ಧಮ್ಕಿಯ್ ವಿಸರ್ಲೆ? ಗ್ರಾಮಾಂತರ್ ಠಾಣ್ಯಾಂತ್ ದಾಕಲ್ ಜಾಲ್ಲೆಂ ಪ್ರಕರಣ್ ಕಿತೆಂ ಜಾಲೆಂ ? ಖಬ್ರೆಶಿವಾಯ್ ಕಾಂಯ್ ಬಿ ರಿಪೊರ್ಟ್ ಘಾಲೊ?
ದಿಯೆಸೆಜಿಚೆ ವ್ಹಡಿಲ್ ಆನಿ ಮುಕೆಲಿ ಮೆಳೊನ್ – ಕೊಣಾಕ್ ಬಕ್ರೊ ಕರ್ತಾತ್ ರೆ ಬಾಬಾ ? ಯೆ ಪಬ್ಲಿಕ್ ಹೆ ಬಾಬೂ . . . ಸಬ್ ಜಾನ್‌ತೀ ಹೈ …..
ಆತಾಂ, ಹಾಂಗಾಸರ್ ದಿಲ್ಲೆ ದಾಕ್ಲೆ ಪಳಯಾ –
ದಿಯೆಸೆಜಿಚ್ಯಾ ವ್ಹಡಿಲಾಂನಿ ಲೊಕಾಕ್ ಸೂಂಬೆ ಕರ್ಚೆಂ ಹೆಂ ಕಾಂಯ್ ನವೆಂ ನ್ಹಯ್! “ಮಂಗಳೂರಿನ ಬಿಶಪ್ ಅತೀ ದೊಡ್ಡ ಭೂಮಾಲೀಕ, ನಿವೃತ್ತಿ ನಂತರ ವಾಸಕ್ಕೆ 17 ಕೋಟಿ ಬಂಗಲೆ ನಿರ್ಮಾಣ” ಮ್ಹಣ್ ಗೊವ್ಳ್ಯಾಚೆರ್‌ಚ್ ಆರೋಪ್ ಮಾಂಡ್‌ಲ್ಲ್ಯಾಚಾ ಆಂಗ್ಣಾಕ್ ವ್ಹಡ್ಲ್ಯಾ ವ್ಹಡ್ಲ್ಯಾ ಸಂಸ್ಥ್ಯಾಂಚೆಂ ದಿರೆಕ್ತೊರ್ ಪಾದ್ರಿ ನಾಮುಂದು, ತಾಮುಂದು ಮ್ಹಣ್ ವಚೊನ್ ಘಾಂಟ್ ವೋಡ್ನ್ ಆಯ್ಲೆ, ಪಾವಾನಾತ್ಲ್ಯಾಕ್ ಬಿಸ್ಪ್‌ಚ್ ವಚೊನ್ ಪಾನ್ಪೊಡ್ ಉದ್ಕಾಚೊ ಸತ್ಕಾರ್ ಘೆವ್ನ್ ಆಯ್ಲೊ. ಆನಿ ಆತಾಂ ಇಗರ್ಜೆ ಬಾಗ್ಲಾರ್ ರಾವೊನ್ ಆಯ್ತಾರ್ ಸೊಂತಾಚೆಂ ಮೀಸ್ ಭಶ್ಟಾಯಿಲ್ಲ್ಯಾಂ ಸಾಂಗಾತಾ, ವಿಗಾರಾಕ್ ಧಮ್ಕಿ ದಿಲ್ಲ್ಯಾ ಸಾಂಗಾತಾ ಗಣಪತಿ ದೆವಾಚಿ ಪುಜಾ ಕರುಂಕ್ ಗೆಲ್ಯಾತ್. ಲಜ್ ದಿಸಾನಾ ತುಮ್ಕಾಂ ? ದಿಯೆಸೆಜಿಚೊ ವ್ಹಡಿಲ್ ಆನಿ ಸಂಪರ್ಕ್ ಅಧಿಕಾರಿ ಕೊಣಾಚ್ಯಾ ಕಾನಾಂಕ್ ವಾಂಯ್ಗಿ ಬಾಂದುಂಕ್ ಪಳೆತಾತ್?
जब जहाज डूबता है तो सबसे पहले चूहे भागते हैं – ಆಮ್ಚ್ಯಾ ದಿಯೆಸೆಜಿಚ್ಯಾ ಮುಕೆಲ್ಯಾಂಚಿಂ ಗತ್ ಆಜ್ ಅಶೆಂ ಜಾಲ್ಯಾಶೆಂ ದಿಸ್ತಾ. ಕೊಂಗ್ರೆಸ್ ಪಾಡ್ತಿ ಥಾವ್ನ್ ಕಿತ್ಲೊ ಜಾತಾ ತಿತ್ಲೊ ಫಾಯ್ದೊ ಜೊಡ್‌ಲ್ಲೆ, ರಾಹುಲ್ ಗಾಂದಿಕ್ ಆಪವ್ನ್ ಅಲ್ತಾರಿರ್ ಸಾಕ್ರಾಮೆಂತಾಕ್ ಪಾಟ್ ಕರ್ನ್ ರಾವವ್ನ್ ಸನ್ಮಾನ್ ಕೆಲ್ಲೆ, ಆತಾಂ ಕೊಂಗ್ರೆಸ್ ಬುಡ್ಚೆಂ ತಾರುಂ ಮ್ಹಣೊಂಕ್ ಲಾಗ್ಲ್ಯಾತ್ ಆನಿ ಸ್ವತಾಚ್ಯಾ ರಾಜಕೀ ಫಾಯ್ದ್ಯಾ ಖಾತಿರ್ ದಿಯೆಸೆಜಿಕ್ ಬಲಿ ದೀಂವ್ಕ್ ಭಾಯ್ರ್ ಸರ್ಲ್ಯಾತ್.
ಹೆಂ ಸಗ್ಳೆಂ ದೊಳ್ಯಾಂ ಮುಕಾರ್ ಘಡ್ಚೆಂ ಪಳೆವ್ನ್ ದಿಯೆಸೆಜಿಚೊ ಪರಮೋಚ್ಚ್ ವ್ಹಡಿಲ್ ಸಗ್ಳಿಂ ಇಂದ್ರಿಯಾಂ ಧಾಂಪುನ್ ನುತ್ತಾ ಬಸ್ಲಾ. ಮಾಗಿರ್ ತರ್ನಾಟ್ಯಾಂಕ್ ಬೂದ್ ಸಾಂಗ್ತಾ – ” ಏಕ್ ಕಾಳ್ ಆಸ್ಲೊ ಐಸಿವೈಮ್ ಮ್ಹಳ್ಯಾರ್ ಫಕತ್ ಮಜಾ ಮಾರುಂಕ್, ಪಿಕ್ನಿಕಾಂ ಕರುಂಕ್ …. ತೊ ಕಾಳ್ ಆತಾಂ ಪಾಶಾರ್ ಜಾವ್ನ್ ಗೆಲಾ, ವಕೀಲ್, ಫ್ರೊಫೆಸರ್ ಹುದ್ದೆದಾರ್ ಜಾತಾತ್” ಆತಾಂ ಹೆಂಚ್ ಉತರ್ ಘುಂವ್ಡಾವ್ನ್ ವ್ಹಡಿಲಾಕ್ ವಿಚಾರ್ಲ್ಯಾರ್ ? ” ಏಕ್ ಕಾಳ್ ಆಸ್ಲೊ, ವಕೀಲ್, ಫ್ರೊಫೆಸರ್ ಬಿಸ್ಪಾಚೆ ಸಲಹಾದಾರ್ ಜಾವ್ನಾಸ್ಲೆ … ಆತಾಂ ತೋ ಕಾಳ್ ಪಾಶಾರ್ ಜಾವ್ನ್ ಗೆಲಾ, ಕಂತ್ರಾಟ್‌ದಾರ್ ಆನಿ ಸೊರ‍್ಯಾಚೆ ವ್ಯಾಪಾರಿ ಸಲಹಾದಾರ್ ಜಾಲ್ಯಾತ್” ವಕೀಲ್, ಫ್ರೊಫೆಸರ್ ಸಿ.ವೈಎಮ್ಮಾಂತ್ ಮಾತ್ ಆಸ್ಲ್ಯಾರ್ ಪುರೊಗೀ ? ಸಾಯ್ಭಾಚ್ಯಾ ಸಲಹಾ ಮಂಡಳೆಂತ್ ನಾಕಾತ್‌ಗೀ ?
ಲಜ್ ದಿಸ್ತಾ – ಕಾಲ್ – ಭಿಷಪ್ಪ ಮಂಗಳೂರಿನ ಅತೀ ದೊಡ್ಡ ಭೂ ಮಾಲೀಕ, 17 ಕೋಟಿ ವೆಚ್ಚದಲ್ಲಿ ಬಂಗಲೆ ನಿರ್ಮಾಣ ಮ್ಹಣ್ ಆರೋಪ್ ಮಾಂಡ್‌ಲ್ಲ್ಯಾಚಾ ಆಂಗ್ಣಾಕ್ ಗೆಲ್ಲೆ, ಆಜ್ – ಇಗರ್ಜೆ ಮುಕಾರ್ ರಾವೊನ್ ಆಯ್ತಾರ್ ಸೊಂತಾಚೆಂ ಮೀಸ್ ಭಶ್ಟಾಯಿಲ್ಲ್ಯಾಂ ಸಾಂಗಾತಾ ಹಾತ್ ಮೆಳವ್ನ್ ಗಣಪತಿ ದೆವಾಚಿ ಪುಜಾ ಕರುಂಕ್ ಗೆಲ್ಲೆ, ಫಲ್ಯಾಂ – ಇಗರ್ಜೆಕ್ ಫಾತೊರ್ ಮಾರ್‌ಲ್ಲ್ಯಾಂ ಸಾಂಗಾತಾ ಮೆಳೊನ್ ಭಿಸ್ಪಾಚ್ಯಾ ಘರ್ಚ್ಯಾ ಇರ್ಮಿಜಿಕ್‌ಚ್ ಫಾತೊರ್ ಮಾರ್ಚೆನಾಂತ್ ಮ್ಹಣ್ ಕಿತೆಂ ಗ್ಯಾರಂಟಿ ? ಆಜ್ ಕೊಂಗ್ರೆಸ್ ಪಾಡ್ತ್ ಅಧಿಕಾರಾರ್ ನಾ, ಬುಡ್ಚೆಂ ತಾರುಂ ಮ್ಹಣ್ ಅಧಿಕಾರ್ ಆಸ್ಚಾ ಪಾಡ್ತಿಕ್ ಉಡ್‌ಲ್ಲೆ, ಹುದ್ದೊ ದಿತಾಂ ಮ್ಹಳ್ಯಾರ್ ಫಾಲ್ಯಾಂ ಕ್ರೀಸ್ತಾಂವ್ ಸಮಡ್ತ್‌ಚ್ ಸಾಂಡುನ್ ವೆಚೆನಾಂತ್ ಮ್ಹಣ್ ಕಿತೆಂ ಗ್ಯಾರಂಟಿ ? ಪೂಣ್ ಉಡಾಸ್ ದವರಾ – ಆಜ್ ಶಿಸ್ತೆಚಿ ಪಾಡ್ತ್ ಅಧಿಕಾರಾರ್ ಆಸಾ – ಬದ್ದತಾ ನಾತ್ಲೆಲ್ಯಾಂಕ್ ತೀಯ್ ಭಾತೆಣ್ ಘಾಲಿನಾ. ಎಕಾ ಕಾಳಾಚೊ ಮುಕೆಲ್ ಮಂತ್ರಿ .ಎಸ್.ಎಂ. ಕೃಶ್ಣಾಕ್‌, ಸಂಸದ್ ಜೆ.ಪಿ.ಹೆಗ್ಡೆಕ್‌ಚ್ ಲೆಕಾಕ್ ಧರುಂಕ್ ನಾ ಖಂಯ್ – तुम किस खेत की मूली हो ?
ಬದ್ದತಾ ಆನಿ ಧಯ್ರ್ ನಾತ್ಲೆಲ್ಯಾ ವ್ಹಡಿಲಾಂಚ್ಯಾ ಹಾತಾಂತ್ ಮಂಗ್ಳುರ್ ದಿಯೆಸೆಜ್ ಆನಿ ಭಾವಾಡ್ತಿ ಲೋಕ್ ಆಜ್ ಕಿತ್ಲೊ ಸುರಕ್ಶಿತ್ ?
► ಎಚ್ಚೆಮ್, ಪೆರ್ನಾಲ್
ರಾಜಕೀಯ್ ಪಾಡ್ತಿ, ಸಾರ್ವಜನಿಕ್ ಸಂಸ್ಥೆ, ವ್ಹೆವಾರಿಕ್ ಸಂಸ್ಥೆ (Corporations), ಮಾಧ್ಯಮಾಂ, ಸಮಡ್ತ್,… ಆನಿ ಬದ್ಧತಾ!… ಖಂಯ್ ಥಾವ್ನ್ ಹಾಸ್ಯಾಂ?! ಮಾಡ್ತಿರ್ ಮೊರ್ಚೊ ಕಾಳ್ ಗೆಲಾ!
HM, a thought provoking article. I have few of my own views on it
1. In past years I have visited along with my family many Ganesh Chaturthi pandals to see the beauty of the utsav statue and the surrounding decorations. May be I visited 10 -15 pandals every year and enjoyed the beauty.There is no religious or political connotations in this. Even if they give prasada , i have savoured it without any restrictions. So I feel visiting and seeing Ganesha has not effected my religious or personal life. But my question is why the commitee visited specific Sanganiketan Ganesha and not others. We christians always say we work for downtroden or backwards in the community. Then why dont we go to a Dalit family Ganesh pandal and celebrate the feast. Is Sanganiketan is like a protection money place. i wonder if we talk of improving religious harmony then why not the team visit house of Praveen Nettaru, Fazil or Masood who were killed due to communual reasons?.. Will the same team visit the Gokarnantha , Mangaladevi or Venkataramana temples during Dussehera to show their commual harmony or they only go to Sanganiketan if they instal the Devi Sharada statue there?.
2. I was surprised that Franklin Monterio was part of the team. Few years back I have seen the same person painting the Zibra crossings along with Ramakrishna mutt sawmiji in front of a Church on Good Friday when the church services were being held.It was also the same minority association he was heading that time with banners. He did not get any other day to do this. So this is the loyalty of this person. For his long yeras of service to the party he was not even offered a seat to contest the Mangalore corporation elections although his name was cropping up everywhere. That is the loyalty of his masters who in the last assembly election published an video saying we do not want vote from christians
3. I think what next our commitee going to publicly honor Mr. Robert Rosario who wakes up during the elections to make and bash christian community through vidoes so that his party friends win elections. Or may be Sandeshs award for both Robert and Franklin for social service
4. Coming to your question of CYM. It is good to see youth becoming Lawyers and Engineers. Then can CYM form a commitee to help christian community people through free legal advise. We have many people who have lost money to the real estate sharks who have taken money but not delivered houses, if delivered not given occupany certificate etc. etc.But threaten the people when asked for refund of the money or delivery of house The christian/other private finance poeple who promised heavens when the money was deposited but closed the shop when it came to return. I find the CYM doing blood donations camp for what purpose? Do they know where the blood goes after collection?. is it sold or does it go really to the needy. CYM has a Reddot app why they dont use it for the needy rather than doing free blood donation camps. We shoudl understand in life nothing comes free.
4. Last point i have is the trend which is taken place in our religious ceremonies. There is annual retrest which was held in each church may be during lenten season or before the feast. The church priests were giving homilies during earlier times. Now a days it has been given a private laity preahcers. in my church in the previous three years laity came from Bangalore, next Goa and latest from Mumbai with their troupe. The church Priest was a silent spectator. But same priest will go to a Basilica or go to shrines to preach. They have become the cashiers for Church halls or CBSE schools, leave behid the spiritual work. Halls and Schools are the needs but notby differing liturgical services.
May be your article enlightens our community as you warn us everytime or it may be like the parable of the sower which he hear many times in a year.
Almost 32 years ago, I went to Kadri temple for lunch with my classmates. Shabarimala devotees aranged the lunch.
When I came back to my convent school, HM was holding Nagarabetta.
Somehow I escaped the beating by telling, I took my mother’s permission.
Bold and beautiful article HM!👍🏻👍🏻
What I see it as the opportunists. These so called Catholic Leaders bow to anyone and anywhere just to safeguard their positions.
It’s irony that Head if our Mangalore diocese is become totally blind for these incidents..
Its time that our Bishop take stand and clarify what’s right and what is wrong..
Unfortunately he is surrounded by business people rather than educators..
There’s a limit for hypocrisy..
Tera Kutta Kutta.. Mera Kutta Tommy…
A very hard-hitting editorial. It is timely. It comes out with ideological clarity in our times when political expediency is the greatest virtue.
But, don’t expect the Catholic Diocesan Establishment to heed your voice mend their ways. Yours is a voice in the wilderness