ಜರ್ ಹಾಂವ್ … ಸಾಂಗಿನ್ ತರ್ : 34

ರಿಶಭ್…ಹರ್ಶೆಂಚೆ ಪರಿಂ ಸಿಮೆತ್ರೆಂತ್ ರಾತ್ ಪಾಶಾರ್ ಕರುನ್ ಆಸ್‌ಲ್ಲೊ ತೊ…

ಸಕಾಳಿಂ ಫುಡೆಂ ಉಟ್ಲೊ. ಆನಿ ಸರಳ್ ಹಾತಿಂ ಘೆಲಾಗ್ಲೊ. ಥೊಡ್ಯಾ ವೆಳಾನ್ ರಸ್ತ್ಯಾರ್…ಸರಳಾಂ ಆವಾಜ್ ಉಟ್ಲೊ.

‘ಟಾಂಯ್ …ಟಾಂಯ್…’

ಅಶೆಂ ಸರಳಾಂ ಆವಾಜಾ ಬರಾಬರ್ ರಿಶಭ್ ಚಲಾತ್ತ್ ಆಸ್ತಾಂ…ತಾಚ್ಯಾ ಮತಿಂ ಕಾಲ್ಟ್ಯಾ ದಿಸಾ ಅಗಸ್ಟರಾನ್ ತಿಳ್ಸಿಲ್ಲಿ ತಿ ‘ಮಯೂರ್ ರಿಸೊರ್ಟಾ’ಚಿ ಗಜಾಲ್ ತಾಕಾ ಮಿಸ್ತೆರಾಕ್ ಸಾಂಪ್ಡಾವ್ನ್ ಧೊಸುನ್ ಆಸ್‌ಲ್ಲಿ. ಅಗಸ್ಟರಾನ್ ತಿಳ್ಸಿಲ್ಲಿ ಗಜಾಲ್…

‘ಇ|ನೈಜಿಲಾನ್ ದೋನ್ ದೀಸ್ ರಜಾ ಘಾಲ್ಯಾ…ತಶೆಂ ತಾಣೆಂ ಮಯೂರ್ ರಿಸೊರ್ಟಾಂತ್ ಏಕ್ ವಿಲ್ಲಾ ಬುಕ್ಕ್ ಕೆಲ್ಲ್ಯಾ.’

ಹೆಂ ಮತಿಂ ಆಟಾಯ್ತಾನಾಂ…ತಾಕಾ… ಇ|ನೈಜಿಲ್ ಆನಿ ಕ್ಲೋಡಿಯಾನ್…ತ್ಯಾ ವಿಲ್ಲಾಂತ್ ತೆ ದೊನ್ ದೀಸ್ ಖರ್ಚುಂಕ್ ಯೆವ್ಜಿಲಾಂ?!’  ಮ್ಹಳ್ಳೊ ದುಬಾವ್ ಬೊರೊಚ್ಚ್ ಧೊಸುಂಕ್ ಲಾಗ್‌ಲ್ಲೊ.

ಆನಿ ಹೆಂ ವ್ಹಯ್ ತರ್…ಕ್ಲೋಡಿಯಾಚೆಂ ಹೆಂ ಧಯ್ರ್ ಖಂಡಿತ್ ಜಾವ್ನ್ ತಾಕಾ ಅಪಾಯೆಕ್ ಸಾಂಪ್ಡಾಯ್ತೆಲೆಂ ಖಂಡಿತ್.!.

ಯೆದೊಳ್‌ಚ್ಚ್ ಪೆಂಕ್ಡಾ ಸಕೈಲ್ಲ್ಯಾ ಅಸ್ಕತ್ಕಾಯೆಚ್ಯಾ ನಿರಾಶೆನ್ ಧೆಧೆಸ್ಪರ್ ಜಾವ್ನ್ ಆಸ್ಚ್ಯಾ ಕ್ಲೈವಾಚ್ಯಾ ಕಾನಿಂ…ನೈಜಿಲ್ ಆನಿ ಕ್ಲೋಡಿಯಾಚಿ ಹಿ ಮಿಲನಾಚಿ ಗಜಾಲ್ ಪಡ್ಲಿ ತರ್…  ಪಯ್ಲೊಚ್ಚ್ ಧೆಧೆಸ್ಪರಾರ್ ದೀಸ್ ಸಾರುನ್ ಆಸ್ಚ್ಯಾ ಕ್ಲೈವಾಚ್ಯಾ ಕಾಳ್ಜಾಂತ್ ಪೆಟ್ಚೊ ತೊ ಕ್ರೋಧ್… ಕಸಲೊ ಪರಿಣಾಮ್ ದೀತ್ ತೆಂ ಕ್ಲೋಡಿಯಾವರ್ವಿಂ ಆಟಾಂವ್ಕ್ ಜಾಯ್ಶೆಂನಾಂ!. ತಶೆಂ ತೆಂ ಭಿರಾಂಕುಳ್ ಅಪಾಯ್ ತಾಚೆ ಥಾವ್ನ್ ಫುಡ್ ಕರುಂಕ್ ಯೀ ಅಸಾಧ್ಯ್ ಜಾತೆಲೆಂ!

ಹೆಂ ಚಿಂತ್ತಾಸ್ತಾನಾಂ ರಿಶಭಾಕ್… ‘ಕ್ಲೋಡಿಯಾ ಅಸಲ್ಯಾ ಸಂಕಶ್ಟಾಕ್ ಅನ್ವರಾಕ್ ಸಾಂಪಡ್ಚೆಂ ಆಪ್ಣಾವರ್ವಿಂ ಖಂಡಿತ್ ಜಾವ್ನ್ ಸೊಸುಂಕ್ ಜಾಯ್ಶೆಂನಾಂ.!’ ಮ್ಹಳ್ಳಿ ಬೊಗ್ಣಾಂ ಉದೆತಾಲಿಂ. ಅಸಲ್ಯಾ ಪರಿಗತೆರ್…

‘ಕ್ಲೈವಾಚ್ಯಾ ಅಸಲ್ಯಾ ಭಿರಾಂಕುಳ್ ಪ್ರತಿಕ್ರಿಯಾವಿಶಿಂ…ಕ್ಲೋಡಿಯಾಕ್ ಜಾಗೊಂವ್ಕ್ ಯಾ ತಾಚೆ ಥಾವ್ನ್ ತಾಕಾ ಬಚಾವ್ ಕರುಂಕ್ ಆಪ್ಣೆಂ ಯೋಗ್ಯ್ ಯೋಜನ್ ಮಾಂಡುಂಕ್ ಜಾಯ್. ತಶೆಂಚ್ಚ್ ತಿ ಮಾಂಡಾವಳ್ ಕಶಿ ಆಸೊಂಕ್ ಜಾಯ್?!.’

ಹೆಂಚ್ಚ್ ತಾಚ್ಯಾ ಮತಿಂ ಹರ್ಯೆಕ್ ಘಡಿ ಮ್ಹಳ್ಳೆಪರಿಂ ಭಂವಾತ್ತ್ ಆಸ್‌ಲ್ಲೆಂ.!’

♥ ♥ ♥ 

ಆನಿ ತ್ಯಾ ಎಕಾ ಘಡ್ಯೆ…

ತಾಚ್ಯಾ ತ್ಯಾ…‘ಟಾಂಯ್ ಟಾಂಯ್…’  ಸರಾಳಾಂ ಆವಾಜಾ ಮಧೆಂ ತಾಚೆಂ ಮೊಬಾಯ್ಲ್ ಆವಾಜುಂಕ್ ಲಾಗ್ಲೆಂ.

‘ಕ್ರೀಂ…ಕ್ರೀಂ…’

ಖಿಣಾನ್ ತಾಣೆಂ ಆಪ್ಲೊ ಸರಾಳಾಂ ಆವಾಜ್ ರಾವಯ್ಲೊ. ಆನಿ ಆಪ್ಲ್ಯಾ ಮೊಬಾಯ್ಲ್ ಆವಾಜಾಕ್ ಕಾನ್ ದಿಲೆ. ಆನಿ ಆಪ್ಲೆ ವೋಂಟ್ ವೆಗ್ಳೆ ಕರಿಲಾಗ್ಲೊ.

“ಹಾಲೊ ಅಗಸ್ಟರ್… ಸಾಂಗ್.”

 “ಸರ್…ಕಾಲ್ ಹಾಂವೆ ತುಕಾ ಇ|ನೈಜಿಲಾನ್ ಮಯೂರ್ ರೆಸೋರ್ಟಾಂತ್ ವಿಲ್ಲಾ ಬುಕ್ಕ್ ಕೆಲ್ಲ್ಯಾವಿಶಿಂ ತಿಳ್ಸಿಲ್ಲೆಂ. ಆನಿ ಆಜ್…

ತ್ಯಾ ರಿಸೋರ್ಟಾ ವಾಟೆರ್ ಕ್ಲೋಡಿಯಾಚೆಂ ಕಾರ್ ರಿಸೋರ್ಟಾ ಕುಶಿಂ ಧಾಂವಾತ್ತ್ ಆಸಾ…ಆನಿ ನೈಜಿಲ್ ತಾಚೆಂ ಸಂಗಿ ಆಸಾ.”

“ತಶೆಂ ತರ್ ಕ್ಲೋಡಿಯಾ ಆನಿ ನೈಜಿಲ್ ದೋನ್ ದೀಸ್ ತ್ಯಾ ರಿಸೋರ್ಟಾಂತ್…”

“ಖಂಡಿತ್ ಸರ್. ಹೆಂ ಸತ್ ಮ್ಹಣ್ ಭೊಗ್ತಾ  ಮ್ಹಾಕಾ.” ಮಧೆಂಚ್ಚ್ ಅಮ್ಸರ್ಲೊ ಅಗಸ್ಟರ್. ಆನಿ ಮುಂದರಿಲಾಗ್ಲೊ…

“ಥಂಯ್ಸರ್…ತ್ಯಾ ರಿಸೊರ್ಟಾಂತ್ ಸಾಂಜ್ ಜಾತಾಸ್ತಾಂ ಕ್ಲಬ್ ಡಾನ್ಸಾ ತಸಲಿಂ ಡಾನ್ಸ್…ಪೊದಾಂ… ಡ್ರಿಂಕ್ಸ್ ಸಗ್ಳೆಂ ಚಲ್ತಾ.

ಚಲೆ ಚಲಿಯೊ…ತಶೆಂ ಕೊಣಾ ಕೊಣಾಚಿ ಬಾಯ್ಲಾಂ ದಾದ್ಲೆ…ಕೊಣಾ ಕೊಣಾಚ್ಯಾ ಬಾಯ್ಲಾಂ ದಾದ್ಲ್ಯಾ ಸಂಗಿಂ… ಅಮಾಲ್ ಸೆವಾನಾಂತ್ ತಶೆಂ ವೆಂಗೆಂತ್ ಏಕ್ ಜಾವ್ನ್ ಕುಡಿಚಿ ಮಜಾ ಭೊಗ್ತಾತ್.”

“ಗುಪಿತ್ ಅಕ್ರಮ್ ಸಂಭಂಧಾಂತ್ ಆಸ್ಚಿಂ ವೆವೆಗ್ಳೆಂ ಕುಟ್ಮಾಚ್ಯೊ ಪತಿ ಪತಿಣ್ಯೊ..?!”.

“ಹುಂ ಸರ್…ತಸಲ್ಯಾ ವೆಳಾ…ಆಪ್ಣೆಂ ನ್ಹೆಸ್ಲೆಲ್ಯಾ ಆಂಗ್ ವಸ್ತುರಾಂಚೆಂ…ಆಪ್ಲ್ಯಾ ಕುಡಿಚಿ ಮಾಣ್ಸುಗೆಚಿ ಪರ್ವಾನಾಸ್ತಾಂ ಎಕಾಮೆಕಾ ಆರಾವ್ನ್ ಪೊಟ್ಲುನ್ …ಲೈಂಗಿಕ್ ಉದ್ವೇಗ್ ಉನ್ಮಾದೆಂತ್ ಸಂಸಾರ್ ವಿಸ್ರಾತಾತ್.

ಆಪ್ಲೆ ಪತಿ ಪತಿಣೆಕ್, ಕುಟ್ಮಾ ಸಂಭಂದಾಕ್ ಭೆಫಿಕೆರ್ ಕರುನ್… ಕೊಣಾ ಕೊಣಾ ಸಂಗಿ ಅನೈತಿಕ್ ಮಜಾ ಸುಖ್ ಭೊಗ್ತಾತ್. ಆನಿ ಹೆರಾಂಚೆ ತಶೆಂ ಆಪ್ಲೆಂ ಕುಟಾಮ್ ವಿಭಾಡ್ತಾತ್.

ಅಸಲಿ ಅನೈತಿಕ್ ಮಜೆನ್ ಆಸ್ಲೆಲ್ಯಾ ಸಂಧರ್ಭಿಂ…ಥೊಡಿಂ ಲೈಂಗಿಕ್ ಉದ್ವೇಗ್ ವಿಪರೀತ್ ಹಂತಾಕ್ ಪಾವ್ತಾಸ್ತಾಂ…ತಸಲಿಂ ಜೊಡಿ ತ್ಯಾ ಮಧೆಗಾತ್ ಆಪಾಪ್ಲ್ಯಾ ವಿಲ್ಲಾಕ್ ವೆತಾತ್ . ಆನಿ ಥಂಯ್ಸರ್…ಎಕಾಮೆಕಾಚ್ಯಾ ವೆಂಗೆಂತ್ ಕುಡಿಚೆಂ ಖರಾಯ್ ಜಿರೈತಾತ್!.

ಆನಿಂ ಕ್ಲೊಡಿಯಾ ಆನಿ ನೈಜಿಲಾನ್‌ಯೀ ಹ್ಯಾಚ್ಚ್ ಕಾರಾಣಾನ್ ಹೆಂ ವಿಲ್ಲಾ ವಿಂಚ್ಲಾ ಆಸ್ತೆಲೆಂ.”

“ರಾವಯ್… ಪುರೊ!” …ಕ್ಲೋಡಿಯಾವಿಶಿಂ ತಸಲಿಂ ಉತ್ರಾಂ ಆಯ್ಕೊಂಕ್ ನಾಕಾಸ್ತಾಂ ಮಧೆಂಚ್ಚ್ ಬೊಬಾಟ್ಲೊ ರಿಶಭ್. “ಕ್ಲೋಡಿಯಾ ತಸಲ್ಯಾ ವಾಯ್ಟ್ ಸಂಸ್ಕೃತೆಚೆಂ ನ್ಹಂಯ್. ತರೀ ನೈಜಿಲಾನ್ ತಾಕಾ ನಾಡುನ್…ಕಾಂಯ್ ತೆಂ…”

“ಸರ್ ಏಕ್ ಸಾಂಗುಂ?…ಥಂಯ್ಸರ್ ವೆಚೆಂಚ್ಚ್ ತಸಲ್ಯಾ ಅನೈತಿಕ್ ಸಂಭಂದೆರ್ ಆಸ್ಲೆಲ್ಯಾಂನಿಂ…ಆನಿ ವಿಪರೀತ್ ಲೈಂಗಿಕ್ ವೊಡ್ಣೆಚ್ಯಾ ಪ್ರಚೋದನೆಕ್ ಒಳಗ್ ಜಾಲ್ಲ್ಯಾಂನಿಂ ಮಾತ್ರ್.”

“ಒ.ಕೆ. ಆತಾಂ ತ್ಯಾವಿಶಿಂ ಚಡ್ತಿಕ್ ಉಲೊಂವ್ಚೆಂ ನಾಕಾ…ಮ್ಹಜ್ಯಾ ಕ್ಲೋಡಿಯಾವಿಶಿಂ ತಸಲೆಂ ಸರ್ವ್ ಮ್ಹಾಕಾ ಆಯ್ಕೊಂಕ್‌ಯೀ ನಾಕಾ.”

‘ಮ್ಹಜ್ಯಾ ಕ್ಲೋಡಿಯಾವಿಶಿಂ!’ ಹೆಂ ಆಯ್ಕಾತಾಂ ಅಗಸ್ಟರ್ ಮತಿಂ ಕಿತೆಂ ಕಿತೆಂ ಚಿಂತೊಂಕ್ ಲಾಗ್ಲೊ. ಆನಿ ಯೆದೊಳ್ ಆಪ್ಣೆಂ ದೆಕಾನಾತ್ಲೆಲ್ಯಾ ಹ್ಯಾ ಅಜ್ಞಾತ್ ಗುಪಿತ್ ಆಸ್ಚ್ಯಾ ವೆಕ್ತಿವಿಶಿಂ ಚಡಿತ್ ಚಿಂತೊಂಕ್ ಗೆಲೊಂನಾಂ. ಕಿತ್ಯಾ…ತಾಚೆವಿಶಿಂ ಕಿತ್ಲೆಂ ಚಿಂತ್ಲ್ಯಾರೀ ಸೊದ್ಲ್ಯಾರೀ ಹೊ ಅಜ್ಞಾತ್  ಆಸ್ಚೊ ವೆಕ್ತಿ ಅಜ್ಞಾತ್‌ಚ್ಚ್ ಆಸ್ತಾ!.

‘ತೊ ಕೋಣ್?!… ಕಸೊ ಆಸಾ?!…’  ಹೆಂ ಕಿತೆಂಚ್ಚ್ ನೆಣಾ ಆಸ್ಲೆಲ್ಯಾ ಹಾಂವೆಂ… ಫಕತ್ತ್ ತ್ಯಾಚ್ಯಾ ಮಿಸ್ತೆರಾಂತ್ ಭೊಂವಾತ್ತ್ ರಾವಾಜಾಯ್ ಶಿವಾಯ್ ತಾಚೆವಿಶಿಂ ಕಿತೆಂಚ್ಚ್ ಮಾಹೆತ್ ಮೆಳ್ಚಿನಾಂ ತೆಂ ಖಂಡಿತ್.!’

ಪರ್ದ್ಯಾ ಪಾಟ್ಲ್ಯಾನ್ ಅಜ್ಞಾತ್ ಆಸೊನ್ ಕಾಮ್ ಕರ್ಚ್ಯಾ ರಿಶಭಾವಿಶಿಂ…ಅಗಸ್ಟರ್ ಅಸಲ್ಯಾ ಚಿಂತ್ನಾಂನಿಂ ಆಸ್ತಾಸ್ತಾನಾಂಚ್ಚ್ ಮೊಬಾಯ್ಲಾರ್ ತಾಕಾ ಪರತ್ ತ್ಯಾ ಅಜ್ಞಾತ್ ವೆಕ್ತಿಚೊ ತಾಳೊ ಆಯ್ಕೊಂಕ್ ಲಾಗ್ಲೊ…

“ಅಗಸ್ಟರ್…ಆತಾಂ ತುಂ ಖೈಂಸರ್ ಆಸಾಯ್.?”

“ಹಾಂವ್ ತಾಂಚ್ಯಾ ಕಾರಾಚೊ ಪಾಟ್ಲಾವ್ ಕರಿತ್ತ್ ಆಸಾಂ.”

“ತುಜ್ಯಾ ಭಂವಾರಿ ತುಕಾ ತೊ ಲಾಂಬ್ ಕೆಸಾಂಚೊ ವೆಕ್ತಿ ದಿಸ್ತಾಗೀ ಪಳೆ.?”.

“ನಾಂ ಸರ್…ತಾಚಿ ಸಾವ್ಳಿ ದಿಶ್ಟೆಕ್ ಪಡ್ಚಿಚ್ಚ್ ಕ್ಲೋಡಿಯಾಚ್ಯಾ ಭೊಂಗ್ಲ್ಯಾ ಭಂವಾರಿ. ಕ್ಲೋಡಿಯಾಚೆಂ ಕಾರ್ ಭೊಂಗ್ಲ್ಯಾ ಭಾಯ್ರ್ ಪಾವ್ಲ್ಯಾ ನಂತರ್ ತೊ ತ್ಯಾ ಬೊಂಗ್ಲ್ಯಾ ಭಂವಾರಿ ಝಳ್ಕಾತಾ.

ಕಾರ್ ರಸ್ತ್ಯಾಕ್ ಪಾವ್ಲೆಲ್ಯಾ ನಂತರ್, ಥೊಡ್ಯಾ ವೆಳಾನ್ ತೊ ಕ್ಲೋಡಿಯಾಚ್ಯಾ ಬೊಂಗ್ಲ್ಯಾಚಿಂ ಮೆಟಾಂ ಚಡ್ತಾ.”

“ಮ್ಹಳ್ಯಾರ್ ಥಂಯ್ಸರ್ ತೊ ಕ್ಲೈವಾಕ್ ಭೆಟುಂಕ್ ವೆತಾ?.”

“ವ್ಹಯ್ ಸರ್…ಬೊಂಗ್ಲ್ಯಾಚ್ಯಾ ವಯ್ಲ್ಯಾ ಜನೆಲಾ ಸರ್ಶಿಂ ತಾಂಕಾ ದೊಗಾಂಯ್ಕೀ ತವಳ್ ತವಳ್  ಪಳೆತ್ತ್ ಆಸ್ತಾಂ.”

“ಕಿತೆಂಯೀ ಜಾಂವ್ …ಆತಾಂ ತೋಯೀ ರಿಸೊರ್ಟಾ ಭಂವಾರಿ ಆಸ್ತೊಲೊ ಮ್ಹಣ್ ಮ್ಹಾಕಾ ಭೊಗ್ತಾ. ದೆಕುನ್ ತುಂ ತ್ಯಾ ಲಾಂಬ್ ಕೆಸಾಂಚ್ಯಾ ವಿಶಿಂ ಬೋವ್ ಜಾಗ್ರುತ್ ರಾವ್. ಗರ್ಜೆಚಿ ಗಜಾಲ್ ಮ್ಹಳ್ಯಾರ್  ತಾಕಾ ತುಜೆರ್ ಕಸಲೊಚ್ಚ್ ದುಬಾವ್ ಯೆನಾಶೆಂ ತುಂವೆಂ ಜಾಗ್ರುತ್ ಆಸೊಂಕ್ ಜಾಯ್.”

“ಒ.ಕೆ…ಖಂಡಿತ್ ಸರ್.”

“ಜಾಯ್ತ್ ತರ್…ಕ್ಲೋಡಿಯಾ ರಿಸೊರ್ಟಾಂತ್ ಪಾಂವ್ಚ್ಯಾ ಪರ್ಯಾಂತ್ ಆನಿ ತ್ಯಾ ಉಪ್ರಾಂತ್ ರಿಸೊರ್ಟಾಂತ್ ತಾಚೆ ಹರ್ಯೆಕ್ ಚಲನ್ ವಲನಾಚೆರ್ ಗುಪಿತ್ ದೊಳೊ ದವರ್ನ್ ರಾವ್.

ಆನಿ ಹ್ಯಾ ಉಪ್ರಾಂತ್ಲಿ ಹರ್ಯೆಕ್ ಗಜಾಲ್, ಹರ್ಯಕ್ ಘಡ್ಯೆ ಮ್ಹಳ್ಳೆ ಪರಿಂ ಮ್ಹಾಕಾ ತುರ್ತಾನ್ ತಿಳ್ಸಿತ್ತ್ ರಾವ್.”

♥ ♥ ♥ 

ತ್ಯಾ ಸಾಂಜೆರ್ ಸಾಡೆ ಸೊ ವರಾರ್…ಭಂವ್ತಿ ಕಾಳೊಕ್ ಮಾಂಡುನ್ ಆಸ್ತಾಂ…ರಿಸೊರ್ಟಾಚ್ಯಾ ಫಲಾಣ್ಯಾ ವಿಲ್ಲಾಂತ್…

ಸಕಾಳಿಂ ಥಾವ್ನ್…ನೈಜಿಲಾ ಸಂಗಿಂ ಖಟ್ಲ್ಯಾರ್…ಅರ್ಧೆಕುರೆಂ ವಿಣ್ಘೆಂ ಆಸ್ಲೆಲೆಂ ಕ್ಲೋಡಿಯಾ…ದನ್ಪಾರಾಂಚ್ಯಾ ಘಾಡ್ ನಿದೆ ನಂತರ್ ಸಟ್ಟ್ ಕರುನ್ ಉಟ್ಲೆಂ. ಖಿಣಾನ್ ಆಪ್ಲೆಂ  ನ್ಹೆಸಾಣ್ ಸಾರ್ಕೆಂ ಕರುನ್ ಆಸ್ತಾಂ…ತಾಚಿ ದೀಶ್ಟ್ ಬಗ್ಲೆರ್  ಆನಿಕೀ ದನ್ಪಾರಾಂಚ್ಯಾ ಘಾಢ್ ನಿದೆಂತ್ ಆಸ್ಲೆಲ್ಯಾ ನೈಜಿಲಾಚೆರ್ ಪಡ್ತಾಸ್ತಾಂ…

ನೈಜಿಲಾಚ್ಯಾ ಉಗ್ತ್ಯಾ ಹರ್ದ್ಯಾರ್ ತಾಚಿ ದೀಶ್ಟ್ ಏಕ್ ಘಡಿ ಖಂಚುನ್ ರಾವ್ಲಿ. ಹ್ಯಾ ವೆಳಾ…ಪರತ್ ತಾಕಾ ವೆಂಗ್ಯಾ ಮ್ಹಳ್ಳಿ ಕಠಿಣ್ ಆಶಾ ತಾಕಾ ಭೊಗ್ಲಿ. ಪೂಣ್…

ನೈಜಿಲಾಸಂಗಿ ಯೆದೊಳ್‌ಚ್ಚ್ ಖರ್ಚಿಲ್ಲ್ಯಾ ಉದ್ವೇಗಿತ್ ಘಡಿಯಾಂಚಿ ಕಠಿಣ್ ಪುರಾಸಣ್ ತಾಕಾ ಧೊಸುನ್ ಆಸ್ತಾಂ…ತ್ಯಾ ಘಡ್ಯೆ ತೆಂ ಹುನ್ ಶವರ್ ನ್ಹಾಣಾಕ್ ಆಶೆಲೆಂ. ಆನಿಂ ಘಡ್ಯೆನ್ ವಾಶ್ ರುಮಾ ಕುಶಿನ್ ಮೆಟಾಂ ಘಾಲಿಲಾಗ್ಲೆಂ.

ಥೊಡ್ಯಾ ವೆಳಾನ್…ಶವರಾ ಆವಾಜಾಕ್ ನೈಜಿಲಾಕ್ ಸವ್ಕಾಸ್ ಜಾಗ್ ಜಾತಾಸ್ತಾಂ… ಕ್ಲೋಡಿಯಾ ವಾಶ್ ರುಮಾಂತ್ ಶವರ್ ನ್ಹಾಣಾಂತ್ ಆಸ್ಚೆಂ ತೆಂ ತಾಚ್ಯಾ ಗಮನಾಕ್ ಗೆಲೆಂ.

ಘಡ್ಯೆನ್ ಖಾಟಿಯೆರ್ ಆಸ್ಲೆಲ್ಯಾ ಥಾವ್ನ್ ತಾಚಿ ದೀಶ್ಟ್ ವಾಶ್ ರುಮಾ ಕುಶಿನ್ ಪರ್ತಾಲಿ.

ವಾಶ್ ರುಮಾಂತ್ ಕ್ಲೋಡಿಯಾ…ರಂಗೀತ್ ಗಾಯಾನ್ ಗಾಯಿತ್ತ್  ಶವರ್ ನ್ಹಾಣ್ ನ್ಹಾವ್ನ್ ಆಸ್ಚೊ ಆವಾಜ್ ಆಯ್ಕಾತಾನಾಂ…ಶವರಾ ಪಂದ್ಲಿ ಕ್ಲೋಡಿಯಾಚೆಂ ವಿಣ್ಘಿ ಕೂಡ್ ತಾಚ್ಯಾ ಮತಿಂ ಖೆಳೊಂಕ್ ಲಾಗ್ಲಿ.

ಹೆಂ ಮತಿಂತ್‌ಚ್ಚ್ ಆಟೊವ್ನ್ ಆಸ್ತಾಂ…ತ್ಯಾ ಎಕಾ ಘಡ್ಯೆ ಸಟ್ಟ್ ಕರುನ್ ಉಟೊನ್ ಬಸ್ಲೊ.

ಆನಿಂ ಯೆದೊಳ್ ಖಟ್ಲ್ಯಾರ್ ಆಸ್ತಾಂ… ಆಪ್ಲಿ ಕೂಡ್ ಪುರ್ತಿ ವಿಣ್ಘಿ ಕರುಂಕ್ ಆಡಾವ್ನ್ ಆಸ್ಲೆಲ್ಯಾ ಕ್ಲೋಡಿಯಾಕ್…ಆತಾಂ ಶವರಾ ಪಂದಾ ವಿಣ್ಘೆ ಕುಡಿರ್ ತೆಂ ಆಸ್ತಾಂ ತಾಚೆರ್ ನದರ್ ಘಾಲ್ಚ್ಯಾಕ್ ತೊ ಆತುರಾಯೆನ್ ಬುಡ್ಲೊ.

ದುಸ್ರೆಚ್ಚ್ ಘಡ್ಯೆ…ಮಜ್ರಾ ಮೆಟಾಂನಿಂ ತೊ ವಾಶ್ ರುಮಾಚ್ಯಾ ಬಾಗ್ಲಾಲಾಗಿಂ ಗೆಲೊ.

ಲಾಗಿಂ ಪಾವ್ತಾಂ ತಾಣೆಂ ಅಂದಾಜ್ ಕೆಲ್ಲ್ಯಾಪರಿಂ…ವಾಶ್ ರುಮಾಚ್ಯಾ ಬಾಗ್ಲಾಕ್ ಖಿಳ್ ಘಾಲುಂಕ್ ನಾತ್‌ಲ್ಲಿ. ಆತಾಂ ಬಾಗ್ಲಾಚ್ಯಾ ಅಶೀರ್ ಇಡ್ಯಾ ಥಾವ್ನ್ ಭಿತರ್ ತಿಳುಂಕ್ ಲಾಗ್ಲೊ.

ಥಂಯ್ಸರ್…ಶವರಾ ಪಂದ್ಲ್ಯಾ ಉದ್ಕಾಂತ್ ಕ್ಲೋಡಿಯಾಚ್ಯಾ ವಿಣ್ಘ್ಯಾ ಕುಡಿರ್…ಮಾತ್ಯಾ ಥಾವ್ನ್ ದೆಂವ್ಚೆಂ ಉದ್ಕಾ ಥೆಂಬೆಂ…

ಕ್ಲೋಡಿಯಾಚ್ಯಾ ಗೊಮ್ಟೆ ಥಾವ್ನ್ ಉಬಾರ್ ಪುಡ್ಪುಡಿತ್ ಥನಾಂಚ್ಯಾ ಮದೆಂ ಪಾಶಾರ್ ಜಾವ್ನ್  ಝಾಂಗಾ ಮದೆಂ ದೆಂವಾತ್ತ್ ವ್ಹಾಳಾತ್ತ್ ಆಸ್ಚೆಂ ದೃಶ್ಯ್ ಪಳೆವ್ನ್ ನೈಜಿಲಾಕ್ ತಡ್ವುಂಕ್ ಜಾಲೆಂನಾಂ. ಆತಾಂ ಸಟ್ಟ್ ಕರುನ್ ಎಕಾಚ್ಚಾಣೆಂ ತೊ ಬಾಗಿಲ್ ಉಗ್ತೆಂ ಕರಿಲಾಗ್ಲೊ.

ಬಾಗ್ಲಾ ಆವಾಜ್ ಜಾಲ್ಲೆಂಚ್ಚ್ ಯೆಕಾಚ್ಚಾಣೆಂ ಉಡೊನ್ ಪಡ್ಲೆಂಲೆಂ ತೆಂ…ದುಸ್ರೆ ಘಡ್ಯೆ ಆಪ್ಣಾ ಲಾಗಿಂ… ಬೋವ್ ಲಾಗಿಂ ಉಬೊ ಆಸ್ಲೆಲ್ಯಾ ನೈಜಿಲಾಕ್ ಪಳೆವ್ನ್ ಥಟಕ್ಕ್ ಜಾಲೆಂ.

ತಕ್ಶಣ್ ಎಕಾಚ್ಚಾಣೆಂ ಆಪ್ಣಾಚ್ಯಾ ವಿಣ್ಘ್ಯಾ ಕುಡಿಕ್ ನೈಜಿಲಾನ್ ಉದ್ವೇಗಿ ವೆಂಗ್ ಮಾರ್ತಾಸ್ತಾನಾಂ…

“ಆಹ್”…ಪಿಂರ್ಗಾಲೆಂ ಕ್ಲೋಡಿಯಾ. ಆನಿ ಕಿತೆಂಗೀ ಸಾಂಗೊಂಕ್ ತೆಂ ವೋಂಟ್ ವೆಗ್ಳೆಂ ಕರ್ತಾ ಮ್ಹಣ್ತಾಸ್ತಾಂ…ನೈಜಿಲಾಚೆ ಹುನ್ ವೋಂಟ್ ತಾಚ್ಯಾ ವೊಂಟಾಂಚೆರ್ ಬಸ್ಲೆ. ಆನಿ ಖಿಣಾನ್ ಶಿರಾಂ ಶಿರಾಂನಿ ವ್ಹಾಳ್ಚ್ಯಾ ವಿಚಿತ್ರ್ ಆನಂದೆಚ್ಯಾ ಭಗ್ಣಾಂಕ್ ತೆಂ ಉದ್ವೇಗಿತ್ ಜಾತಾಸ್ತಾನಾಂ…ತಾಚಿಂ ಉತ್ರಾಂ ಬಂದ್ ಜಾಲಿಂ.

ಆತಾಂ ಫಕತ್ತ್ ತಾಂಚಿ ಕುಡ್ ಉಲಂವ್ಕ್ ಲಾಗ್ಲಿಂ.

ಥೊಡಿಂಚ್ಚ್ ಸೆಕುಂದಾಂ…ತ್ಯಾ ಉನ್ಮಾದೆ ಘಡಿಯಾ ಮಧೆಂ …ನೈಜಿಲ್ ಎಕಾಚ್ಚಾಣೆಂ ಆಪ್ಲಿ ವೆಂಗ್ ಸಡಿಳ್ ಕರಿಲಾಗ್ಲೊ. ಆನಿ ಕಠಿಣ್ ಉದ್ವೇಗಾನ್ ಭರ್ಲೊಲೊ ತೊ…ಕ್ಲೋಡಿಯಾಕ್ ಆಪ್ಲ್ಯಾ ದೊನೀ ಹಾತಾಂನಿಂ ಭುರ್ಗ್ಯಾಪರಿಂ ಉಕ್ಲೊನ್ ಧರಿಲಾಗ್ಲೊ.

ಆನಿಂ…ಶವರಾ ಪಂದ್ಲ್ಯಾ ಉದ್ಕಾಂತ್ ಭಿಜೊನ್ ಆಸ್ಲೆಲ್ಯಾ ಕ್ಲೋಡಿಯಾಕ್…ವಾಶ್ ರುಮಾ  ಥಾವ್ನ್ ಭಾಯ್ರ್ ಹಾಡ್ನ್ ಆಯ್ಲೊ.

ದುಸ್ರೆ ಘಡ್ಯೆ…ಖಟ್ಲ್ಯಾ ಸರ್ಶಿಂ ಹಾಡ್ನ್ ಆಯ್ಲೊಲೊ ತೊ ಹುನ್ ಉದ್ಕಾಂತ್ ಭಿಜೊನ್ ಮುದೊ ಆಸ್ಲೆಲ್ಯಾ ಕ್ಲೋಡಿಯಾಕ್…ಖಟ್ಲ್ಯಾರ್ ಉದಾರೆಂಚ್ಚ್ ನಿದಾಯ್ಲಾಗ್ಲೊ. ಆನಿ ವಾಶ್ ರುಮಾಂತ್ ಅದುರಿ ಜಾಲ್ಲಿ ಉದ್ವೇಗಿ ಚಾಲ್…ಆತಾಂ ಖಟ್ಲ್ಯಾರ್ ಆರಂಭ್ ಜಾಲಿ!.

ಆನಿ ತ್ಯಾ ಖಟ್ಲ್ಯಾರ್…ಯೆದೊಳ್ ಜಾಲ್ಲ್ಯಾ ಅನ್ಭೋಗಾ ಪ್ರಾಸ್ ವೆಗ್ಳ್ಯಾಚ್ಚ್ ರಿತಿಚ್ಯಾ ಅನ್ಭೋಗಾಂತ್ ದೊನೀ ಕುಡಿ ಏಕ್ ಜಾವ್ನ್ ಉನ್ಮಾದೆಚ್ಯಾ ಊಂಚ್ ಹಂತಾರ್ ಮಿಸ್ಳೊನ್ ಆಸ್ತಾಂ…ಖಟ್ಲೆಂ ಕಠಿಣ್ ಥರಾನ್ ಆವಾಜ್ ಕರುನ್ ತಾಂಕಾ ಉತ್ತೇಜಿತ್ ಕರಿಲಾಗ್ಲೆಂ.!.

ಆನಿಂ ಅಸಲ್ಯಾ ಊಂಚ್ ಉನ್ಮಾದೆಚ್ಯಾ ವೆಂಗೆಂತ್ ತಿಂ ಆಸ್ತಾನಾಂಚ್ಚ್…

‘ಕ್ರೀಂ…ಕ್ರೀಂ…’

ಎಕಾಚ್ಚಾಣೆಂ ಭಾಯ್ಲ್ಯಾ ದಾರಾರ್ ಬೆಲ್ ಆವಾಜುಂಕ್ ಲಾಗ್ಲಿ.!.

ಪೂಣ್ ಹ್ಯಾವೆಳಿಂ ತಾಂಕಾ ತ್ಯಾ ಬೆಲ್ಲಾಚಿ ಪರ್ವಾಚ್ಚ್ ನಾತ್‌ಲ್ಲಿ. ಬೆಲ್ಲ್ ವ್ಹಾಜಾತ್ತ್ ಆಸ್‌ಲ್ಲಿ. ತರೀ ಹಾಂಚೊ ಉನ್ಮಾದೆ ಪಿರ್ಗೊಣಿಂ ಮಾತ್ರ್ ರಾವೊಂಕ್ ನಾತ್‌ಲ್ಲಿ.

ಅಸಲ್ಲ್ಯಾ ವೆಳಾ ಏಕ್ ಪಾವ್ಟಿಂ ಬೆಲ್ಲ್ ಥಂಡ್ ಜಾಲಿ. ಉಪ್ರಾಂತ್ ಥೊಡ್ಯಾವೆಳಾನ್…

ಪರತ್ ಏಕ್ ಪಾವ್ಟಿಂ…ದುಸ್ರ್ಯಾ ಪಾವ್ಟಿಂ…ನಂತರ್ ತಿಸ್ರೆಂ ಪಾವ್ಟಿಂ ಬೆಲ್ಲ್ ಜೊರಾನ್ ಆವಾಜ್ತಾನಾಂ…

ಕ್ಲೋಡಿಯಾಚ್ಯಾ ವೆಂಗೆ ಥಾವ್ನ್ ನೈಜಿಲ್ ನಾಖುಶೆನ್ ವೆಗ್ಳೆಂ ಜಾಲೊ. ಆನಿಂ ತ್ಯಾಚ್ಚ್ ವೆಳಾ…

ವಿಣ್ಗೆಂ ಕ್ಲೋಡಿಯಾ ಖಾಟಿಯೆ ಥಾವ್ನ್ ಪರತ್ ಪಾಟಿಂ ವಾಶ್ ರುಮಾಕುಶಿನ್ ಧಾಂವಾಲಾಗ್ಲೆಂ.

ಹೆಂ ಪಳೆಲ್ಲೊ ನೈಜಿಲ್… ಆಪ್ಲ್ಯಾ ಕುಡಿಚೆರ್ ಬಾತ್ ಟವೆಲ್ ಗುಟ್ಲಾವ್ನ್ ಅಮ್ಸರಿಂ ಬಾಗ್ಲಾ ಸರ್ಶಿಂ ಗೆಲೊ.

ದಾರಾರ್ ರೂಮ್ ಬೋಯ್ ಉಬೊ ಆಸ್‌ಲ್ಲೊ.

“ಸರ್…ಸಾಂಜೆಚಿ ಟಿಫಿನ್ ಕಾಂಯ್ ಹಾಡುಂ?”…ಉತ್ರಾಂ ಬರಾಬರ್ ಮೆನ್ಯು ಕಾರ್ಡ್ ನೈಜಿಲಾಚ್ಯಾ ಹಾತಿಂ ದಿಲಿ. ತವಳ್ ಮಾತ್ಸ್ಯಾ ರಾಗಾರ್ ಆಸ್ಲೊಲೊ ನೈಜಿಲ್ ಏಕ್ ಘಡಿ ಮೆನ್ಯು ಪಳೆತ್ತ್ ರಾವ್ಲೊ.

ಹ್ಯಾಘಡ್ಯೆ…ರೂಮ್ ಬೋಯ್‌ಚಿ ವಾಂಕ್ಡಿ ದೀಶ್ಟ್ ಖಟ್ಲಾರ್ ಅಸ್ತ್ ವೆಸ್ತ್ ಜಾಲ್ಲ್ಯಾ ಬೆಡ್ಡಾಚ್ಯಾ ಹಾಂತುಳ್ನಾರ್…ತಶೆಂ ನ್ಹೆಸ್ಣಾಚೆರ್ ಬದ್ಲಾಲಿ. ಮುದೊ ಜಾವ್ನ್ ಪಡುನ್ ಆಸ್ಚೆಂ ಚಲಿಯೆಚೆಂ ಜಿಪ್ಸಿ ಸ್ಕರ್ಟ್ ಆನಿ ಟ್ಯಾಂಕ್ ಟೋಪ್.

ಹೆಂ ತೊ ಪಳೆತ್ತ್ ಆಸ್ತಾಂ…ವಾಶ್ ರುಮಾಂತ್ ಜಾಂವ್ಚ್ಯಾ ಶವರಾ ಆವಾಜಾಕ್ ತಾಚೆ ಕಾನ್ ನೀಟ್ ಜಾಲೆ. ವಾಶ್ ರುಮಾಂತ್ ಆಸ್ಲೆಲ್ಯಾ ಚಲಿಯೆಚೆಂ ವಸ್ತುರ್ ಹೆಂ’ ತ್ಯಾ ಚಿಂತ್ಪಾನ್ ತಾಚಿ ವಾಂಕ್ಡಿ ನದರ್ ಪರತ್ ತ್ಯಾ ವಸ್ತುರಾರ್ ಪಡ್ಲಿ.

“ಧರ್…”

ನೈಜಿಲಾಚ್ಯಾ ತಾಳ್ಯಾಕ್ ತೊ ಜಾಗೊ ಜಾಲೊ. ಥೊಡ್ಯಾ ಸೆಕುಂದಾಂನಿ ಆರ್ಡರ್ ಘೆವ್ನ್ ತೊ ನೈಜಿಲಾಕ್ ಪಾಟ್ ಕರ್ತಾಸ್ತಾನಾಂ…ನೈಜಿಲ್ ಮ್ಹಣಾಲೊ…

“ಆನಿ ಕೆನ್ನಾಂಯೀ ಹಾಂವ್ ಬೆಲ್ಲ್ ಕರಿನಾಸ್ತಾಂ…ತುಜೆಂ ಡೋರ್ ಬೆಲ್ಲ್ ಮ್ಹಜ್ಯಾ ದಾರಾರ್ ಆವಾಜುಂಕ್ ನೊಜೊ.”  ಗಂಭೀರ್ ಉತ್ರಾಂ ಬರಾಬರ್ ತಾಣೆಂ ದಾರ್ ಧಾಂಪ್ಲೆಂ.

ಪೂಣ್ ತ್ಯಾ ರೂಮ್ ಬೋಯ್ಕ್ ನೈಜಿಲಾಚಿ ಪರ್ವಾ ನಾತ್‌ಲ್ಲಿ. ಆತಾಂ ತೊ ಫಕತ್ತ್ ಲಾಂಬ್ ಕೆಸಾಂಚ್ಯಾಕ್ ಭೆಟ್ಚ್ಯಾ ಅಮ್ಸೊರಾರ್ ಆಸ್‌ಲ್ಲೊ.

ಥೊಡ್ಯಾಚ್ಚ್ ವೆಳಾನ್ ತ್ಯಾ ಲಾಂಬ್ ಕೆಸಾಂಚ್ಯಾ ಲಾಗಿಂ ಜಾಲ್ಲ್ಯಾ ತಾಚ್ಯಾ ಗುಪಿತ್ ಭೆಟೆಂತ್…

ನೈಜಿಲ್ ಆಸ್ಲೆಲ್ಯಾ ವಿಲ್ಲಾಂತ್…ಏಕ್ ಪಾವ್ಟಿಂ ಪಾಟ್ಲ್ಯಾ ಜನೆಲಾಂತ್ಯಾನ್…ದುಸ್ರೆ ಪಾವ್ಟಿ ಮುಕ್ಲ್ಯಾ ಬಾಗ್ಲಾಂತ್ಲ್ಯಾನ್…ಅಶೆಂ ದೋನ್ ಪಾವ್ಟಿಂ ಆಪ್ಣೆಂ ಗುಪಿತ್ ಥರಾನ್ ಪಳೆಲ್ಲೆಂ…ತಶೆಂ  ಜಾಣಾಂ ಜಾಲ್ಲಿ ಹರ್ಯೇಕ್ ದುಬಾವಿ ಸಂಗ್ತಿಂ… ಸಾರ್ಕೆಂ ಥರಾನ್ ತಾಕಾ ವಿವರಿಲಾಗ್ಲೊ.

ದುಸ್ರೆ ಘಡ್ಯೆ ಲಾಂಬ್ ಕೆಸಾಂಚ್ಯಾನ್ ದಿಲ್ಲಿ ನೊಟಾಂಚಿ ಅಟ್ಟಿ ತಾಚ್ಯಾ ಹಾತಿಂ ಘುಸ್ತಾಸ್ತಾನಾಂ… ರೂಮ್ ಬೊಯ್ ತಾಚೆ ಕಾನಿಂ ಪುಸ್ಪುಸ್ಲೊ…

“ಆನಿ ಮ್ಹಜಿ ತುಜಿ ಭೆಟ್…ರಾತಿಚ್ಯಾ ಇಕ್ರಾ ವರಾರ್.”

♥ ♥ ♥ 

ಮಯೂರ್ ರಿಸೋರ್ಟಾಂತ್…ಸಾಂಜೆಚ್ಯಾ ಸಾತ್ ವರಾರ್…

ಮಂದ್ ಉಜ್ವಾಡ್ ಪ್ರಕಾಸುನ್ ಆಸ್ಚ್ಯಾ ಡಾನ್ಸ್ ಫ್ಲೋರಾರ್…ಸೆಕ್ಸಿ ಪೋಪ್ ಸೊಂಗ್ಸ್ ಆನಿ ಡಾನ್ಸ್  ಆರಂಭ್ ಜಾಲ್ಲೆಂ.

ಡಾನ್ಸ್ ಫ್ಲೋರಾಚ್ಯಾ ಮುಕ್ಲ್ಯಾ ಸ್ಟೇಜಿಚೆರ್ ಮಧೆಂಚ್ಚ್… ಬೋವ್ ಮಟ್ವೆಂ ನ್ಹೆಸಾಣ್ ಘಾಲುನ್ ಆಸ್ಚಿ ಸುಂದರ್ ಚಲಿ…  ಕಠಿಣ್ ಆವಾಜಾಚೆಂ ಸಂಗೀತ್ ಉಟೋವ್ನ್ ಆಸ್ಚ್ಯಾ ಮ್ಯೂಜಿಶಾನಾಂ ಮದೆಂ…ತೆಣೆಂ ಹೆಣೆಂ ಹಾಲೊನ್ ಧಲುನ್ ನಾಚೊನ್… ‘ಸೆಕ್ಸಿ ಸೊಂಗ್ಸ್ …’ ಗಾಯಿತ್ತ್  ಆಸ್ ಲ್ಲೆಂ.

ತೆಂ ಆಪ್ಲ್ಯಾ ತ್ಯಾ ಮಾದಕ್ ತಾಳ್ಯಾನ್ ಡಾನ್ಸ್ ಪ್ಲೋರಾರ್ ಆಸ್ಚ್ಯಾ ಜೊಡಿಯಾಂಕ್ ಉನ್ಮಾದೆಚಿಂ ಮೊಗಾ ಲಾರಾಂ ಉಟೊವ್ನ್ ತಾಂಕಾ ಎಕಾಮೆಕಾಚ್ಯಾ ಮಿಲನಾ ಥಂಯ್ ಪ್ರಚೋದನ್ ಕರುನ್ ಆಸ್‌ಲ್ಲೆಂ.

ಆನಿ ಅಸಲ್ಲ್ಯಾ ಭೊಂವರಾಂತ್ ನಾನಾ ಭಂಗಿಂನಿಂ ನಾನಾ ನ್ಹೆಸ್ಣಾಂನಿಂ ನಾಚಿತ್ತ್ ಆಸ್ಲೆಲ್ಯಾ ಜೊಡ್ಯಾಂ ಮಧೆಂ… ಕ್ಲೋಡಿಯಾಯೀ… ನೈಜಿಲಾಕ್ ಕಿತ್ಲೆಂ ಜಾತಾ ತಿತ್ಲೆಂ ಆಪ್ಲ್ಯಾ ವೆಂಗೆಂತ್ ಆರಾವ್ನ್…ಹರ್ಯೆಕ್ ಆಪ್ಲೆ ವಿಶ್ವೆ ತಾಕಾ ಪ್ರಚೋದಿತ್ ಕರ್ಚೆಂ ಪರಿಂ ತಾಕಾ ಲಾಗವ್ನ್  ನಾಚುನ್ ಆಸ್‌ಲ್ಲೆಂ.!.

ಹ್ಯಾ ವೆಳಾ ತ್ಯಾ ರಿಸೋರ್ಟಾಚ್ಯಾ ಭಂವಾರಿಚ್ಚ್ ಆಸ್‌ಲ್ಲೊ ಕ್ಲೋಡಿಯಾಚೊ ಗುಪಿತ್ ಪಾಟ್ಲಾವ್ ಕರುನ್ ಆಸ್ಚೊ ತೊ ಲಾಂಬ್ ಕೆಸಾಂಚೊ ತರ್ನಾಚೊ…ಕ್ಲೋಡಿಯಾಚ್ಯಾ ನದ್ರೆಕ್ ಪಡ್ಚ್ಯಾ ಭಿರಾಂತೆನ್…ಡಾನ್ಸ್ ಪ್ಲೋರಾಕ್ ಯೇಂವ್ಕ್ ನಾತ್‌ಲ್ಲೊ.

ಬಗಾರ್ ತೊ…ರಿಸೊರ್ಟಾಚ್ಯಾ ಲಾಂಜಾಂತ್ಲ್ಯಾ ಎಕಾ ಬಾಂಕಾರ್…ಮೆಕ್ ಡವೆಲ್ ವಿಸ್ಕಿ ಸಂಗಿ…ವೇಳ್ ಖರ್ಸುನ್ ಆಸ್‌ಲ್ಲೊ. ಆನಿ ತವಳ್ ಕ್ಲೋಡಿಯಾಚ್ಯಾ ಪಾಟ್ಲಾವೆಕ್ ಆಪ್ಣೆಂ ನೆಮ್ಲೆಲ್ಯಾ ಫಲಾಣ್ಯಾ ರೂಮ್ ಬೋಯ್ಚ್ಯಾ ಭೆಟೆಕ್ ತೊ ರಾಕೊನ್ ಆಸ್‌ಲ್ಲೊ.

♥ ♥ ♥ 

ಅಶೆಂ ಸುಮಾರ್ ನೋವ್ ವರಾರ್…ಡಾನ್ಸ್ ಪ್ಲೋರಾರ್ ಆಸ್‌ಲ್ಲೆಂ ಕ್ಲೋಡಿಯಾ…ನೈಜಿಲಾಚ್ಯಾ ಕಾನಿಂ ಪುಸ್ಪುಸೊಂಕ್ ಲಾಗ್ಲೆಂ.

“ನೈಜಿಲ್ ವರಾಂ ಪಳೆ.”

ನೈಜಿಲಾನ್ ಕ್ಲೋಡಿಯಾಚ್ಯಾ ಗೊಮ್ಟೆರ್ ಆರಾವ್ನ್ ಆಸ್ಲೆಲ್ಯಾ ಹಾತಾಚ್ಯಾ ರಿಸ್ಟ್ ವೊಚಾಚೆರ್ ದೀಶ್ಟ್ ಬದ್ಲಿಲಿ. ತ್ಯಾ ಉಪ್ರಾಂತ್ಲ್ಯಾ ಥೊಡಿಂಚ್ಚ್ ಮಿನುಟಾಂ ತಿಂ ಥಂಯ್ಸರ್ ಆಸ್‌ಲ್ಲಿಂ. ನಂತರ್ ತಿಂ ಡಾನ್ಸ್ ಪ್ಲೊರಾ ಥಾವ್ನ್ ವೆಗ್ಳೆಂ ಜಾಲಿಂ. ಆನಿ ಪರತ್ ಪಾಟಿಂ ವಿಲ್ಲಾ ಕುಶಿನ್ ಮೆಟಾಂ ಘಾಲುಂಕ್ ಲಾಗ್ಲಿಂ.

ನಂತರ್ಚ್ಯಾ ದೇಡ್ ದೋನ್ ವೊರಾನ್…ದುಸ್ರ್ಯಾ ದಿಸಾ ಪರತ್ ಅಶೆಂಚ್ಚ್ ರಿಸೋರ್ಟಾಂತ್ ಭೆಟ್ಚ್ಯಾ ಭಾಸಾವ್ಣೆರ್ ತಿಂ ವಿಲ್ಲಾ ಥಾವ್ನ್ ಭಾಯ್ರ್ ಪಡ್ಚಿ ತಯಾರಾಯ್ ಕರಿಲಾಗ್ಲಿಂ.

ತ್ಯಾಚ್ಚ್ ಆಯಿನ್ನ್ ವೆಳಾ… ಲಾಂಬ್ ಕೆಸಾಂಚ್ಯಾ ತರ್ನಾಟ್ಯಾಚಿ ಆನಿ ರೂಮ್ ಬೋಯ್ ಚಿ ದುಸ್ರಿ ಭೆಟ್ ಜಾಲಿ. ಆನಿ ತ್ಯಾ ದಾಟ್ ಕಾಳಾಕಾಂತ್ ಎಕಾಮೆಕಾಚ್ಯಾ ಗುಪಿತ್ ಸಂವಾದೆಂತ್ ತೆ ದೊಗೀ ಮಗ್ನ್ ಜಾವ್ನ್ ಆಸ್ತಾಂ…

ಸುಮಾರ್ ಸಾತ್ ಆಟ್ ಮೀಟರ್ ಪಯ್ಸ್ ಕಾಳಾಕಾಂತ್ಲ್ಯಾ ರುಕಾ ಆಡೊಸಾರ್…ಏಕ್ ಜೊಡಿ ದೊಳೆ…ಹಾಂಚೆರ್ ಚೊರ್ಯಾಂ ನದರ್ ದವರ್ನ್ ಆಸ್‌ಲ್ಲೆ!.

ಉಪ್ರಾಂತ್ಲ್ಯಾ ಥೊಡ್ಯಾಚ್ಚ್ ವೆಳಾನ್ ತಾಂಚೆ ಸಂವಾದ್ ಸಂಪ್ಲೆಂ. ಆನಿ ತೆ ಎಕಾಮೆಕಾ ಥಾವ್ನ್ ವೆಗ್ಳೆ ಜಾಲೆ.

ಆನಿ ಹ್ಯಾಚ್ಚ್ ಆವ್ಕಾಸಾಕ್ ರಾಕೊನ್ ಆಸ್ಲೊಲೆ ಜೊಡಿ ದೊಳೆ ಆತಾಂ ಚುರುಕ್ ಜಾಲೆ.

ಹ್ಯಾಚ್ಚ್ ಘಡಿಯೆಕ್ ರಾಕೊನ್ ಆಸ್‌ಲ್ಲೆ ತೆ ಜೊಡಿ ದೊಳೆ…ಆತಾಂ ರುಕಾಚ್ಯಾ ಆಡೊಸಾ ಥಾವ್ನ್ ಭಾಯ್ರ್ ಆಯ್ಲೆ. ಆನಿ…

ಕಾಳೊಕಾಂತ್ಲ್ಯಾ ಆಡೋಸಾರ್‌ಚ್ಚ್ ತ್ಯಾ ಫಲಾಣ್ಯಾ ರೂಮ್ ಬೋಯ್ ಪಾಟ್ಲ್ಯಾನ್…ಮಜ್ರಾ ಮೆಟಾಂ ಘಾಲುಂಕ್ ಲಾಗ್ಲೆ. ಆನಿ ತ್ಯಾ ಎಕಾ ಆಯಿನ್ನ್ ಘಡ್ಯೆ…

ತ್ಯಾ ದಾಟ್ ಕಾಳೊಕಾಂತ್ ಜೊಕ್ತೊ ಆವ್ಕಾಸ್ ಆನಿಂ ಜಾಗೊ ಮೆಳ್ತಾಸ್ತಾಂ …

ಎಕಾಚ್ಚಾಣೆಂ ತೊ ಗುಪಿತ್ ವೆಕ್ತಿ ಚುರುಕ್ ಜಾಲೊ. ಆನಿ ರೂಮ್ ಬೋಯ್ಚೆರ್ ಆಪ್ಲಿ ಬಳಾಚಿ ದಾವ್ಲಿ  ಮಾರ್ಲಿ!. ಆನಿ ಘಡ್ಯೆನ್ ತಾಚ್ಯಾ ಮುಸ್ಕಾರ್ ಧಾಂಬುನ್ ಧರ್ನ್ ತಾಕಾ ತ್ಯಾ ಕಾಳಾಕಾಚ್ಯಾ ಬೊಲ್ಯಾಂ ಮಧೆಂ ವೋಡ್ನ್ ವ್ಹರಿಲಾಗ್ಲೊ.

ತ್ಯಾಘಡ್ಯೆ ತೊ ತ್ಯಾ ಕಾಳಾಕಾಂತ್ಲ್ಯಾ ಅಪರಿಚಿತ್ ವೆಕ್ತಿವಿಶಿಂ ನಾನಾಂತ್ಯಾ ಭಯಾನಕ್ ಚಿಂತ್ನಾನಿಂ ಕಾಂಪೊಂಕ್ ಲಾಗ್ತಾನಾಂ…

ಅಪರಿಚಿತಾಚೊ ದಾಟ್ ತಗ್ಸಾಲ್ಲೊ ಕರ್ಕಶ್ ತಾಳೊ ತಾಚ್ಯಾ ಕಾನಿಂ ಜಡಾಯೆನ್ ಪುಸ್ಪುಸೊಂಕ್ ಲಾಗ್ಲೊ…

“ಸಾಂಗ್ ಆತಾಂ…ತ್ಯಾ ಲಾಂಬ್ ಕೆಸಾಂಚ್ಯಾಕ್…ಕಸಲೊ ವಿವರ್ ದಿಲ್ಲೊಯ್?”…ಅಸಲ್ಯಾ ಸವಲಾ ಬರಾಬರ್ ತೊ ಕ್ಲೋಡಿಯಾ ಆನಿ ನೈಜಿಲಾವಿಶಿಂ ವಿವಿಧ್ ಸವಾಲಾಂ ಘಾಲಿಲಾಗ್ಲೊ!.

ಹೆಂ ಆಯ್ಕೊನ್ ರೂಮ್ ಬೊಯ್…ಧಿಘ್ಭ್ರಾಂತ್ ಜಾಲೊ. ತ್ಯಾ ಲಾಂಬ್ ಕೆಸಾಂಚ್ಯಾ ವೆಕ್ತಿ ಪರಿಂಚ್ಚ್ ಹೊ ಆಕ್ರಮಣ್‌ಕಾರ್ ಯೀ ತಸಲಿಂಚ್ಚ್ ಸವಾಲಾಂ ವಿಚಾರ್ಚೆಂ ಆಯ್ಕೊನ್ ತೊ ಮಿಸ್ತೆರಾಂತ್  ಶಿರ್ಕಾಲೊ.

ತ್ಯಾಚ್ಚ್ ಘಡ್ಯೆ ತಾಚಿ ಗೊಮ್ಟಿ ತ್ಯಾ ಅಪರಿಚಿತಾಚ್ಯಾ ಹಾತಾಂತ್ ಚಡ್ ಆನಿ ಚಡ್ ಬಿಗ್ದುಂಕ್ ಲಾಗ್ತಾನಾಂ…

ತೊ ರೂಮ್ ಬೋಯ್…ಕ್ಲೋಡಿಯಾ ಆನಿಂ ನೈಜಿಲಾ ವಿಶ್ಯಾಂತ್ ಆಪುಣ್ ಜಾಣಾಂ ಆಸ್ಚಿ, ತಶೆಂ ಯೆದೊಳ್ ತ್ಯಾ ಲಾಂಬ್ ಕೆಸಾಂಚ್ಯಾಕ್ ಚೊರ್ಯಾಂ ದಿಲ್ಲಿ ಹರ್ಯೆಕ್ ವಿಶಯ್ ಎಕಾಪಾಟ್ ಏಕ್ ತ್ಯಾ ಅಪರಿಚಿತ್ ವೆಕ್ತಿಚ್ಯಾ ಕಾನಿಂ ಪುಸ್ಪುಸೊಂಕ್ ಲಾಗ್ಲೊ.

♥ ♥ ♥ 

ತ್ಯಾ ರಾತಿಂ…ಸುಮಾರ್ ಇಕ್ರಾ ವರಾರ್…

ರಿಸೊರ್ಟಾ ಥಾವ್ನ್ ಪರತ್ ಪಾಟಿಂ ವಾವ್ಲೆಲ್ಯಾ ಕ್ಲೋಡಿಯಾಚ್ಯಾ ಕಾರಾಚೆ ಲಾಯ್ಟ್ ಬೊಂಗ್ಲ್ಯಾ ಮುಕಾರ್ ಪ್ರಕಾಸ್ಲೆ.!.

ಹ್ಯಾವೆಳಾ…ವಯ್ರ್ ಮಾಳಿಯೆಚ್ಯಾ ಜನೆಲಾಲಾಗಿಂ ಕ್ಲೈವಾ ಸಂಗಿ ಗುಪಿತ್ ಸಂವಾದೆರ್ ಆಸ್ಲೊಲೊ ತೊ ಲಾಂಬ್ ಕೆಸಾಂಚೊ ವೆಕ್ತಿ…ಕ್ಲೋಡಿಯಾಚೆಂ ಕಾರ್ ಭಿತರ್ ರಿಗ್ಚೆಂ ಪಳೆವ್ನ್…ಎಕಾಚ್ಚಾಣೆಂ ಉದ್ಗಾರ್ಲೊ…

“ಕ್ಲೋ…ಡಿಯಾ…!”.

ಹೆಂ ಆಯ್ಕಾಲ್ಲೆಂಚ್ಚ್ ಕ್ಲೈವ್ ಜಾಗೊ ಜಾಲೊ. ಆನಿ ತವಳ್‌ಚ್ಚ್…

ಲಾಂಬ್ ಕೆಸಾಂಚೊ …ಮುಕಾರ್ ಕಸಲೊಚ್ಚ್ ಸಬ್ದ್ ಕಾಡಿನಾಸ್ತಾಂ, ಅಮ್ಸರಿಂ ಅಮ್ಸರಿಂ ಕ್ಲೈವಾಚ್ಯಾ ಕುಡಾ ಥಾವ್ನ್ ಭಾಯ್ರ್ ಆಯ್ಲೊ. ಆನಿ ಕ್ಲೋಡಿಯಾಚ್ಯಾ ನದ್ರೆಕ್ ಪಡ್ಚೆಂ ಚುಕೊಂವ್ಕ್ ವೆವೆಗ್ಗಿಂ ಮಾಳಿಯೆ ಮೆಟಾಂ ದೆಂವಾಲಾಗ್ಲೊ.

ಆನಿ ತೊ ಮುಕ್ಲ್ಯಾ ದಾರಾ ಲಾಗಿಂ ಪಾವ್ತಾಸ್ತಾಂ…ಕ್ಲೋಡಿಯಾ ಕಾರ್ ಶೆಡ್ಡಾಂತ್ ರಾವೊವ್ನ್ ಆಸ್‌ಲ್ಲೆಂ. ಆತಾಂ ವಾರ‍್ಯಾವೆಗಾನ್ ತೊ ಬಾಗ್ಲಾ ಭಾಯ್ರ್ ಆಯ್ಲೊ.

ಆನಿ ತವಳ್ ಬೊಂಗ್ಲ್ಯಾ ಭಿತರ್ ರಿಗ್ತಾಸ್ತಾಂ ಉಪಯೋಗ್ಸಿಲ್ಲ್ಯಾ ಚಾವಿಯೆನ್ ಆತಾಂಯೀ ತೆಂ ಬಾಗಿಲ್ ಆಸಾತಶೆಂ ಫಿಚಾರ್ ಕರಿಲಾಗ್ಲೊ. ಆನಿ ಖಿಣಾನ್ ತಿ ಚಾವಿ…ಭಿತರ್ ಯೆತಾಸ್ತಾಂ ವಿಂಚ್ಲೆಲ್ಯಾ ಫುಲಾಂ ಚಟ್ಟಿಂತ್ … ಥಂಯ್ಚ್ ತಶೆಂಚ್ಚ್ ಪಾಟಿಂ ದವರಿಲಾಗ್ಲೊ.

ಆನಿ ಕ್ಲೋಡಿಯಾ ಬೊಂಗ್ಲ್ಯಾ ಭಿತರ್ ರಿಗ್ಚ್ಯಾಕ್ ರಾಕೊನ್…ಥಂಯ್ಚ್ ಕಾಳಾಕಾಂತ್ಲ್ಯಾ ಆಡೊಸಾಂತ್ ತೊ ಲಿಪ್ಲೊ.

ಉಪ್ರಾಂತ್ಲ್ಯಾ ಥೊಡ್ಯಾ ಸೆಕುಂದಾನಿಂ…ಕಾರಾ ಥಾವ್ನ್ ದೆವ್ಲೆಂಲೆಂ ಕ್ಲೋಡಿಯಾ ಹರ್ಶೆಂಚ್ಯಾ ಸವಯೆಪರಿಂ ಫಲಾಣ್ಯಾ ಫುಲಾ ಚಟ್ಟಿ ಸರ್ಶಿಂ ಆಯ್ಲೆಂ. ಆನಿ ಆಪ್ಣೆಂ ದವರ್ಲೆಲಿ ಬೊಂಗ್ಲ್ಯಾಚಿ ಚಾವಿ ತಾಂತ್ಲಿ ಸಾಸ್ಪುನ್ ವಿಂಚಿಲಾಗ್ಲೆಂ.

ದುಸ್ರೆ ಘಡ್ಯೆ ತ್ಯಾ ಚಾವಿಯೆನ್ ಮುಕ್ಲೆಂ ದಾರ್ ಉಗ್ತೆಂ ಕರಿಲಾಗ್ಲೆಂ.

ದಾರ್ ಉಗ್ತೆಂ ಜಾಲ್ಲೆಂಚ್ಚ್…ಆನಿ ಕಿತೆಂ ಮುಕಾರ್ ಮೇಟ್ ದವರ್ತಾ ಮ್ಹಣ್ತಾಂ…ತ್ಯಾಚ್ಚ್ ಘಡ್ಯೆ ಎಕಾಚ್ಚಾಣೆಂ ಏಕ್ ಅವ್ಯಕ್ತ್ ಭೆಂ ತಾಚ್ಯಾ ಕಾಳ್ಜಾಕ್ ಆಪ್ಟಾಲಾಗ್ಲೆಂ.!.

ಭೆಂ…ಕ್ಲೈವಾಚೆಂ.!

ತ್ಯಾ ಘಡ್ಯೆ…ಬೊಂಗ್ಲ್ಯಾ ಭಿತರ್ ದವರ್ಲೆಲೆ ಪಾಂಯ್…ಮುಕಾರ್ ಮೇಟ್ ದವರುಂಕ್ ಕಾವ್ಜೆಲೆ.

ತವಳ್…ವೀಲ್ ಚೇರಾರ್ ಆಪ್ಣಾಕ್ ರಾಕೊನ್…ಆಪ್ಲೆಂ ಸೈರಣ್ ಚುಕೊನ್ ಕ್ರೋಧಾನ್ ಭರೊನ್ ಆಸ್ಚೆಂ ತಾಚೆಂ ಮುಖಮಳ್ ಮತಿಂ ಜಗ್ಲೊಂಕ್ ಲಾಗ್ತಾನಾಂ…

ನೈಜಿಲಾ ಸಂಗಿ ಆಪ್ಣೆಂ ಅನೀತ್ ಅನಿಸ್ಕಳ್ಪಣಾನ್ ಖರ್ಚೊನ್ …ಕ್ಲೈವಾಕ್ ಕೆಲ್ಲೊ ವಿಶ್ವಾಸ್ ಘಾತ್ ಮತಿಂತ್ ವಯ್ರ್ ವಯ್ರ್ ಆಪ್ಟಾತಾನಾಂ…

ತ್ಯಾ ಅಪ್ರಾಧಿ ಭೊಗ್ಣಾಂನಿಂ ಮುಕಾರ್ ಮೇಟ್ ದವರುಂಕ್ ತೆಂ ಕಶ್ಟಾಲೆಂ.!

‘ಕ್ಲೈವಾಕ್ ಮುಖಾಮುಖಿ ಭೆಟ್ಚೆಂ ತರೀ ಕಶೆಂ?!…ರಾತ್ ಉತ್ರೊನ್ ಭಿತರ್ ರಿಗ್ಚೆಂ ಮೇಟ್ ಖಂಡಿತ್ ಜಾವ್ನ್ ತಾಕಾ ದುಬಾವೆಚ್ಯಾ ಮೊಡಾಂತ್ ಸಾಂಪ್ಡಾಯ್ತೆಲೆಂ. ಆನಿ ಹ್ಯಾ ಪರಿಗತೆರ್ ತಾಣೆಂ ಘಾಲ್ಚಿಂ ಸವಾಲಾಂ…ಮ್ಹಜ್ಯಾ ಕಾಳ್ಜಾಕ್ ಭಾಲೆ  ತೊಪ್ತೆಲೆ ಖಂಡಿತ್.

ತೆನ್ನಾಂ ಕಸಲಿ ಜಾಪ್ ಹಾಂವ್ ದೀಂವ್.?!’…ಹ್ಯಾ ಸವಾಲಾನ್ ಸಗ್ಳೆಂಚ್ಚ್ ತೆಂ ಧೆಧೆಸ್ಪರ್ ಜಾವ್ನ್ ಥೊಡೊ ವೇಳ್ ತಶೆಂಚ್ಚ್ ತೆಂ ರಾವ್ಲೆಂ.

‘ತರೀ ಆತಾಂ ದುಸ್ರೊ ಉಪಾವ್ ನಾಂ. ರಾಕೊನ್ ಆಸ್ಚ್ಯಾ ಕ್ಲೈವಾಕ್ ಕಶೆಂ ತರೀ ಪುಡ್ ಕರಿಜಾಯಿಚ್ಚ್!. ಕರಿನಾಸ್ತಾಂ ದುಸ್ರೊ ಉಪಾವ್ ನಾಂ.!!’

ಹೆಂ ಚಿಂತಾಪ್ ತಾಕಾ ವಯ್ರ್ ವಯ್ರ್ ಧೊಸ್ತಾಸ್ತಾನಾಂ…ತಾಣೆಂ ಕಶ್ಟಾಂನಿಂ ಮೇಟ್ ಕಾಡ್ಲೆಂ. ಆನಿ ಧಡ್ಧಡ್ಚ್ಯಾ ಕಾಳ್ಜಾಸಂವೆಂ, ಮಾಳಿಯೆಚಿಂ ಮೆಟಾಂ ಎಕಾ ಪಾಟ್ ಏಕ್ ಚಡಾಲಾಗ್ಲೆಂ.

♥ ♥ ♥ 

ತ್ಯಾ ಆಯಿನ್ನ್ ವೆಳಾ ಹಾಂಗಾಸರ್…ವೀಲ್ ಚೇರಾರ್ ಕ್ರೋಧಾನ್ ಚಡ್ಪಡೊನ್ ಆಸ್ಚ್ಯಾ ಕ್ಲೈವಾಕ್ ಯೆದೊಳ್‌ಚ್ಚ್ …ತ್ಯಾ ಲಾಂಬ್ ಕೆಸಾಂಚಾನ್ ರಿಸೊರ್ಟಾಂತ್ಲಿ ಖಬರ್ ಇಂಚಾನ್ ಇಂಚ್ ದಿಲ್ಲಿ!

ಆನಿಂ ಆತಾಂ ತೊ…ತ್ಯಾ ಕಾಳಿಜ್ ಲಾಸ್ಚ್ಯಾ ಖಬ್ರೆನ್… ವೀಲ್ ಚೇರಾಚೆರ್ ಕಠಿಣ್ ಹಿಂಸಾ ರಾಗ್ ಭರೊನ್ ಚಡ್ಪಡೊನ್ ಆಸ್ತಾನಾಂ…

‘ಕ್…ಕ್ರ್…’  ದಾರ್ ಸವ್ಕಾಸ್ ಉಗ್ತೊ ಜಾಂವ್ಚೊ ಆವಾಜ್ ಜಾಲೊ!.

ಖಿಣಾನ್ ತಾಚಿ ದೀಶ್ಟ್ ದಾರಾ ಕುಶಿನ್ ಬದ್ಲಾಲಿ.

ದಾರಾರ್ ಕ್ಲೋಡಿಯಾ ಉಬೆಂ ಆಸ್‌ಲ್ಲೆಂ.!.

“ಕ್ಲೋಡಿಯಾ…ಇತ್ಲಿ ರಾತ್ ಪರ್ಯಾಂತ್ ಖಂಯ್ ಆಸ್ಲೆಂಯ್?”. ಸೈರಣ್ ಚುಕ್ಲೊಲೊ ಕ್ಲೈವ್ ಉಂಚ್ಲ್ಯಾ ತಾಳ್ಯಾನ್ ಗರ್ಜಾಲೊ.

ತ್ಯಾ ಸವಾಲಾಂತ್ ಆಸ್ಚಿ ಕ್ರೋಧಾಚಿ ಜಡಾಯ್…ತಿ ಕಠೋರಾಯ್ ಪಾರ್ಕುನ್…ಕ್ಲೋಡಿಯಾಚಿ ಭಿರಾಂತೆನ್ ಸುಕ್ಲೆಲಿ ಜೀಬ್… ಉತ್ರಾಂ ಕಾಡುಂಕ್ ಕಶ್ಟಾಲಿ. ಆನಿ ತ್ಯಾಚ್ಚ್ ಘಡ್ಯೆ ಪರತ್ ತೆಂಚ್ ಸವಾಲ್ ತಶೆಂಚ್ಚ್ ಧೆಂಕ್ಣೊ ಘಾಲ್ನ್ ವಿಚಾರಿಲಾಗ್ಲೊ ಕ್ಲೈವ್…

“ಇತ್ಲಿ ರಾತ್ ಖಂಯ್ ಆಸ್ ಲ್ಲೆಂಯ್?!”

ಆತಾಂ ಎಕಾಚ್ಚಾಣೆಂ ಉಡೊನ್ ಪಡ್ಲೆಲೆಂ ಕ್ಲೋಡಿಯಾ…ಕಾಂಯ್ ನಾಂ ಕಾಂಯ್ ಜಾಪ್ ದೀಂವ್ಕ್ ಚ್ಚ್ ಜಾಯ್ ಮ್ಹಳ್ಳ್ಯಾ ಪರಿಗತೆಂತ್…ಮತಿಂ ಕೊನ್ಶಾಂತ್ ಲಿಪೊನ್ ಆಸ್ಲೆಲಿ ಫಟ್…ಸಟ್ಟ್ ಕರುನ್ ಗಾಗೆಲೆಂ…

“ಗೈ…ಗೈನೊಕೊಲೊಜಿಸ್ಟಾ ಲಾಗಿಂ.”

“ಗೈನೊಕೊಲೊಜಿಸ್ಟಾ ಲಾಗಿಂ?!…?” ಸವಾಲಾ ಬರಾಬರ್ ತಕ್ಶಣ್ ಕ್ಲೈವಾಚ್ಯಾ ಕಪಾಲಾರ್ ಮಿರಿಯೊ ಉದೆಲ್ಲ್ಯೊ.

“ಹುಂ…ತುಜೆ ಸಕ್ತೆರ್ ಆಸ್ಲೆಲ್ಯಾ ಭರ್ವಾಶ್ಯಾಚೆರ್…ಹಾಂವೆಂ ತುಜ್ಯಾ ಕುಡಿರ್ ಕೆಲ್ಲ್ಯಾ ಪ್ರೇತನಾಚೆಂ ಫಳ್…ಆತಾಂ ಮ್ಹಜ್ಯಾ ಗರ್ಭಾಂತ್ ಕಿರ್ಲೊಂಕ್ ಲಾಗ್ಲಾಂ!. ಆನಿ ತ್ಯಾ ತಪಾಸಣೆಕ್ ಗೆಲ್ಲಿಂ.”

ನೈಜಿಲಾಸಂಗಿಂ ಭೊಗ್ಲೆಲ್ಯಾ ಲೈಂಗಿಕ್ ಕರ್ನೆಚ್ಯಾ ಪರಿಣಾಮೆನ್ ಆಪ್ಲೆಂ ಗರ್ಭ್ ಭರ್ತೆಲೆಂ ಮ್ಹಳ್ಳ್ಯಾ ಭರ್ವೊಶ್ಯಾನ್ ಭಡ್ಭಡ್ಲೆಂ ಕ್ಲೋಡಿಯಾ!.

ಹೆಂ ಆಯ್ಕೊನ್ ಕ್ಲೈವ್ ಎಕಾಚ್ಚಾಣೆಂ ಧಿಘ್ಭ್ರಾಂತ್ ಜಾಲೊ.

‘ಕ್ಲೋಡಿಯಾ ಆಪ್ಲೆಂ ಫಟ್…ಸತ್ ಕರ್ಚ್ಯಾ ಪ್ರೇತನಾರ್…ಆಪ್ಲಿ ಅನೀತ್ ಕರ್ನಿ ಲಿಪೊಂವ್ನ್ ಆಸಾ. ಆನಿ ಆಪ್ಣಾಚ್ಯಾ ಪುರುಶತ್ವಾಚ್ಯಾ ಅಸ್ಕತ್ಪಣಾಚೊ ಫಾಯ್ದೊ ಜೊಡ್ನ್…ಆಪ್ಣಾಕ್ ನಾಗ್ಡೆಂ ಕರುನ್ ಆಸಾ.!.’ ಮ್ಹಳ್ಳೆಂ ಆಟಾಯ್ತಾನಾಂ…ಕ್ಲೈವ್ ಸಗ್ಳೊಚ್ಚ್ ವಿರಾರಾಯೆನ್ ಬುಡ್ಲೊ.!.

ಕ್ಲೋಡಿಯಾಚಿ ಫಟ್…ಆಪ್ಣಾಚ್ಯಾ ವೊಂಟಾಂಕ್ ಶಿವೊಣ್ ಘಾಲ್ಚ್ಯಾಂತ್ ಯಶಸ್ವೀ ಜಾಲಾಂ. ಆನಿ  ‘ಆಪುಣ್ ಕ್ಲೋಡಿಯಾ ಮುಕಾರ್ ಹಲ್ಕ್ ಜಾಲೊಂ!’ ಮ್ಹಳ್ಳ್ಯಾ ಕಿರ್ಕೊಳ್ಪಣಾಚ್ಯಾ ಮನೋಖಿನ್ನತೆಂತ್ ಭಿತರ್ಲ್ಯಾ ಭಿತರ್ ಕರ್ಗುನ್ ಚಡ್ಪಡೊಂಕ್ ಲಾಗ್ಲೊ.!.

ಅಸಲ್ಲ್ಯಾ ಕೀಳ್ ಭಗ್ಣಾಂಚ್ಯಾ ವಿರಾರಾಯೆಚ್ಯಾ ಚಿಂತ್ಪಾನ್ ತೊ ಮಿಸ್ಳೊನ್ ಆಸ್ತಾಂ…ಸಟ್ಟ್ ಕರುನ್…

ಲಾಂಬ್ ಕೆಸಾಂಚ್ಯಾನ್ ಆಪ್ಲ್ಯಾ ಮೊಬಾಯ್ಲಾಕ್ ಧಾಡ್ಲೆಲ್ಲ್ಯಾ…ವಿಡಿಯೊಚೊ ಉಗ್ಡಾಸ್ ತಾಕಾ ಆಯ್ಲೊ!. ಘಡ್ಯೆನ್ ತೊ ಚುರುಕ್ ಜಾಲೊ.!!.

ಆನಿಂ ಖಿಣಾನ್…ಪರ್ಕ್ಯಾ ದಾದ್ಲ್ಯಾ ಸಂಗಿ ರಿಸೋರ್ಟಾಂತ್ ಕ್ಲೋಡಿಯಾನ್ ಭೊಗುಲ್ಲಿ ಉದ್ವೇಗಾಚಿ ಉಚಾಂಬಾಳಾಯ್ ತಾಚ್ಯಾ ಮತಿಂ ಜಗ್ಲೊನ್…ತೊ ಜಳೊಂಕ್ ಲಾಗ್ತಾನಾಂ…

ಘಡ್ಯೆನ್ ತಾಚೊ ಹಾತ್ ತಾಚ್ಯಾ ಮೊಬಾಯ್ಲಾ ಖಾತಿರ್ ಅಮ್ಸರಿಲಾಗ್ಲೊ. ಆನಿ ಹ್ಯಾಘಡ್ಯೆ…

ಎಕಾಎಕಿ ಕ್ಲೈವ್ ಜಾಗೊ ಜಾವ್ನ್ ಬದ್ಲಾಲ್ಲಿ ರೀತ್…ತಾಚಿ ತಿ ಚುರುಕಾಯ್…ತಿ ಅಮ್ಸರಿ ಪ್ರಕ್ರಿಯಾ ಪಳೆವ್ನ್…ಕ್ಶಣಾನ್ ಕ್ಲೋಡಿಯಾಚ್ಯಾ ಮತಿಂತ್ ಥಟ್ಟ್ ಕರುನ್ ವಿವಿಧ್ ದುಬಾವೆ ಚಿಂತ್ನಾಂ ಧಾಡ್ ಘಾಲೊಂಕ್ ಲಾಗ್ಲಿಂ. ಆನಿ ಹ್ಯಾಚ್ಚ್ ವೆಳಾ…

ಎಕಾಚ್ಚಾಣೆಂ ಕ್ಲೈವಾಚೊ ಬೊಬಾಟಿ ತಾಳೊ ಕೂಡ್ ಸಗ್ಳೆಂ ಹಾಲಯ್ಲಾಗ್ಲೆಂ.

“ತರ್…ಹೆಂ ಕಸಲೆಂ…?…ಕಸಲೆಂ ಹೆಂ?!”

ಕ್ಲೈವಾಚೊ ಕ್ರೋಧಾಚೊ ತಾಳೊ ಹಾಚ್ಯಾ ಕಾಳ್ಜಾಕ್ ಜಗ್ಲಾಣೆಂ ಮಾರ್ಲೆಲ್ಯಾ ಪರಿಂ  ಮಾರ್ತಾಸ್ತಾನಾಂ…ಘಡ್ಯೆನ್ ಭೆಂ ಭಿರಾಂತೆಚಿ ಅಸ್ಕತ್ಕಾಯ್ ತಾಚ್ಯಾ ಶಿರಾಂ ಶಿರಾಂನಿ ವ್ಹಾಳ್ಚೊ ಅನ್ಬೋಗ್ ತಾಕಾ ಜಾಲೊ. ಆನಿ ಕ್ಶಣಾ ಕ್ಶಣಾಕ್ ತಿ ಅಸ್ಕತ್ಕಾಯ್ ಕುಡಿತ್ ವಾಡಾತ್ತ್ ಯೆತಾಸ್ತಾಂ…

ಕ್ಲೈವಾನ್ ದಾಕಂವ್ಚ್ಯಾ ಮೊಬಾಯ್ಲ್ ಸ್ಕ್ರೀನಾಕ್ ಪಳೆಂವ್ಕ್ ಧಯ್ರ್ ನಾತ್ಲೆಲ್ಯಾ ಭಿರಾಂತೆನ್…ಏಕ್ ಪಾವ್ಟಿಂ ಹಾಂಗಾ ಥಾವ್ನ್ ಧಾಂವ್ಯಾ ಮ್ಹಣ್ ತಾಕಾ ಭೊಗಾಲಾಗ್ಲೆಂ.

ತರೀ….ತವಳ್‌ಚ್ಚ್ ಯಾಂತ್ರಿಕಾಯೆನ್ ತಾಚಿ ವಾಂಕ್ಡಿ ನದರ್… ಕ್ಲೈವಾಚ್ಯಾ ಹಾತಿಂ ಆಸ್ಲೆಲ್ಯಾ ಮೊಬಾಯ್ಲಾರ್ ಬಸ್ಲಿಚ್ಚ್!.

ರಿಸೋರ್ಟಾಚಾ ವಿಲ್ಲಾಂತ್ಲ್ಯಾ ಖಟ್ಲ್ಯಾರ್…ವೆಂಗೆಂತ್ ಆಸ್ ಲ್ಲ್ಯೊ ದೋನ್ ವಿಣ್ಘಿ ಕುಡಿ!.

ಆನಿ ತ್ಯೊ… ‘ಆಪ್ಲಿ…ಆನಿಂ ನೈಜಿಲಾಚಿ ವಿಣ್ಘಿ ಕುಡಿ!’…ಮ್ಹಣ್ ತಾಣೆಂ ಪಾರ್ಕಿಲೆಂ.

ಹೆಂ ಪಳೆತಾಂ ಪಳೆತಾಂ…ಯೆದೊಳ್ ಭರೊನ್ ಆಸ್ಲೆಲಿ ಅಸ್ಕತ್ಕಾಯ್ ದೊಡ್ತಿ ಜಾತಾಸ್ತಾನಾಂ… ತಾಚ್ಯಾ ದೊಳ್ಯಾಂನಿಂ ಕಾಳೊಕ್ ಮಾಂಡೊನ್ ಆಯ್ಲೊ!.

ಆನಿ ಆಪುಣ್ ಧರ್ನಿರ್ ಗಳ್ತಾ ಮ್ಹಣ್ ತಾಕಾ ಭೊಗಾಲಾಗ್ಲೆಂ. ಆನಿಂ ಖಿಣಾನ್ ತೆಂ…ಗಳ್ಳೆಂಚ್ಚ್.!.

ಮುಕಾರ್ಸುನ್ ಆಸಾ…