ಪ್ರಿಯ ಮೊಗ್ರೆಂ

ಅಂಕ ೧
ಮೊಬೈಲಾ ತಾವೂನ ಲ್ಹಾನಶೆಂ ಶಬ್ಧು, ಪಳಯಲ್ಯಾರ ಅಪರಿಚಿತ ನಂಬರಾ ದಾಕೂನ ಏಕ ಸಂದೇಶ ಆಯಲಾ. ಅಪರಿಚಿತ ನಂಬರ ಮ್ಹಳೇಲ ತಾವಳೀ ಕಿತೆಂಗೀ ಏಕ ಪುಳಕ, ತವಕ, ವಿಸ್ತಾರ ಜಾಲೇಲ ಮನಾಂತುಲೇ ಕಲ್ಪನಾ, ದೋಳೆ ಮುಖಾರ ದಿಶಿಲೆಂ ಸಾಬಾರ ತೋಂಡ, ಸಂದೇಶ ಪಳಯಲ್ಯಾರ “hi..”. ಕಿತೆಂಗೀ ಏಕ ಖುಷಿ ಆನೀ ಆತಂಕ ತೀವ್ರಗತೀರ ಮನಾಚೆ ಧಾಂವಡಿ, ಏಕ ಸಂಚಲನ ಕೋಣ್ ಆಸೂಂಕ ಪೂರೋ.? ಕಿತ್ಯಾಕ ಆಸೂಂಕ ಪೂರೋ.? ತೋ…ಕೀ.? ತೀ…ಕೀ? ಆಶೆಂ ಆಲೋಚನ ಕರೂನ ಪ್ರಿಯಾನ ತ್ಯಾ ನಂಬರಾಕ “who is this”?? ಮ್ಹಣ ಪುನರ ಸಂದೇಶ ಧಾಡಲೆ. ಆತಾಂ ಆನೀಕಯ್ ಮನಾಂಕ ಗಡಬಿಡಿ, ಮನ ಮೊಬೈಲಾ ದಿಕ್ಕಾನಚೀ ಆತಾಂ ಯೆತ್ತಲೆ, ಯೆತ್ತಲೆ, ಮ್ಹಣ ಆಲೋಚನ ಕರತನಾ…ಅರೇ ಪರತ ಮೊಬೈಲಾ ದಾಕೂನ ಸಂದೇಶ ಆಯಲೊ ಶಬ್ಧು, ಮೊಬೈಲ ಕಾಣೂ ಪಳಯಲಾರ ಕಂಪನಿಚೆ ಜಾಹೀರಾತ ತ್ಯಾ ಗಡಬಿಡಿಂತ ಕಂಪೆನೀಕ ಶಾಪ ಘಾಲೂನ ರಾಕೂನ ರಾವಲೀ. ಸಂದೇಶ ಆಯಲೊ “ಹಾಂವ ತುಗೇಲ ಕ್ಲಾಸ್ ಮೇಟ್” ಹ್ಯಾ ವಾಚೂನ ಪ್ರಿಯಾಕ ಆಶ್ಚರ್ಯ ಜಾಲೆಂ. ಹ್ಯಾ ಕೋಣ್ ಮ್ಹಣ ಕಳೀತಾಕ ಯೇವಕಾ ಮ್ಹಣ ಕುತೂಹಲಾರಿ ತಾಕಾ ಸಂದೇಶ ಧಾಡಲೆ “ತೂ ಕೋಣ್…ತುಜೆಂ ನ್ಹಾಂವ ಕಿತೆಂ”..?? ತಾಕಾ ಪ್ರತ್ಯುತ್ತರ ಆಯಲೆ “ತುಗೇಲ ಬಗಲೆ ಬೆಂಚಾಚೊ ಪ್ರಸಾದ್..” ಕಿತೆಂಗೀ ಆತಂಕ ಭಂಯ ಪ್ರಿಯಾಕ. “ತುಕಾ ಮಿಗೇಲ ನಂಬರ್ ಕೋಣ್ ದಿಲೆಂ, ಕಿತ್ಯಾಕ್ ಮಾಕಾ ಮೆಸೇಜ್ ಕೆಲೆಂ??” ಮ್ಹಣ ಪ್ರಿಯಾಲೆ ಪ್ರಶ್ನೇಕ ಪ್ರಸಾದಾಲೆ ಜವಾಬ “ತುಗೇಲ ದೋಸ್ತ ಸ್ವಾತೀನ ದಿಲೆಂ, ಮಾಕಾ ತು ಭೊವ ಪಸಂದ ಜಾಲಿ ತ್ಯಾ ದಾಕೂನ ಮೆಸೇಜ್ ಕೆಲೆಂ”. ಹ್ಯಾ ವಾಚೂನ ಪ್ರಿಯಾ ದಂಗ ಜಾಲಿಂ. “ಮಾಕಾ ಹ್ಯಾ ಸಕ್ಕಡ ಇಷ್ಟ ಜಾಯನಾ, ಆನೀ ಮುಖಾರ ಮಾಕಾ ಮೆಸೇಜ್ ಕರನಾಕಾ” ಮ್ಹಣ ತೀಣೆ ನಿಷ್ಠುರ ಜಾವೂನ ಸಾಂಗಲೆ. ಪ್ರಸಾದಾನ “sorry” ಮ್ಹಣ ಮೆಸೇಜ್ ಧಾಡಲೆ.
ಪ್ರಿಯಾ ಪಯಲೆಂ ವರಸಾಚೀ ಬಿ.ಎಸ್ಸಿ ವಿದ್ಯಾರ್ಥಿನಿ. ಬಾಪಸೂಕ ಬ್ಯಾಂಕಾಂತ ಕಾಮ, ಆವಸೂ ಘರಕಡೇಚ ಕಾಮ ಸಾಂಬಾಳೂನ ಆಶಿಲಿ. ಏಕಳೀ ಧೂವ ಹೀ ಪ್ರಿಯಾ. ಮುಳಾವೆ ಶಿಕ್ಷಣ ಆನೀ ಪಿ.ಯು.ಸಿ ಕೆಲ್ಲೇಲ ಚೆಲ್ಲೇ ಚೆರ್ಡುಂವಾಲೆ ಶಾಳಾ ಆನೀ ಕಾಲೇಜಾಂತ ಮುಖಾರ ಕಾಮ ಸಾಂಬಾಳೂನ ವತ್ತಾನಾ ಪುರುಷ ಪ್ರಪಂಚಾಕ ಹೊಂದೂನ ಚಲಕಾ ಜಾಲೇಲ ನಿಮಿತ ತಿಕಾ ಡಿಗ್ರಿಂತ ಕೋ-ಎಜ್ಯುಕೇಶನಾಕ ಗಾಲೆಂ.
ಅಂಕ–೨
ಪ್ರಸಾದಾಕ ಮೆಸೇಜ ಕರೂನಾಕಾ ಮ್ಹಣತರೀ ಪ್ರಿಯಾಕ ಕಿತೆಂಗೀ ಅಸ್ವಸ್ಥಕಾಯ. ಕಾಲೇಜಾಕ ಚಮಕಲಲೀಚ ಸ್ವಾತಿ ಕಡೇನ ವಿಚಾರಲೆ ,ತೂಂವೆ ಕಿತ್ಯಾಕ ಮಿಗೇಲ ನಂಬರ್ ಪ್ರಸಾದಾಕ ದಿಲೆಂ?. “ಕ್ಲಾಸ್ ಮೇಟ್ ನ್ಹಹೀಗೋ, ಮಿಗೇಲ ನಂಬರ್ ತಾಗೇಲಾಗೀ ಆಸಾ, ಕಿತೆಂ ಜಾಯನಾ” ಮ್ಹಣ ಸ್ವಾತಿ ಮ್ಹಣಾಲಿ. ಪ್ರಿಯಾಕ ಪ್ರಸಾದಾ ಲಾಗೀ ಉಲೋವಚಾಕ ಮನ ಜಾಲೆಂ ತೇ ದೀಸ ದಬಾವಾಕ ಪಡೂನ ತೀಣೆ ತಶ್ಶಿ ಕೆಲ್ಲೇಲ. ಮೊಬೈಲಾ ತುಲೇನ ಚೊಲ್ಲೇಂಕ ಮೆಸೇಜ ಕರಚೆ ವಿಷಯ ಆವಸು-ಬಾಪಸೂಲೆ ಕಳೀತಾಕ ಆಯಲ್ಯಾರ ತಾನ್ನಿ ಖಂಡಿತ ಸೋಣಾಂತಿ, ಪುಣ ತೇ ದೀಸ ಪ್ರಸಾದಾನ ಪ್ರಿಯಾ ಕಡೇನ ಏಕ ವೇಳೇಕಯ ದೃಷ್ಟಿ ಗಾಲ್ಲೇಲ ನಾ. ಪ್ರಿಯಾ ಗಡೀ ಏಕ ಪಂತಾ ಗಳೋ ನೀಟ ಕರೂನ ಪ್ರಸಾದಾಲ ಕಡೇನ ಚೊಯತಾ ಆಶೀಲಿ , ಹೇ ಸಕ್ಕಡ ಪ್ರಸಾದಾಲೆ ಗಮನಾಕ ಆಶೀಲೆ ‘ಆಜ ನಾತಲಾರ ಫಾಯ’ ಮ್ಹಳ್ಳೇಲ ನಿರ್ಧಾರ ಪ್ರಸಾದಾಲೆ. ಏಕ ರೀತೀರ ಪ್ರೇಮ ಪಾಶ ಗಾಲಪಾಚಿ ಕಾರ್ಯ, ಶಿಕವಣೇಂತ ತಿತಲೇಚ ಜಾಲಯಾರ ಹೇ ವಿದ್ಯಾ ತಾಕಾ ಕರಗತ.
ತೊಡೇ ದಿಸಾನಿ ತಾಣೇ ಪರತ ಪ್ರಾರಂಭ ಕೆಲೆಂ ಸಕಾಳಿಂ “Good Morning” ರಾತ್ರಿ “Good night” ಹಾಕಾ ಪ್ರಿಯಾಲೆಂ ಪ್ರತ್ಯುತ್ತರ ನಾಶಿಲೆ. ಪುಣ ತಿಣೇ ತಾಕಾ ಮೆಸೇಜ ಕರೂನಕಾ ಮ್ಹಣೂನ ಸಾಂಗನೀ. ಪ್ರಸಾದಾಲೆ “Try & Try again” ಮ್ಹಣಪಾಚೇ ರೀತೀರ ಪ್ರಯತ್ನ ಅಶೀ ದೀಸ ಸುಮಾರ ಚಲ್ಲೆ. ಆಖೇರಿಕ ಪ್ರಿಯಾಲ ಮನಾಕ ಪ್ರಿಯ ಜಾಲ್ಲೋ ಪ್ರಸಾದ, ಮೊಬೈಲಾಂತ ಪ್ರಿಯಾನ ಪ್ರಸಾದಾಲೆಂ ನಾಂವ ತಿಜೇ ದೋಸ್ತಾಲೆ ನ್ಹಾಂವಾರ “save” ಕೆಲೆಂ ಆನೀ ಹಳೂ ಹಳೂ ಮೆಸೇಜಾಚೆ ಸಂಪರ್ಕ ವಾಡಲೆಂ ಕ್ಲಾಸಾಂತೂಯ ಪಾಠ ಮಧ್ಯೆಂತ ಮೆಸೇಜ ಚಲತಾ ಆಶೀಲೆ.

ಕಾಲೇಜಾಂತ ಅಸ್ಸೋ ಜವೋ ಭಾಯರ ಸಕ್ಕಡಾಲೆ ದೋಳೆ ಮುಕಾರ ಹಾನ್ನಿ ದೋಗ ಜನ ಅಪರಿಚಿತ. ತೇ ದಿವಸ ತಿಜೇ ಜಲ್ಮ ದೀಸ ಸಕ್ಕಡಾಂಕ ಚೋಕಲೇಟ ವಾಂಟಲೆ ಆನೀ ಕಾಲೇಜ ಸೋಡತರಿ ಕಾಲೇಜ ಗೇಟಾಲಾಗಿ ರಾವಿಲೊ ಪ್ರಸಾದಾಕ ದುಸ್ರೇಚೇ ಹೊಡಲೆ ಚಾಕಲೇಟ ದೀವೂನ ಮಾಕಶೀ ಪಳಯನಾಶಿ ಚಮಕಲಿ.
ಅಶ್ಶಿ ಪೂರಾ ಚಲತನಾ ತಾಕಯ ಕಳ್ಳೆ ಆನೀ ಮುಖಾರ ವಚ್ಚೇತ ಮ್ಹಣೂನ ಅಶೀ ಮೆಸೇಜ ಕರತನಾ ತಾಜ್ಜೇ ಮಧ್ಯೇಂತ ಏಕ “I Love you dear” ಮ್ಹಣೂನ ತಿಕಾ ಧಾಡಲೆ. ಹೇಂ ಪಳೋವನ ಪ್ರಿಯಾಕ ಕಸ್ಸಕೀ ಸಂತೋಷ ಭರಲ್ಲೆ ಆತಂಕ, ಸುಖ ಮಿಶ್ರಿತ ದುಃಖ, ಕ್ಷಣಕಾಲ ತೀ ತಟಸ್ಥ ಜಾಲ್ಲಿ. “ಆಮ್ಮಿ ದೋಗ ಜನ ಬರೇ ದೋಸ್ತ ಜಾವೂನ ಆಸ್ಸೂಯಾ ಮ್ಹಣೂನ ತಾಕ್ಕಾ ಮೆಸೇಜ ಕೆಲ್ಲೆಂ ಪುಣ ತಾಣೇ “reply” ಕೆಲ್ಲೇಲ ನಾ ಕಾಲೇಜಾಂತ ಪ್ರಸಾದಾನ ಪ್ರಿಯಾ ಕಡೇನ ಚೊಯಿಲ್ಲೇ ನಾ ಪ್ರಿಯಾನ ತಾಕಾ “forward” ಮೆಸೇಜ ಪೆಟೋವಚಾಕ ಶುರು ಕೆಲ್ಲೆಂ. ನಾ, ತಾಜೇ ಕಡೇ ತುಲೇನ ಕಾಂಯ ಮೆಸೇಜ ನಾ. ಉಲ್ಲೋಯಾ ಮ್ಹಳಯಾರ ತೋ ತೋಂಡ ಪಳಯನಾ ತೀನ ದೀಸಾ ನಂತರ ಪ್ರಿಯಾನ “Love”ಕ ಸಮ್ಮತಿ ದಿಲ್ಲಿ. ಪರತ ಸಂದೇಶಾಚೆ ಸಂಕೋವ ಜೊಡಲೊ.
ಅಂಕ–೩
ಪಯ್ಲೆಂ ಸೆಮೆಸ್ಟರ, ಬಿ. ಎಸ್ಸಿ ತಾಂಕಾ ಪ್ರಾಕ್ಟಿಕಲ ಶುರು ಜಾಲ್ಲೆ, ಹಾತ್ತಾಂತ ಪುಸ್ತಕ ದರಲೆ ತಾವಳಿ ಪ್ರಸಾದಾಲೆ ಮೆಸೇಜ ತ್ಯಾ ದಾಕೂನ ಪ್ರಿಯಾನ ಷರತ ಮಂಡಾಯಲೆ. ಪ್ರಿಯಾ ಶಿಕವಣೇಂತ ಭಾರಿ ಬುದೊಂತಿ. ಪ್ರಿಯಾನ ತಿಜೇ ಮೋಗ ಆನೀ ಪರೀಕ್ಷಾ ಸಾಂಬಾಳೂನ ಕಾಡಲೆ. ರಾತ್ರಿ ಸಗಟ ವಾಚೂನ ಜಾಲ್ಲೆಂ ಉಪರಾಂತ ನಿದ್ದೋಚ ವೇಳಾರ ಪ್ರಸಾದಾಲೆ ಸಾಂಗಾತ ಚ್ಯಾಟಿಂಗ್ ಮೋಗಾಳ ಉಮ್ಮಾ ದಿವೂನ ಶುಭ ರಾತ್ರಿ ಸಾಂಗೂನ ಸಪನಾಕ ನಿಸರತಶ್ಶೀಲಿ.
ಸೆಮೆಸ್ಟರ ಜಾಲ್ಲೆಂ ಉಪರಾಂತ ರಜೇರ ಮೆಸೇಜ ಕರೂಂಕ ಮ್ಹಣೂನ ಚಡತೆ ಮುಫತ ಮೆಸೆಜ ಅಸ್ಸಚೆ ಸಿಮ್(sim) ದೊಗಯ ಜನಾನಿ ಘೆತಲೆ ನಿತ್ಯಯ ಮೆಸೇಜ ಚಲ್ಲೆ ಮೋಗ ಥಂಯ ವಾಡತಾ ಗೆಲ್ಲೆಂ.
ರಜಾ ಜಾತ್ತರ ದುಸ್ರೆಂ ಸೆಮೆಸ್ಟರ ಪ್ರಾರಂಭ ಜಾಲ್ಲೆ ಆತಾಂ ಪುಡಲೆವರಿ ನಾಶ್ಶಿಲೆ ಹೇ ಖಬರ ಕ್ಲಾಸಾಂತ ಕಳೀತಾಕ ಆಯಲೆ. ಆಂತರಿಕ (internal) ಪರೀಕ್ಷಾ ಸಂಧರ್ಬಾರ ಲೈಬ್ರೆರಿಂತ ಕಂಬೈನ ಸ್ಟಡಿ ಚಲ್ಲೆಂ, ದುಸ್ರೆ ಚಲ್ಲೇಂಕ ಹೇಂ ಪಳೋವನು ಕಸ್ಸಲ ಕೀ ಜಾತಾ ಆಶಿಲೆಂ, ಹೋ ಪ್ರಸಾದು ತಾಂಗೇಲೆ ಸಾಂಗಾತ ಆಶ್ಶಿಲೋ, ನಾತ್ತಿಲೆಂ ವ್ಯಸನ ನಾಶ್ಶಿಲೆಂ. ಚೆಲಯಾ ಚೆರಡೂವ ಮ್ಹಳಯಾರಿ ಏಕ ಪಿಶ್ಶೆಂ. ಪ್ರಿಯಾ ತಿನ್ನೀಚೀ! ಪಿಯುಸಿ ಪಯಲೆಂ ವರ್ಸಾಕ ಏಕ ಚೆಲ್ಲಿ, ದುಸ್ರೆ ವರಸಾಕ ಏಕ, ಆತಾಂ ಪಯಲೆ ಬಿ.ಎಸ್ಸಿಂತ ಪ್ರಿಯಾ.
ಹ್ಯಾ ಸೆಮೆಸ್ಟರಾಂತ ಆಪಣಾಕಯ ತುಜೆವರೀ ಬರೇ ಅಂಕ ಕಾಡಕಾ ಮ್ಹಣೂನ ಮನ ಜಾಲ್ಲಾ ತೂಂವೆ ಶಿಕೋವಕಾ ಮ್ಹಣೂನ ಹಠಾರ ಬಯಸಲೋ. ಜಾಯತ ಮ್ಹಳೇ ಪ್ರಿಯಾನ.  ತೆದನಾ ಪ್ರಸಾದಾನ ಮ್ಹಣಾಲೊ “ಹಾಂವ ತುಗೇಲ ಘರಕಡೆ ಯೆತ್ತಾ” ಘರ ಮ್ಹಳೇಲ ತಾವಳಿ ಪ್ರಿಯಾಕ ದೋಳೆ ಕಾಳೋಕ, ಭಂಯ, ದೋಳೆ ಮುಖಾರ ಆನು-ಅಮ್ಮಾ ದಿಸೂನ “ನಾ” ಮ್ಹಳಾಲಿ. ಜಾಲಯಾರ ಪ್ರಸಾದಾನ ಸೊಡಲೆ ನಾ ಪ್ಲೀಸ್, ಪ್ಲೀಸ್ ಮ್ಹಣೂನ ಮಾಕ್ಷಿ ಪಡಲೊ ಆಖೇರಿಕ “ಮೊಗಾಂತ ಕಂಚಾಕಯ ನಾ ಮ್ಹಣಚಾಕ ನಾ” ಮಳೇಲ ವರಿ ಪ್ರಿಯಾನ ಜಾಯತ ಮ್ಹಳ್ಳೇ. “ಪುಣ ಜೆನ್ನಾ ಡ್ಯಾಡಿ ಕಾಮಾಕ ವಚ್ಚೂನ, ಅಮ್ಮಾನ ಖಂಯ್ ಜವೋ ಬಾಯರ ಗೆಲಯಾರ ತುಕ್ಕಾ ಸಾಂಗತಾ ತೆದನಾ ತೂ ಯೋ” ಮ್ಹಣ ತೀಣೆ ಸಾಂಗಲೆಂ.
ಪ್ರಿಯಾಕ ತಿಜೇ ಆವಯ-ಬಾಪಯಲೆಂ ಚಿಂತಾ ಮಾತ್ರ. ಲಾಗ್ಗಿ ಘರಾಚಾಲೆ ನಾ, ತಿಣೇ ಆಸೂಂಚೆ ಕಾಂಕ್ರೀಟಾಚೆ ಸುಭದ್ರ ಫ್ಲಾಟಾಂತ ಲಾಗ್ಗಿ ಘರಾಂತ ಕೊಣಯ ತರೀ ಮೆಲ್ಲ್ಯಾರ ತೇಂ ವಿಷಯ ಕಳೀತಾಕ ಯೇವಚೆ ಬಾರಾ ದಿಸಾನಿ ಪೇಪರಾರಿ ಶ್ರ್ರದ್ಧಾಂಜಲಿ ಕಾಲಂರೀ ಪಳೋವನು!!
ಅಂಕ ೪
ದುಸ್ರೆಂ ಸೆಮೆಸ್ಟರ ಮ್ಹಣೂನ ಶಿಕಚಾಕ ಕಾಲೇಜಾಕ ರಜಾ ಆಶಿಲೆ. ಆನು ಕೆದನಾಚೆ ವರಿ ಕಾಮಾಕ ಭಾಯರ ಸರಲೋ, ಲಾಗ್ಗಿ ಆಸೂಂಚೆ ದೇವಳಾಂತ ಸತ್ಯನಾರಾಯಣ ಪೂಜಾ, ಪರೀಕ್ಷಾ ಅಶಿಲೆಂ ನಿಮಿತ್ತ ತೂ ಘರಕಡೆ ಬಯಸೂನ ವಾಚಿ ಮ್ಹಣೂನ ಆವಸು ದೇವಳಾಕ ಚಮಕಲಿ. ಗಡೇ ಭಿತ್ತರ ಪ್ರಿಯಾನ ಪ್ರಸಾದಾಕ ಮೆಸೇಜ ಧಾಡಲೆಂ “Come…Come fast”ಕ್ಷಣ ಮಾತ್ರ ಭೀತರ ಘರಾ ಮುಕಾರ ಪ್ರತ್ಯಕ್ಷ, ಕ್ಲಾಸಾಕ ದ್ಹಾ ನಿಮಿಷ ವೇಳ ಕರೂನ ಯೆತ್ತಲೊ ಆಜ ಬೇಗೀನ ಆಯಲೊ, ಅಮ್ಮಾ ದೇವಳಾಕ ಪೂಜೆಕ ಗೆಲ್ಲಾ ೧೨.೩೦ಕ ಪುಜಾ ಮಳಯಾರ ಹಾಂವ ತುಕ್ಕಾ ೧೨ ಘಂಟ ತಾಂಯ ಶಿಕಯತಾ ಮ್ಹಣೂನ ಕೂಡಾಕ ವರೂನ ಕಂಬೈನ ಸ್ಟಡಿ ಶುರು ಕೆಲ್ಲೆ.

ಪ್ರಿಯಾ ಶಿಕಯತಾ ಆಶಿಲಿಂ, ಪ್ರಸಾದ ನೂತ ಬಯಸಿಲೋ ನಾ, ಹಾತು ಖಾಂದೇರ ದವರೂನ ಖೇಳತಾ ಆಶಿಲೊ, ಖೇಳತಾ ಖೇಳತಾ ಚೂಕ ಮ್ಹಣೂನ ಕಳೀತ ಆಸ್ಸೂನ ಚೂಕ ಕೆಲ್ಲೆ. ದೋನಿ ತರ್ನೆಂ ಅಂಗ ಮೆಳ್ಳೆ. ಅಂಗಾ ಹುನಸಾಣಿ ದೇವೂನ ಹುಮೇನ ತಂಡ ಜಾಲ್ಲೆ, ಹಾಂವ ಯೆತ್ತಾ ಮ್ಹಣೂನ ಪ್ರಸಾದ ಸೀದಾ ಚಮಕಲೊ.
ಕಂಚಕೀ ಆಘಾತ ಫಟಲೇಕ ಸ್ತಬ್ಧ ಜಾತ್ತಾ ಆಸತನಾ, ಪ್ರಿಯಾಲೆ ಘರಾಚೆ ಫೋನ ರಿಂಗ ಜಾಲ್ಲೆಂ. ಹಳೂ ಕಾಣು ಹಲೋ ಮ್ಹಣತನಾ ಆನು “ ಪೇಪರಾರ ರಿಸಲ್ಟ ಆಯಲಾ ಮ್ಹಣೂನ ವೆಬಸೈಟ ದಿಲ್ಲಾ ಚೆಕ ಕರೀ” ಮ್ಹಣೂನ ಸಾಂಗಲೆಂ ಜವಾಬ ನಾಶಿ ಕಂಪ್ಯೂಟರಾಂತ ಫಲಿತಾಂಶ ಪಳಯಲಾರ ಡಿಸ್ಟಿಂಕ್ಷನ ಪಾಸ ಜಾಲ್ಲಾ ಪುಣ ಸಂಭ್ರಮ ಸಂತೋಷ ನಾ. ಕಂಪ್ಯೂಟರ ಆಫ ಕರೂನ ನಾಣಾಕ ಗೆಲ್ಲಿ.

ಅಮ್ಮಾನ ಘರಾ ಯೆತ್ತ್ತರಿ ಖಬರ ಆಯಕೂನ ಗೊಡ್ಡೀ ಕೆಲ್ಲೆಂ. ಘರಕಡೆ ಸಂತೋಷ ಆಸ್ಸಲ್ಯಾರಿ ಮನಾಂತುಚೀ ಭಯ ಪ್ರಿಯಾ ಖಿನ್ನ ಜಾಲ್ಲಿ ಆಖೇರಿಕ ವೈದ್ಯಕೀಯ ಲೋಕಾಚೆ ಮಾತ್ರೇನ ತಿಗೇಲ ಹಾತ ಧರಲೆ ಸ್ವಲ್ಪ ನಿರಾಳ ಜಾಲ್ಲಿ.
ಅಂಕ ೫
ಹೇರ ದಿವಸ ತಾಗೇಲ ತೊಂಡ ಪಳಯಿಲೆ ನಾ. ವಾಸ್ತವೀಕ ಪ್ರಪಂಚಾಂತ ಯೆವಚಾಕ ಏಕ ವಾರ ಕಾಡಲೋ ತೀಣೆ, ಪುಣ ಪ್ರಸಾದಾನ ಅಂತೂ ಇಂತೂ ತಾಜೇ ಸಾಮ್ರಾಜ್ಯಾಂತ ಅಸೂಂಚೆ ಪದ ಪುಂಜ ಏಕ ಕರೂನ ತಿಕ್ಕಾ ಸಾಂತ್ವಾನ ಸಾಂಗೂನ ಏಕ ಸಂದೇಶ ಧಾಡೂನ ಸಂಪರ್ಕ ಜೋಡಲೆ. ಪುಡಲೆವರಿ ಜಾಲ್ಲೆಂ ಜಾಲಯಾರ ಪ್ರಸಾದಾನ ಅಪೇಕ್ಷಾ ಕೆಲ್ಲೆಲೆಂ ಪ್ರಿಯಾಲೆ ದೇಹ. ಅಶ್ಶಿ ತಶ್ಶಿ ಮ್ಹಣೂನ ಸಮಯ ಸಂಧರ್ಭ ಪಳೋವನ ತಿಕ್ಕಾ ಪರತ ಮೆಳ್ಳೊ ಆನೀ ತಾಗೇಲ ಮೊಬೈಲಾಂತ ಸಗಟ ದೃಶ್ಯ ಕಾಡಲೆ. ಪ್ರಿಯಾಲೆ ಪ್ರೀತಿಚೆ ಶರಣಾಗತಿ ಪ್ರಸಾದಾನ ತಾಜೇ ಕಾರ್ಯಭಾರ ಚಲಯಲೆ.
ಅರ್ಥಶಾಸ್ತ್ರಾಂತ ಸಾಂಗ್ಲೆ ಬರಿ “Diminishing Marginal Utility’ ಉಪಯೋಗ ಕರತಾ ಕರತಾ ರುಚಿ ಗುಣ ಕೋಡು ಜಾತ್ತಾ ಅಶ್ಶಿ ತಾಣೇ ಸಗಟ ಅನುಭವ ಕರನು “Break up” ಆನೀ ಹಾಂವ ತೂಂವ ದೂರ ಜಾವಯಾ ಆಮ್ಗೆಲ ಜೀವನ ಆಮ್ಮೀ ಸ್ವಂತ ನಿರ್ಮಾಣ ಕರೂಂಕ ಜಾಂಯ ಮ್ಹಣೂನ ಸಾಂಗೂನ ಭೋದನ ದೀವೂನ ಸಾಂಕೋವ ತುಂಟಯಲೆ.
ಪ್ರಿಯಾ ಆನಿಕಯ ಜರ್ಜರೀತ ಜಾವೂನ ಗೆಲ್ಲಿಂ, ಮೌನಾಕ ಲಾಗಿ ವಚೂನ, ಶೂನ್ಯ ಜಾವಚಾಕ ಇಚ್ಛಾ ಪಾವಲಿ, ಪರೀಕ್ಷೇಕ ಏಕ ವಾರ ಆಶ್ಶಿಲೇ ಹೋಲ್ ಟಿಕೇಟ್ ಗೆವೂಂಕ ಕಾಲೇಜಾಕ ಯೇವೂನ ಆಶ್ಶಿಲಿ.
ಸಗಟ ದೋಸ್ತಾಂಕ ಪ್ರಿಯಾಲೆ ಅಶ್ಲೀಲ ಚಿತ್ರ ದಾಕಯತಾ ಮ್ಹಣೂನ ತಾಕಾ “ಪ್ರಿಯ ಮೊಗ್ರೆಂ” ಮ್ಹಣ ನ್ಹಾಂವ ದವೋರನ ಕಾಲೇಜಾಚೆ ವಾಟೇರ ಯೆತ್ತನಾ ಬೈಕ ಟ್ಯಾಂಕರಾಕ ಮ್ಹಾರುನ ಮೊಬೈಲ ಉಸೋಳನ ಚೂರ ಜಾವೂನ, ತಕಲೀಕ ಖೂಬ ಪೆಟ್ಟ್ ಲಾಗೂನ ತಾಣೇ ತಂಯ್ ಜೀವ ಸೊಡಲೆ. ಕಾಲೇಜಾಕ ಖಬರ ಆಯಲೆ. ಸಗಟಾಲೇ ಕಳೀತಾಕ ಆಯಲೆ. ಪ್ರಿಯಾ ಸೀದಾ ಹೋಲ ಟಿಕೇಟ ಘೇವೂನ ಘರಕಡೆ ಆಯಲಿ ಆನೀ ಮಾತ್ತೇರ ಉದಾಕ ಸೋಡೂನ ಬರಪೂರ ದೋಳೆ ಉದಾಕ ಕಾಡಲೆ, ಪರೀಕ್ಷೆ ವಾಚೂಂಕ ಮನ ನಾ ಪೂಣ ಪ್ರಯತ್ನ ಕರೂನ ವಾಚೂಂಕ ಲಾಗಲಿ. ಪ್ರಸಾದಾಲೆ ಸಾಂಗಾತ “ಪ್ರಿಂii ಮೊಗ್ರೆಂ” ಬಾವೂನ ಗೆಲ್ಲೆ. ಪರೀಕ್ಷಾ ಚಲ್ಲೆಂ. ಪರೀಕ್ಷೆ ಸಂಭ್ರಮಾರ ಮನ ಹಗೂರ ಜಾಲ್ಲೆ. ಪ್ರಿಯಾಲೆ ಬಾಪಯ್‌ಕ ಪರಗಾಂವಾಕ ಟ್ರಾನ್ಸಫರ್ ಜಾಲ್ಲೆಂ, ತಿಜಾ ಮುಖಾವಯಲೆ ಬಿ.ಎಸ್ಸಿ ಶಿಕ್ಷಣ ಬಾಪಯಲೆ ಗಾಂವಾಚೆ ವಿಶ್ವವಿದ್ಯಾಲಯಾಕ ವರ್ಗಾವಣ ಕರೂನ ಗೆತಲೆಂ. ಜಾಲ್ಲೇಲ ಸಗಟ ಪುಸೂನ ಗೆಲ್ಲೆಂ ಪುಣ ಮನಾ ಸ್ಥಿರ ಸ್ಥಾಯಿಂತ ಘಟನಾ ಸ್ಥಿರ ಜಾವೂನ ಆಶ್ಶಿಲೆ. “ಡಿಲೀಟ” ಕರೂಂಕ ಜಾಯಿನಾ ಆಶ್ಶಿಲೆಂ ಗೇವೂನ ಆವಯ-ಬಾಪಯಲೆ ಸಾಂಗಾತ ಬ್ಯಾಗ ಉಬಾರನ ಬಸ್ಸಾರಿ ಚಡಲಿ. ಬಸ್ಸಾಂತುಲೇನ ಕಾಳೋ ಹೊಗೋ ಭಾಯರ ಆಯಲೆ. ಫಾಟಿ ಪೂರಾ ಕಾಳೇ ಜಾವೂನ ಮಕಶಿಚೆಂ ಖಂಚಯ್ ದಿಸನಾ ಜಾಲ್ಲೆಂ.

–    ವೆಂಕಟೇಶ ನಾಯಕ್.

ಕಿಟಾಳಾರ್ ವೆಂಕಟೇಶ್ ನಾಯಕ್ ಬರಪ್ :

♦     ಕೊಡಿಯಾಲ ತೇರು – ವೈಭವ್

♦     ಹಳ್ಳಿ, ಶಹರ್ ಆನಿ ಸಾಹಿತ್ಯ್ ಸೃಷ್ಟಿ