ನಾಗರಿಕತೆಚಿ ಪಾನಾ೦ ಉಸ್ತಿಲ್ಯಾರ್ ಆಮ್ಕಾ೦ ಕಳ್ತಾ ಕೀ, ಮನ್ಶ್ಯಾನ್ ಹಾತೆರಾ೦ ಆನಿ ತಾ೦ತ್ರಿಕತಾ ಉಪಯೋಗ್ ಕರ್ನ್ ಅಪ್ಣಾಚಿ ಜಿಣ್ಯೆ ರೀತ್ ಸುಧಾರಣ್ ಕರು೦ಕ್ ಪ್ರಯತ್ನ್ ಕೆಲಾ. ಸುಮಾರ್ 1760 ಇಸ್ವೆ೦ತ್ ಸುರು ಜಾವ್ನ್ 60 – 80 ವರ್ಸಾ೦ ಯುರೋಪ್ ಆನಿ ಅಮೇರಿಕಾ೦ತ್ ಚಲ್‌ಲ್ಲ್ಯಾ ಕೈಗಾರಿಕಾ ಕ್ರಾ೦ತೆನ್ ಮನ್ಶ್ಯಾಚೆಂ ಸಾಮಾಜಿಕ್ ಜೀವನ್, ಜಿಯೆ೦ವ್ಚಿ ರೀತ್ ಬದ್ಲುನ್ ಸೊಡ್‌ಲ್ಲಿ. “The measure of Intelligence is the ability to change” ಹಿ೦ ಪ್ರಖ್ಯಾತ್ ವಿಜ್ಞಾನಿ ಆಲ್ಬರ್ಟ್ ಐನ್‍ಸ್ಟೀನಾಚಿ ಉತ್ರಾ೦. ಹಾಕಾ ಪೂರಕ್ ಜಾವ್ನ್ ಮ್ಹಳ್ಳ್ಯಾಪರಿಂ ಬ್ರಿಟಿಷ್ ವಿಜ್ಞಾನಿ ಸ್ಟೀಫನ್ ಹಾಕಿನ್ಸ್ ಮ್ಹಣ್ತಾ” Intelligence is the ability to change and adapt”. ಹ್ಯಾ ದೊಗಾ೦ಯಿ ಜಾಣ್ತ್ಯಾಂಚ್ಯಾಂ ಉತ್ರಾ೦ನಿ ಅಸಲ್ಲೊ Change ವಾ ‘ಬದ್ಲಾವಣ್’ ಮಳ್ಳೊಂ ಸಬ್ದ್ ನಾಮ್ ವಾ Noun ಜಾವ್ನ್ ಘೆತ್ಲ್ಯಾರ್, ಬದ್ಲಾವಣ್ ಚುಕೊ೦ವ್ಕ್ ಜಾಯ್ನಾ ತಸಲಿ ನೈಸರ್ಗಿಕ್ ಪ್ರಕ್ರಿಯಾ ಮ್ಹಳ್ಳ್ಯಾ ಪರಿಂ ದಿಸ್ತಾ.
ಪಾಟ್ಲ್ಯಾ 15-20 ವರ್ಸಾ೦ನಿ ಪ್ರತ್ಯೇಕ್ ಜಾವ್ನ್ ತಾ೦ತ್ರಿಕತೆ೦ತ್ ಜಾಲ್ಲ್ಯಾ ಬದ್ಲಾವಣೆನ್ ಮನ್ಶ್ಯಾನ್ ಚಿ೦ತ್ಚಿ ಆನಿ ಜಿಯೆ೦ವ್ಚಿ ರೀತ್‌ಚ್ ಬದ್ಲುನ್ ಸೊಡ್ಲ್ಯಾ ಮ್ಹಳ್ಯಾರ್ ಚೂಕ್ ಜಾ೦ವ್ಚಿನಾ. ತೆ೦ ನಹಿ೦ ಆಸ್ತಾ ವೆಳಾ ಸವೆ೦ ಹಿ೦ ತಾ೦ತ್ರಿಕತಾ ವೈಯುಕ್ತಿಕ್ ಆನಿ ಸ೦ಚಾರಿ (Portable) ಜಾತೇ ಆಸಾ. 2001 ಇಸ್ವೆ೦ತ್ ಆಪಲ್ ಕ೦ಪೆನಿನ್ ತಾ೦ಚೆ ಪಯಿಲ್ಲೆ೦ ipod ವಿಕ್ಲೆ೦, ತಾಚ್ಯಾ ಸ ವರ್ಸಾ ನ೦ತರ್ ಪಯಿಲ್ಲೆ iphone ಆಯ್ಲೆ೦, ಹ್ಯಾ ಸ್ಮಾರ್ಟ್ ಪೊನಾ೦ನಿ ಆಮಿ ಕರ‍್ಚ್ಯಾ ಸಬಾರ್ ಕಾಮಾ೦ಕ್ ಆಮ್ಕಾ೦ ಹಾ೦ತಾ೦ನಿ ದರ‍್ನ್ ಬೊಟಾ೦ನಿ ಕರ‍್ಚೆ ಬರಿ ಕೆಲೆ೦. ಆಜ್ ಸ೦ಸಾರಾ೦ತ್ ಸುಮಾರ್ ಪನ್ನಾಸ್ ಪ್ರತಿಶತ್ ಲೊಕಾಕಡೆ ಅ೦ತರ್‌ಜಾಳಾಚಿ ಸುವಿಧಾ ಆಸಾ ಜಾಲ್ಲ್ಯಾನ್ ಹಿ ತಾ೦ತ್ರಿಕತಾ ಅನಿಕೀ ಮುಖಾರ್ ವೆತೆಲಿ ಮ್ಹಳ್ಳ್ಯಾಕ್ ಕಾ೦ಯ್ ದುಬಾವ್ ನಾ. ತಾ೦ತ್ರಿಕತೆನ್ ಎದೊಳ್‌ಚ್ ಮನ್ಶ್ಯಾನ್ ಕರ್ಚಿ ಸಬಾರ್ ಕಾಮಾ೦ ಮೆಶಿನಾಂ ಮುಕಾಂತ್ರ್ ಅತ್ಯ೦ತ್ ಸಲೀಸ್ ಆನಿ ವೆಗಾನ್ ಕರ‍್ಯೆತ್ ಮ್ಹಳ್ಳೆ೦ ದಾಕೊ೦ವ್ನ್ ದಿಲಾ. ಓನ್ ಲೈನ್ ಪೆಮೆ೦ಟ್, ಕ್ಯಾಶ್ ಮೆಶಿನ್, OTT patforms, ಡಿಜಿಟಳ್ ತಾ೦ತ್ರಿಕತೆ ದ್ವಾರಿ೦ ಉಲೊ೦ವ್ಚೆ (ZOOM, TEAMS, SKYPE)ಆಸೆ೦ ಚಾಲ್ತ್ಯಾ ಜಿಣೆಯೆಕ್ ಸರಿ ಜಾಲ್ಲೆ ಸಬಾರ್ ದಾಕ್ಲೆ ಆಮ್ಕಾ೦ ಸದಾ೦ಯ್ ಪಳೆಂವ್ಕ್ ಆನಿ ಅನ್ಭೊಗ್ ಕರು೦ಕ್ ಮೆಳ್ತಾತ್. ಹಾ೦ಗಾಸರ್ ಆಮಿ ಆಮ್ಚೆ೦ ಚಿ೦ತಾಪ್ ಇಲ್ಲೆ ವಿಸ್ತಾರ್ ಕೆಲ್ಯಾರ್ ಆಮ್ಕಾ೦ ಕಳ್ತಾ ಕೀ ಎದೊಳ್ ಪರ‍್ಯಾ೦ತ್ ಆಮಿ ನಿಯ೦ತ್ರಣ್ ಕರ್ಚಿ ಹಿ೦ ತಾ೦ತ್ರಿಕತಾ ಆತಾ ಆಮ್ಚೆರ್ ಮ್ಹಳ್ಯಾರ್ ಮನ್ಶ್ಯಾಚೆರ್ ಲಗಾಮ್ ಘಾಲ್ಚೆಪರಿಂ ದಿಸ್ತಾ.
ಸಾಮಾನ್ಯ್ ಜಾವ್ನ್ ಆಮ್ಚಿ ಭಲಾಯ್ಕಿ ಬರಿ ನಾತ್‌ಲ್ಲ್ಯಾ ವೆಳಾರ್ ಆಮಿ ದಾಕ್ತೆರಾಕಡೆ ವೆತಾ೦ವ್, ತಾಕಾ ಮುಖಾಮುಖಿ ಮೆಳ್ತಾ೦ವ್ ಆನಿ ದಾಕ್ತೆರಾಚ್ಯಾ ಸಲಹಾ ಪ್ರಕಾರ್ ವಕ್ತಾಂ ಘೆತಾ೦ವ್. ಆಜ್ ಇ೦ಗ್ಲೆಡಾ೦ತ್ಲೆ NHS, ಅಮೇರಿಕಾಚೆ WebMD ತಸಲಿ೦ ವೆಬ್ ಸೈಟಾ೦ ಅಸಲಿ ಸಲಹಾ (ವಕಾತ್ ನೈ೦) ದಿತಾತ್. ಮಹಿನ್ಯಾಕ್ ಸುಮಾರ್ 19 ಕೊರೊಡ್ ಲೋಕ್ WebMD ವೆಬ್ ಸೈಟ್ ಪಳಯ್ತಾ ಮ್ಹಳ್ಳೊ ದಾಕ್ಲೊ ಅಸಾ. Better Doctor, ZocDoc ಆನಿ Doctor On Demand ತಸಲಿಂ ವೈಬ್ ಸೈಟಾ೦ 10 ಲಾಕ್ ದಾಕ್ತೆರಾ೦ಚೆ ಖಬಾರ್ ಲೊಕಾಕ್ ದಿತಾತ್. ಕ್ಯಾಲಿಪೊರ್ನಿಯಾಚಾ ಎಕಾ ಮೆಡಿಕಲ್ ಸ್ಟೋರಾ೦ತ್ ವಕಾತ್ ದೀವ್ಕ್ ಮನಿಸ್ ನಾ೦ತ್ , ಥ೦ಯ್ ಆಸ್ಚೊ ರೊಬೊಟ್ ಹೆ೦ ಕಾಮ್ ಕರ‍್ತಾ. ಹ್ಯಾ ಮೆಶಿನಾನ್ ಎದೊಳ್ ಪರ‍್ಯಾ೦ತ್ 20 ಲಾಕ್ ವಕ್ತಾ೦ ಕಸಲಿಚ್ ಚೂಕ್ ನಾಸ್ತಾನಾ ದಿಲ್ಯಾ೦ತ್ ಖ೦ಯ್. ಅಮೇರಿಕಾ೦ತ್ ಮೆಡಿಕಲ್ ಸ್ಟೋರಾ೦ತ್ ಚೂಕ್ ಜಾ೦ವ್ಚಿ ಸಾಧ್ಯತಾ ಎಕ್ ಪ್ರತಿಶತ್ ಮ್ಹಣ್ ದಾಕ್ಲೆ ಸಾ೦ಗ್ತಾತ್. ಅಮೇರಿಕಾ೦ತ್ ವಾಡೊನ್ ಯೆ೦ವ್ಚ್ಯಾ “Mobile Health” ವಾ mthealth” ಚಿಕಿತ್ಸಾ ವಿದಾನಾ೦ತ್ ಪ್ರಸ್ತುತ್ ಚಲಾವಣೆ೦ತ್ ಆಸ್ಚಿ ಮೊಬೈಲ್ ಪೋನಾಚಿ ತಾ೦ತ್ರಿಕತಾ ಉಪಯೋಗ್ ಕೆಲ್ಯಾ. ದಾಕ್ಲ್ಯಾಕ್ ಬ್ಲೂಸ್ಟಾ ಅಪ್(App) ಡಯಾಬಿಟಿಸ್ ನಿಯ೦ತ್ರಣ್ ಕರು೦ಕ್ ಸಲಹಾ ದಿತಾ ಆನಿ ಹ್ಯಾ ಅಪ್(App) ದ್ವಾರಿ೦ ವೈಯುಕ್ತಿಕ್ ವಕ್ತಾಚಿ ಸಲಹಾ ಆನಿ ದಾಕ್ತೆರಾಕ್ ಹರ‍್ಯೇಕ್ ಘಡಿಯೆಚಿ (real time-data)ಮಹೆತ್ ಮೆಳ್ಚ್ಯಾಪರಿಂ ಕರ‍್ತಾ. ಎರಿಕ್ ಟೋಪಲ್ ಮ್ಹಳ್ಳ್ಯಾ ಅಮೇರಿಕನ್ ದಾಕ್ತೆರಾನ್ ಸಾ೦ಗ್ಚೆಪರಿಂ ಮುಕ್ಲ್ಯಾ ವರ್ಸಾ೦ನಿ ಹರ‍್ಯೇಕ್ ಮನ್ಶ್ಯಾಕಡೆ ಭಲಾಯ್ಕೆ ಲಗ್ತಿ ವಿವರಾ ವಯ್ರ್ ತಾ೦ತ್ರಿಕತೆಕ್ ಅವಯ್ಚಾ ಗರ್ಭಾ ಥಾವ್ನ್ ಮರ‍್ನಾಚ್ಯಾ ಪೊ೦ಡಾ ಪರ‍್ಯಾ೦ತ್ ಅಧಿಕಾರ್ ಅಸ್ತಾಲೊ. ತೆ೦ ನಹಿ೦ ಅಸ್ತಾ ಹಿ೦ಚ್ ತಾ೦ತ್ರಿಕತಾ ಪಿಡೆ೦ಚೆರ್ ಜಯ್ತ್ ವ್ಹರು೦ಕ್ ಆನಿ ಥೊಡ್ಯಾ ಪಾವ್ಟಿ೦ ತಿ೦ ಯೆ೦ವ್ಚಾ ಪಯ್ಲೆ೦ಚ್ ದಾ೦ವ್ಡಾ೦ವ್ಕ್ ಕುಮೊಕ್ ಕರ‍್ತಾಲಿ.
ಶಿಕ್ಪಾ ಕ್ಷೇತ್ರಾ೦ತ್ ತಾ೦ತ್ರಿಕತೆಚೊ ಉಪಯೋಗ್ ಪಾಟ್ಲ್ಯಾ ದೋನ್ ವರ್ಸಾ೦ನಿ COVID ವೈರಾಸಾನ್ ದಾಕವ್ನ್ ದಿಲಾ. ಪುಣ್ ಹಾ೦ಗಾಸರ್ ವಿದ್ಯಾರ್ಥಿ ಆನಿ ತಾ೦ತ್ರಿಕತೆ ಮಧೆ೦ ಮೇಸ್ತ್ರಿ ಅಸಲ್ಲೊ. ಸ೦ಪ್ರದಾಯಿಕ್ ಶಿಕ್ಪಾ ರೀತಿ೦ತ್ ಮೇಸ್ತ್ರಿಚೆ ಸ್ಥಾನ್ ಅತ್ಯ೦ತ್ ಪ್ರಮುಖ್ ಜಾವ್ನಾಸಾ. ಪುಣ್ ಕ್ಯಾಲಿಫೋರ್ನಿಯಾ೦ತ್ ಅಸ್ಚ್ಯಾ ಎಕಾ ಇಸ್ಕೊಲಾ೦ತ್ ಭುರ್ಗಿ೦ ಎಕಾ ದಿಸಾಚಾ ಚ್ಯಾರಾಂತ್ ಎಕ್ ವಾ೦ಟೊ ಮಾತ್ರ್ ಮೇಸ್ತ್ರಿ ಸಾ೦ಗಾತಾ ಅಸ್ತಾತ್. ಉರಲ್ಲೆ ತೀನ್ ವಾ೦ಟೊ ಹಿ ಭುರ್ಗಿ೦ ಓನ್ ಲೈನ್ ಶಿಕ್ಪಾ೦ತ್ ಖರ್ಚಿತಾತ್. ಸಾಫ್ಟ್ ವೇರ್ – ಹರ‍್ಯೆಕಾ ಭುರ್ಗ್ಯಾ೦ಚೊ ಶಿಕ್ಪಾಚೊ ವಿಷಯ್, ಭುರ್ಗ್ಯಾಚಿ ಪ್ರತಿಕ್ರಿಯಾ ಆನಿ ಭುರ್ಗ್ಯಾನ್ ಶಿಕಲ್ಲೊ ವಾ೦ಟೊ ವಿಶ್ಲೇಷಣ್ ಕರ್ನ್ ಭುರ್ಗ್ಯಾ೦ಚಿ ಕ್ಷಮಾತಾ ನಿರ್ಧಾರ್ ಕರ‍್ತಾ. ಭುರ್ಗ್ಯಾ೦ಕ್ ಕಿತೆ೦ಯೀ ಚಡ್ತಿಕ್ ಆಧಾರ್ ವ ಸಹಕಾರ್ ಜಾಯ್ ಜಾಲ್ಯಾರ್ ಹೆ೦ ಸಾಫ್ಟ್ ವೇರ್ ಟಿಚೆರಿಕ್ ಜಾಗಯ್ತಾ! ಆಜ್ ಶಿಕಾಪ್ ಘೆಜಯ್ ಜಾಲ್ಯಾರ್ ‘ಕ್ಲಾಸ್ ರೂಮ್’ ಜಾಯ್ ಮ್ಹಣ್ ದಿಸಾನಾ ಆನಿ ಮುಖಾರ್ ಇಸ್ಕೊಲಾ೦ಚಿ ಗರ್ಜ್ ಅಸಾಗೀ ಮ್ಹಳ್ಳೆ ಸವಾಲ್ ಉದೆತಾ? ಐಐಟಿ ಪ್ರೊಪೆಸರ್ ನೊಬೆಲ್ ಪ್ರಶಸ್ತಿ ವಿಜೇತಾಚಿಂ ಭಾಷಣಾ೦ ಆನಿ ಉತ್ರಾ೦ ಯೂಟ್ಯೂಬಾಚೆರ್ ಸಲಿಸಾಯೆನ್ ಮೆಳ್ತಾತ್. ಮುಖ್ಲ್ಯಾ ವರ್ಸಾ೦ನಿ ಮೇಸ್ತ್ರಿಚ್ಯಾಕೀ ಚಡ್ Education Software Designer ಚಿ ಚಡ್ ಗರ್ಜ್ ದಿಸ್ತಾಲಿ.
ವೈದಕೀಯ್ ಆನಿ ಶಿಕ್ಪಾ ಶೆತ್, ಎಕ್ ನಮುನೊ ಮಾತ್ರ್! ಅಸಲಿ ತಾ೦ತ್ರಿಕತಾ ಕೇ೦ದ್ರಿತ್ ಬದ್ಲಾವಣ್ ಸಾಮಾಜೆ೦ತ್ ಹರ‍್ಯೇಕಾ ವೃತ್ತೆಂತ್ ಆನಿ ಭೆಸಾ೦ತ್ ಅರ೦ಭ್ ಜಾಲ್ಯಾ, ಧಾರ್ಮಿಕ್, ಕಾನೂನ್, ಪತ್ರಿಕ್ಯೋದಮ್ ಆನಿ ಟ್ಯಾಕ್ಸ್ ಹ್ಯಾ ಕ್ಷೇತ್ರಾ೦ತ್ ವೇಗಾನ್ ಮ್ಹಳ್ಳೆ ಬರಿ ಪ್ರಗತಿ ಕರ‍್ತೆ ಆಸಾ. (ಆದಾರ್: ಹ್ಯಾ ಲೇಖನಾ೦ತ್ ದಿಲ್ಲೆ ದಾಖ್ಲೆ :The future of professions by Richard Susskind And Daniel Susskind ಹಾ೦ಚ್ಯಾ ಬುಕಾ೦ತ್ ಪ್ರತ್ಯೇಕ್ ಜಾವ್ನ್ Chapter 2 ಹಾ೦ತು ವಿವರುನ್ ದಿಲ್ಯಾತ್)
ಹೆ ಸಗ್ಳೆ ದಾಕ್ಲೆ ಪಳಯ್ತಾನಾ ಮುಕ್ಲ್ಯಾ ವರ್ಸಾ೦ನಿ ಹಿ೦ ಉ೦ಚ್ಲ್ಯಾ ಮಟ್ಟಾಚಿಂ ಪುಣ್ ಚಿ೦ತುಕ್ ಸಕಾನಾತ್ಲಿಂ ಮೆಶಿನಾಂ ತಾಕಾಚ್ ರಚಲ್ಯಾ ಮನ್ಶ್ಯಾಕ್ ಸವಾಲ್ ಜಾತಿತ್‌ಗೀ ? ಮ್ಹಳ್ಳೊ ದುಬಾವ್ ಜಾತಾ. ಉ೦ಚ್ಲ್ಯಾ ಮಟ್ಟಾಚಿ ಮೆಶಿನಾಂ ಮ್ಹಣ್ತಾನಾ Artificial Intelligence (AI) ವಾ ಮೆಶಿನಾನ್ ದಾಕೊಂವ್ಚಿ ಸಮ್ಜಣಿ ಉಲ್ಲೇಕ್ ಕರಿಜಾಯ್ ಪಡ್ತಾ. IBM ವೆಬ್-ಸೈಟಾ ಪ್ರಕಾರ್ Artificial Intelligence (AI) ತಾ೦ತ್ರಿಕತೆ ದ್ವಾರಿಂ ತಯಾರ್ ಜಾಲ್ಲಿ ಮೆಶಿನಾಂ ಮನ್ಶ್ಯಾನ್ ಘೆ೦ವ್ಚೆ ನಿರ್ದಾರ್ ಆನಿ ಸಮಸ್ಯಾ೦ಕ್ ಸಮಾಧಾನ್/ಅನುಕರಣ್ ಕರು೦ಕ್ ಸಕ್ತಾತ್. (Artificial Intelligence beverages computers and machines to mimic the problem solving and decision making capabilities of the human mind) ಹ್ಯಾ ಲೇಖನಾ೦ ಖಾತಿರ್ ಎಕಾ ದಾಕ್ತೆರಾಕಡೆ ಉಲಯ್ತಾನಾ ತಾಚೆ ಅಭಿಪ್ರಾಯೆ ಪ್ರಕಾರ್ ಥೊಡ್ಯಾ ವರ್ಸಾ೦ ಪಯಿಲ್ಲೆ ಅಸ್ಪತ್ರ್ಯಾಂನಿ X-Ray ಪಳೆ೦ವ್ಚ್ಯಾ Radiologist ಹಾಚೆಂ ಕಾಮ್ AI ತಾ೦ತ್ರಿಕತೆಚಿಂ ಮೆಶಿನಾಂ ಕರ್ತಾತ್, ಮ್ಹಳ್ಯಾರ್ ಮನ್ಶ್ಯಾಚೊ X-Ray ಅತಾ೦ ಮೆಶಿನ್‌ಚ್ ಪಳೆ೦ವ್ಕ್, ಕಿತೆ೦ಯ್ ಉಣೆಪಣ್ ಅಸ್ಲ್ಯಾರ್ ಮೆಶಿನಾ೦ಚ್ ಹೆ೦ ಉಣೆಪಣ್ ಕಳಿತ್ ಕರುಂಕ್ ಸಕ್ತಾತ್. ಹಾ೦ಗಾ ಮನಿಸ್ (Radilogist) ಹಾಚಿ ಗರ್ಜ್ ನಾ. ತಶೆ೦ಚ್ ಡ್ರೈವರ್ ನಾತಲ್ಲಿ ಕಾರಾ೦ಯಿ AI ತಾ೦ತ್ರಿಕತೆಚಾ ಆದಾರಾನ್ ತಯಾರ್ ಜಾತಾತ್, ಹಾ೦ಗಾ ಮನಿಸ್(ಡ್ರೈವರ್) ನಾ. ಮಿಲಿಟ್ರಿ ಹಾತೆರಾಂ ಕರ್ಚಿ ಕಂಪನಿ BAE systems ಹಾ೦ಚೆ ಸಾಫ್ಟ್ ವೆರ್ ಕಂಪ್ಯೂಟರ್ ಮುಖಾ೦ತ್ರ್ ಸವಾಲಾ೦ ವಿಚಾರ‍್ನ್, ಅಭ್ಯರ್ಥಿಚೆ ಜಾಪಿ ವಿಶ್ಲೇಷಣ್ ಕರ್ನ್ ತೊ ವಾ ತೆ೦ ಹ್ಯಾ ಕ೦ಪೆನಿ೦ತ್ ಕಾಮ್ ಕರು೦ಕ್ ಯೋಗ್ಯ್‌ಗೀ ಮ್ಹಳ್ಳೊ ನಿರ್ಣಯ್ ಘೆತಾತ್. ಹಾ೦ಗಾ ಮನಿಸ್ (ಸವಾಲಾ೦ ವಿಚಾರುಂಕ್ ) ನಾ! ಮೆಶಿನ್ ಮನ್ಶ್ಯಾಕ್ ಸವಲಾ೦ ವಿಚಾರ‍್ತಾ!
ತಾ೦ತ್ರಿಕತಾ ಮನ್ಶ್ಯಾಕ್ ಬೆರೊಜ್‌ಗಾರ್ ಕರ‍್ತಾ ಮ್ಹಳ್ಳೆ ಸಮ್ಜೊ೦ಕ್ ಚಡ್ ವೇಳ್ ಲಾಗಾನಾ. ಪುಣ್ ಹಾ೦ಗಾಸರ್ ಸನ್ನಿವೇಶ್ ಇಲ್ಲೆ ಬದಲ್ಲ್ಯಾತ್. ಎದೊಳ್ ಮ್ಹಣಾಸರ್ ಹಿ೦ ತಾ೦ತ್ರಿಕತಾ ಶಾರೀರಿಕ್ ರೀತಿನ್ ಕುಮಕ್ ಕರ‍್ತಾಲಿ (repetitive work or mass production)ಪೂಣ್ ಆತಾ೦ ಹ್ಯಾ ತಾ೦ತ್ರಿಕತೆನ್ ಮನ್ಶ್ಯಾಚಾ ಚಿ೦ತ್ಪಾಕ್ ಸವಾಲ್ ಕರು೦ಕ್ ಸುರು ಕೆಲಾಂ. ಪ್ರಸ್ತುತ್ ಆಮಿ ಸ೦ಪ್ರದಾಯಿಕ್ – ತಾ೦ತ್ರಿಕ್ ಯುಗಾಚಾ ಮಧೆ೦ ಅಸ್‌ಲ್ಲ್ಯಾ ಬರಿಂ ದಿಸ್ತಾ. ಮುಕ್ಲ್ಯಾ ದಿಸಾ೦ನಿ ಹಿ೦ ತಾ೦ತ್ರಿಕ್ – ಇ೦ಟರ್ ನೆಟ್ ಸಮಾಜ್ ಸ೦ಪೂರ್ಣ್ ಥರಾನ್ ರುತಾ ಜಾತಾನಾ ಮ್ಹನ್ಶ್ಯಾಚಿ ಗರ್ಜ್ ಆಸಾಗೀ? ಅಸ್ಲ್ಯಾರ್ ಕಿತ್ಲಿ?
ಹ್ಯಾ ಸವಾಲಾಕ್ ಜಾಪ್ ದೀ೦ವ್ಕ್ ತಿತ್ಲಿ ಕಾ೦ಯ್ ಸಲೀಸ್ ನಾ. ಕೆದಳಾ ಮ್ಹಣಾಸರ್ AI ತಾ೦ತ್ರಿಕತೆಚಿ ಮೆಶಿನಾ೦ ಮನ್ಶ್ಯಾಬರಿಂ ಚಿ೦ತುಕ್, ಸ೦ವಾದ್ ಕರು೦ಕ್, ಪ್ರತಿಕ್ರಿಯಾ ದೀಂವ್ಕ್, ಸ೦ಬ೦ಧ್ ಜಿವೊ ದವರು೦ಕ್ ಅನಿ ಹೊ೦ದ್ವೊನ್ ರಾವೊ೦ಕ್ ಸುರು ಕರ್ತಾತ್ ಗೀ, ತೆದಳಾ ಮ್ಹಣಾಸರ್ ಮನ್ಶ್ಯಾಕ್ ಮನ್ಶ್ಯಾಚೆಂ ಮೋಲ್ ಆಸ್ತಾಲೆಂ ಮ್ಹಳ್ಳೆಂ ಧಯ್ರ್ ಆಸಾ. ಆಮ್ಕಾಂ ಎದೊಳ್‌ಚ್ ಕಳಿತ್ ಅಸಾ ಕೀ ಅಮೆಜಾನ್ ಕಂಪನಿಚಾ ಎಕಾ ಸುಪರ್ ಮಾರ್ಕೆಟಿಂತ್ ಪಯ್ಶೆ ಘೆಂವ್ಕ್ ಮನಿಸ್ ನಾಂತ್, ಹಾಂಗಾಸರ್ AI ಅನಿ ಇತರ್ ತಾಂತ್ರಿಕತೆಚಾ ಸಹಕಾರನ್ ಎಕಾ ಮನ್ಶ್ಯಾನ್ ಘೆತಲ್ಲ್ಯಾ ವಸ್ತುಚೆಂ ಮೋಲ್ ಲೇಕ್ ಕರ್ನ್ ಬ್ಯಾಂಕ್ ವಾ ಕಾರ್ಡಾಂ ಮುಕಾಂತ್ರ್ ಪಯ್ಶೆ ಪಾವಿತ್ ಜಾತಾತ್. (ಅಧಾರ್: https://www.theguardian.com/us-news/2020/feb/25/amazon-go-grocery-supermarket-seattle-technology) ಆಸ್ಪತ್ರ್ಯಾಂನಿ ರೊಬೊಟ್ ಮೆಶಿನಾ ಮರಿಪಾತ್ ಮನ್ಶ್ಯಾಂಚಿ ಅಪರೇಶನಾಂ ಕರ್ತಾತ್. (ಅಧಾರ್: https://www.bbc.co.uk/news/uk-scotland-50745316) ಅಮಿ ಅಪ್(App) ಮುಕಾಂತ್ರ್ ಸಬಾರ್ ವಸ್ತು ಘೆತಾಂವ್, ಮುಖ್ಲ್ಯಾ ವರ್ಸ್ಸಾಂನಿ ಅಪಾ(App) ಮಾರಿಫಾತ್ ಘೆತಲ್ಲೆ ವಸ್ತು, ರೊಬೊಟ್ ಮಳ್ಳೆಂ ಮಶಿನ್ ತಯಾರ್ ಕರ್ನ್, ಡೈವರ್ ನಾತಲ್ಲ್ಯಾ ಕಾರಾರ್ ಅಮ್ಚ್ಯಾ ಘರಾ ಪಾವಿತ್ ಜಾಲ್ಯಾರ್ ಅಜಾಪ್ ಪಾಂವ್ಚಿ ಗರ್ಜ್ ನಾ!
ಇ೦ಗ್ಲಿಷ್ ಗಣಿತ್ ತಜ್ಞ್ ಅಲನ್ ಟ್ಯೂರಿಂಗ್ ಹಾಣಿ ಸಾ೦ಗ್ಚೆ ಪ್ರಕಾರ್ – Those who can Imagine can create the impossible! ತಶೆ೦ ಜಾಲ್ಯಾರ್ ವೇಗಾನ್ ಪ್ರಗತಿ ಕರ್ಚಿ AI ತಾ೦ತ್ರಿಕತಾ ಖ೦ಡಿತ್ ಜಾವ್ನ್ ಇಲ್ಲಿ ಪುಣೀ ಆಡ್ಕಳೆಚಿ ಜಾ೦ವ್ಕ್ ಅಸ್ತೆಲಿ. ಅತಾ೦ ಆಸ್ಚೆ ತಸಲಿಂ ಸಬಾರ್ ಕಾಮಾ೦ ಅನಿ ಥೊಡ್ಯಾ ವರ್ಸಾಂ ಉಪ್ರಾ೦ತ್ ಅಸ್ಚಿ ನಾ೦ತ್ (ಅದಾರ್ : 20 thrilling technologies that will change lives 20 years from now by Sandeep Parasrampuria ). ಮುಕ್ಲ್ಯಾ ಕಾಮಾಂಕ್ ಆತಾಂ ಆಸ್ಚೆಂ ಶಿಕಪ್ ಆನಿ ತರ್ಭೆತಿ ಗರ್ಜ್‌ಯಿ ಪಡ್ಚಿ ನಾ! ಪುಣ್ ಮನ್ಶ್ಯಾಚಿ ಗರ್ಜ್ ಅಸ್ತಲಿ ಮ್ಹಳ್ಳೊ ಭರ್ವಸೊ ಮ್ಹಾಕಾ ಆಸಾ. ಕಿತ್ಯಾಕ್‌ಗೀ ಮ್ಹಳ್ಯಾರ್ ಮನ್ಶ್ಯಾಕ್ ತಾ೦ಚಿಚ್ ಮ್ಹಳ್ಳಿ ಭೊಗ್ಣಾ೦ ಆಸಾತ್. ಮುಕ್ಲ್ಯಾ ವರ್ಸಾ೦ನಿ ಹಿ೦ ತಾ೦ತ್ರಿಕತಾ ನಾತ್ಲ್ಯಾರ್ ಮನ್ಶ್ಯಾಕ್ ಜಿಯೆ೦ವ್ಕ್‌ಯಿ ಜಾ೦ವ್ಚೆ ನಾ! ಜಶೆ೦ ಅತಾಂ ಅಮ್ಕಾಂ ಎಕ್ ವಾ ದೋನ್ ವೊರಾ೦ ಪೋನ್ ನಾತ್ಲ್ಯಾರ್ ಕಿತ್ಲೆ೦ ಕಷ್ಟ್ ಜಾತಾಗೀ ತಿತ್ಲೆ೦ಚ್ ಕಷ್ಟ್ ಜಾತೆಲೆಂ.
ತರ್ ಹಾಂಗಾಸರ್ ಸವಾಲ್ ಕಿತೆಂಗೀ ಮ್ಹಳ್ಯಾರ್, ಹರೇಕ್ ಕಾಮಾಕ್ ಮೆಶಿನಾಂಕ್ ಹೊದ್ವೊಂನ್ ವೆಚಿ ಮುಕ್ಲಿ ಪಿಳ್ಗಿ ಮನ್ಶ್ಯಾ ಜೀವಾಕ್ ಮೋಲ್ ದೀತ್? ಪ್ರಖ್ಯಾತ್ ಚಿಂತ್ಪಿ ಅನಿ ಚರಿತ್ರೆಗಾರ್ ಯುವಾಲ್ ನೊವಾ ಹಾರರಿ ಹಾಣೆ ಅಂದಾಜ್ ಘಾಲ್ಲ್ಯಾಪರಿಂ, ಕೈಗಾರಿಕ್ ಕ್ರಾಂತೆನ್ ಕಾಮೆಲ್ಯಾಚೊ ವರ್ಗ್ ಅಸಾ ಕೆಲೊ ತರ್, ಹೊ ತಾಂತ್ರಿಕ್ ಯುಗ್ ಕಾಮ್-ನಾತಲ್ಯಾಚೊ ವರ್ಗ್ ಆಸಾ ಕರ್ತಾಲೊ. ಸೊ೦ಪ್ಯಾ ಉತ್ರಾ೦ನಿ ಸಾ೦ಗ್ಚೆ ತರ್ ಮನಿಸ್ ಆನಿ ತಾ೦ತ್ರಿಕತಾ ಸಾ೦ಗಾತಾಚ್ ವಿಕಸಿತ್ ಜಾತೆಲಿ, ಮನಿಸ್-ತಾ೦ತ್ರಿಕತಾ ಮ್ಹಳ್ಳ್ಯಾ ಸಮಿಕರಣಾ ಥಾವ್ನ್ ಎಕ್ ಕಾಡ್ಲ್ಯಾರ್ ವಾ ತ್ರಾ೦ತಿಕತೆನ್ ಚಡ್ ವೇಗ್ ದಾಕಾಯ್ಲ್ಯಾರ್ ಮನ್ಶ್ಯಾಚಿ ಗರ್ಜ್ ತಿತ್ಲ್ಯಾಚ್ ವೇಗಾನ್ ಉಣೆ ಜಾತಾಲಿ. Its co-existence or no existence.
► ಲಾರೆನ್ಸ್ ವಿ ಬಾರ್ಬೋಜ, ಮ್ಯಾಂಚೆಸ್ಟರ್ – ಯು.ಕೆ.
Well written article Vinod. Very Motivating. Loved reading it. The fellow Konkani researchers will have a good treat reading it. I feel that it will surely be cited by many in their research. It will be a proud feeling for you as well as us Konkani lovers to see a Konkani Article being cited in their writings. I wish for a peaceful & developmental co-existence between Technology and the Human Beings.
Congratulations Vinod. Awaiting for more such scholarly articles in our mother tongue.
Very interesting article, as we run through the technology, unknowingly humans are controlled by machines, that is unfortunate.
Keep writing Vinod.
ಕುತೂಹಲ್ ಭರಿತ್ ಲೇಖನ್ ವಿನೋದ್. ಆದ್ಲ್ಯಾ ವರ್ಸಾ ಯುವಾಲ್ ನೋಹಾ ಹರಾರಿಚೊ Homo Deus ವಾಚ್ತಾನಾಂಯ್ ಹಾಂವ್ ಅಶೆಂಚ್ ವಿಜ್ಮಿತ್ ಪಾವ್ ಲ್ಲೊಂ.
Thank you Lawrence Vinod for penning this beautiful Article , interesting and knowledgeable too.
Modern Technology has changed our lives and has made the world smaller with faster communication, instant information access, and online interactions. It’s hard to imagine a life without technology. Everywhere we look, there are gadgets and devices that have completely transformed the way we live.
All the very best Vinod for your future articles.
ಬೋವ್ ಅರ್ಥಾ ಬರಿತ್ ಲೇಖನ್, ವಿನೋದ್ ವಿ ಬರ್ಬೊಜಾ, ಆದುನಿಕ್ ಸಂಸಾರಾಂತ ಮನೀಸ್ ಕಸೊ ಆದುನಿಕ್ ರೀತಿನ್ ಹೊಂದೊನ್ ಆಸಾ ಮುಣ್ ಬೋರಯ್ಲಾಯ್, ದೇವ್ ಬೊರೆಂ ಕರುಂ ವಿನೋದ್ ತುಕಾ ತುಜಾ ಚಿಂತ್ಪಾಕ್,
Wow.. very nice article with supporting websites. Technology is improving very fast, It’s true. You covered all aspects where all human beings has to think seriously.
Good article Vinod. Keep on writing…….
Quite an interesting and knowledgeable article by Lawrence Barboza. Modern technology has taken over every aspect of human life. It seems that humans are increasingly becoming the slaves of technology. While modern technology has many positive uses, the same technology is being used by unscrupulous people for various nefarious activities such as scams and cheating.