ಚಿಕಾಗೊ ಥಾವ್ನ್ ಚಾರ್ ಲಿಪಿಯಾಂನಿ ಆನಿ ಪ್ರಸ್ತುತ್ ಇಂಗ್ಲಿಶಾಂತೀ ದೊ| ಆಸ್ತೀನ್ ಡಿ’ಸೊಜಾ ಪ್ರಭುಚ್ಯಾ ಸಂಪಾದಕ್ಪಣಾಖಾಲ್ ಫಾಯ್ಸ್ ಜಾಂವ್ಚ್ಯಾ ವೀಜ್ ಪತ್ರಾನ್ 2022 ವ್ಯಾ ವರ್ಸಾಕ್ ಭುರ್ಗಾಂಚ್ಯಾ ತಸ್ವಿರೆಂಚ್ಯೊ ಫೊಟೊ ಸ್ಪರ್ಧೊ ಜಾಹೀರ್ ಕೆಲಾ ಆಸುನ್, 1 ಎಪ್ರಿಲ್ 2022 ಪರ್ಯಾಂತ್ ತಸ್ವಿರ್ಯೊ ಧಾಡುಂಕ್ ಅವ್ಕಾಸ್ ಆಸಾ ಮ್ಹಣ್ ಪರ್ಗಟ್ಣೆಂತ್ ಕಳಯ್ಲಾಂ.
ಸ್ಪರ್ಧ್ಯಾಕ್ ಪಾಂಚ್ ವರ್ಸಾಂ ಪರ್ಯಾಂತ್ಲ್ಯಾ ಭುರ್ಗ್ಯಾಂಚ್ಯೊ ತಸ್ವಿರ್ಯೊ ಧಾಡುಂಕ್ ಅವ್ಕಾಸ್ ಆಸುನ್, ಸ್ಪರ್ಧ್ಯಾಂತ್ ಜಿಕ್ಲೆಲ್ಯಾ 10 ಭುರ್ಗ್ಯಾಂಚ್ಯೊ ತಸ್ವಿರ್ಯೊ ವೀಜ್ ಪತ್ರಾರ್ ಫಾಯ್ಸ್ ಜಾಂವ್ಚೆ ಸವೆಂ, ಅನುಕ್ರಮಾನ್ ರು. 2,500/-, 2,000/-, 1,500/- ಆನಿ ರು. 1,000/- ಅಶೆಂ ಪಯ್ಲೆಂ, ದುಸ್ರೆಂ, ತಿಸ್ರೆಂ ಆನಿ ಚವ್ತೆಂ ಇನಾಮಾಂ, ಸಾಂಗಾತಾಚ್ ಪಾಂಚ್ವ್ಯಾ ಸ್ಥಾನಾಥಾವ್ನ್ ಧಾವ್ಯಾ ಸ್ಥಾನಾ ಪರ್ಯಾಂತ್ ರುಪಯ್ 500/- ಲೆಕಾನ್ ನಗ್ದೆನ್ ಪ್ರೋತ್ಸಾವಾಚಿಂ ಇನಾಮಾಂ ಆಸ್ತೆಲಿಂ.
ಸ್ಪರ್ಧ್ಯಾಚೆಂ ಫಲಿತಾಂಶ್ 7 ಎಪ್ರಿಲ್ 2022 ವೆರ್ ಜಾಹೀರ್ ಜಾತೆಲೆಂ ಮ್ಹಣ್ ವೀಜ್ ಸಂಪಾದಕ್ ದೊ| ಆಸ್ಟಿನಾನ್ ಕಳಯ್ಲಾಂ ಆಸುನ್, ತಸ್ವಿರ್ಯೊ ಧಾಡುಂಕ್ ವಿಳಾಸ್ : veezkonkani@gmail.com ಆನಿ ನಿಮಾಣಿ ತಾರೀಕ್ 1 ಎಪ್ರಿಲ್ 2022 ಜಾವ್ನಾಸ್ತೆಲಿ
