ಮಂಗ್ಳುರ್ ಧರ್ಮ್‌ಪ್ರಾಂತ್ಯಾಚ್ಯಾ ಧರ್ಮಾಧ್ಯಕ್ಷಾಚೊ, ಪತ್ರಾಂನಿ ಫೊಟೊ ಘಾಲ್ನ್ ಭಿಷಪ್ ಮಂಗಳೂರಿನ ಅತೀ ದೊಡ್ದ ಭೂ ಮಾಲೀಕ ಮ್ಹಣ್ ಮಾನ್ ಕಾಡ್ನ್, ಬಿಸ್ಪ್ ನಿವೃತ್ತೆ ಉಪ್ರಾಂತ್ ರಾವೊಂಕ್ ಸತ್ರಾ ಕೊರೊಡಾಂಚೊಂ ಐಶಾರಾಮಿ ಬೊಂಗ್ಲೊಂ ಬಾಂದ್ತಾ ಮ್ಹಣ್ ಫಟ್ ಪ್ರಚಾರ್ ಕರ್ನ್, ಪುರ್ವಜಾಂಕ್ ರಾವೊಂಕ್ ಬಿಡಾರ್ ದಿತಾಂವ್ ಮ್ಹಣ್ ಆಶಾ ದಾಕವ್ನ್ ಮತಾಂತರ್ ಕೆಲ್ಲೆಂ ಮ್ಹಣ್ ಸಂಸಾರಾಕ್ ಗಾಜವ್ನ್, ಶರ‍್ತಾಂ ನಾಮಂಜೂರ್ ಕೆಲ್ಯಾರ್ ಪಾಟಿಂ ಮಾತ್ರಧರ್ಮಾಕ್ ವೆತಾಂವ್ ಮ್ಹಣ್ ಉಗ್ತ್ಯಾನ್ ಧಮ್ಕಿ ದೀವ್ನ್ ಧೊಸ್‌ಲ್ಲ್ಯಾ ಮನ್ಶ್ಯಾಚಾ ಅಂಗ್ಣಾಕ್ ಮಂಗ್ಳುರ್ ಧರ್ಮ್ ಪ್ರಾಂತ್ಯಾಚೆ ಥೊಡೆ ಯಾಜಕ್ ವಚೊನ್ ಘಾಂಟ್ ಹಾಲವ್ನ್, ಸತ್ಕಾರ್ ಘೆವ್ನ್ ಯೆಂವ್ಚೆಂ ಸಾರ್ಕೆಂ ನ್ಹಯ್, ಹಾಂತು ಭಾವಾಡ್ತಿ ಲೊಕಾಕ್ ದಿಯೆಸೆಜಿಚೆರ್ ಆನಿ ದಿಯೆಸೆಜಿಚ್ಯಾ ವ್ಹಡಿಲಾಂಚೆರ್ ಆಸ್ಚಿ ಪಾತ್ಯೆಣಿ ಕೊಸಾಳ್ತಾ, ಅಸಲ್ಯಾ ಯಾಜಕಾಂಕ್ ಧರ್ಮಾಧ್ಯಕ್ಷಾನ್ ಸಮ್ಜಾಯ್ಜೆ ಮ್ಹಣ್, ದಾಕ್ಲ್ಯಾಂ ಸಮೇತ್ ಬರಯಿಲ್ಲೆಂ ಬರಪ್ ( ಭೊಶಿ ಭಂವ್ಡಾಯ್ತಾನಾ ಆತಾಂ ಪರತ್ ‘ಬಿಸ್ಪ್’ ಜಾಯ್ ? ) ಪುರ್ತ್ಯಾ ಲೊಕಾನ್ ವಾಚುನ್ ಕಾಡ್ಚೆ ಪಯ್ಲೆಂ – ಮಂಗ್ಳುರ್ ಧರ್ಮ್‌ಪ್ರಾಂತ್ಯಾಚೊ ಪ್ರಸ್ತುತ್ ಧರ್ಮಾಧ್ಯಕ್ಷ್ ಅ|ಮಾ|ದೊ| ಪೀಟರ್ ಪಾವ್ಲ್ ಸಲ್ಡಾನ್ಹಾ ಜನೆರಾಚ್ಯಾ ದೋನ್ ತಾರಿಕೆರ್, ದಿಯೆಸೆಜಿಕ್ ಆನಿ ದಿಯೆಸೆಜಿಚೊ ವ್ಹಡಿಲ್ ಜಾವ್ನ್ ಆಸ್ಚ್ಯಾ ಬಿಸ್ಪಾಚೆರ್ ಫಟ್ಕಿರೆ ಆರೋಪ್ ಮಾಂಡುನ್, ಮಾನ್ ಕಾಡ್‌ಲ್ಲ್ಯಾಂಚ್ಯಾ ಆಂಗ್ಣಾಕ್, ಕಾರ್ಯಾಚೊ ಅಧ್ಯಕ್ಶ್ ಜಾವ್ನ್ ವೆತಾ ಮ್ಹಳ್ಳಿ ಖಬರ್ ಮಾದ್ಯಮಾಂನಿ ಫಾಯ್ಸ್ ಜಾಲ್ಲಿ ಪಳೆವ್ನ್, ಮಾಲ್ಘಡ್ಯಾಂಚಿಂ ಗಾದ್ ಉಡಾಸ್ ಆಯ್ಲಿ – ವೋಂಯ್ ಬೆಳೆಂ ರಾಕ್ತಾ ಮ್ಹಣ್ ಭರ್ವಸ್ಲ್ಯಾರ್, ವೋಂಯ್‌ಚ್ ಉಟೊನ್ ಬೆಳೆಂ ಖಾಂವ್ಕ್ ಲಾಗ್‌ಲ್ಲಿ ಖಂಯ್!
ಆತಾಂ, ಹೆಂ ಸಗ್ಳೆಂ ಪಳೆವ್ನ್, ದಿಯೆಸೆಜಿಚ್ಯಾ ಭಾವಾಡ್ತಿ ಲೊಕಾನ್ ಕಿತೆಂ ಮ್ಹಣ್ ಚಿಂತಿಜೆ ?
ಬಿಷಪ್ ಮಂಗಳೂರಿನ ಅತೀ ದೊಡ್ಡ ಮಾಲೀಕ ಮ್ಹಳ್ಳೆಂ ಸತ್ ? ಪುರ್ವಜಾಂಕ್ ರಾವೊಂಕ್ ಬಿಡಾರ್ ದಿತಾಂವ್ ಮ್ಹಣ್ ಆಶಾ ದಾಕವ್ನ್ ದಿಯೆಸೆಜಿನ್ ಮತಾಂತರ್ ಕೆಲ್ಲೆಂ ಸತ್ ? ನಿವೃತ್ತೆ ನಂತರ್ ರಾವೊಂಕ್ ಬಿಸ್ಪಾನ್ ಸತ್ರಾ ಕೊರೊಡ್ ಖರ್ಚಾರ್ ಐಶಾರಾಮಿ ಬೊಂಗ್ಲೊ ಬಾಂದ್‌ಲ್ಲೊ ಸತ್ ? ದುಬ್ಳ್ಯಾ ಕ್ರೀಸ್ತಾಂವ್ ಲೊಕಾಕ್ ಬೇಘರ್ ಕರ್ನ್ ದಿಯೆಸೆಜ್ ಕಮರ್ಶಿಯಲ್ ಕೊಂಪ್ಲೆಕ್ಸ್ ಬಾಂದ್ತಾ ಮ್ಹಳ್ಳೆಂ ಸತ್ ?
ಜರ್, ಪ್ರೆಸ್ ಕೊನ್ಫರೆನ್ಸ್ ಆಪವ್ನ್ ಪರ್ಗಟ್ ಮಾದ್ಯಮಾಂನಿ ಮಾಂಡ್‌ಲ್ಲೆ ಹೆ ಪರ್ಗಟ್ ಆರೋಪ್, ಫಟ್ಕಿರೆ ಆನಿ ಬೆಬುನ್ಯಾದ್ ತರ್, ಆರೋಪ್ ಮಾಂಡ್‌ಲ್ಲ್ಯಾ ವೆಕ್ತಿನ್, ಪ್ರೆಸ್ ಕೊನ್ಫರೆನ್ಸ್ ಆಪವ್ನ್ ಮಾಂಡ್‌ಲ್ಲೆ ಆರೋಪ್ ಚುಕಿಚೆ ಮ್ಹಣ್ ಪಾಟಿಂ ಕಾಡ್ಲ್ಯಾತ್? ದಿಯೆಸೆಜಿಚಿ, ದಿಯೆಸೆಜಿಚ್ಯಾ ವ್ಹಡಿಲಾಂಚಿ ಮಾಫಿ ಮಾಗ್ಲ್ಯಾ ? ಪಶ್ಚಾತ್ತಾಪ್ ತರೀ ಉಚಾರ್ಲಾ? ದಿಯೆಸೆಜ್, ವ್ಹಡಿಲ್ ಕಾಂಯ್ ಉಜ್ವಾಡ್ ಫಾಂಕಯ್ತಿತ್ ?
ದಿಯೆಸೆಜಿಚೆರ್ ಆನಿ ಬಿಸ್ಪಾಚೆರ್ ಬೆಬುನ್ಯಾದ್ ಆರೋಪ್ ಮಾಂಡ್‌ಲ್ಲೆ ತವಳ್ ದಿಯೆಸೆಜ್‌ಭರ್ ಭಾವಾಡ್ತಿ ಲೊಕಾನ್ ಖಂಡನ್ ಕೆಲ್ಲೆಂ. ಆಕ್ರೋಶ್ ಉಚಾರ್‌ಲ್ಲೊ. ಥೊಡ್ಯಾಂನಿ ದಿಯೆಸೆಜಿಕ್ ಆನಿ ಬಿಸ್ಪಾಕ್ ಅಕ್ಮಾನ್ ಕೆಲಾ ಮ್ಹಳ್ಳ್ಯಾ ಎಕಾಚ್ ಕಾರಣಾಕ್ ಲಾಗೊನ್, ಆರೋಪ್ ಕೆಲ್ಲ್ಯಾ ವೆಕ್ತಿಕಡೆ ಆನಿ ತಾಚ್ಯಾ ಸರ್ವ್ ಸಂಸ್ಥಾಂಕಡೆಂ ಸಂಬಂದ್‌ಚ್ ಮೊಡ್ಲ್ಯಾತ್. ಸಂಸ್ಥ್ಯಾಚಾಚ್ ಎಕಾ ಹುದ್ದೆದಾರಾನ್ ಆಪ್ಲ್ಯಾ ಹುದ್ದ್ಯಾಕ್ ರಾಜಿನಾಮೊ ದೀವ್ನ್ ಮಾದ್ಯಮಾಂನಿ ಖಬರ್ ಕರ್ನ್, ಆಪ್ಣಾಕ್ ಆನಿ ತ್ಯಾ ವೆಕ್ತಿಕ್ ಕಾಂಯ್ ಸಂಬಂದ್ ನಾ ಮ್ಹಣ್ ಉಗ್ತ್ಯಾನ್ ಸಾಂಗ್ಲಾಂ. ( ಆತಾಂ ಕಾಂಯ್ ಹೋಯ್ ನಾಟಕಾಚೊ ಏಕ್ ವಾಂಟೊ ಆಸ್ಲೊ ಕೊಣ್ಣಾ ದುಬಾವ್ ಧೊಸ್ತಾ, ತಶೆಂ ಜಾಯ್ನಾ ಜಾಲ್ಯಾರ್ ಬರೆಂ ಆಸ್ಲೆಂ ! ) ಭಾವಾಡ್ತಿ ಲೋಕ್ ತಶೆಂ ಸತಾಚ್ಯಾ ಪಾಡ್ತಿನ್ ವಾವುರ್ಚ್ಯಾ ಜಾಯ್ತ್ಯಾಂನಿ ದಿಯೆಸೆಜಿಚಿ ಆನಿ ಬಿಸ್ಪಾಚಿ ಮರ್ಯಾದ್ ಉರಂವ್ಕ್ ಪೆಂಕಡ್ ಬಾಂದ್ಲಾಂ. ಕಾಮ್ ಕೆಲಾಂ. ಸಾಕ್ರಿಫಿಸ್ ಕೆಲಾ.
ಇತ್ಲೆಂ ಜಾಲ್ಯಾ ಉಪ್ರಾಂತ್, ಆತಾಂ ಎಕಾಣೆಂ – ದಿಯೆಸೆಜಿಚೊ ಪರಮೋಚ್ಚ್ ವ್ಹಡಿಲ್ ಜಾವ್ನಾಸ್ಚೊ ಬಿಸ್ಪ್, ಪರ್ಗಟ್ ಅಕ್ಮಾನ್, ಆರೋಪ್, ಖೆಳ್ಕುಳಾಂ ಕೆಲ್ಲ್ಯಾಚಾ ಆಂಗ್ಣಾಕ್ ಸತ್ಕಾರ್ ಘೆಂವ್ಕ್ ಆನಿ ತಾಂತ್ಲ್ಯಾ ತಾಂತು ಕಾರ್ಯಾಚೆಂ ಅಧ್ಯಕ್ಷ್ ಸ್ಥಾನ್ ಘೆಂವ್ಕ್ ವೆತಾ ತರ್, ಹಾಚೊ ಅರ್ಥ್ ಕಿತೆಂ ?
ಭಾವಾಡ್ತಿ ಲೋಕ್ ದಿಯೆಸೆಜಿಚೊ, ದಿಯೆಸೆಜಿಚೊ ಪರಮೋಚ್ಚ್ ವ್ಹಡಿಲ್ ಬಿಸ್ಪಾಚೊ ಮಾನ್ ರಾಕೊಂಕ್ ಝುಜ್ತಾನಾ, ದಿಯೆಸೆಜಿಚ್ಯಾ ವ್ಹಡಿಲಾಕ್ ತಾಚ್ಯಾ ಅದೀನ್ ಆಸ್ಚ್ಯಾ ಭಾವಾಡ್ತಿ ಲೊಕಾಚಿ ಮರ್ಯಾದ್ ದವರುಂಕ್ ಕಳಿತ್ ನಾ? ತಾಕಾ ತೋ ಕಾಯ್ದೊ ಬಾಂದಿನಾ?
ಖರೋಖರ್ ಸಾಂಗ್ತಾಂ – ದಿಯೆಸೆಜಿಚೆರ್, ದಿಯೆಸೆಜಿಚೊ ವ್ಹಡಿಲ್ ಜಾವ್ನಾಸ್ಚ್ಯಾ ಬಿಸ್ಪಾಚೆರ್ ಫಟ್ಕಿರೆ ಆನಿ ಬೆಬುನ್ಯಾದ್ ಆರೋಪ್ ಮಾಂಡ್‌ಲ್ಲ್ಯಾಂಚಾ ಕಾರ್ಯಾಕ್ ವಚಾನಾ ಜಾಲ್ಯಾರ್, ಬಿಸ್ಪಾನ್ ಹೊಗ್ಡಾವ್ನ್ ಘೆಂವ್ಚೆಂ ತಸಲೆಂ ಕುಸ್ಕುಟಾಚೆಂ ನಾಂ. ಹೆಂ ಕಾರ್ಯೆಂ ಕಾಂಯ್ ಬಿಸ್ಪಾಚ್ಯಾ ಆಪೊಸ್ತಾಲಾದಿಚೊ ವಾಂಟೊ ನಂಯ್. ಹ್ಯಾ ಕಾರ್ಯಾಕ್ ಧಾರ್ಮಿಕ್ ಪ್ರೊಟೊಕೊಲ್ ತ್ಯಾ ಭಾಯ್ರ್ ಲಾಗು ಜಾಯ್ನಾ.
ಬದ್ಲಾಕ್, ಸಮಾದಾನೆನ್ ಆನಿ ಸಾರ್ಕೆಂ ಚಿಂತ್ಲ್ಯಾರ್ – ಬಿಸ್ಪ್ ತ್ಯಾ ಕಾರ್ಯಾಕ್ ವಚಾನಾಸ್ತಾನಾ ರಾವ್ಲ್ಯಾರ್ ಭಾವಾಡ್ತಿ ಲೊಕಾಚ್ಯಾ ಆನಿ ತಾಚೆ ಹಾತಾಖಾಲ್ ವಾವುರ್ತೆಲ್ಯಾಂಚಾ ನದ್ರೆಂತ್ ದಿಯೆಸೆಜಿಚೊ ಆನಿ ಬಿಸ್ಪಾಚ್ಯಾ ಹುದ್ದ್ಯಾಚೊ ಮಾನ್ ಆನಿ ಗವ್ರವ್ ತಿದೊಡೊ ಜಾತಾ. ಬಿಸ್ಪಾಚೆರ್, ದಿಯೆಸೆಜಿಚೆರ್ ಫಟ್ಕಿರೆ ಆನಿ ಬೆಬುನ್ಯಾದ್ ಆರೋಪ್ ಮಾಂಡುನ್ ಮಾನ್ ಕಾಡ್ತಾನಾ, ಸಾಂಗಾತ್ ದಿಲ್ಲ್ಯಾ ವ್ಹಡ್ ಸಂಕ್ಯಾಚಾ ಭಾವಾಡ್ತಿ ಲೊಕಾಕ್ ಧಯ್ರ್ ಭರ್‌ಲ್ಲೆ ಪರಿಂ ಜಾತಾ, ಮರ್ಯಾದ್ ದಿಲ್ಲೆಪರಿಂ ಜಾತಾ. ಆಮ್ಚೊ ಗೊವ್ಳಿ ಆಪ್ಲ್ಯಾ ನಿರ್ಧಾರಾಂನಿ ಸ್ಪಶ್ಟ್ ಆನಿ ಸಾರ್ಕೊ ಆಸಾ ಮ್ಹಣ್ ಲೊಕಾಮನಾಂತ್ ಬಿಸ್ಪಾಚೊ ಭರ‍್ಮ್ ವಾಡ್ತಾ. ಸಾಂಗಾತ್ ದಿಲ್ಲ್ಯಾ ಭಾವಾಡ್ತಿ ಲೊಕಾಚೊ ವಿಶ್ವಾಸ್ ದೊಡ್ತೊ ಜಾತಾ. ಫುಡಾರಾಂತ್ – ದಿಯೆಸೆಜಿಚೆರ್, ದಿಯೆಸಿಜಿಚ್ಯಾ ವ್ಹಡಿಲಾಂಚೆರ್ ಕಾಂಯ್ ಕಶ್ಟ್ ಯೆತಿತ್ ತರ್ ಝುಜೊಂಕ್ ಮುಕಾರ್ ಯೆತೆಲ್ಯಾಂಚೊ ಸಂಕೊ ವಾಡ್ತಾ. ಸಮುದಾಯಾಂತ್, ಸಮಾಜೆಂತ್ ಏಕ್ ಮಜ್ಬೂತ್ ಸಂದೇಶ್ ಪಾಶಾರ್ ಜಾತಾ. ಸತಾಚಿ ಪಾಡ್ತ್ ಘೆವ್ನ್ ಸಮಡ್ತಿ ಖಾತಿರ್ ಝುಜ್ಲ್ಯಾರ್ ಆಮ್ಚೊ ಗೊವ್ಳಿ ಆಮ್ಕಾಂ ಸೊಡ್ನ್ ಘಾಲಿನಾ, ಆಮ್ಚೆ ಸಾಂಗಾತಾ ರಾವ್ತಾ ಮ್ಹಳ್ಳೆಂ Confidence ವಾಡ್ತಾ ಆನಿ ಚಡ್ತಾ. ಎಕಾ ಸಾದ್ಯಾ ಲಾಯಿಕಾಕ್ ಸಮ್ಜಂಚ್ಯೊ ಹ್ಯೊ ಸಂಗ್ತಿ ಪ್ರಸ್ತುತ್ ಧರ್ಮಾಧ್ಯಕ್ಷಾಕ್ ಸಮ್ಜಾನಾಸ್ತಾನಾ ಗೆಲ್ಯೊ ? ವಾ ತಾಕಾ ಸಗ್ಳೆಂ ಸಮ್ಜಾತಾ, ‘ಯೇನಾ’ ಮ್ಹಣೊಂಕ್ ಕಸಲಿಗೀ ದಾಕ್ಶೆಣ್/ ಅಸ್ಕತ್ಕಾಯ್ ಸೊಡಿನಾ? ಸಾರ್ಕಿ ಸಲಹಾ ದಿತೆಲೆಚ್ ನಾಂತ್ ವಾ ಕೊಣಾಯ್ಚೀಚ್ ಸಲಹಾಚ್ ತೋ ವಿಚಾರಿನಾ? ಆಪ್ಣಾಕ್ ಜಾಯ್ ಜಾಲ್ಲೆಪರಿಂ ಕರ್ನ್ ವೆತಾ ? ಭಾವಾಡ್ತಿ ಲೋಕ್ ಆತಾಂ ಘುಸ್ಪಡ್ಲಾ!
ಬಿಸ್ಪ್ ಮ್ಹಳ್ಯಾರ್ – ಅ| ಮಾ| ದೊ| ಪೀಟರ್ ಪಾವ್ಲ್ ಸಲ್ದಾನ್ಹ್ ಮಾತ್ ನಯ್. ಬಿಸ್ಪ್ ಮ್ಹಳ್ಯಾರ್ ಥಳೀಯ್ ಪವಿತ್ ಸಭೆಚೆಂ ದೊಳ್ಯಾಂಕ್ ದಿಸ್ಚೆಂ ಮೂರ‍್ತ್ ರೂಪ್. ಜೊ ಕೋಣ್ ಬಿಸ್ಪಾಚೊ ಮಾನ್ ಕಾಡ್ತಾ, ತೋ ಪವಿತ್ ಸಭೆಚೊ ಮಾನ್ ಕಾಡ್ತಾ. ದೆಕುನ್ ಹ್ಯಾ ಗಜಾಲಿಂತ್ ಸ್ವಂಯಂಪ್ರೇರಿತ್ ಭೊಗ್ಸಾಣ್ಯಾಚ್ಯಾ ಥಿಯರಿಚೊ ವಾಪರ್ ಕರುಂಕ್ ಅವ್ಕಾಸ್‌ಚ್ ನಾ. ತಶೆಂ ಬೊಗ್ಸುಂಚೆಂ ಜಾಲ್ಯಾರ್ ಸಾಮೂಹಿಕ್ ಜಾವ್ನ್ ಸಗ್ಳ್ಯಾಂಕೀ ಭೊಗ್ಸಿಜೆ. ದಿಯೆಸೆಜ್ ಇತ್ಲ್ಯೊ ಕೇಜಿ ಕಿತ್ಯಾಕ್ ಝುಜ್ತಾ ? ಎಕೆಕಾ ಫಿರ್ಗಜೆಂತ್ ಆತಾಂಯ್ ಕಿತ್ಲೆ ಕೇಜಿ ಚಲೊನ್ ಆಸಾತ್ ? ಬೊಗ್ಸಾಣ್ಯಾಂತ್ ಬೆದ್ ಬಾವ್ ಕರುಂಕ್ ಜಾಯ್ನಾ. ವೆದಿಕ್ ಆಪವ್ನ್ ಮುಂಡಾಸ್ ಬಾಂದ್ತೆಲ್ಯಾಂಕ್ ಏಕ್ ನೀತ್, ಕಾಂಯ್ ನಾತ್ಲೆಲ್ಯಾಕ್ ಏಕ್ ನೀತ್ ಕರುಂಕ್ ಜಾಯ್ನಾ. ‘ತುಂ ಮ್ಹಾಕಾ ವೆದಿ ಆನಿ ಪ್ರಚಾರ್ ದೀ – ಹಾಂವ್ ತುಕಾ ಭೊಗ್ಸಾಣೆಂ ದಿತಾಂ’ ಮ್ಹಣೊಂಕ್ ಹೆಂ ಕಾಂಯ್ ಎಕ್ಸ್‌ಚೇಂಜ್ ಮೇಳ ವಾ ಬಾರ್ಟರ್ ಸಿಸ್ಟಮ್ ನಯ್!
ಪ್ರಸ್ತುತ್ ಬಿಸ್ಪಾನ್ “ಬಿಷಪ್ ಮಂಗಳೂರಿನ ಅತೀ ದೊಡ್ಡ ಭೂ ಮಾಲೀಕ!” ಮ್ಹಣ್ ಆರೋಪ್ ಮಾಂಡ್‌ಲ್ಲೊ ಮ್ಹಾಕಾ ನಯ್, ತೋ ಆದ್ಲ್ಯಾಕ್ ಮ್ಹಳ್ಯಾರ್ ಅ|ಮಾ| ದೊ| ಲುವಿಸ್ ಪಾವ್ಲು ಸೊಜಾಕ್ ಮ್ಹಣ್ ಚುಕಾರಿ ಮಾರುಂಕ್ ಜಾಯ್ನಾ. ದಯಾಕರ್ನ್ ಮಾದ್ಯಮಾಂನಿ ಆಯಿಲ್ಲಿ ಪ್ರೆಸ್ ಕೊನ್ಫರೆನ್ಸಾಚಿ ಖಬರ್ ಪರ್ತ್ಯಾನ್ ವಾಚಾ – ಆರೋಪ್ ಮಾಂಡ್‌ಲ್ಲೊ ಶೀದಾ ಹುದ್ದ್ಯಾಚೇರ್, ವೆಕ್ತಿಚೇರ್ ನಯ್! ಬಿಷಪ್ ಮ್ಹಳಾಂ! ಏಕವಚನಾಂತ್ ಭಿಷಪ್ಪಗೆ ಮ್ಹಳಾಂ! ಭಿಷಪ್ಪರಿಗೆ ಮ್ಹಣೊನ್ ಮರ್ಯಾದ್ ಸಯ್ತ್ ದೀಂವ್ಕ್ ನಾ!
ಬಿಸ್ಪ್ – ಪೋರ್ ಬಾಜಿಲ್ ಸಾಲ್ವಾದೊರ್ ಆಸ್ಲೊ, ಕಾಲ್ ಲುವಿಸ್ ಪಾವ್ಲ್ ಆಸ್ಲೊ, ಆಜ್ ಪೀಟರ್ ಪಾವ್ಲ್ ಆಸಾ, ಫಲ್ಯಾಂ ಆನಿ ಕೋಣ್ ನವೊ ಯೆತಲೊ. ಪೂಣ್ ಹುದ್ದೊ ತೊಚ್. ಕದೆಲ್ ತೆಂಚ್. ಹುದ್ದ್ಯಾಕ್ ಆನಿ ಕದೆಲಾಕ್ ತಾಚಿಚ್ ಮ್ಹಳ್ಳಿ ಎಕ್ ಘನತಾ ಆಸಾ, ಗವ್ರವ್ ಆಸಾ, ಜವಾಬ್ದಾರಿ ಆಸಾ, ಮೀತ್ ಸಯ್ತ್ ಆಸಾ! ಆನಿ ಸಗ್ಳ್ಯಾಪ್ರಾಸ್ ವರ್ತ್ಯಾನ್ ಏಕ್ ಪವಿತ್ರ್ ಪರಂಪರಾ ಆಸಾ. ಪ್ರಸ್ತುತ್ ಕದೆಲಾರ್ ಬಸ್‌ಲ್ಲ್ಯಾನ್ ತಿ ಪವಿತ್ರ್ ಪರಂಪರಾ ಪಾಳುಂಕ್ ಆಸಾ, ಸಾಂಬಾಳುಂಕ್ ಆಸಾ ಆನಿ ಮುಕಾರ್ ವ್ಹರುಂಕ್ ಆಸಾ. ಆಪ್ಣಾಕ್ ಕದೆಲ್ ಮೆಳ್ಳಾಂ ಮ್ಹಳ್ಳೆಫರಾ ಆಪ್ಣಾಕ್ ಜಾಯ್ ಜಾಲ್ಲೆಪರಿಂ ಕರುಂಕ್ ಜಾಯ್ನಾ. ಕದೆಲಾಕ್ ಮಜ್ಬೂರಿ ನಾ. ಆಪ್ಲಿ ಅಸಹಾಯಕತಾ / ಅಸ್ಕತ್ಕಾಯೊ ಕದೆಲಾಚೆರ್ ಥಾಪುಂಕ್ ಜಾಯ್ನಾಂತ್. ಪವಿತ್ ಸಭಾ ಕೆದಾಳಾಯ್ Inclusive. ಪವಿತ್ ಸಭೆಂತ್ ಸರ್ವಾಧಿಕಾರಾಕ್ ಆನಿ ಸರ್ವಾಧಿಕಾರಿ ನಿರ್ಧಾರಾಂಕ್ ಅವ್ಕಾಸ್ ನಾ.
ದೆಕುನ್ ಪರ್ತ್ಯಾನ್ ಮ್ಹಣ್ತಾಂ – ಕಿತೆಂ ಸರ್ಕಸ್ ಕೆಲ್ಯಾರೀ, ಹಾಂಗಾಸರ್ ಭೊಗ್ಸಾಣ್ಯಾಚಿ ಥಿಯರಿ ಮುಕಾರ್ ದವರ್ನ್ ಪ್ರಸ್ತುತ್ ಕದೆಲಾರ್ ಬಸ್‌ಲ್ಲ್ಯಾ ಬಿಸ್ಪಾನ್ ಚುಕಾರಿ ಮಾರ್ನ್ ಘೆಂವ್ಕ್ ಜಾಂವ್ಕ್‌ಚ್ ಜಾಯ್ನಾ. ಕಿತ್ಯಾಕ್ ಮ್ಹಳ್ಯಾರ್ ಹ್ಯಾ ಗಜಾಲಿಂತ್ ತಾಣೆ ಭೊಗ್ಸಾಣೆಂ ತಾಚ್ಯಾ ಬೊಲ್ಸಾಂತ್ಲೆಂ ದಿಂವ್ಚೆಂ ನಯ್! ಹೆಂ ಭೊಗ್ಸಾಣೆಂ ತಾಚ್ಯಾ ಘರ್ಚ್ಯಾ ಹಿತ್ಲಾಂತ್ ಗಾಳಿ ಯೆಟ್‌ಲ್ಲ್ಯಾಕ್ ವಾ ಥಾಪಡ್ ಮಾರ್‌ಲ್ಲ್ಯಾಕ್ ದಿಂವ್ಚೆಂ ತಸಲೆಂ ಭೊಗ್ಸಾಣೆಂ ನಯ್. ಕೊಡ್ತಿಂತ್ ದಾಕಲ್ ಕೆಲ್ಲೆಂ ದೂರ್ ಪಾಟಿಂ ಕಾಡ್ಚೆ ತಿತ್ಲೆಂ ಸೊಂಪೆಂ ಖಂಡಿತ್ ನಯ್. ಕೊಡ್ತಿಂತ್ ಸಯ್ತ್ ಶಿಷ್ಠಾಚಾರ್ ಆಸಾ – ಥಂಯ್ಸರ್ ಲೋಕ್ ಅದಾಲತ್ ಚಲ್ತಾ.
ಪವಿತ್ ಸಭೆಚಿ ಗಜಾಲ್, ಚಾರ್ ಅನ್ಬೊಗಿ ಮಾಲ್ಘಡ್ಯಾಂನಿ ಬಸೊನ್, ವಿಚಾರ್ – ವಿನಿಮಯ್ ಕರ್ನ್ , ಇತ್ಯರ್ಥ್ ಕರ್ನ್ ಠರಾಯ್ಜೇ ಜಾಲ್ಲಿ ಗಜಾಲ್. ತವಳ್ ಆರೋಪ್ ಮಾಂಡ್ತಾನಾ, ಧೊಸ್ತಾನಾ, ಖೆಂಡ್ತಾನಾ ಆನಿ ಬೆಂಡ್ತಾನಾ – ಕಶೆಂ ದಿಯೆಸೆಜಿನ್ ಉಟಾಉಟಿಂ ಸಮಿತಿ ರಚ್‌ಲ್ಲಿ ? ಮಾಲ್ಘಡ್ಯಾ ಆನಿ ಅನ್ಭವಿ ಯಾಜಕಾಂಕ್ ಮಾತ್ ನಯ್, ಲಾಯಿಕ್ ಮುಕೆಲ್ಯಾಂಕ್ ಸಯ್ತ್ ಸಮಿತಿಂತ್ ಘೆವ್ನ್ ಸಲಹಾ ಘೆತ್ಲಿ? ಆನಿ ಆತಾಂ, “ಯೆಯಾ, ವೆದಿ ದಿತಾಂವ್” ಮ್ಹಣ್ ಆಪಯ್ತಾನಾ, ಕೊಣಾಯ್ಚೀ ಸಲಹಾ ನಾಕಾ? ಮೀಟಿಂಗ್ ನಾಕಾ? ವಿಚಾರ್ – ವಿನಿಮಯ್ ನಾಕಾ? ಕಿತ್ಯಾಕ್ ?
ವಿಸ್ರೊಂಕ್ ನಜೊ – ವೇಳ್ ಏಕ್ ಸಾರ್ಕೊ ಆಸಾನಾ – ದೆಕುನ್ ಮಾಲ್ಘಡ್ಯಾಂನಿ ಮ್ಹಳಾಂ, ಕಾಲಾಕ್ ಆಯಿಲ್ಲಿ ಬೊಡಿ ಬೊಲ್ಲಾಕ್‌ಯೀ ಯೆತಾ! ಪೋರ್ ಬಿಸ್ಪ್ ಬಾಜಿಲಾಕ್ ಧೊಸ್‌ಲ್ಲೆಂ, ಪಾಪಾಲ್ ನುನ್ಸಿಯೊಕ್ ಬಾಸ್ಟರ್ಡ್ ಮ್ಹಳೆಂ, ಅ|ಮಾ|ದೊ| ಬರ್ನಾರ್ಡ್ ಮೊರಾಸಾಚ್ಯಾ ನಾಂವಾಚಿ ವೀದ್ ವಾವ್ಳಿ ಕರ್ನ್ ತಾಕಾ ಹಲ್ಕ್ ಕೆಲೆಂ, ಬಿಸ್ಪ್ ಲುವಿಸ್ ಪಾವ್ಲಾಕ್ ಧೊಸ್ಲೆಂ, ಫಲ್ಯಾಂ ಪ್ರಸ್ತುತ್ ಬಿಸ್ಪಾಕ್ ಧೊಶಿಸೊ ನಾ ಮ್ಹಳ್ಳ್ಯಾಚಿ ಗ್ಯಾರಂಟಿ ತರೀ ಕಿತೆಂ ? ಉಡಾಸ್ ಆಸೊಂ – ಆತಾಂ ಏಕ್ ವೆದಿ ಮೆಳ್ತಾ, ಹೋರ್ಡಿಂಗಾರ್, ಪತ್ರಾಂನಿ ಫೊಟೊ ಯೆತಾ, ಉಲಂವ್ಕ್ ಮೈಕ್ ಮೆಳ್ತಾ ಮ್ಹಣ್ ದಿಯೆಸೆಜಿ ತರ್ಫೆನ್ ಸ್ವಯಂಪ್ರೇರಿತ್ ಕೊಂಪ್ರೊಮೈಸ್ ಕೆಲ್ಯಾರ್, ಫುಡಾರಾಂತ್ ಕೋಣ್ ಬಿಸ್ಪಾಚ್ಯಾ , ದಿಯೆಸೆಜಿಚ್ಯಾ ಕುಮ್ಕೆಕ್ ಯೆಂವ್ಚೊ ನಾ! ಇತ್ಲೆಂ ಮಾತ್ ನಯ್, ‘ಸಮಡ್ತಿಚೆರ್, ಸಮುದಾಯಾಚೆರ್ ಅನ್ಯಾಯ್ ಜಾತಾ, ಯೆಯಾ ಪ್ರತಿಭಟನ್ ಕರ್ಯಾಂ, ಆವಾಜ್ ಉಟವ್ಯಾಂ’ ಮ್ಹಳ್ಯಾರ್ ಲೋಕ್ ಹಜಾರ್ ಪಾವ್ಟಿಂ ಚಿಂತೂನ್ ಪಳಯ್ತಾಲೊ ಖಂಡಿತ್!
ವರ್ತ್ಯಾ ಬೆಜಾರಾಯೆಚಿ ಗಜಾಲ್. ಪೂಣ್ ಸಾಂಗಾನಾಸ್ತಾನಾ ಉಪಾವ್ ನಾ. ದಿಯೆಸೆಜಿಚೆರ್ ಆನಿ ದಿಯೆಸೆಜಿಚ್ಯಾ ವ್ಹಡಿಲಾಚೆರ್ ಮಾಂಡ್‌ಲ್ಲೆ ಆರೋಪ್ ಸಗ್ಳೆ ಪಾಟಿಂ ಕಾಡ್ನ್, ಬೇಶರ್ತ್ ಮಾಫಿ ಮಾಗ್ಲ್ಯಾ ಶಿವಾಯ್, ಮಂಗ್ಳುರ್ಚ್ಯಾ ಬಿಸ್ಪಾನ್ ‘ಆಪಯ್ಲಾಂ’ ಮ್ಹಣೊನ್ ದಾಕ್ಶೆಣೆಕ್ ಪಡೊನ್, ಆರೋಪ್ ಮಾಂಡ್‌ಲ್ಲ್ಯಾಚಾ ಆಂಗ್ಣಾಕ್ ಸತ್ಕಾರ್ ಘೆಂವ್ಕ್ ವೆಚೆಂ ಮ್ಹಳ್ಯಾರ್ ಭಾವಾಡ್ತಿ ಲೊಕಾಕ್ ಆನಿ ಅಖ್ಖ್ಯಾ ದಿಯೆಸೆಜಿಕ್ ಕರ್ಚೊ ದ್ರೋಹ್‌ಚ್ ಮ್ಹಣ್ಯೆತ್!
ಗೊವ್ಳಿಚ್ ಜರ್ ಅಶೆಂ ಕರಿತ್ ತರ್, ತಾಚ್ಯಾ ಹಾತಿಂ ಆಸ್ಚ್ಯಾ ಶೆಳಿಯಾಂಚಿಂ ಗತ್ ತರೀ ಕಿತೆಂ ?
– ಎಚ್ಚೆಮ್
ತವಳ್ ಫಟ್ಕಿರೆ ಆರೋಪ್ ಆನಿ ಆತಾಂ ಕಾರ್ಯಾಚೆಂ ಅಧ್ಯಕ್ಶ್ ಸ್ಥಾನ್!
ಉದ್ದೇಶ್ ಏಕೂಚ್ – ಪಬ್ಲಿಸಿಟಿ. ಬಿಸ್ಪಾಕ್ ಯೆಟ್ಲ್ಯಾರೀ ಪಬ್ಲಿಸಿಟಿ, ಬಿಸ್ಪಾಕ್ ವೆದಿ ದಿಲ್ಯಾರೀ ಪಬ್ಲಿಸಿಟಿ!
ಪಬ್ಲಿಸಿಟಿ ! ಪಬ್ಲಿಸಿಟಿ!! ಪಬ್ಲಿಸಿಟಿ!!!
ಆನಿ ಪಬ್ಲಿಸಿಟಿ ಸ್ಟಂಟಾಕ್ ಜಾಯ್ ತರೀ ಕೋಣ್ ? – ಧರ್ಮ್ ಪ್ರಾಂತ್ಯಾಚೊ ಧರ್ಮಾಧ್ಯಕ್ಶ್, ಇಂಜಿನಿಯರಿಂಗ್ ಕೊಲೆಜಿಚೊ ದಿರೆಕ್ತೊರ್, ಸಂದೇಶ ಸಂಸ್ಥ್ಯಾಚೊ ದಿರೆಕ್ತೊರ್, ವ್ಹಡ್ಲೆ ವ್ಹಡ್ಲೆ ಹುದ್ದೆ, ಪದ್ವ್ಯೊ ಆಸ್ಚೊ ಯಾಜಕ್ ಮಾತ್!
ಸಂಸ್ಥ್ಯಾಕ್ ಇತ್ಲಿಂ ವರ್ಸಾಂ ಜಾಲಿಂ – ಏಕ್ ಪಾವ್ಟಿಂ ಪುಣೀ, ಸಂಸ್ಥೊ ಆಸ್ಚ್ಯಾ ಶಕ್ತಿನಗರ ಫಿರ್ಗಜೆಚ್ಯಾ ವಿಗಾರಾಕ್, ವ್ಹಡ್ಲ್ಯಾ ವೆದಿ ಕಾರ್ಯಾಕ್ ಮುಕೆಲ್ ಸಯ್ರೊ ಜಾವ್ನ್ ಆಪಯಿಲ್ಲೆಂ ಆಸಾಗೀ ? ಎಬೆ … ತೋ ಫಕತ್ ಚಿಲ್ಲರ್ ವಿಗಾರ್. ತಾಚೆಥಾವ್ನ್ ಆಮ್ಕಾಂ ಕಾಲೆಂ ಪಬ್ಲಿಸಿಟಿ ಮೆಳ್ತಾ ? ಹೊ ಮೋಗ್ ಖಂಡಿತ್ ನಯ್ ಬಿಸ್ಪಾಚೊ ವಾ ಸಮಡ್ತಿಚೊ – ಮತ್ಲಬ್ ಫಕತ್ ಆನಿ ಫಕತ್ ಪಬ್ಲಿಸಿಟಿಚೊ!
ಸಾದ್ಯಾ ಲೊಕಾಕ್ ಹಿಂ ಲೆಕಾಂ ಸ್ವಶ್ಟ್ ಸಮ್ಜಾತಾತ್ , ವಿಶ್ವ ವಿದ್ಯಾಲಯಾಂನಿ ಉಂಚ್ಲೆಂ ಶಿಕಪ್, ಸನದ್ಯೊ ಜೊಡ್‌ಲ್ಲ್ಯಾ ದಿಯೆಸೆಜಿಚ್ಯಾ ವ್ಹಡಿಲಾಂಕ್ ಸಮ್ಜಾನಾ ಮ್ಹಳ್ಯಾರ್ ? ಪಾತ್ಯೆಂವ್ಕ್ ಕಶ್ಟ್!
I like the programmes conducted by this organisation. But in our church community the Gurkar changes every 5 years. But here he is permanent and only one person has this designation. The same persons says outside the laity should be given chance to govern the churches and the institutions and we want to oppose priests. The recent interview on the Comedy Channel Mangalore is also the same repetition of the old disc. But one thing I do not understand why the President of this organistion does not get a new face. There are only two persons who become president one after the other after 5 years. I have not seen any other person becoming the president. Do they don’t have any other able candidates or they do not have personal funds. Then what we are talking about sharing the responsibility and power. Recently President came with Half Chaddi for a public function in their premises, I presume he was representing our forefathers culture.
ಬೋವ್ಶಾ ಶೆಳಿ ಕಿತ್ಲ್ಯೊಯ್ ಉಪ್ರಾಟಿ ಜಾಂವ್ದಿತ್, ಹಿಂಡಾ ಭಿತೆರ್ ಹಾಡ್ಚೊ ಆಪ್ಲೊ ಧರ್ಮ್ ಮ್ಹಣೊನ್ ಭಿಸ್ಪಾನಿಂ ಚಿಂತ್ಲೆಂ ಜಾವ್ಯೆತ್! ವೆಚಿಕ್ ಪುತಾಕ್ ಥೊಡಿ ಸೊಡ್ ದೊಡ್ ಗರ್ಜ್ ನೆ?
You are spot on……