20 ವರಸಾ ಮಾಗಶಿ ಕಾಶ್ಮೀರ ಕಣಿವೆಂತ ನಿಪುನ್ ಆಶಿಲೆಂ ಸುಮಾರ ಆತಂಕವಾದಿಂಕ ಮಾರನು ಹುತಾತ್ಮ ಜಾಲೆಲೆ ಕೊಂಕಣಿ ಮಹಾನ್ ಪುರುಶ್ ಶೌರ್ಯ ಚಕ್ರ (ಮರಣೋತ್ತರ) ಲೆಫ್ಟಿನೆಂಟ್ ಕರ್ನಲ್ ಅಜಿತ್ ವಿ. ಭಂಡಾರಕಾರ ಹಾಂಗೆಲೆ ಭಾವಚಿತ್ರ ಅನಾವರಣ ವಿಶ್ವ ಕೊಂಕಣಿ ಕೇಂದ್ರಾಚೆ ಕೊಂಕಣಿ ಮಹಾತ್ಮಾಂಗೆಲೊ ಗ್ಯಾಲರಿ, ವಿಶ್ವ ಕೊಂಕಣಿ ಹಾಲ್ ಆಫ್ ಫೇಮ್ಂತ ಸ್ಥಾಪಕ ಅಧ್ಯಕ್ಷ ಬಸ್ತಿ ವಾಮನ ಶೆಣೈ ನೇತೃತ್ವಾರಿ ಚಲ್ಲೆಂ.
ಲೆ. ಕರ್ನಲ್. ಅಜಿತ ಭಂಡಾರ್ಕರಲೆ ಬಾಯಲ ಶ್ರೀಮತಿ ಶಕುಂತಲಾ ಭಂಡಾರ್ಕಾರ ಹಾನ್ನಿ ಸಭೆಕ ಉದ್ದೇಶಿಸುನು ‘ದೇಶ ರಕ್ಷಣೆಂತ ಹುತಾತ್ಮ ಜಾಲೆಲೊ ವೀರ ಯೋಧಾಲೆ ಬಾಯಲ ಅಶಿಂ ಸಾಂಗುನು ಘೆವಚಾಕ ಮಸ್ತ ಗೌರವ ದಿಸತಾ ನಂತಾ ಲ್ಹಾನ ಪ್ರಾಯೆರಿಚಿ ಬಾಪಸುಕ ದೇಶ ರಕ್ಷಣೆಂತ ಕಳವೊವನು ಘೆವನು ತಾಂಗೆಲೆ ದೋನಿ ಚೆರ್ಡುಂವಾನಿ ಸ್ವ ಇಚ್ಛೆಂತ ಭಾರತೀಯ ಜಲಸೇನೆ ಆನಿ ಭೂಸೇನೆಂತ ಸೇವಾ ದಿವ್ಚೆ ಮ್ಹಾಕಾ ವಿಶೇಷ ಗರ್ವ ದಿತ್ತ. ತಶೀಂಚಿ ಸರ್ವ ಯುವ ಜನಾಂಕ ಏಕ ಮಾದರಿ ಜಾವನು ಆಸುಚೆ ಆನಿಕಯ ಗರ್ವ ದಿಸತಾ ಅಶಿಂ ಕಾಳಜಾ ಥಾವನ ಸಾಂಗಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಖಜಾಂಚಿ ಶ್ರೀ ಬಿ.ಆರ್.ಭಟ್, ವಿಶ್ವ ಕೊಂಕಣಿ ಕೇಂದ್ರಾಚೆ ವಿದ್ಯಾರ್ಥಿ ವೇತನ ನಿಧಿ ಕಾರ್ಯದರ್ಶಿ ಶ್ರೀ ಪ್ರದೀಪ ಜಿ.ಪೈ, ವಿಶ್ವ ಕೊಂಕಣಿ ಕೇಂದ್ರಾಚೆ ಉಪಾಧ್ಯಕ್ಷ ಶ್ರೀ ಗಿಲ್ಬರ್ಟ್ ಡಿಸೋಜ, ಶಾಳೆಂತ ಕೊಂಕಣಿ ಶಿಕ್ಷಣ ಮುಖೇಲ ಡಾ. ಕೆ. ಮೋಹನ ಪೈ, ಕ್ಷಮತಾ ಅಕಾಡೆಮಿ ಸ್ಂಚಾಲಕ್ ಸಿ.ಎ. ಶ್ರೀ ಗಿರಿಧರ ಕಾಮತ್, ಕುಡಾಳ ದೇಶಸ್ಥ ಆದ್ಯ ಗೌಡ ಬ್ರಾಹ್ಮಣ ಸೇವಾ ಸಂಘ ಅಧ್ಯಕ್ಷ ಶ್ರೀ ಡಿ.ರಮೇಶ ನಾಯಕ್, ಶ್ರೀಮತಿ ಆನಿ ಶ್ರೀ ಸಿ. ಡಿ. ಕಾಮತ, ಶ್ರೀ ಉಳ್ಳಾಲ ರಾಘವೇಂದ್ರ ಕಿಣಿ, ಶ್ರೀ ಹೇಮಾಚಾರ್ಯಾ, ಶ್ರೀ ಮೆಲ್ವಿನ್ ರೊಡ್ರಿಗಸ, ಶ್ರೀ ಎಚ. ಎಮ್. ಪೆರ್ನಾಳ, ಶ್ರೀ ಎಡ್ವರ್ಡ ಸಿಕ್ವೇರಾ, ಶ್ರೀ ಗುರುದತ್ತ ಬಂಟ್ವಾಳಕರ್ ಆನಿ ಹೆರ ಮಾನೆಸ್ತ್ ಉಪಸ್ಥಿತ ಆಶಿಲಿಂಚಿ.
ವಿಶ್ವ ಕೊಂಕಣಿ ಸ್ತ್ರೀ ಶಕ್ತಿ ಮಿಶನ ಸಂಚಾಲಕಿ ಶ್ರೀಮತಿ ಗೀತಾ ಸಿ.ಕಿಣಿ, ಸದಸ್ಯಾ ಶ್ರೀಮತಿ ಉಷಾ ಮೋಹನ ಪೈ, ಶ್ರೀಮತಿ ಭಾರತಿ ಶೆವಗೂರು, ಆಕಾಶವಾಣಿ ಮಂಗಳೂರು ಆದಲೆ ಉಧ್ಗೋಷಕಿ ಶ್ರೀಮತಿ ಶಕುಂತಲಾ ಆರ್ ಕಿಣಿ ಹಾನ್ನಿ ಮೇಳನು ಹುತಾತ್ಮಲೆ ಪತ್ನಿ ಶಕುಂತಲಾ ಭಂಡಾರ್ಕಾರ ಹಾಂಕಾ ಸನ್ಮಾನ ಕರನು ಯಾದಸ್ತಿಕಾ ದಿಲೆಂ. ವಿಶ್ವ ಕೊಂಕಣಿ ಕೇಂದ್ರಚೆ ಸಂಘಟನಾ ಕಾರ್ಯದರ್ಶಿ ಶ್ರೀ ಸಿ.ಎ. ನಂದಗೋಪಾಲ ಶೆಣೈ ಹಾನ್ನಿ ಸ್ವಾಗತ ಕೆಲೆಂ.
ಭಂಡಾರ್ಕಾರ ಕುಟುಂಬಾಚೆ ಸದಸ್ಯ ಆನಿ ಭಾರತೀಯ ಸೇನಾ ಸೇವೆಂತ ಆಶಿಲೊ ಕ್ಯಾ. ರಾಮದಾಸ ಕಾಮತ್, ಎ.ಮ್.ಕರಿಯಪ್ಪ, ಮಾನ್ಯ ಕ್ಯಾಪ್ಟನ್ ಗಣೇಶ ಕಾರ್ಣಿಕ್ ಉಪಸ್ಥಿತ ಆಶಿಲಿಂಚಿ. ವಿಶ್ವ ಕೊಂಕಣಿ ಕೇಂದ್ರ ವಿದ್ಯಾರ್ಥಿ ವೇತನ ನಿಧಿಚೆ ಕಾರ್ಯದರ್ಶಿ ಶ್ರೀ ಪ್ರದೀಪ ಜಿ.ಪೈ ಹಾನ್ನಿ ಧನ್ಯವಾದ ಸಮರ್ಪಣ ಕೆಲೆಂ. ಶ್ರೀಮತಿ ಸ್ಮಿತಾ ಶೆಣೈ ನ ಕಾರ್ಯಕ್ರಮ ನಿರೂಪಣ ಕೆಲೆಂ. ವಿಶ್ವ ಕೊಂಕಣಿ ಅಲ್ಯುಮಿನಿ ಸಂಘಾಚೆ ವಿದ್ಯಾರ್ಥಿ ಜಾಗೃತಿ ನಾಯಕ ನ ಕೊಂಕಣಿ ಅಭಿಮಾನ ಗೀತ ಗಾಯಲೆಂ. ಆನಿ ಹೆರ ಲೋಕ ಹೆಂ ಕಾರ್ಯಾವಳೀಂತ ಉಪಸ್ಥಿತ ಆಶಿಲಿಂಚಿ.
