ವಿಶ್ವ ಕೊಂಕಣಿ ಕೇಂದ್ರ ಥಾವನ ರಾಷ್ಟ್ರೀಯ ಶಿಕ್ಷಣ ನೀತಿ 20 ಆನಿ ಕೊಂಕಣಿ ಶಿಕ್ಷಣಾಕ ಪೂರಕ ಅಂಶ ಬದ್ದಲ ಅಂತರ್ಜಾಲ ಗೋಷ್ಠಿ ಸಂಸ್ಥೆ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ ಹಾಂಗೆಲೆ ಉಪಸ್ಥಿತಿರಿ ತಾ. 30-10-2021 ವಿಶ್ವ ಕೊಂಕಣಿ ಕೇಂದ್ರಾಂತ ಯೂಟೂಬ್ ಮುಖಾಂತರ ಪ್ರಸಾರ ಜಾಲ್ಲೆ.
ಗೊಂಯಚೆ ಕೊಂಕಣಿ ಶಿಕ್ಷಣ ತಜ್ನ ಡಾ. ಭೂಷಣ ಭಾವೆ ಹಾನ್ನಿ ಉಗ್ತಾವಣ ಕೆಲೆಂ. ಕರ್ನಾಟಕಾಂತ ಶಾಲಾ ಮಟ್ಟ್ಟಾರ ಕೊಂಕಣಿ ಶಿಕ್ಷಣಾಚೆ ಗೆಲೆಲೆ ಧಾ ವರಸಾಚೆ ಪ್ರಗತಿ ಬದ್ದಲ ಕುಮಟಾಚೆ ಕೊಂಕಣ ಎಜುಕೇಶನ ಸೊಸೈಟಿಚೆ ಕಾರ್ಯದರ್ಶಿ ಶ್ರೀ ಮುರಲೀಧರ ಪ್ರಭು ಆನಿ ಕೇರಳ ರಾಜ್ಯ ಬದ್ದಲ ಆನಿ ಎರ್ನಾಕುಲಮ ಥಾವನ ಶ್ರೀ ರಾಮಕೃಷ್ಣ ಕಿಣಿ ಆನಿ ಮಂಗಳೂರು ವಿ.ವಿ.ಚೆ ಎಮ್.ಎ. ಕೊಂಕಣಿ ವಿಭಾಗ್ ಮುಖೇಲ ಡಾ.ದೇವದಾಸ ಪೈ ಹಾನ್ನಿ ಸ್ನಾತಕೋತ್ತರ ಶಿಕ್ಷಣಾಂತ ಆಯಚೆ ಪ್ರಗತಿ ಆನಿ ನವೀನ ರೀತೀನ್ ಜಾವ್ಚೆ ಪ್ರಯೋಜನ ಬದ್ದಲ ಮಾಹಿತಿ ದಿಲೆಂ.
ಸಂಸ್ಥೆಚೆ ವಿಶ್ವಸ್ಥ ಪ್ರೊ. ಡಾ. ಕಸ್ತೂರಿ ಮೋಹನ ಪೈ ಹಾನ್ನಿ ಗೋಷ್ಟಿಚೆ ಪ್ರಮುಖ ಸಂಚಾಲಕ ಜಾವನ ನವೀನ ಶಿಕ್ಷಣ ನೀತಿ ಕೊಂಕಣಿ ಮಾತೃಭಾಷಿಕಾಂನಿ ದೇಶಾಚೆ ಸಂವಿಧಾನಾಚೆ ಆಶಯ ಪ್ರಮಾಣ ಪ್ರಾಥಮಿಕ ಥಾವನ ಸ್ನಾತಕೋತ್ತರ ಮೆರೆನ ಕೊಂಕಣಿ ಶಿಕ್ಷಣ ಖಂಚೇಯ ಶೈಕ್ಷಣಿಕ ಸಂಸ್ಥೆಂತ ಘೆವಚಾಕ ಅರ್ಹ ಜಾವನು, ಹಾಜೆ ಪ್ರಯೋಜನ ದೇಶಭರ ಕೊಂಕಣಿ ಜನಾನ ಘೆವನು ಕೊಂಕಣಿಂತ ಸಾಕ್ಷರ ಜಾವಕಾ ಅಶಿಂ ಸಾಂಗಲೆಂ.
