ಉಡುಪಿ ಆನಿ ದಕ್ಷಿಣ ಕನ್ನಡ ಜಿಲ್ಲ್ಯಾಂನಿ ಸಮುದಾಯ್ ಆದಾರಿತ್ ಪ್ರವಾಸೋದ್ಯಮಾಕ್ ತೆಂಕೊ ದಿಂವ್ಚ್ಯಾ ಇರಾದ್ಯಾನ್ ಸುರು ಕೆಲ್ಲ್ಯಾ ಪ್ಲೇಸೊಕ್ಲೊಫೊರ್ ಲ್ಯಾಬ್ ಸ್ಟಾರ್ಟ್ ಅಪ್ ಉಪಕ್ರಮಾಚೆಂ ಉಗ್ತಾವಣ್ ಕಾರ್ಯೆಂ, ಆಯ್ತಾರಾ, ಅಕ್ತೋಬರ್ 31 ವೆರ್ ಉಡುಪಿ ಜಿಲ್ಲ್ಯಾಚ್ಯಾ ಮಲ್ಪೆಂತ್ ದಿ ಅರ್ಬನ್ ವಿಶನ್, ರೆಡ್ ಡೊಟ್ ಫಾಂವ್ಡೇಶನ್ ಗ್ಲೊಬಲ್, ಉಡುಪಿ ಪ್ರವಾಸೊದ್ಯಮ್ ಆನಿ ಮಂಗ್ಳುರ್ ಮಹಾನಗರಪಾಲಿಕಾ ಹಾಂಚ್ಯಾ ಜೋಡ್ ಆಸ್ರ್ಯಾಖಾಲ್ ಸಕಾಳಿಂಚ್ಯಾ ಆದೇಸಾರ್ ಚಲ್ಲೆಂ.
ಕಾರ್ಯಾಚೊ ವಾಂಟೊ ಜಾವ್ನ್ ಪರಿಸಂವಾದ್, ಥಳೀಯ್ ಖಾಣ್ – ಪೀವನ್, ಮಟ್ಟು ಗುಳಾಂ ಆನಿ ಪಾಂಗ್ಳಾ ಕಳ್ಯಾಂ ವಿಶೇಸ್ ಪ್ರಾತ್ಯಕ್ಶಿಕಾ ಮಾಂಡುನ್ ಹಾಡ್ಲ್ಲ್ಯೊ. ಪಾಂಗ್ಳಾ ಮೊಗ್ರ್ಯಾ ಕಳ್ಯಾಂಚಿಂ ಕೃಶಿ ಆನಿ ಕಳ್ಯಾಂಥಾವ್ನ್ ಸಹ ಉತ್ಪನ್ನಾಂ ಹ್ಯಾ ವಿಶ್ಯಾಂತ್ ಪತ್ರ್ಕರ್ತ್ ಆನಿ ಕಳ್ಯಾ ಕೃಶಿಕ್ ಅಲ್ಪೋನ್ಸ್ ಪಾಂಗ್ಳಾ ಹಾಣಿ ಕಳೆ ಬಾಂದುನ್ ದಾಖಂವ್ಚೆ ಬರಾಬರ್, ಪ್ರಾತ್ಯಕ್ಷಿಕಾ ಅನಿ ವಿಸ್ತ್ರತ್ ಮಾಹೆತ್ ದಿಲಿ. ಮಟ್ಟು ಗುಳಾಂ ಆನಿ ಗುಳಾಂ ಕೃಶಿಕಾಂಚ್ಯಾ ಸಮಸ್ಸ್ಯಾ ವಿಶ್ಯಾಂತ್ ಲಕ್ಶ್ಕ್ಮಣ್ ಮಟ್ಟು ಉಲಯ್ಲೊ.
ಮಣಿಪಾಲ್ ವೆಲ್ಕಮ್ ಜಮ್ಯಾಚಾ ಹೊಟೇಲ್ ಮ್ಯಾನೆಜ್ಮೆಂಟ್ ಕೊಲೆಜಿ ಸಾಂಗಾತಾ, ಮಾಹೆ, ಮಣಿಪಾಲ್ ಆನಿ ಹೆರ್ ಸಂಸ್ತ್ಯಾಂನಿ ಸಹಯೋಗ್ ದಿಲ್ಲೊ.
