ಮಂಗ್ಳುರ್, 24.09.2021 : ಕೊಂಕಣಿ ನಾಟಕ್ ಸಭಾ (ರಿ), ಡೊನ್ ಬೊಸ್ಕೊ, ಹೊಲಾಚೆಂ ನವೆಂ ದಫ್ತರ್ , ಸಕಾಳಿಂ 9.30 ವೊರಾರ್ ಕೊಂಕ್ಣಿ ನಾಟಕ್ ಸಭಾಚೊ ಅಧ್ಯಕ್ಷ್ ಮಾ|ಬಾ| ಪಾವ್ಲ್ ಮೆಲ್ವಿನ್ ಡಿಸೋಜ,ಕಾಪುಚಿನ್ ಹಾಣೆ ಉದ್ಘಾಟನ್ ಕೆಲೆಂ. ತಶೆಂಚ್ ನವೀಕೃತ್ ಮಿನಿ ಹೋಲ್ ಮಾನೆಸ್ತ್ ಸಂತೋಷ್ ಸಿಕ್ವೇರಾ, ಸಂತೋಷ್ ಎರೆಂಜರ್ಸ್ ಕಂಕನಾಡಿ ಹಾಣೆಂ ಉಧ್ಘಾಟನ್ ಕೆಲೆಂ. ಉಪ್ರಾಂತ್ ನಾಟಕ್ ಸಭೆಚೊ ಪಾತ್ರೊನ್ ಭಾಗೆವಂತ್ ಡೊನ್ ಬೊಸ್ಕೊಚಿ ಇಮಾಜ್ ದಫ್ತರಾಂತ್ ಪ್ರತಿಷ್ಠಾಪನ್ ಕೆಲಿ. ಕೊಂಕ್ಣಿ ನಾಟಕ್ ಸಭೆಚೊ ಪುರ್ವಿಲ್ಲೊ ಅಧ್ಯಕ್ಷ್ ಮಾ|ಬಾ| ಪೀಟರ್ ಸಿಪ್ರಿಯಾನ್ ಡಿಸೋಜನ್ ದಿವೊ ಪೆಟವ್ನ್ ಮಾಗ್ಣ್ಯಾ ವಿಧಿ ಚಲಯ್ಲಿ.
ಉಪ್ರಾಂತ್ ದಾಕ್ಟ್ಯಾ ಹೊಲಾಂತ್ ಚಲ್ಲೆಲ್ಯಾ ಕಾರ್ಯಾಕ್ರಮಾಂತ್, ಕೊಂಕ್ಣಿ ನಾಟಕ್ ಸಭೆಚೊ ಪುರ್ವಿಲ್ಲೊ ಅಧ್ಯಕ್ಷ್ ಮಾ|ಬಾ| ಪೀಟರ್ ಸಿಪ್ರಿಯಾನ್ ಡಿಸೋಜ, ಮಂಗ್ಳುರ್ ದಿಯೆಸಿಚೊ ಪಿಅರ್ಒ ರೊಯ್ ಕಾಸ್ತೆಲಿನೊ, ಸಂತೋಷ್ ಸಿಕ್ವೇರಾ, ಲೇಕಕ್ ಯು. ಎಚ್. ಉಮರ್, ಆನಿ ಕಾರ್ಯಕಾರಿ ಸಮಿತಿಚೆ ಸಾಂದೆ ಅಧ್ಯಕ್ಷ್ ಮಾ|ಬಾ| ಪಾವ್ಲ್ ಮೆಲ್ವಿನ್ ಡಿಸೋಜ, ಉಪಾದ್ಯಕ್ಷ್ ಲಿಸ್ಟನ್ ಡಿಸೋಜ, ಜೆರಾಲ್ ಕಾರ್ಯದರ್ಶಿ ಫ್ಲೋಯ್ಡ್ ಡಿಮೆಲ್ಲೊ, ಸಹ ಕಾರ್ಯದರ್ಶಿ ಪ್ರವೀಣ್ ರೊಡ್ರಿಗಸ್, ಖಜಾನ್ದಾರ್ ಜೆರಾಲ್ಡ್ ಕೊನ್ಸೆಸೊ, ಪಿಅರ್ಒ ರೇಮಂಡ್ ಡಿಕೂನಾ ವೇದಿರ್ ಹಾಜರ್ ಅಸ್ ಲ್ಲೆ.
ಉಪಾದ್ಯಕ್ಷ್ ಮಾನೆಸ್ತ್ ಲಿಸ್ಟನ್ ಡಿಸೋಜನ್ ವೇದಿರ್ ಹಾಜರ್ ಅಸ್ ಲ್ಲ್ಯಾ ಸಯ್ರ್ಯಾಂಕ್ ಗುಲೊಬ್ ದೀವ್ನ್ ಸ್ವಾಗತ್ ಕೆಲೊ. ಪುರ್ವಿಲ್ಲೊ ಅಧ್ಯಕ್ಷ್ ಮಾ|ಬಾ| ಪೀಟರ್ ಸಿಪ್ರಿಯಾನ್ ಡಿಸೋಜಾನ್ ಡೊನ್ ಬೊಸ್ಕೊ ಹೊಲ್ ನವೆಂಚ್ಚ್ ನಿರ್ಮಾಣ್ ಕರ್ಚ್ಯಾ ವಿಷಾಂತ್ ಚಲ್ಲೆಲ್ಯಾ ವಿವಿಧ್ ಪ್ರಯತ್ನಾಂ ವಿಷ್ಯಾಂತ್ ಮಾಹೆತ್ ದೀವ್ನ್ ಪ್ರಸ್ತುತ್ ಆಡಳ್ತ್ಯಾ ಸಮಿತಿನ್ ಕೊಂಕ್ಣಿ ಸಮಾಜೆಚೆಂ ದಾಯ್ಜ್ ಉರಂವ್ಚ್ಯಾ ಖಾತಿರ್ ಕೆಲ್ಲ್ಯಾ ವಾವ್ರಾಕ್ ಶಾಭಾಸ್ಕಿ ಪಾಟಯ್ಲಿ. ರೊಯ್ ಕಾಸ್ತೆಲಿನೊ, ಮಾ|ಬಾ| ಪಾವ್ಲ್ ಮೆಲ್ವಿನ್ ಡಿಸೋಜ್ ಆನಿ ಯು. ಎಚ್. ಉಮರಾನ್ ತಾಂಚಿ ಭೊಗ್ಣಾಂ ಉಚಾರ್ಲಿಂ. ಮಿನಿ ಹೊಲಾಚಾ ನವೀಕರಣಾಚೊ ಪ್ರಾಯೋಜಕ್ ಸಂತೋಷ್ ಸಿಕ್ವೇರಾಕ್ ಶೊಲ್ ಪಾಂಗ್ರುನ್, ಪುಲಾಂ ಫಳಾಂ ಅರ್ಪುನ್ ಸನ್ಮಾನ್ ಕೆಲೊ. ಹ್ಯಾ ವೆಳಾರ್ ತಾಣೆಂ ಕೊಂಕ್ಣಿ ನಾಟಕ್ ಸಭೆಕ್ ಅಪ್ಲೆಂ ದಾನ್ 5 ಲಾಖ್ ರುಪಯ್ ಹಸ್ತಾಂತರ್ ಕೆಲೆ.
ಜೆರಾಲ್ ಕಾರ್ಯದರ್ಶಿ ಫ್ಲೋಯ್ಡ್ ಡಿಮೆಲ್ಲೊನ್ ಉದ್ಘಾಟಣಾಚೆಂ ಕಾರ್ಯೆಂ ನಿರ್ವಹಣ್ ಕೆಲೆಂ. ಡೊನ್ ಬೊಸ್ಕೊ ಹೊಲಾಚೆಂ ದುರಸ್ತಿ ಕಾಮಾಚ್ಯಾ ಕಂತ್ರಾಟ್ದಾರಾಂಕ್ ತಶೆಂಚ್ಚ್ ದಫ್ತರ್ ಸಿಬಂದೆಕ್ ಗುಲೊಬ್ ದೀವ್ನ್ ಮಾನ್ ಕೆಲೊ.
ವೇದಿ ಕಾರ್ಯೆಂ ಪಿಆರ್ಒ ಮಾನೆಸ್ತ್ ರೇಮಂಡ್ ಡಿಕೂನಾನ್ ಚಲವ್ನ್ ವೆಲೆಂ. ಖಜನ್ದಾರ್ ಜೆರಾಲ್ಡ್ ಕೊನ್ಸೆಸೊನ್ ಧನ್ಯವಾದ್ ಸಮರ್ಪಿಲೆ.
