ಬೂಕ್ ಘೆಂವ್ಕ್ ಆನಿ ದವ್ರುಂಕ್ ಜಾಗೊ ನಾಂ ತರೀ ಮ್ಹಜ್ಯಾ ವಾಚ್ಚ್ಯಾ ಸವಯೆಕ್ ಕಾಂಯ್ ಬಾಧಾಕ್ ಯೇನಾತ್ಲೆಬರಿ ಮ್ಹಜ್ಯಾ ಜಲ್ಮಾದಿಸಾಕ್ Kindle ಇನಾಮ್ ಜಾವ್ನ್ ಮೆಳ್ಳೆಲೆಂ ಮ್ಹಾಕಾ ಸಂತೊಸ್ ಹಾಡುಂಕ್ ಪಾವ್ಲೆಂ ಮಾತ್ರ್ ನ್ಹಯ್ ಬಗಾರ್ ಅನಿಕೀ ಚಡ್ ಆನಿಂ ಚಡ್ ವಾಚುಂಕ್ ಪ್ರೇರಣ್ ಜಾಂವ್ಕ್ ಪಾವ್ಲೆಂ. ಆಧುನಿಕ್ ಸಂಸಾರಾಂತ್ಲ್ಯಾ ಸಂಪರ್ಕ್ ಮಾಧ್ಯಮಾಂ ಥಾವ್ನ್ ವಾಯ್ಟ್ ಮಾತ್ರ್ ನ್ಹಯ್ ಜಾಯ್ತೆಂ ಬರೆಂ ಆಸಾ ಮಣ್ಚ್ಯಾಕ್ ಸಾಕ್ಸ್ ಹೆಂ ಇ – ರೀಡರ್. ಮೊಬಾಯ್ಲಾ ತಸಲ್ಯಾ ಲ್ಹಾನ್ಸ್ಯಾ ವಸ್ತುಂತ್ ಸುಮಾರ್ ಧಾ ಹಜಾರ್ ಬೂಕ್ ರಾವ್ತಾತ್ ಮಾತ್ರ್ ನ್ಹಯ್ ಪೇಪರಾ ತಸಲೊ ಪಡ್ದೊ ದೊಳ್ಯಾಂಚೆರೀ ಭೊರ್ ಘಾಲಿನಾ. ಇ – ರೀಡರಾಚೊ ಮ್ಹಜೊ ಪಯ್ಲೊ ಬೂಕ್ ಜಾವ್ನಾಸಾ ಇರಾನ್ ಮುಳಾಚಾ ಸಿಬಾ ಶಾಕೀಬ್ ಮ್ಹಳ್ಳೆಲ್ಯಾ ಮುಸ್ಲಿಂ ಲೇಖಕಿನ್ ಬರಯಿಲ್ಲೊ “ಅಫ್ಘನಿಸ್ತಾನ್, ಖಂಯ್ಸರ್ ದೇವ್ ಫಕತ್ತ್ ರುದಾನ್ ಕರುಂಕ್ ಯೆತಾ” (Afghanistan, Where God Only Comes To Weep).
ಸಿಬಾ ಷಾಕಿಬ್ ಇರಾನಾಂತ್ಲ್ಯಾ ಟೆಹ್ರಾನ್ ಶ್ಹಹರಾಂತ್ ವಾಡೊನ್ ಥಂಯ್ಸರ್ ಆಸ್ಲೆಲ್ಯಾ ಜರ್ಮನ್ ಇಸ್ಕೊಲಾಂತ್ ಶಿಕಾಪ್ ಸಂಪವ್ನ್ ಪ್ರಸ್ತುತ್ ಅಮೇರಿಕಾಚ್ಯಾ ನ್ಯೂಯಾರ್ಕ್ ಆನಿ ಜರ್ಮನಿ ದೇಶಾಂನಿ ವಸ್ತಿ ಕರುಂನ್ ಅಸಾ. ಫಿಲ್ಮ್ ಆನಿ ಪ್ರಾಮಾಣಿತ್ ಚಲನ್‍ಚಿತ್ರ್ ತಿಚೆಂ ವಿಶೇಸ್ ಆಸಕ್ತೆಚೆಂ ಶೆತ್ ಆನಿ ತಾಚೆವಿಶಿಂ ಜಾಣ್ವಾಯ್ ಜೊಡುಂಕ್ ಆನಿ ವಾವ್ರ್ ಕರುಂಕ್ ತಿ ಜಾಯ್ತೆಂ ಪಯ್ಣ್ ಕರ್ತಾ. ಆಫ್ಘಾನಾಕ್ ಸಬಾರ್ ಪಾವ್ಟಿಂ ಪಯ್ಣ್ ಕರುನ್ ತಿಣೆ ತಾಲಿಬಾನಾಂಚ್ಯಾ ತಾಬೆಂತ್ ಸಾಂಪ್ಡಾಲ್ಯಾ, ಜಿಯೆತೆಲ್ಯಾ ಆನಿ ಝುಜ್ತ್ಯೆಲ್ಯಾ ಸ್ತ್ರೀಯಾಂ ವಿಶ್ಯಾಂತ್ ಪಿಂತ್ರಾಯ್ಲೆಲ್ಯಾ ಡೊಕ್ಯುಮೆಂಟರಿಂಕ್ ಸಭಾರ್ ಇನಾಮಾಂ ಫಾವೊ ಜಾಲ್ಯಾಂತ್. ಪ್ರಸ್ತುತ್ ತಿ ತಾಲಿಬಾನ್ ಆನಿ ಅಘ್ಘಾನಿಸ್ತಾನ್ ದೇಶಾವಯ್ರ್ ಚಲನ್‍ಚಿತ್ರ್ ನಿರ್ಮುನ್ ಆಸಾ. ಅಪ್ಲ್ಯಾ ವಾವ್ರಾನಿಮ್ತಿಂ ಆಫ್ಘಾನ್ ದೇಶಾಂತ್ ಆಸ್ತಾನಾ ಭೆಟ್ಲೆಲ್ಯಾ ಸ್ತ್ರೀಯಾಂಚಿ ಜಿಣಿ ಆನಿ ಕಶೆಂ ಹ್ಯೊ ಸ್ತ್ರೀಯೋ ಝಜ್ ಆನಿ ರಗ್ತಾಪಾತಾ ಥಾವ್ನ್ ಅಪ್ಲ್ಯಾ ಭುರ್ಗ್ಯಾಂಕ್ ಪಯ್ಸ್ ದವರುಂಕ್ ಪೆಚಾಡ್ತಾತ್ ಮ್ಹಳ್ಳೆಂ ಸಿಬಾ ಶಾಕೀಬಾನ್ ಹ್ಯಾ ಬುಕಾಂತ್ ಮಾರ್ಮಿಕ್ ರಿತಿನ್ ಪಿಂತ್ರಾಯ್ಲಾಂ.
ಶಿರಿನ್ ಘಲ್, 1979 ಇಸ್ವೆಂತ್ ರಷ್ಯಾನ್ ಅಫ್ಪಾನಾವಯ್ರ್ ಬಾಂಬ್ ಆನಿ ಧಾಡ್ ಘಾಲ್ತಾನಾ ಟೀನೇಜರ್. ಆಪ್ಲೆ ಭಾವ್ ರಷ್ಯಾ ವಿರೋದ್ ಝುಜೊಂಕ್ ಗೆಲ್ಲೆ ತವಳ್ ತಾಚೆಂ ಕುಟಾಮ್ ಕಾಬುಲಾಕ್ ಜೀವ್ ವಾಂಚೊಂವ್ಕ್ ವೆತಾ. ಝುಜಾವರ್ವಿಂ ತುಟ್-ಪುಟ್ ಜಾಲ್ಲ್ಯಾ ಗಾಂವಾಂತ್ ಜಿಯೆಂವ್ಚೆ ಸಾಹಸ್ ಕರ್ತಾ. ಕಾಬುಲಾಕ್ ಯೆಂವ್ಚ್ಯಾ ಪಯ್ಲೆಂ ತಾಣೆ ಇಸ್ಕೊಲಾಚಿ ಮೆಟಾಂ ಚಡಲ್ಲಿಂ ನಾಂತ್. ಅಪ್ಲ್ಯಾ ಉಪ್ರಾಂತ್ ಅವಯ್ಚೊ ಕುಸ್ವೊ ವಾಂಟುನ್ ಘೆತ್ಲೆಲ್ಯಾ ಜೊವ್ಳ್ಯಾ ಭಾವಾಂಚಿ ಜತನ್ ಘೆಂವ್ಚಿ ತಾಚಿ ಜವಾಬ್ದಾರಿ ಜಾವ್ನ್ ಆಸ್ಲೆಲಿ. ಕಾಬುಲಾಕ್ ಆಯ್ಲೆಲ್ಯಾ ಉಪ್ರಾಂತ್ ಪಯ್ಲ್ಯಾ ವರ್ಸಾಚೆಂ ಶಿಕಾಪ್ ಶಿಕೊಂಕ್ ತೆಂ ವೆತಾನಾ, ತಾಚ್ಯಾ ಸಾಂಗಾತಾ ತಾಚ್ಯಾ ಜೊವ್ಳ್ಯಾ ಭಾವಾಂಕೀ ಅಪವ್ನ್ ವರ್ಚಿ ಪರಿಗತ್ ತಾಚಿ. ಬಾಪಾಯ್ ಆನಿ ಆನಿ ಮ್ಹಾಲ್ಘಡೆ ಭಾವ್ ರಷ್ಯಾ ವಿರೋದ್ ಝುಜೊಂಕ್ ರಾನಾಂನಿ ಲಿಪೊನ್ ರಾವೊನ್ ಪಂಗಡ್ ಬಾಂದ್ಚ್ಯಾ ಕಾಮಾಂತ್ ಮೆತೆರ್ ಜಾತಾತ್. ಕೆನ್ನಾಂ ತರೀ ಘರಾ ಪಾಟಿಂ ಅಯಿಲ್ಲೆ ತವಳ್ ಚಲಿಯಾಂನಿ ಇಸ್ಕೊಲಾಕ್ ವಾ ಬಾಜಾರಾಕ್ ವೆಚೆ ವಿರೋಧ್ ಆಸೊನ್, ಅಪ್ಲ್ಯಾ ಭಯ್ಣಿಕೀ ತಾಕೀದ್ ದಿತಾತ್. ತರೀ ತೆ ಪಾಟಿಂ ರಾನಾಕ್ ಗೆಲ್ಯಾ ಉಪ್ರಾಂತ್ ಶಿರಿನ್ ಇಸ್ಕೊಲಾಕ್ ವೆತಾ. ಸರಿಸುಮಾರ್ ತ್ಯಾಚ್ ವೆಳಾರ್ ಜುಗಾರ್ ಖೆಳೊನ್ ಜಾಲ್ಲೆಂ ರೀಣ್ ಫಾರೀಕ್ ಕರ್ಚೆ ಖಾತಿರ್ ತಾಚೊ ಭಾವ್ ತಾಕಾ ವಿಕ್ತಾ. ತೆಂ ಏಕ್ ಮನ್ ನಾತ್ಲೆಲೆಂ ಕಾಜಾರ್, ಪಸಂಧ್ ನಾತ್ಲ್ಯಾಲ್ಯಾ ದಾದ್ಲ್ಯಾಕಡೆಂ, ತೆಂಯ್ ಕಾಜಾರಾಚ್ಯಾ ಪ್ರಾಯೆಕ್ ಪಾಂವ್ಚ್ಯಾ ಫುಡೆಂಚ್. ಆಪ್ಣೆಂ ಶಿಕೊನ್ ಏಕ್ ದಾಕ್ತೆರ್ ಜಾಯ್ಜಾಯ್ ಮ್ಹಣ್ಚೆಂ ಸಪಣ್ ಜ್ಯಾರಿ ಜಾಯ್ನಾ ತೆಂ ತಾಕಾ ಕಳ್ತಾ. ತಾಲಿಬಾನಾಚ್ಯಾ ರಾಜ್ವಟ್ಕೆಂತ್ ಜಲ್ಮೊನ್, ವ್ಹಡ್ ಜಾಲ್ಲೆಂ ಚೆಡುಂ ಸಾರ್ಕಿ ಬೂದ್ ಬಸ್ಚ್ಯಾ ಪಯ್ಲೆಂಚ್ ಕಾಜಾರ್, ತಾಚ್ಯಾ ಉಪ್ರಾಂತ್ ಘೊವಾಚ್ಯಾ ಮಾದಕ್ ವ್ಯಸನಾಂ ಥಾವ್ನ್ ಆಯಿಲ್ಲಿಂ ಅನ್ವಾರಾಂ, ಲೈಂಗಿಕ್ ಅತ್ಯಾಚಾರ್, ಚೆಡಿ ಜಾವ್ನ್ ಅಪ್ಲ್ಯಾ ಕುಟ್ಮಾಚೊ ಪೋಸ್ ಕರುಂಕ್ ಕಾಡ್ಲೆಲಿ ವಾಂವ್ಟ್ ಆನಿಂ ಅಖ್ರೇಕ್ ಜಿಣ್ಯೆ ಝುಜಾಂತ್ ಥಕೊನ್ ತಾಣೆಂ ಜೀವ್ಘಾತ್ ಕರುಂಕ್ ಕರ್ಚ್ಯಾ ನಿರ್ಫಳ್ ಪಯತ್ನಾ ಭಂವ್ತಿ ಹಿ ನವಾಲಿಕಾ ಸಿಬಾ ಶಾಕೀಬಾನ್ ಬಾಂಧುನ್ ಹಾಡ್ಲ್ಯಾ.
ಹಿ ಎಕ್ ಜಿಣಿ ಜಾವ್ನಾಸಾ ಎಕಾ ಸ್ವಾಭಿಮಾನಿ, ಧಯ್ರಾದೀಕ್ ತಶೆಂಚ್ ಪ್ರಶಾಂಸಾರ್ಹ್ ಸ್ತ್ರೀಯೆಚಿ ಮಾತ್ರ್ ನ್ಹಯ್ ಬಗಾರ್ ಅಪ್ಲ್ಯಾ ಭುರ್ಗ್ಯಾಂಚ್ಯಾ ಫುಢಾರಾ ಖಾತಿರ್ ದೀಸ್‍ರಾತ್ ಝುಜ್ಲೆಲ್ಯಾ ಎಕಾ ಅವಯ್ಚಿ. ಎಕಾ ಸ್ತ್ರೀಯೆಚೆಂ ವಾ ಚಲಿಯೆಚೆಂ ಧಯ್ರ್, ಮನ್ಶಾಪಣ್, ದಯಾಳಯ್, ಇಶ್ಟಾಗತ್, ಪ್ರತಿರೋಧ್, ಘಟ್ ನಿಚೆವ್ ಆನಿ ಮೋಗ್…ಶಿರಿನಾಚಿ ಜಿಣಿ ಹ್ಯಾ ಸರ್ವ್ ರಂಗಾನಿ ಸಿಬಾನ್ ರಂಗಯ್ಲ್ಯಾ.
ಹ್ಯಾ ಬುಕಾಕ್ ಪಯ್ಲೆಂ ಉತರ್ ಬರಯಿಲ್ಲೊ ಇರಾನಾಚೊ ಪ್ರಖ್ಯಾತ್ ನಾಟಕಿಸ್ತ್, ಬರಯ್ಣಾರ್, ಬಹರಾಮ್ ಬೈಜ್ಹ್ ಅಶೆಂ ಬರಯ್ತಾ “ಶಾಂತಿ-ಸಮಾಧಾನೆ ಖಾತಿರಿ ಸಭಾರ್ ದೇಶಾಂನಿ ಝುಜಾಂ ಜಾಲ್ಯಾಂತ್, ಸಭಾರಾಚೊಂ ಪ್ರಾಣ್ ಗೆಲಾ … ದೆಕುನ್ ಸಂಸಾರಾಂತ್ಲ್ಯಾ ಸ್ತ್ರೀಯಾಂಕ್ ಝುಜಾಚೊ ದ್ವೇಷ್ ಕರ್ಚಿಂ ಭುರ್ಗಿಂ ಜಲ್ಮಾಜಾಯ್. ಥೊಡ್ಯಾ ಸ್ವಾರ್ಥಿ ಆನಿ ಪಾಡ್ ಮುಖೆಲ್ಯಾ ವರ್ವಿಂ ಸಂಸಾರ್ ಖೊಟೊ ಜಾಲಾ ಆನಿಂ ನಿಸ್ಸಾಂತಾನ್ ಜಾವ್ನ್ ಆಸಾ. ಹೊ ಸಂಸಾರ್ ಪರತ್ ಬಾಂಧುನ್ ಹಾಡುಂಕ್ ಆಮಿ ಎಕಾಮೆಕಾಕ್ ಸಮ್ಜೊಣಿ ಆನಿ ಶಾಂತಿ ವಾಂಟಿಜಾಯ್. ದುಖಾಂ ಮಧೆಂಯ್ ಸಂತೊಸಾನ್ ಜಿಯೆಂವ್ಚೊ ಸಂಸಾರ್ ಆಮಿ ಬಾಂಧುನ್ ಹಾಡಿಜಯ್. ಪರತ್ ನವ್ಯಾನ್ ಬಾಂದುಕ್ ಅಮಿ ಎಕಾಮೆಕಾಕ್ ಸಮ್ಜಣ್, ಶಾಂತಿ ಸಮಾಧಾನ್ ವಾಂಟಿಜೆ. ದುಖಾಂತೀ ಸಂತೊಸಾನ್ ಜಿಯೆಂವ್ಚೆ ತಸಲೊ ಸಂಸಾರ್ ಆಮಿ ಬಾಂದಿಜೆ…”
ಅಕೇರ್ ಕರ್ತಾನಾ … ಪಯ್ಲೆಂ ಮ್ಹಜ್ಯಾ ಚಿಂತ್ಪಾ ಪ್ರಕಾರ್ ಏಕ್ ಧರ್ಮ್ ದೀವ್ಳ್-ದೆವಾಳಾಂಚ್ಯಾ ವಣಧಿ ಭಿತರ್ ಮಾತ್ರ್ ಬರೊ. ಜೆನ್ನಾಂ ಮನಿಸ್ ಧರ್ಮ್ ಆನಿ ದೆವಾಕ್ ರಸ್ತ್ಯಾಕ್ ಹಾಡ್ತಾ, ತೆನ್ನಾಂ ಮನ್ಶ್ಯಾಂಚೊಂ ಆನಿ ಮನ್ಶ್ಯಾಪಣಾಚೊ ಸಂಹಾರ್ ಜಾತಾ.
► ಡಯಾನಾ ಶರಲ್ ಲೋಬೊ(ಡಿಎಸ್‌ಪಿ)
ಸಂಪಾದಕಾಚೊ ಷರೊ : ಹೆಂ ಬರಪ್ ಅಘ್ಪಾನಿಸ್ತಾಚೆರ್ ತಾಲಿಬಾನಿಂನಿ ಆಡಳ್ತ್ಯಾ ಸುಂಕಾಣ್ ಧರ್ಚೆಂ ಪಯ್ಲೆಂ ಲೇಖಕಿನ್ ಬರವ್ನ್ ಧಾಡ್‌ಲ್ಲೆಂ.
A good read and good review Diana. In an era where habit of reading has almost been pushed to the back bench while other more attractive, lucrative and luxurious digital info-entertainment habits have taken the pole position, holding on to the passion of reading, using modern means to nurture this passion and then introducing this to the people is commendable. Not many would know what a Kindle is and how effectively it works. Keep up your passion to read and explore and introduce us with more and more such qualitative books. Sky is the limit for those who dream but there’s no limit for those who stay awake and read!
Thank you so much
ಬೊವ್ ಬರೆ ಬರೈಲಾ ಪೂಣ್ ತೆ ಚೆಡ್ವಾ ವಿಶಿಂ ವಾಜುನ್ ಬೆಜಾರ್ ಜಾಲೆ. ದುಸ್ರ್ಯಾ ಚೆಡ್ವಾಂಕ್ ತೆ ಏಕ್ ಪ್ರೇರಣ್
ಏಕ್ ಪಾವ್ಟಿ ತೊ ಬುಕ್ ವಾಜಿಜಾಯ್..
Thank you so much
DSP ನ್ ತ್ಯಾ ಬೂಕಾ ವಿಶಿಂ ಬರೈಲ್ಲೆಂ.ಸಬಾರಾಂಕ್ ತೊ ಬೂಕ್ ವಾಚಿಜೆಚ್ ಮ್ಹುಣ್ ಭೊಗ್ತಾ. ಅನಿಕೀ ಚಡಿತ್ ಮ್ಹಜೆ ತಸಲ್ಯಾಂಕ್ ಕೊಂಕ್ಣಿಂತ್ ಚ್ ವಾಚುಂಕ್ ಜಾಯ್.ಮುಖಾರ್ ರೀ ಬರೈತ್ ರಾವ್. ತುಜೆ ಥಾವ್ನ್ ಅನಿಕೀ ಬರ್ಪಾಂ ಅಶೆತಾಂವ್.ಕೊವಿಡಾ ಚ್ಯಾ ವೆಳಾರೀ ಕಾಮಾಚೊ ಭೊರ್ ಅಸ್ತಾನಾಂಯ್ ತುವೆಂ ಸ್ತ್ರೀಯಾಂಚಾ ವಿಶಿಂಯ್ ಕಾಂಯ್ ಸಂಗ್ತಿಂ ಬರೈಲಾಂಯ್ ಅಭಿನಂದನ್ ತುಕಾ.
Thank you So much Flavia Bai.
ಅಧಿಕಾಂಶ್ ಸ್ತ್ರೀ ವಾಚ್ಪಿ ಆನಿ ಬರಯ್ಣಾರಾಂಚೆ ವಾಚಾಪ್ , ಬರವ್ಪ್ ಉತಳ್. ಚಡ್ ಮ್ಹಳ್ಯಾರ್ ರೊಮ್ಯಾಂಟಿಕ್, ಸಾಮಾಜಿಕ್ ಮೆಲೊಡ್ರಾಮ ‘ಅಡುಗೆಮನೆ ಸಾಹಿತ್ಯ’ ಮ್ಹಳ್ಳೊ ಅಪವಾದ್ ಅಸುಲ್ಲೊ. ಎಕಾ ತೆಂಪಾರ್ ಇಂಗ್ಲಿಷಾಂತ್ ಮಿಲ್ಸ್ ಆ್ಯಾಂಡ್ ಬೂನ್ಸ್, ದೆನಿಸ್ ರೊಬಿನ್ಸ್, ಬಾರ್ಬರಾ ಕಾರ್ಟ್‌ಲ್ಯಂಡ್ , ಕನ್ನಡಾಂತ್ ಸಾಯಿಸುತೆ, ಹೆಚ್.ಜಿ.ರಾಧಾದೇವಿ, ಅಶ್ವಿನಿ ಇತ್ಯಾದಿ ದೆಗೆಕ್ ಸರೊನ್ ಹಿಂದಿ ತಶೆಂ ಕನ್ನಡ ಸೀರಿಯಲಾಂ ಕುಶಿಕ್ ಮಾಲ್ವಾಲಿಂ. ಸ್ತ್ರೀಯಾಂಚೆರ್‌ಚ್ ಪಾತ್ಯೆವ್ನ್ ಪಾಯ್ಸ್ ಜಾಂವ್ಚೆ ಸಬಾರ್ ಮ್ಯಾಗಜಿನ್ ಬಂಧ್ ಪಡ್ಲೆ. ಹಾಚೊ ಅರ್ಥ್ ದಾದ್ಲೆ ಸರ್ವ್ ಗಂಭೀರ್ ಸಾಹಿತ್ ರಚ್ಪಿ ಆನಿ ವಾಚ್ಪಿ ಮ್ಹಣೊನ್ ನ್ಹಯ್. ಪುಸ್ತಕ್ ಪರಿಚಯಾಕ್ ಡಯನಾ ಶೆರಲಾನ್ ವಿಂಚ್ಲೊಲೊ ಬೂಕ್ ವಯ್ಲ್ಯಾ ಅಪ್ವಾದಾಕ್ ಏಕ್ ಅಪ್ವಾದ್ ಜಾವ್ಚಾಸಾ. Happy reading on your Kindle.
Thank you sir
The books are source of information and currently available through internet and supported by many Apps.
This book review is a good example how we can learn lessons of past dreadful errors and work towards peace and harmony.
Unfortunately, we seem to be never learning from past mistakes. See the current situation in Afghanistan. It’s back to the same situation where this author experienced. Do people of Afghanistan ever find peace n live happily in their beautiful country??
Thank you sir