ಗೊಂಯಚೆ ನಾಮನೆಚೆ ಕೊಂಕಣಿ ಸಾಹಿತ್ಯಕಾರ, ಅನುವಾದಕ, ಭೌದ್ಧ, ಕ್ರೈಸ್ತ ಆನಿ ಭಾರತೀಯ ಭಾಷೆಚೆ ಸಾಹಿತ್ಯ ಅಧ್ಯಯನ ಕರನು ಕೊಂಕಣಿ ಭಾಷೆಕ ಅನುವಾದ ಕರನು ನಾಂವ ಘೆತಿಲೊ ಪದ್ಮಶ್ರೀ ಡಾ| ಸುರೇಶ ಗುಂಡು ಅಮೋಣಕರ ಹಾನ್ನಿ ದಿ.08-12-2019 ತಾರ್ಕೆರ ತಾಂಗೆಲೆ 86 ವೇ ವಯಾಂತ ಗೊಂಯಚೆ ತಾಂಗೆಲೆ ಘರಾಂತು ನಿಧನ ಪಾವಲಿಂಚಿ.
ಎಂ. ಎ. ಪದವೀಧರ ಶ್ರೀ ಅಮೋಣಕರ ಜೈನ ಕಥಾ ಸಂಗ್ರಹ, ಜಾತಕ ಕಥಾ, ಭೌದ್ಧ ‘ಧಮ್ಮಪದ’, ‘ಶ್ರೀ ಭಗವಂತಾನ ಗಾಯಿಲೆ ಗೀತ’, ‘ಶ್ರೀಮದ್ ಭಾಗವತ’ ತಮಿಳು ತಿರುವಳ್ಕುವರ ಕವಿಲೆ ತಿರುಕ್ಕುರಳ ಆನಿ ಮರಾಠಿ ದಾಕುನ ‘ಜ್ಞಾನೇಶ್ವರಿ’ ಆನಿ ‘ಭಗವದ್ಗೀತೆ’ ಕೊಂಕಣಿ ಭಾಷೆಕ ಭಾಷಾಂತರ ಕೆಲಾಂ. 1999 ಇಸವಿಂತು ಹಾಂಗೆಲೆ ಧಮ್ಮಪದ ಕೊಂಕಣಿ ಭಾಷಾಂತರ ಕೃತಿಕ ಕೇಂದ್ರ ಸಾಹಿತ್ಯ ಅಕಾಡೆಮಿ ಪುರಸ್ಕಾರ ಪಾವಲಾಂ.
ಆಫ್ರಿಕಾಚೆ ಕಿನ್ಯಾಂತು ಶಿಕ್ಷಕ ಜಾವನ ಆಸುನ ಶ್ರೀ ಅಮೋಣಕರ ಗೊಂಯಾಂತ ಪ್ರಾಧ್ಯಾಪಕ ಶೈಕ್ಷಣಿಕ ವಲಯಾಂತ ಅಪಾರ ಸೇವಾ ದಿಲೆಲೆ ಹಾಂಕಾ ರಾಜ್ಯ ಸರಕಾರಾನ ಸನ್ಮಾನ ಕೆಲಾಂ. ಭಾರತ ಸರಕಾರ ಥಾವನ ಶ್ರೀ ಸುರೇಶ ಅಮೋಣಕರ ಹಾಂಕಾ ವಿದ್ಯಾ ಕ್ಷೇತ್ರಾಕ ದಿಲೆಲೆ ಕೊಡುಗೆ ಮಾನ್ಯ ಕರನು 2009 ಇಸವಿಂತ ಪದ್ಮಶ್ರೀ ಪದವಿ ದೀವನ ಸನ್ಮಾನ ಕೆಲಾಂ. ತಶೀಂಚಿ 2015 ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರ ಥಾವನ ದಿವಚೆ ಶ್ರೀಮತಿ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಜೀವನ ಸಿದ್ಧಿ ಸಾಹಿತ್ಯ ಪ್ರಶಸ್ತಿ ಪಾವಲಾಂ.
ಗೊಂಯ ಸರಕಾರ 2018 ಇಸವಿಂತ ಗೊಂಯ ಕೊಂಕಣಿ ಅಕಾಡೆಮಿ ಅಧ್ಯಕ್ಷ ಜಾವನ ನೇಮಣೂಕ ಕೆಲಾಂ.
ಪದ್ಮಶ್ರೀ ಸುರೇಶ ಅಮೋಣಕರ ಹಾಂಗೆಲೆ ನಿಧನ ಕೊಂಕಣಿ ಸಾಹಿತ್ಯ ಕ್ಷೇತ್ರಾಕ ಮಸ್ತ ನಷ್ಟ ಅಶಿಂ ವಿಶ್ವ ಕೊಂಕಣಿ ಕೇಂದ್ರಾನ ಬೇಜಾರ ವ್ಯಕ್ತ ಕೆಲಾಂ. ಶ್ರೀ ಅಮೋಣಕರ ಹಾನ್ನಿ ತಾಂಗೆಲೆ ಶರೀರ ಗೊಂಯ ವೈದ್ಯಕೀಯ ಕಾಲೇಜಾಚೆ ಆಸ್ಪತ್ರೆಕ ದಾನ ದೀವಕಾ ಅಶಿಂ ಬರಯಲಾಂ.
- ಪಾತ್ರೊನ್ ಶ್ರೀಮತಿ ವಿಮಲಾ ವಿ. ಪೈ ಹಾಂಕಾ ವಿಶ್ವ ಕೊಂಕ್ಣಿ ಕೇಂದ್ರಾಂತ್ ಶೃದ್ದಾಂಜಲಿ
- ಬಾಯಿ ಮಾವಜೋಚ್ಯಾ ತಸ್ವಿರೆವರ್ವಿಂ ಕೀರ್ತಿ ಮಂದಿರಾಕ್ ಸಂಪೂರ್ಣತಾ ಪ್ರಾಪ್ತ್ ಜಾಲಿ – ಡಾ| ಎಂ. ಪ್ರಭಾಕರ ಜೋಶಿ
- ರಂಗಪ್ಪ ಕಾಮತ್ ಯುವಉದ್ಯಮಿಂಕ್ ವಾಟೆದಿವೊ – ಶ್ರೀನಿವಾಸ ವಿ. ದೆಂಪೊ
- ವಿಶ್ವ ಕೊಂಕ್ಣಿ ಕೇಂದ್ರಾಂತ್ ಸ್ವರ್ಗೀಯ್ ಕೆ.ಕೆ. ಪೈ ಹಾಂಚೊ ಉಡಾಸ್ ಆನಿ ನಮಾನ್
- ವಿಶ್ವ ಕೊಂಕ್ಣಿ ಕೇಂದ್ರಾಂತ್ ಬಸ್ತಿ ವಾಮನ್ ಮಾಮಾಕ್ ಭಾವಪೂರ್ಣ ಶೃದ್ದಾಂಜಲಿ
- ಆರ್. ರಾಮನಾಥ್ ಹಾಂಕಾಂ ಕವಿತಾ ಟ್ರಸ್ಟ್ ಪುರಸ್ಕಾರ್
- ಕೊಂಕಣಿ ಸಾಹಿತಿ ದಾಮೋದರ ಮಾವಜೊ ಹಾಂಕಾ ಜ್ಞಾನಪೀಠ ಪುರಸ್ಕಾರ
- ವಿಶ್ವ ಕೊಂಕಣಿ ಕೇಂದ್ರ : ಕೊಂಕಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಠಾನ ನವೀನ ಅಧ್ಯಕ್ಷಾಲೊ ವಿಂಚವ್ಣಿ
- ‘ಕೊಂಕಣಿ ಶಬ್ದ ರತ್ನಾಕರ’ ಮಂದರ್ಕೆ ಮಾಧವ ಪೈ ಅಂತರಲೊ
- ವಿಶ್ವ ಕೊಂಕಣಿ ಕೀರ್ತಿ ಮಂದಿರಾಂತ ಶೌರ್ಯ ಚಕ್ರ ಅಜಿತ ಭಂಡಾರ್ಕಾರ ಭಾವಚಿತ್ರ
- ವಿಶ್ವ ಕೊಂಕಣಿ ಕೇಂದ್ರ : ಶ್ರೀ ಟಿ. ವಿ. ರಮಣ ಪೈ ಆನಿ ಶ್ರೀಮತಿ ವಿಮಲಾ ವಿ. ಪೈ ವಸತೆ ಘರ ದಶಮಾನೋತ್ಸವ ಸಂಭ್ರಮ
- ವಿಶ್ವ ಕೊಂಕಣಿ ಕೇಂದ್ರ : ರಾಷ್ಟ್ರೀಯ ಶಿಕ್ಷಣ ನೀತಿ ಕೊಂಕಣಿ ಶಿಕ್ಷಣ ಅಂತರ್ಜಾಲ ಗೋಷ್ಠಿ
- ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸಮಾಜ ಸೇವಾ ಪ್ರಶಸ್ತಿ – 2021 ಜಾಹೀರ
- ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸೇವಾ ಪುರಸ್ಕಾರ, ನಾಮ ನಿರ್ದೇಶನಾಕ ಅರ್ಜಿ ಆಪೊವ್ಣೆ- 2021
- ವಿಶ್ವ ಕೊಂಕಣಿ ಕೇಂದ್ರ ’ಭಾರತ ಸ್ವಾತಂತ್ರ್ಯ ಅಮೃತೋತ್ಸವ’ ಕೊಂಕಣಿ ಜಾಲಗೋಷ್ಠಿ ತಿಸರೆ ಉಪಾಖ್ಯಾನ
