ಮಂಗಳೂರ ‘ವಿದ್ಯಾಕಲ್ಪಕ’ ವಿದ್ಯಾರ್ಥಿ ವೇತನ ಯೋಜನೆರಿ ವಿದ್ಯಾರ್ಥಿ ವೇತನ ಘೆತಿಲೆ ಅರ್ಹ ವಿದ್ಯಾರ್ಥಿಂಕ ‘ಕ್ಷಿತಿಜ’ 2 ವೆ ಹಂತ ತರಬೇತಿ ಶಿಬಿರ ಸಮಾರೋಪ ಸಮಾರಂಭ ದಿ. 30 – 6 – 2019 ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಾಂತ ಚಲ್ಲೆಂ.
ಮುಖೇಲ ಸೊಯರೆ ಜಾವನ ಆಯಿಲೆ ಮಂಗಳೂರು ಕರ್ನಾಟಕ ಬ್ಯಾಂಕ ಮುಖೇಲ ಆಡಳಿತ ಅಧಿಕಾರಿ ಶ್ರೀ ಗೋಕುಲದಾಸ ಪೈ ಭಾಗಿ ಆಸುನ ಹರ ಏಕ ವಿದ್ಯಾರ್ಥಿಂನಿ ತಾಂಗೆಲೆ ಜೀವನಾಚೆ ಕಷ್ಟಾಚೆ ದಿವಸ ವಿಸರನಾಶಿ ಆಮಕಾ ಮೆಳೆಲೆ ಪ್ರಯೋಜನ ಘೆವನು ಮುಖಾರ ಸಮಾಜಾಕ ದಿವಚೆ ಕಾರ್ಯ ಕ್ಷಮತಾ ಆಪಣಾವನ ಘೆವಕಾ ಅಶಿಂ ಸಾಂಗಲೆಂ.
ಆನಿ ಏಕ ಮುಖೇಲ ಸೊಯರೆ ಮಂಗಳೂರು ನಿರ್ಮಲಾ ಟ್ರಾವೆಲ್ಸ್ ಮಾಲಕಿ ಶ್ರೀಮತಿ ವತಿಕಾ ಪೈ, ಉಲೊವನು ತಾಂಗೆಲೆ ಜೀವನಾಂತ ಜಾವನ ಗೆಲೆಲೆ ಕೆಲವು ಉದಾಹರಣ ಶಿಬಿರಾರ್ಥಿಂಕ ಸಾಂಗಲೆ. ಸರ್ವಾಂನಿ ಶ್ರಮ ಕಾಣು, ನಿಶ್ಚಿತ ಗುರಿ ಪಾವಚಾಕ ಸಾಧನ ಕರಕಾ ಅಶಿಂ ಸಾಂಗೆಲೆಂ. ಆನಿ ಶಿಕ್ಷಣಾಕ ಸಂಬಂಧ ಪಾವಿಲೆ ಕೆಲವು ಮುಖ್ಯ ವಿಷಯ ಮನಾಂತ ದವರನ ಘೆವಚಾಕ ಸಾಂಗುನ ಸರ್ವಾಂಕಯ ಶುಭ ಸಾಂಗಲೆಂ.
ಆನಿ ಏಕ ಮುಖೇಲ ಸೊಯರೆ ಸಮಾಜ ಸೇವಕ ಆನಿ ನಿಟ್ಟೆ ವಿದ್ಯಾ ಸಂಸ್ಥೆಚೆ ಡಾ| ಉದಯಕುಮಾರ ಶೆಣೈ ಶಿಬಿರಾರ್ಥಿಂಕ ಉದ್ದೇಶಿಸುನ ಆಮಗೆಲೆ ಭಿತವಯಲೆ ಶಕ್ತಿ ಮನಾಂತ ದವರುನ ಜೀವನಾಂತ ಏಕ ನೀತಿವಂತ ಪ್ರಜಾ ಜಾವಕಾ. ತಶೀಂಚಿ ಆಮಗಲೆ ಶಿಕ್ಷಣ 4 ವಣತಿ ಮಧ್ಯೆ ಸೀಮಿತ ಜಾಯನಾಶಿ ತೇ ಅನ್ಯ ಜನಾಕಯ ಮೆಳಚೆ ತಶಿಂ ಮದದ ಕರಕಾ ಅಶಿಂ ಸಾಂಗುನ ಏಕ ನೀತಿಯುಕ್ತ ಕಾಣಿ ಸಾಂಗುನ ವಿದ್ಯಾರ್ಥಿಂಕ ಮನವರಿಕಾ ಕೆಲೆಂ.
ವಿದ್ಯಾಕಲ್ಪಕ ವಿದ್ಯಾರ್ಥಿ ವೇತನ ಯೋಜನೆ ಮುಖೆಲ, ನಾಮನೆಚೊ ಲೇಕ ತಪಾಸಕ ಸಿ. ಎ. ಶ್ರೀ ನಂದಗೋಪಾಲ ಶೆಣೈ ಹಾನ್ನಿ ಪ್ರಾಸ್ತಾವಿಕ ಉತ್ರ ಸಾಂಗುನ ಸರ್ವ ವಿದ್ಯಾರ್ಥಿಂನಿ ಇತರ ವಿದ್ಯಾರ್ಥಿಂಕ ಆಮಗೆಲೆ ನಿಮಿತ್ತಿ ಜಾವಚೆ ತಿತಲೆ ಸಹಾಯ ಕರಚೆ ಗುಣ ವಾಡೊವಕಾ ಅಶಿಂ ಸಾಂಗುನ ವಿದ್ಯಾರ್ಥಿಂಕ ಶಿಬಿರಾಚೆ ಮಹತ್ವ ತಿಳಸಿಲೆಂ.
ವಿಶ್ವ ಕೊಂಕಣಿ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈನ ಅಧ್ಯಕ್ಷಪಣ ಘೆತಲೆಂ. ಆನಿ ಸರ್ವ ವಿದ್ಯಾರ್ಥಿಂನಿ ಶಿಬಿರಾಚೆ ಪ್ರಯೋಜನ ಘೆವನು ಮುಖಾರ ತಾಂಗೆಲೆ ಜೀವನಾಂತ ಅಳವಡಿಸುಕಾ ಅಶಿಂ ಸಾಂಗಲೆಂ. ವಿದ್ಯಾಕಲ್ಪಕ ವಿದ್ಯಾರ್ಥಿ ವೇತನ ಯೋಜನೆಚೆ ಸದಸ್ಯ ಶ್ರೀ ಸಿ. ಎ. ಸುರೇಂದ್ರ ನಾಯಕ ಹಾನ್ನಿ ಮುಖೇಲ ಸೊಯರೆಂಕ ಯಾದಸ್ತಿಕಾ ದೀವನ ಮಾನ ದಿಲೆಂ.
ವಿಶ್ವ ಕೊಂಕಣಿ ಭಾಷಾ ಸಂಸ್ಥಾನ ನಿರ್ದೇಶಕ ಶ್ರೀ ಗುರುದತ್ತ ಬಂಟ್ವಾಳಕಾರ, ‘ವಿದ್ಯಾಕಲ್ಪಕ – ಕ್ಷಿತಿಜ’ ಶಿಬಿರ ಉಸ್ತುವಾರಿ ಶ್ರೀ ವಿಶ್ವಕುಮಾರ ಭಟ್ ಉಪಸ್ಥಿತ ಆಶಿಲಿಂಚಿ. ತೀನಿ ದಿವಸ ಚಲ್ಲೆಲೆ ಶಿಬಿರ ಬದ್ದಲ ಶಿಬಿರಾರ್ಥಿಂನಿ ಘೆತ್ತಿಲೆ ಅನುಭವ ಆನಿ ವೆವೆಗಳೆ ಚಟುವಟಿಕಾ ಬದ್ದಲ ತಾಂಗೆಲೆ ಅಭಿಪ್ರಾಯ ದಿಲೆಂ. ಶಿಬಿರಾಂತ ಚಲ್ಲೆಲೆ ವೆವೆಗಳೆ ಸ್ಫರ್ಧೆಂತ ಜಿಕ್ವಲಲೆ ವಿಜೇತಾಂಕ ಇನಾಮ ಆನಿ ಸರ್ವ ಶಿಬಿರಾರ್ಥಿಂಕ ಮುಖೇಲ ಸೊಯರೆಂನಿ ಪ್ರಮಾಣಪತ್ರ ಆನಿ ಪುಸ್ತಕ ದೀವನ ಅಭಿನಂದನ ಕೆಲೆಂ.
- ಪಾತ್ರೊನ್ ಶ್ರೀಮತಿ ವಿಮಲಾ ವಿ. ಪೈ ಹಾಂಕಾ ವಿಶ್ವ ಕೊಂಕ್ಣಿ ಕೇಂದ್ರಾಂತ್ ಶೃದ್ದಾಂಜಲಿ
- ಬಾಯಿ ಮಾವಜೋಚ್ಯಾ ತಸ್ವಿರೆವರ್ವಿಂ ಕೀರ್ತಿ ಮಂದಿರಾಕ್ ಸಂಪೂರ್ಣತಾ ಪ್ರಾಪ್ತ್ ಜಾಲಿ – ಡಾ| ಎಂ. ಪ್ರಭಾಕರ ಜೋಶಿ
- ರಂಗಪ್ಪ ಕಾಮತ್ ಯುವಉದ್ಯಮಿಂಕ್ ವಾಟೆದಿವೊ – ಶ್ರೀನಿವಾಸ ವಿ. ದೆಂಪೊ
- ವಿಶ್ವ ಕೊಂಕ್ಣಿ ಕೇಂದ್ರಾಂತ್ ಸ್ವರ್ಗೀಯ್ ಕೆ.ಕೆ. ಪೈ ಹಾಂಚೊ ಉಡಾಸ್ ಆನಿ ನಮಾನ್
- ವಿಶ್ವ ಕೊಂಕ್ಣಿ ಕೇಂದ್ರಾಂತ್ ಬಸ್ತಿ ವಾಮನ್ ಮಾಮಾಕ್ ಭಾವಪೂರ್ಣ ಶೃದ್ದಾಂಜಲಿ
- ಆರ್. ರಾಮನಾಥ್ ಹಾಂಕಾಂ ಕವಿತಾ ಟ್ರಸ್ಟ್ ಪುರಸ್ಕಾರ್
- ಕೊಂಕಣಿ ಸಾಹಿತಿ ದಾಮೋದರ ಮಾವಜೊ ಹಾಂಕಾ ಜ್ಞಾನಪೀಠ ಪುರಸ್ಕಾರ
- ವಿಶ್ವ ಕೊಂಕಣಿ ಕೇಂದ್ರ : ಕೊಂಕಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಠಾನ ನವೀನ ಅಧ್ಯಕ್ಷಾಲೊ ವಿಂಚವ್ಣಿ
- ‘ಕೊಂಕಣಿ ಶಬ್ದ ರತ್ನಾಕರ’ ಮಂದರ್ಕೆ ಮಾಧವ ಪೈ ಅಂತರಲೊ
- ವಿಶ್ವ ಕೊಂಕಣಿ ಕೀರ್ತಿ ಮಂದಿರಾಂತ ಶೌರ್ಯ ಚಕ್ರ ಅಜಿತ ಭಂಡಾರ್ಕಾರ ಭಾವಚಿತ್ರ
- ವಿಶ್ವ ಕೊಂಕಣಿ ಕೇಂದ್ರ : ಶ್ರೀ ಟಿ. ವಿ. ರಮಣ ಪೈ ಆನಿ ಶ್ರೀಮತಿ ವಿಮಲಾ ವಿ. ಪೈ ವಸತೆ ಘರ ದಶಮಾನೋತ್ಸವ ಸಂಭ್ರಮ
- ವಿಶ್ವ ಕೊಂಕಣಿ ಕೇಂದ್ರ : ರಾಷ್ಟ್ರೀಯ ಶಿಕ್ಷಣ ನೀತಿ ಕೊಂಕಣಿ ಶಿಕ್ಷಣ ಅಂತರ್ಜಾಲ ಗೋಷ್ಠಿ
- ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸಮಾಜ ಸೇವಾ ಪ್ರಶಸ್ತಿ – 2021 ಜಾಹೀರ
- ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸೇವಾ ಪುರಸ್ಕಾರ, ನಾಮ ನಿರ್ದೇಶನಾಕ ಅರ್ಜಿ ಆಪೊವ್ಣೆ- 2021
- ವಿಶ್ವ ಕೊಂಕಣಿ ಕೇಂದ್ರ ’ಭಾರತ ಸ್ವಾತಂತ್ರ್ಯ ಅಮೃತೋತ್ಸವ’ ಕೊಂಕಣಿ ಜಾಲಗೋಷ್ಠಿ ತಿಸರೆ ಉಪಾಖ್ಯಾನ
- ವಿಶ್ವ ಕೊಂಕಣಿ ಕೇಂದ್ರ : ಭಾರತ ಸ್ವಾತಂತ್ರ್ಯಚೆ ಅಮೃತೋತ್ಸವ ಸಂಧರ್ಭಾರ ಕೊಂಕಣಿ ಪ್ರಬಂಧ ಸ್ಪರ್ಧೊ
- ವಿಶ್ವ ಕೊಂಕಣಿ ಕೇಂದ್ರ ’ಕ್ಷಮತಾ ಅಕಾಡೆಮಿ’ ಶಿಬಿರ ಉಗ್ತಾವಣ ಸಮಾರಂಭ
- ವಿಶ್ವ ಕೊಂಕಣಿ ಕೇಂದ್ರ : ಕೊಂಕಣಿ ಸಂವಾದ ಜಾಲಗೋಷ್ಠಿ ಉಗ್ತಾವಣ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021 ಶಿಬಿರ ಉಗ್ತಾವಣ ಸಮಾರಂಭ
- ಗ್ರಂಥಾಲಯ ಆನಿ ಚೆರ್ಡುಂವಾಲೆ ಸಾಹಿತ್ಯ ಕ್ಷೇತ್ರಾಚೆ ನಿಷ್ಣಾತೆ – ಬೆಂಗಳೂರಚೆ ಡಾ. ಪದ್ಮಾ ಬಾಳಿಗಾ ಅಂತರಲಿಂ
