ಮುಂಬಯ್ ಉಪನಗರ್ ವಸಯ್, ಮಾಣಿಕ್ ಪುರ್ ಹಾಂಗಾಸರ್ ವೈಎಂಸಿಎ ಸಭಾಗೃಹಾಂತ್ ವಸಾಯಿ ಕೊಂಕಣಿ ವೆಲ್ಪೇರ್ ಅಸೋಸಿಯೇಶನ್ ಹ್ಯಾ ಸಂಸ್ಥ್ಯಾನ್ ಆಯ್ಲೆವಾರ್ ಬೊಸ್ತು ಕೊಂಕಣಿ ಹಾಸ್ಯ್ ನಾಟಕ್ ಸಾದರ್ ಕೆಲೊ.
ನಾಟಕಾಚ್ಯಾ ಮಧೆಂ ಚಲ್ಲೆಲ್ಯಾ ಸರಳ್ ಸಭಾಕಾರ್ಯಾಕ್ ಮುಕೆಲ್ ಸಯ್ರೊ ಜಾವ್ನ್ ಮಾಲ್ಘಡೊ ಕೊಂಕಣಿ ನಾಟಕಿಸ್ತ್ ಪ್ರಾನ್ಸಿಸ್ ಫೆರ್ನಾಂಡಿಸ್ ಕಾಸ್ಸಿಯಾ ಆನಿ ಮಾನಾಚೊ ಸಯ್ರೊ ಜಾವ್ನ್ ಸಮಾಜ್ ಸೇವಕ್ ರೋಬರ್ಟ್ ಮಿನೇಜಸ್, ಜೊಸ್ಸಿ ಮಿನೇಜಸ್, ನಾಟಕಿಸ್ತ್ ಜೋಯ್ ಪಾಲಡ್ಕ, ಅಸೋಸಿಯೇಶನಾಚೊ ನಿಕಟ್ ಪೂರ್ವ್ ಅಧ್ಯಕ್ಷ್ ಸ್ಟೀಫನ್ ಫೆರ್ನಾಂಡಿಸ್, ಮೋಡೆಲ್ ಬ್ಯಾಂಕಾಚೊ ನಿರ್ದೇಶಕ್ ಆನ್ಸಿ ಡಿ’ಸೋಜಾ ಪಾಲಡ್ಕ ಆನಿ ಹೆರ್ ಹಾಜರ್ ಆಸ್ಲೆ.
ಕಾರ್ಯಾಂತ್ ಬೊಸ್ತು ನಾಟಕಾಚೊ ರೂವಾರಿ, ನಿರೂಪಕ್ ಲಿಯೋ ಫೆರ್ನಾಂಡಿಸ್ ಜೆರಿಮೆರಿ ಹಾಕಾ ಸಯ್ರ್ಯಾಂನಿ ಫಳಾಂ – ಫುಲಾಂ ದೀವ್ನ್, ಶಾಲೊ ಪಾಂಗ್ರಾವ್ನ್ ಮಾನ್ ಕೆಲೊ. ಹ್ಯಾ ಸ್ದಂದರ್ಭಾರ್ ಕೊಂಕ್ಣೆಚಿ ಸೆವಾ ಕೆಲ್ಲ್ಯಾ ಫೆಲಿಕ್ಸ್ ಡಿ’ಸೋಜಾ ವಸಯ್ ಹಾಕಾಯೀ ಫಳಾಂ – ಫುಲಾಂ ಅರ್ಪುನ್, ಶಾಲೊ ಪಾಂಗ್ರಾವ್ನ್ ಸನ್ಮಾನ್ ಕೆಲೊ.
ಲಿಯೋ ಫೆರ್ನಾಂಡಿಸ್ ಹಾಚ್ಯಾ ನಿರ್ದೇಶನಾಂತ್ ಸಾದರ್ ಜಾಲ್ಲ್ಯಾ ಬೊಸ್ತು ನಾಟಕಾಂತ್ ಪ್ಲೇವಿ ಕೊರ್ಡೆರೊ, ಸಿಲ್ವಿಯಾ ಫೆರ್ನಾಂಡಿಸ್, ಪ್ಲೇವಿಯಾ ಫೆರ್ನಾಂಡಿಸ್, ಹೆನ್ರಿ ಮಿನೇಜಸ್, ಜೋನ್ ಡಿ’ಸೋಜಾ, ಜೊನ್ ರೊಡ್ರಿಗಸ್, ಫ್ರಾನ್ಸಿಸ್ ಲುವಿಸ್, ನವೀನ್ ಡಿ’ಸೋಜಾ, ಹಿಲ್ಡಾ ಡಿ’ಸೋಜಾ, ಲೊರೆನ್ಸ್ ಮೆಂಡೊನ್ಸಾ, ಸೊಫಿಯಾ ಡಿ’ಸೋಜಾ, ನಿಕ್ಸನ್ ಡಿ’ಸೋಜಾ ಆನಿ ಹೆರ್ ಕಲಾಕಾರಾಂನಿ ನಟನ್ ಕೆಲೆಂ. ಹೆನ್ರಿ ಪಿಂಟೊ, ಅಲ್ಬರ್ಟ್ ಡಿ’ಕೋಸ್ತಾ, ಮೇಬಲ್ ರೆಜಿನಾಲ್ಡ್ ಸಾಂತುಮಾಯೆರ್ ಹಾಣಿ ಸಹಕಾರ್ ದಿಲೊ.
ರಿಯೊನಾ ಮಸ್ಕರೇನ್ಹಸ್ ಹಿಣೆ ರಾಷ್ಟ್ರ್ ಗೀತ್ ಗಾಯನ್ ಕೆಲೆಂ. ವಸಾಯಿ ಕೊಂಕಣಿ ವೆಲ್ಪೇರ್ ಅಸೋಸಿಯೇಶನ್ ಅಧ್ಯಕ್ಷ್ ರೆಜಿನಾಲ್ಡ್ ಸಾಂತುಮಯೆರಾನ್ ಹಾಣೆ ಯೆವ್ಕಾರ್ ಮಾಗ್ಲೊ. ರೊಯಿಲಿ ಸಾಂತುಮಾಯರ್ ಆನಿ ಕ್ವಿನ್ಸಿ ಪಿಲ್ಲಿ ಹಾಣಿ ಯೆವ್ಕಾರ್ ನಾಚ್ ಸಾದರ್ ಕೆಲೊ.
ಜಾನ್ ಡಿ’ಸೋಜಾ ಹಾಣೆ ಕಾರ್ಯೆಂ ಚಲವ್ನ್ ವೆಲೆಂ. ಹೆನ್ರಿ ಪಿಂಟೊ ಹಾಣೆ ದಿನ್ವಾಸ್ ಪಾಟಯ್ಲೆ.
ತಸ್ವಿರ್ಯೊ / ವರ್ದಿ : ರೋನಿಡಾ, ಮುಂಬಯಿ
