ವಿಶ್ವ ಕೊಂಕಣಿ ಕೇಂದ್ರಾಂತ ವಿದ್ಯಾರ್ಥಿಂಕ ಕೌಶಲಾಭಿವೃದ್ಧಿ ವಾಡಚಾಕ ಅನುಕೂಲ ಜಾವಚೆ ತಶಿ ಎನ್ ಕೆ ಜಿ ಎಸ್ ಬಿ ಶತಮಾನೋತ್ಸವ ಸ್ಕಿಲ್ ಡೆವಲಪ್ಮೆಂಟ್ ಸೆಂಟರ್ ಸ್ಥಾಪನ ಕೆಲಾಂ. ಎನ್ಕೆಜಿಎಸ್ಬಿ ಬ್ಯಾಂಕ್ ಅಧ್ಯಕ್ಚ ಶ್ರೀ ಕಿಶೋರ್ ಕುಲಕರ್ಣಿ ಹಾನ್ನಿ ಸೆಂಟರಾಚೆ ಉಗ್ತಾವಣ ಕೆಲೆಂ.
ಎನ್ಕೆಜಿಎಸ್ಬಿ ಬ್ಯಾಂಕಾಚೆ ಶತಮಾನೋತ್ಸವ ವರ್ಷ ಆಚರಣಾ ಸುಸಂದರ್ಭಾರಿ ವೆಗವೆಗಳೆ ಕಾರ್ಯಕ್ರಮ ಮಾಂಡುನ ಹಾಡಲಾ. ತಶೀಂಚಿ ವಿಶ್ವ ಕೊಂಕಣಿ ಕೇಂದ್ರಾಂತ ಎನ್ ಕೆ ಜಿ ಎಸ್ ಬಿ ಶತಮಾನೋತ್ಸವ ಸ್ಕಿಲ್ ಡೆವಲಪ್ಮೆಂಟ್ ಸೆಂಟರ್ ಉಗ್ತಾವಣ ಜಾಲಾಂ. ಎನ್ಕೆಜಿಎಸ್ಬಿ ಬ್ಯಾಂಕ್ ಅಧ್ಯಕ್ಷ ಶ್ರೀ ಕಿಶೋರ್ ಕುಲಕರ್ಣಿ ಬ್ಯಾಂಕ ವತೀನ ರೂ. 11.00 ಲಾಖ ಚೆಕ್ ಎನ್ ಕೆ ಜಿ ಎಸ್ ಬಿ ಶತಮಾನೋತ್ಸವ ಸ್ಕಿಲ್ ಡೆವಲಪ್ಮೆಂಟ್ ಸೆಂಟರ್ ಕ ವಿಶ್ವ ಕೊಂಕಣಿ ಕೇಂದ್ರ ಅಧ್ಯಕ್ಷ ಹಾಂಕಾ ಹಸ್ತಾಂತರ ಕೆಲೆಂ.
ನಿರ್ದಿಷ್ಟ ಏಕ ಗುರಿ ಸಾಧನಾಚೆ ಸಾಂಗತಚೀ ಶ್ರದ್ಧಾಪೂರ್ವಕ ವಾವ್ರ ಕೆಯಾರಿ ಯಶ ಪಾವಚಾಕ ಸಾಧ್ಯ ಅಸಾ. ಹೇಂಚ ಉದ್ದೇಶಾನ ವಿಶ್ವ ಕೊಂಕಣಿ ಕೇಂದ್ರ ವಾವರ ಕರತಾ ಆಸುಚೆ ಮಸ್ತ ಅಭಿನಂದಾರ್ಹ ಜಾವನ ಆಸಾ ಅಶಿಂ ವಿಶ್ವ ಕೊಂಕಣಿ ಕೇಂದ್ರಾಕ ಶ್ಲಾಘನ ಕರನ ಆನಿ ಮುಖಾರಿಯ ಖಂಚೆಯ ವಿಶ್ವ ಕೊಂಕಣಿ ಕೇಂದ್ರಾಚೆ ವಾವ್ರಾಕ ಆಮಗೆಲೆ ಬ್ಯಾಂಕ ಕೆದನಾಯ್ ಪ್ರೋತ್ಸಾಹ ಆನಿ ಸಹಕಾರ ದಿತ್ತಾ. ಸರ್ವ ವಿದ್ಯಾರ್ಥಿಂನಿ ಹೆಂ ಕೌಶಲ ತರಬೇತ ಕಾರ್ಯಗಾರಾಚೆ ಪೂರ್ಣ ಪ್ರಯೋಜನ ಘೆವನು ಉತ್ತಮ ನಾಗರಿಕ ಜಾವಕಾ ಅಶಿಂ ಶುಭ ಸಾಂಗಲೆಂ.
ಎನ್ ಕೆ ಜಿ ಎಸ್ ಬಿ ಬ್ಯಾಂಕ ನಿರ್ದೇಶಕ ಶ್ರೀ ರಾಜನ್ ಭಟ್, ಡೆಪ್ಯುಟಿ ಮ್ಯಾನೇಜಿಂಗ ಡೈರೆಕ್ಟರ್ ಶ್ರೀ ಪಿ. ಜಿ. ಕಾಮತ್, ವಿಶ್ವ ಕೊಂಕಣಿ ಕೇಂದ್ರ ವಿದ್ಯಾರ್ಥಿ ವೇತನ ನಿಧಿ ಕಾರ್ಯದರ್ಶಿ ಶ್ರೀ ಪ್ರದೀಪ್ ಜಿ. ಪೈ, ವಿಶ್ವ ಕೊಂಕಣಿ ಕೇಂದ್ರ ಖಜಾಂಚಿ ಶ್ರೀ ಬಿ. ಆರ್. ಭಟ್, ಕಾರ್ಯದರ್ಶಿ ಶ್ರೀ ಬಿ. ಪ್ರಭಾಕರ ಪ್ರಭು ಉಪಸ್ಥಿತ ಆಶಿಲಿಂಚಿ.
ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈನ ಫೂಲ ದೀವನ ಸ್ವಾಗತ ಕೆಲೆಂ. ಕ್ಷಮತಾ ಯೋಜನಾ ಸಂಚಾಲಕ ಸಿ. ಎ. ಶ್ರೀ ಗಿರಿಧರ ಕಾಮತ ಹಾನ್ನಿ ಪ್ರಾಸ್ತಾವಿಕ ಉತ್ರಂ ಸಾಂಗಲೆಂ, ಸಂಚಾಲಕ ಶ್ರೀ ಎಮ್. ಎನ್. ಪೈನ ದೇವು ಬರೆಂ ಕೊರೊ ಸಾಂಗಲೆಂ.
