ವಿಶ್ವ ಕೊಂಕಣಿ ಕೇಂದ್ರಾಂತ ಕೊಂಕಣಿ ವಚನ ಗಾಯನ ಕಾರ್ಯಾಗಾರ

ಏಪ್ರಿಲ್ ಮ್ಹಯಿನ್ಯಾಚೆ ದಿ. 16,17 ಆನಿ 18 (3 ದಿವಸ) ಮಂಗಳೂರಚೆ ವಿಶ್ವ ಕೊಂಕಣಿ ಕೇಂದ್ರ, ಶಕ್ತಿನಗರ, ಮಂಗಳೂರು ಹಾಂಗಾ ಕೊಂಕಣಿ ‘ವಚನ’ ಗಾಯನ ಉಚಿತ ತರಬೇತ ಕಾರ್ಯಾಗಾರ ಚಲಚೆ ಆಸಾ. ಮ್ಹಾಲ್ಗಡಿ ಸಮಾಜ ಸೇವಕಿ ಶ್ರೀಮತಿ ಮಾಲತಿ ಕಾಮತ್ ಹಾನ್ನಿ ಕೊಂಕಣಿ ವಚನ ಗಾಯನ ತರಬೇತ ದಿತಾತಿ. ತೀನಿ ದಿವಸ ಚಲಚೆ ಕೊಂಕಣಿ ವಚನ ಗಾಯನ ತರಬೇತ ಕಾರ್ಯಾಗಾರಾಕ ವಿಶ್ವ ಕೊಂಕಣಿ ಕೇಂದ್ರಾಚೆ ವಸತಿ ನಿಲಯಾಂತು ಉಚಿತ ವಾಸ್ತವ್ಯ (ಖಾಣ , ಜೆವಣ ಸಹಿತ) ವ್ಯವಸ್ಥಾ ಕೆಲಯಾ.

ಕೊಂಕಣಿ ವಚನ ಗಾಯನ ಉಚಿತ ತರಬೇತ ಕಾರ್ಯಾಗಾರಾಂತು ಭಾಗ ಘೆವಚಾಕ ಇಚ್ಛಾ ಪಾವಚೆ 14 ತೆ 35 ವರಸಾ ಭಿತವಯಲೆ ಕೊಂಕಣಿ ಮಾತೃಬಾಷಿಕ ಆಸಕ್ತಾಂನಿ ತಾಂಗೆಲೆ ನಾಂವ, ಪತ್ತೊ ಆನಿ ಫೋನ್ ನಂಬರ ದೀವನು ವಿಶ್ವ ಕೊಂಕಣಿ ಕೇಂದ್ರ ಪತ್ತೊ : ಅಧ್ಯಕ್ಷ, ವಿಶ್ವ ಕೊಂಕಣಿ ಕೇಂದ್ರ, ಶಕ್ತಿನಗರ, ಮಂಗಳೂರು- 575 016 (0824-2231877) ಪತ್ರ ಬರೋವನ 2018 ಮಾರ್ಚ 15 ತಾರೀಕು ಭಿತರಿ ನೋಂದಣಿ ಕರಕಾ. ತೀಸ ಜನಾಂಕ (30) ಮಾತ್ರ ಹ್ಯಾ ತರಬೇತ ಕಾಯಾಗಾರಾಂತು ಭಾಗ ಘೆವಚಾಕ ಅವಕಾಶು ಆಶಿಲ್ಯಾನ ಸುರವೇಕ ನೋಂದಣಿ ಕೆಲೆಲ್ಯಾಂಕ ಸುರವೇಚೆ ಪ್ರಾಶಸ್ತ್ಯ ಆಸ್ಸ ಅಶಿಂ ವಿಶ್ವ ಕೊಂಕಣಿ ಕೇಂದ್ರಾಚೆ ಪ್ರಕಟಣಾ ಕಳಯತಾ.