ವಿಶ್ವ ಕೊಂಕಣಿ ವಿದ್ಯಾರ್ಥಿವೇತನನಿಧಿ ತಾಕುನ ತಾಂತ್ರಿಕ ಆನಿ ವೈದ್ಯಕೀಯ ಉಚ್ಛ ಶಿಕ್ಷಣಾ ಖಾತಿರ ವಿದ್ಯಾರ್ಥಿವೇತನ ದಿತ್ತಾ. ವಿಶ್ವ ಕೊಂಕಣಿ ವಿದ್ಯಾರ್ಥಿವೇತನ ಲಾಭ್ಲೆಲ್ಯಾ ವಿದ್ಯಾರ್ಥಿಂಕ ಕ್ಷಮತಾ ಅಕಾಡೆಮಿ ಯೋಜನೆರಿ ತರಬೇತಿ ಶಿಬಿರಯ ಮಾಂಡುನ ಹಾಡತಾ. ಹ್ಯಾ ವರ್ಷಾಚಿ ಕ್ಷಮತಾ ಅಕಾಡೆಮಿ 6 ವೇ ಆಖೇರಿಚೆ ಶಿಬಿರ ಸಮಾರೋಪ ಸುವಾಳೊ ವಿಶ್ವ ಕೊಂಕಣಿ ಕೇಂದ್ರಂತ ಚಲ್ಲೆಂ.
ಸಂಪನ್ಮೂಲ ವ್ಯಕ್ತಿ ಜಾವನ ಉಪಸ್ಥಿತ ಆಶಿಲೆ ಆಕ್ಸೆಂಜರ್ ಕಂಪೆನಿಚೆ ನಿವೃತ್ತ ಅಧಿಕಾರಿ ಆನಿ ಪ್ರಸ್ತುತ ಸ್ಯಾಪ್ ಕಂಪೆನಿ ಸಲಹಾಗಾರ ಶ್ರೀ ಪಿ. ರಾಮಚಂದ್ರ ಶೆಣೈ, ಹಾನ್ನಿ ಕ್ಷಮತಾ ಶಿಬಿರ ಬದ್ದಲ ಶಿಬಿರಾರ್ಥಿಂಕ ಸರ್ವತೋಮುಖ ಅಭಿವೃದ್ಧಿಕ ಮಾಂಡುನ ಹಾಳೆಲೆ ಕೌಶಲ ತರಬೇತಿ ಕಾರ್‍ಯಕ್ರಮಾಂತ ಶಿಕಿಲೆ ವಿಷಯ ವಿಸರನಾಶಿ ಸಂಪೂರ್ಣ ಪ್ರಯೋಜನ ಘೆವನು ಮುಖಾರಸುನ ತಾಂಗೆಲೆ ಜೀವನಾಂತ ಅಳವಡಿಸುಕಾ ಆನಿ ಪ್ರಾಮಾಣಿಕ ಜಾವನ ವಾವರ ಕರಕಾ ಅಶಿಂ ಸಾಂಗುನ ಶುಭ ಭೆಟಯಲೆಂ.
ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ, ಕ್ಷಮತಾ ಶಿಬಿರ ಸಂಚಾಲಕ ಸಿ. ಎ. ಶ್ರೀ ಗಿರಿಧರ ಕಾಮತ್, ಸಂಘಟಕ ಸಿ. ಎ. ಶ್ರೀ ಎಮ್. ಎನ್. ಪೈ, ವಿಶ್ವ ಕೊಂಕಣಿ ಭಾಷಾ ಸಂಸ್ಥಾನ ಸಹಾಯಕ ನಿರ್ದೇಶಕ ಶ್ರೀ ಗುರುದತ್ತ ಬಂಟ್ವಾಳಕಾರ ಉಪಸ್ಥಿತ ಆಶಿಲಿಂಚಿ.
ಶಿಬಿರಾರ್ಥಿಂನಿ ಶಿಬಿರಾಂತ ಘೆತ್ತಿಲೆ ಅನುಭವ ಆನಿ ಚಲ್ಲೆಲಾ ವೆಗವೆಗಳೆ ಚಟುವಟಿಕಾ ಬದ್ದಲ ತಾಂಗೆಲೆ ಅಭಿಪ್ರಾಯ ತಿಳಸಿಲೆ.
