ವಿಶ್ವ ಕೊಂಕಣಿ ವಿದ್ಯಾರ್ಥಿವೇತನ ನಿಧಿ ತಾಕುನ ತಾಂತ್ರಿಕ ಆನಿ ವೈದ್ಯಕೀಯ ಉನ್ನತ ಶಿಕ್ಷಣಾಕ ವಿದ್ಯಾರ್ಥಿವೇತನ ದಿತ್ತಾ. ಆನಿ ವಿಶ್ವ ಕೊಂಕಣಿ ವಿದ್ಯಾರ್ಥಿವೇತನ ಘೆತ್ತಿಲೆ ವಿದ್ಯಾರ್ಥಿಂಕ ಕ್ಷಮತಾ ಅಕಾಡೆಮಿ ಯೋಜನೆರಿ ತರಬೇತಿ ಶಿಬಿರಯ ಮಾಂಡುನ ಹಾಡತಾ. ಹ್ಯಾ ವರಸಾಚೆ ಕ್ಷಮತಾ ಅಕಾಡೆಮಿ 4 ವೇ ಶಿಬಿರ ಸಮಾರೋಪ ಸಮಾರಂಭ ಜನವರಿ 7 ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಂತ ಚಲ್ಲೆ.
ಸಂಪನ್ಮೂಲ ವ್ಯಕ್ತಿ ಜಾವನ ಉಪಸ್ಥಿತ ಆಶಿಲೊ ಬೆಂಗಳೂರು ಉಳ್ಳಾಲ ಶ್ರೀ ರಾಹುಲ್ ಕಿಣಿ ಉಲೊವನು ಪ್ರತಿ ಏಕ ವಿದ್ಯಾರ್ಥಿಂನಿ ವಾಂವಟ ಕಾಣು ಏಕ ನಿಶ್ಚಿತ ಧ್ಯೇಯ ದವರುನ ತಾಂಗೆಲೆ ಜೀವನಾಂತ ಮುಖಾರ ಯೇವಕಾ. ಕೊಣಾಕ ಲಾಯಕ ಆಯಕುಚೆ ಗುಣ ಆಸ್ಸಕೀ ತೋ ಸಂವಹನ, ಸಂದರ್ಶನ ಆನಿ ಕಾರ್ಯ ಕ್ಷಮತಾ ನೈಪುಣ್ಯ ಪಾವತಾ. ಅಶಿಂ ಶಿಬಿರಾರ್ಥಿಂಕ ಉದ್ದೇಶಿಸುನ ಉಲಯಿಲಿಂಚಿ.
ವಿಶ್ವ ಕೊಂಕಣಿ ಕೇಂದ್ರ ಕಾರ್ಯದರ್ಶಿ ಶ್ರೀಮತಿ ಶಕುಂತಲಾ ಆರ್. ಕಿಣಿ, ವಿಶ್ವ ಕೊಂಕಣಿ ಭಾಷಾ ಸಂಸ್ಥಾನ ಸಹಾಯಕ ನಿರ್ದೇಶಕ ಶ್ರೀ ಗುರುದತ್ತ ಬಂಟ್ವಾಳಕಾರ ಉಪಸ್ಥಿತ ಆಶಿಲಿಂಚಿ.
ಶಿಬಿರಾರ್ಥಿಂನಿ ಶಿಬಿರಾಂತ ಘೆತ್ತಿಲೆ ಅನುಭವ ಆನಿ ವೆಗವೆಗಳೆ ಚಟುವಟಿಕಾ ಬದ್ದಲ ತಾಂಗೆಲೆ ಅಭಿಪ್ರಾಯ ಸಾಂಗಲೆಂ.
