ಎಕಾ ತೆಂಪಾರ್ ಗಾಂವ್ಚ್ಯಾ ಕೊನ್ಶ್ಯಾಚ್ಯಾ ಎಕಾ ಗುಡ್ಸುಲಾಂತ್ ಮೊಡ್ಕೆಂತ್ ಪೇಜ್ ಶಿಜ್ತಾನಾ, ಬಾವೊಡಿ ನಾಚ್ತಾಲಿ, ಕೊಲಿತ್ ರಾಗಾನ್ ತಾಂಬ್ಡೆಂ ಜಾಲ್ಲ್ಯಾ ತಿತ್ಲ್ಯಾಚ್ ವೆಗಾನ್ ‘ಕರಿ’ ಮೇಕಪ್ ಜಾತಾಲಿ. ಗುಡ್ಸುಲಾಕ್, ಗುಡ್ಸುಲಾ ಬಿತರ್ಲ್ಯಾ ಮೊಡ್ಕೆಕ್ ಆನಿ ಮೊಡ್ಕೆಂತ್ ಖತ್ಕತ್ಚ್ಯಾ ತಾಂದ್ಳಾಕ್ ಸ್ತ್ರೀಯಾಂಕ್ ಸಂಸಾರಾಂತ್ ಸಮ್ಭ್ರಮುಂಕ್ ಏಕ್ ದೀಸ್ ಆಸಾ ಆನಿ ಸ್ತ್ರೀಯಾಂಚೊಂ ಏಕ್ ಸಂಸಾರ್ ಆಸಾ ಮ್ಹಳ್ಳೆಂಯ್ ಖಾಸ್ ಕಳಿತ್ ಆಸ್ಲೆಂ?
ಆಜ್ ಸಂಸಾರಾರ್ ಸ್ತ್ರೀಯಾಂಕ್ ಮ್ಹಣ್ ಏಕ್ ವಿಶೇಸ್ ದೀಸ್ ಆಸಾ ಅನಿ ಸಂಸಾರ್‌ಭರ್ ಸ್ತ್ರೀಯಾಂಚೊಂ ದೀಸ್ ಗದ್ದಳಾಯೆನ್ ಮಾನಾಯ್ತಾತ್. ಪುಣ್ ಕೊಲಿತಾಕ್ ತಾಂಬ್ಡೆಂ ಜಾಂವ್ಕ್, ಕಾಂಕ್ಣಾಂಕ್ ಆವಾಜ್ ಉಟಂವ್ಕ್ ಆಸಾ ಏಕ್ ಅವ್ಕಾಸ್ ? ಪಾಕ್ಯಾಚಾ ನಳ್ಯಾಂನಿ ದೆಂವ್ಚೆ ಪಾವ್ಳೆ ದುಲೊಬಿ ಕವಿತಾ ಜಾವ್ನ್ ವೆದಿ ಚಡ್ತಾನಾ, ದುಕಾಂಕ್ ನಾಜೂಕ್ ತುವಾಲ್ಯಾಂನಿ ಜಿರೊನ್ ಪಿಂಜೂನ್ ವಚಾನಾಸ್ತಾನಾ ದುಸ್ರಿ ವಾಟ್ ಕಾಂಯ್ ಆಸಾ?
ಸ್ತ್ರೀಯಾಂಚ್ಯಾ ದಿಸಾಚ್ಯಾ ಸಂಭ್ರಮಾಚಿ ಪೊಕೊಳಾಯ್ ನಿಯಾಳುಂಕ್ ಲಾಂವ್ಚಿ ಕವಿತಾ.
►ಎಚ್ಚೆಮ್
ನಳಿಯೆಂತ್ ಉಸ್ವಾಸ್ ಫುಂಕುನ್
ತಿಣೆಂ ಕೊಂಕ್ಲಿ ಕಾಡ್ತಾನಾ
ಮೊಡ್ಕಿ ತಾಪ್‌ಲ್ಲಿ
ಉದಾಕ್ ಆಸ್‌ಲ್ಲೆಂ
ನೀಸ್ ಜಾವ್ನ್ ಫೆಂಡ್ ವೊಂಕ್ತಾಲೊ
ಬಾವೊಡಿ ನಾಚ್ತಾಲಿ
ತಾಂದುಳ್ ಮೊಡ್ಕೆ ಭಿತರ್ ಖತ್ಕತ್ತಾಲೊ
ಕೊಲಿತ್ ರಾಗಾನ್ ತಾಂಬ್ಡೆಂ ಜಾಲ್ಲೆಂ
ಗೊಬೊರ್ ಪೌಡರ್ ಜಾಲ್ಲೊ
ಕರಿ ಮೇಕಪ್ ಜಾಲ್ಲೆಂ
ಆಜ್ ಪೌಡರ್, ಮೇಕಪ್ ಸಗ್ಳೆಂ ಆಸಾ
ಪೂಣ್ ಕಾಂಕ್ಣಾಂನಿ
ಆವಾಜ್ ಉಟಯ್ಲೊ ನಾ
ಪಾವ್ಶಿಲ್ಯಾ ದಿಸಾಂನಿ
ನಳ್ಯಾ ಪಾಕ್ಯಾರ್ ಥಾವುನ್
ದೆಂವೊನ್ ವೆಚ್ಯಾ ಪಾವ್ಳ್ಯಾಪರಿಂ
ತಿಚೆಂ ಮೊನೆಂ ರುದಾನ್
ಕೊಣಾಯ್ಕಿ ದಿಸ್ಲೆಂಚ್ ನಾ
ದುಕಾಂ ಜಿರ್ಲ್ಯಾಂತ್
ಪಿಂಜುನ್ ವೆಚ್ಯಾ
ನಾಜೂಕ್ ತುವಾಲ್ಯಾಂತ್.
► ಪ್ರಮೀಳಾ ಫ್ಲಾವಿಯಾ, ಕಾರ್ಕಳ್.
Wonderful poem Pammi.
ವಾಚ್ತಾನಾ ಹರ್ಯೇಕ್ ಉತಾರ್
ರೂಪ್ ರೂಪ್ ಪಿಂತುರ್ ದಿಸ್ತಾ.
Good work.
Pramila has written a very beautiful poem comparing the old lady such as our mothers and grandmothers working in the kitchen. Refreshing old memories and comparing ash to powder and makeup is beyond imagination.
Great poetry, enjoyed reading.. Keep writing.. Hats off..
Beautiful elaborated the golden old days..