ಸಾಂ.ಲುವಿಸ್ (ಸ್ವಾಯತ್ತ್) ಕೊಲೆಜಿಚ್ಯಾ ಕೊಂಕ್ಣಿ ಸಂಘಾಚ್ಯಾ ತರ್ಫೆನ್ ಸಾಧಕಾಂಕ್ ಸನ್ಮಾನ್ ಆನಿ ಕೊಂಕ್ಣಿ ಪುಸ್ತಕಾಚೆಂ ಲೊಕಾರ್ಪಣ್ ಕಾರ್ಯೆಂ ಸಾನಿಧ್ಯ ಸಭಾಂಗಣಾಂತ್ ಚಲ್ಲೆಂ.
ದೊ| ಲ| ಆಸ್ಟಿನ್ ಡಿ’ಸೋಜ ಪ್ರಭು ಆನಿ ಶ್ರೀಮತಿ ಗೌರಿ ಮಲ್ಯ ಹಾಂಕಾ ತಾಣಿ ಕೊಂಕ್ಣೆ ಖಾತಿರ್ ದಿಲ್ಲ್ಯಾ ಸೆವೆಕ್ – ಅನುಕ್ರಮಾನ್ ‘ಅಂತರಾಶ್ಟ್ರೀಯ್ ಕೊಂಕ್ಣಿ ಸಾಹಿತ್ಯ ಕಲಾ ಜೀವಮಾನ ಸಾಧಕ್’ ಆನಿ ‘ಕಲಾಸಾಹಿತ್ಯ ಸಾಧಕಿ’ ಪ್ರಶಸ್ತ್ಯೊ ದೀವ್ನ್ ಸನ್ಮಾನ್ ಕೆಲೊ. ಸಭೆಕ್ ದೊ| ಆಸ್ಟಿನಾಚಿ ವಾಲ್ಟರ್ ನಂದಳಿಕೆ ಆನಿ ಶ್ರೀಮತಿ ಗೌರಿ ಮಲ್ಯ ಹಾಂಚಿ ಒಳಕ್ ದೊ| ರೋಸ್ ವೀರ ಡಿಸೋಜಾ ಹಾಣಿ ಕರುನ್ ದಿಲಿ.
ಹ್ಯಾ ಸುವಾಳ್ಯಾರ್ ಕು। ಆಂಜೇಲಿನ್ ಡಿಸೋಜಾಚೊ ‘ಮ್ಹಜ್ಯಾ ಜಿವಿತಾಚಿ ಪಂಣ್ತಿ’ ಮ್ಹಳ್ಳೊ ಕವಿತಾ ಸಂಗ್ರಹ್ ಮೊಕ್ಳಿಕ್ ಜಾಲೊ. ಪುಸ್ತಕಾ ವಿಶ್ಯಾಂತ್ ಕೊಲೆಜಿಚೊ ರಿಜಿಸ್ಟ್ರಾರ್ ಡೊ| ಆಲ್ವಿನ್ ಡೆಸಾ ಉಲಯ್ಲೊ.
ಕಾರ್ಯಾಕ್ ಮಾ| ಬಾ| ಲಿಯೊ ಸೋಜ್, ಕೊಲೆಜ್ ಪ್ರಾಶುಂಪಾಲ್ ಮಾ| ಬಾ| ದೊ| ಪ್ರವೀಣ್ ಮಾರ್ಟಿಸ್ ಸಯ್ರೆ ಜಾವ್ನ್ ಆನಿ ಅಧ್ಯಕ್ಷ್ ಜಾವ್ನ್ ರೆಕ್ಟರ್ ಮಾ| ಬಾ| ಮೆಲ್ವಿನ್ ಪಿಂಟೊ ಹಾಜರ್ ಆಸ್ಲೆ.
ಕೊಂಕ್ಣಿ ವಿಭಾಗ್ ಪ್ರಮುಕ್ ಶ್ರೀಮತಿ ಫ್ಲೋರಾ ಕಾಸ್ತೆಲಿನೊ ಹಿಣೆ ಯೆವ್ಕಾರ್ ಮಾಗ್ಲೊ. ಕು| ರೀಶಲ್ ಡಿಸೋಜಾನ್ ದಿನ್ವಾಸ್ ಪಾಟಯ್ಲೆ. ರಾಹುಲ್ ನೊರೊನ್ಹಾನ್ ಕಾರ್ಯೆಂ ಚಲವ್ನ್ ವೆಲೆಂ.
ಕಾರ್ಯಾಚ್ಯಾ ಅಕೇರಿಕ್ ‘ಮಾ ಸಿನೇಮ ಹೈ’ ಮ್ಹಳ್ಳೆಂ ಸಂದೀಪ್ ಮಲಾನಿಚೆಂ ಫಿಲ್ಮ್ ಪ್ರದರ್ಶಿತ್ ಜಾಲೆಂ.
