‘ಕನ್ನಡಿಗರು ದುಬಯ್’ ಆನಿ ‘ಕರ್ನಾಟಕ ಪ್ರೆಸ್ ಕ್ಲಬ್ ಕೌನ್ಸಿಲ್’ ಹಾಂಚ್ಯಾ ಜೋಡ್‌ ಆಸ್ರ್ಯಾಖಾಲ್ ಸನ್ವಾರಾ, 19 ನವೆಂಬರ್ 2022 ವೆರ್, ದುಬಯ್ಚ್ಯಾ ಶೇಖ್ ರಾಶೀದ್ ಅಡಿಟೊರಿಯಮಾಂತ್ ಮಾಂಡುನ್ ಹಾಡ್ಲೆಲ್ಯಾ ‘ವಿಶ್ವ ಕನ್ನಡ ಹಬ್ಬ’ ಕಾರ್ಯಕ್ರಮಾಂತ್, ಅನಿವಾಸಿ ಉದ್ಯಮಿ, ತಾಲೆಂತ್ವಂತ್ ಗಾವ್ಪಿ ತಶೆಂ ನಟ್, ದಾನಿ ಮಾನೆಸ್ತ್ ಜೋಸೆಪ್ ಮಥಾಯಸ್ ಹಾಂಕಾ ಪ್ರತಿಷ್ಠಿತ್ ಅಂತರಾಷ್ಟ್ರ‍ೀಯ್ ವಿಶ್ವಮಾನ್ಯ ಪ್ರಶಸ್ತಿ ಪ್ರದಾನ್ ಕರುನ್ ಮಾನ್ ಕೆಲಾ.
ಮಯ್ಸೂರ್ಚೊ ಮಹಾರಾಯ್ ಶ್ರೀ ಯದುವೀರ್ ಕೃಷ್ಣದತ್ತ ಚಾಮರಾಜ್ ಒಡೆಯಾರ್ ಹಾಂಚ್ಯಾ ಹಸ್ತುಕಿಂ ಮಾನೆಸ್ತ್ ಜೋಸೆಫ್ ಮಥಾಯಸ್ ಹಾಂಕಾ ಹಿ ಪ್ರಶಸ್ತಿ ಪ್ರದಾನ್ ಕೆಲ್ಲಿ ಆಸುನ್, ಪ್ರಶಸ್ತಿ ಪ್ರದಾನ್ ಸುವಾಳ್ಯಾರ್ ಮಹರ್ಷಿ ಆನಂದ ಗುರೂಜಿ, ನಟ್ ವಿಜಯ ರಾಘವೇಂದ್ರ ಆನಿ ಹೆರ್ ಮಾನೆಸ್ತ್ – ಮಾನೆಸ್ತಿಣಿ ಹಾಜರ್ ಆಸ್ಲಿಂ.
ಮೆರಿಟ್ ಫ್ರೈಟ್ ಶಿಪ್ಪಿಂಗ್ ಹ್ಯಾ ನಾಂವಾರ್ ಉದ್ಯಮ್ ಚಲವ್ನ್ ಆಸ್ಚೊ ಮಾನೆಸ್ತ್ ಜೋಸೆಫ್ ಮಥಾಯಸ್ ಮುಳಾನ್ ಕುಪ್ಪೆಪದವುಚೊ. ಮಂಗ್ಳುರ್, ಮುಂಬಯ್ ಆನಿ ದುಬಂಯ್ತ್ ತಾಚೆಂ ಉದ್ಯಮ್ ವಿಸ್ತಾರ‍್ಲಾಂ ಆಸೊನ್, ಖುದ್ ಏಕ್ ಕಲಾಕಾರ್ ಜಾವ್ನಾಸ್ಚೊ ತೋ – ಫಕತ್ ಕೊಂಕ್ಣಿ ಮಾತ್ ನಯ್, ಕನ್ನಡ, ತುಳು ಅಶೆಂ ಹರ್ ಭಾಸಾಂಚ್ಯಾ ಕಲಾಕಾರಾಂಕ್, ಬರಯ್ಣಾರಾಂಕ್ ತಾಂಚೆಂ ತಾಲೆಂತ್ ಉಜ್ವಾಡಾ ಹಾಡುಂಕ್ ಸದಾಂಚ್ ಕುಮಕ್ ಕರ್ತಾ.
ಕೊವ್ಳ್ಯಾಂನಿ ಆನಿ ನಾಯ್ಟಾಂನಿ ತಾಣೆ ಪದಾಂ ಗಾಯ್ಲ್ಯಾಂತ್, ಸಿನೆಮಾಂನಿ ನಟನ್ ಕೆಲಾಂ. ಕವಿತಾ ಟ್ರಸ್ಟ್ (ರಿ) ಹಾಣಿ ವರ‍್ಸಾವಾರ್ ದಿಂವ್ಚ್ಯಾ ಕವಿತಾ ಪುರಸ್ಕಾರಾಚೊ ಪ್ರಧಾನ್ ಪೋಶಕ್ ಜಾವ್ನಾಸ್ಚೊ ತೋ, ಅಶೋಕನಗರ ಯುವಕ ಮಂಡಲ ಹಾಚೊ ಮಹಾಪೋಶಕ್ ಜಾವ್ನಾಸೊನ್ – ಹರ್ ವರ‍್ಸಾ ಸುಟ್ಕೆಪರ‍್ಬೆ ವೆಳಾರ್ ಸಮಾಜೆಂತ್ಲ್ಯಾ ಮೆರೆವಯ್ಲ್ಯಾ ಲೊಕಾಕ್ ವಸ್ತುರ್, ಚಿಕಿತ್ಸೆಕ್ ದುಡು, ವಿದ್ಯಾರ್ಥಿಂಕ್ ಯುನಿಫೊರ್ಮ್, ಸ್ವಂತ್ ವ್ಯಾಪಾರ್ ಕರ‍್ತೆಲ್ಯಾಂಕ್ ಸೈಕಲ್ ವಾ ಶಿವ್ಣೆಮೆಶಿನಾಂ ಅಶೆಂ ಕುಮ್ಕೆಹಾತ್ ಪಾಟ್ಲ್ಯಾ ಸಬಾರ್ ವರ್ಸಾಂ ಪಾಸುನ್ ದೀವ್ನ್ ಆಯ್ಲಾ.
ಪ್ರಸ್ತುತ್ ಆಪ್ಲ್ಯಾ ಕುಟ್ಮಾಸಾಂಗಾತಾ ದುಬಂಯ್ತ್ ವಸ್ತಿ ಕರುನ್ ಆಸ್ಚೊ ಮಾನೆಸ್ತ್ ಜೋಸೆಫ್ ಮಥಾಯಸ್, ಗಾಂವಾಂತ್ ಬೆಂದುರ್ ಫಿರ್ಗಜೆಚೊ ನಿವಾಸಿ.
A grt humble person who knws the pain of others Kalakaranso patrin munns navdllya Joseph baban samjek dilli dengi mostu asa Tumche bore jaanv ..Congratulations
ಆಮ್ಚ್ಯಾ ಸಮಾಜಾಂತ್ ಬೋವ್ ಥೊಡೊ ಲೋಕ್ ಗುಪ್ತಿಂ, ಕೊಣಾಯ್ಕಿ ಕಳಯ್ನಾಸ್ತಾಂ ದಾನ್-ಧರ್ಮ್ ಕರ್‍ತಾತ್. ಲೊಕಾಚ್ಯಾ ಗರ್ಜೆ ಆಕಾಂತಾ ವೆಳಾರ್ ಪಾವ್ತಾತ್. ಖಂತಿಚ್ಯಾ ಜಿವಿತಾಂತ್ ಉಲ್ಲಾಸಾಚಿಂ ಕಿರ್ಣಾಂ ಫಾಂಕಯ್ತಾತ್. ತ್ಯಾ ಪಯ್ಕಿ ಜೋಸೆಫ್ ಮಥಾಯಸ್ ಎಕ್ಲೊ. ಆಪ್ಲ್ಯಾ ಉದ್ಯಮಾಂತ್ ಕಶ್ಟ್ ಕಾಡುನ್ ಯಶಸ್ವಿ ತಾಣೆ ಆಪ್ಣಾಯ್ಲ್ಯಾ. ಜೊಡಲ್ಯಾಂತ್ಲೆಂ ಸಮಾಜಾಕ್ ತೊ ಪಾಟಿಂ ದಿತೇ ಆಸಾ. ಜಾಯ್ತ್ಯಾ ಕಲಾಕರಾಂಕ್ ತೊ ಉತ್ತೇಜನ್ ದೀವ್ನ್ ಆಯ್ಲಾ. ತಾಚೆ ತಸಲೆ ಬರೆ ಮನೀಸ್ ಆಮ್ಚೆ ಕೊಂಕಣಿಕ್ ಲಾಭಲ್ಲೆಂ ಆಮ್ಚೆಂ ಭಾಗ್ ಮ್ಹಣುನ್ ಲೆಕಿಜಾಯ್.
’ವಿಶ್ವ ಕನ್ನಡ ಹಬ್ಬ’ ಸಂದರ್ಭಾರ್ ಮೈಸುರ್‍ಚ್ಯಾ ರಾಯಾಥಾವ್ನ್ ಅಂತರ್ರಾಷ್ಟ್ರೀಯ್ ವಿಶ್ವಮಾನ್ಯ ಪ್ರಶಸ್ತಿ ತಾಂಕಾಂ ಲಾಭ್ಲ್ಯಾ ಮ್ಹಣ್ತಾನಾ ತಾಕಾ ಕಿತ್ಲಿ ಖುಶಿ ಜಾಲ್ಯಾ, ತಾಚ್ಯಾಕೀ ದೊಡ್ತಿ ಆಮ್ಕಾಂ ಜಾಲ್ಯಾ. ತಾಂಕಾಂ ಬರಿ ಸಾವುದ್ ಮಾಗ್ತಾಂ.
ಮೆಲ್ವಿನ್ ರೊಡ್ರಿಗಸ್
Congratulations Mr. Mathias, well deserved, wish you more success – God bless you.
Congratulations to Joseph Mathias for the International Viswamanya Prashasthi. A Well-deserved Award to a great human being. May he rise in fame again and again.
Congratulations🎉🎉🎉🎉 sir.. Proud of you especially for helping out to stand on their feet and supporting all the associations and organisations without any hesitation..
Wishing you more success and good health…