“ಆಮ್ಚೊ ದೇಶ್ ಬ್ರಿಟಿಶಾಂಚ್ಯಾ ಬಂದಡೆಂತ್ಲೊ ಸ್ವತಂತ್ರ್ ಜಾವ್ನ್ ವರ್ಸಾಂ 75 ಜಾತಾತ್. ಆಜ್ ಆಮಿ ವ್ಹಡ್ ಉತ್ಸವ್ ಮಾನಾಯ್ತಾಂವ್, ಹರ್ ಘರ್ ತಿರಂಗಾ ಅಭಿಯಾನ್ ಚಲವ್ನ್ ಆಸಾಂವ್. ಪೂಣ್ ಸರ್ವ್ ವರ್ಗಾಚ್ಯಾ ಲೊಕಾಕ್ ಭುಕ್ ಆನಿ ಬೆಕಾರ್ಪಣಾಥಾವ್ನ್ ಸುಟ್ಕಾ ಲಾಭ್ಲ್ಯಾ ಮ್ಹಣ್ ಭೊಗ್ತಾಗೀ ? ಹ್ಯಾ ದೆಶಾಂತ್ ಭುರ್ಗಿಂ ಆನಿ ಸ್ತೀಯೊ ಸುರಕ್ಷಿತ್ ಆಸಾತ್ ಮ್ಹಣ್ ಭೊಗ್ತಾಗೀ ? ಜ್ಯಾ ದಿಸಾ ದೆಶಾಚ್ಯಾ ಹರ್ ನಾಗರಿಕಾ ಪರ್ಯಾಂತ್ ಮುಳಾವೊ ಸವ್ಲತ್ಯೊ ಪಾವ್ತಾತ್ ತವಳ್ ಮಾತ್ ಖರ್ಯಾ ಅರ್ಥಾನ್ ಆಮ್ಕಾಂ ಲಾಭ್ಲ್ಲೆಂ ಸ್ವತಂತ್ರ್ ಅಮೃತ್ ಜಾತಾ” ಮ್ಹಣಾಲೊ ಅನಿವಾಸಿ ಉದ್ಯಮಿ, ಕರ್ನಾಟಕ ಸಂಘ ಮಯೂರ ಪ್ರಶಸ್ತಿ ವಿಜೇತ್ ಸಮಾಜ್ಸೇವಕ್ ಮಾನೆಸ್ತ್ ಜೋಸೆಫ್ ಮಥಾಯಸ್.
ಮಾನೆಸ್ತ್ ಜೋಸೆಫ್ ಮಥಾಯಸ್ ಅಶೋಕನಗರ ಯುವಕ ಸಂಘ(ನೊ) ಹಾಣಿ ಗರ್ಜೆವೊಂತಾಕ್ ವಯ್ಜಾಕೀಯ್ ಕುಮಕ್, ಇಸ್ಕೊಲಾಚ್ಯಾ ಭುರ್ಗ್ಯಾಂಕ್ ಯುನಿಫೊರ್ಮ್ ಆನಿ ಮಾಲ್ಘಡ್ಯಾ ನಾಗರಿಕಾಂಕ್ ಪುಡ್ವಿಂ – ಕಾಪ್ಡಾಂ ವಿತರಣ್ ಕರ್ಚ್ಯಾ ಕಾರ್ಯಾಂತ್ ಮುಕೆಲ್ ಸಯ್ರೊ ಜಾವ್ನ್ ಉಲಯ್ತಾಲೊ.
ಆಪ್ಲಿಂ ಜಲ್ಮ್ ದಾತಾರಾಂ ಲೊರೆನ್ಸ್ ಮಥಾಯಸ್ ಆನಿ ಮೇರಿ ಮಥಾಯಸ್ ಹಾಂಚ್ಯಾ ಉಡಾಸಾಕ್ ಪಾಟ್ಲ್ಯಾ 15 ವರ್ಸಾಂ ಪಾಸುನ್ ಹರ್ಯೆಕಾ ವರ್ಸಾ ಸುಟ್ಕೆ ಪರ್ಬೆ ದಿಸಾ, ಜಿಲ್ಲಾ ಅತ್ಯುತ್ತಮ್ ಯುವಕ ಮಂಡಳ ಪ್ರಶಸ್ತಿ ವಿಜೇತ್ ಅಶೋಕನಗರ ಯುವಕ ಸಂಘ(ನೊ) ಹಾಂಚ್ಯಾ ಮುಕಾಂತ್ರ್ ಮಾನೆಸ್ತ್ ಜೋಸೆಫ್ ಮಥಾಯಸ್ ಗರ್ಜೆವೊಂತಾಂಕ್ ಭಲಾಯ್ಕಿ, ಶಿಕಪ್ ಆನಿ ಜಿಣ್ಯೆವ್ಯಾಪ್ತೆಕ್ ಕುಮಕ್ ದೀವ್ನ್ ಆಯ್ಲಾ. ಹರ್ಯೆಕಾ ವರ್ಸಾ ಬಾಲವಾಡಿ ಪಾಸುನ್ ಸಾತ್ವಿ ಪರ್ಯಾಂತ್ ಇಸ್ಕೊಲಾಚ್ಯಾ ಭುರ್ಗ್ಯಾಂಕ್ ಯುನಿಫೊರ್ಮ್, ಮಾಲ್ಘಡ್ಯಾಂಕ್ ವಸ್ತುರ್ ಆನಿ ದಿಸ್ಪಡ್ತ್ಯಾ ಗ್ರಾಸ್ ಜೊಡುಂಕ್ ಉಪ್ಕಾರಾಕ್ ಪಡ್ಚೆ ತಸಲೆ ವಸ್ತು – ಜಶೆಂ ಸೈಕಲ್, ಶಿವ್ಣೆ ಮೆಶಿನ್ ದೀವ್ನ್ ಆಯ್ಲಾ. ಪ್ರಸ್ತುತ್ ವರ್ಸಾ 4 ಜಣಾಂಕ್ ವಯ್ಜಾಕೀಯ್ ಕುಮಕ್, ಎಕ್ಲ್ಯಾಕ್ ವ್ಹೀಲ್ ಚೇರ್, ಎಕ್ಲ್ಯಾಕ್ ಶಿವ್ಣೆ ಮೆಶಿನ್ ಆನಿ ಇಸ್ಕೊಲಾಚ್ಯಾ ಭುರ್ಗ್ಯಾಂಕ್ ಯುನಿಫೊರ್ಮ್ ಆನಿ ಮಾಲ್ಘಡ್ಯಾಂಕ್ ವಸ್ತುರ್ ವಾಂಟುನ್, ಸಕಾಳಿಂಚ್ಯಾ ಆದೇಸಾರ್ ಅಶೋಕನಗರ ಹಿರಿಯ ಪ್ರಾಥಮಿಕ ಶಾಳೆಚ್ಯಾ ಸಭಾಮ್ಗ್ಣಾಂತ್, ಸುಟ್ಕೆಚೊ ಸಂದೇಶ್ ದೀವ್ನ್ ತೋ ಉಲಯ್ತಾಲೊ.
ಮುಂದರುನ್ ತಾಣಿ ಮ್ಹಣೆಂ ” ಸರ್ಕಾರಾಕ್ ಸರ್ವಾಂಚ್ಯಾ ಗರ್ಜಾಂಕ್ ಪಾವೊಂಕ್ ಸಾಧ್ಯ್ ಜಾಯ್ನಾ. ತವಳ್ ಸರ್ಕಾರಾ ಸಾಂಗಾತಾ ಆಮೀಯ್ ಹಾತ್ ಮೆಳಯ್ಜೆ ಪಡ್ತಾ. ಭಲಾಯ್ಕಿ – ಶಿಕಪ್ – ನಿತಳಾಯ್ ತಸಲೊ ಉದಾತ್ತ್ ಧ್ಯೇಯ್ ಘೆವ್ನ್ ವಾವುರ್ಚ್ಯಾ ಅಶೋಕನಗರ ಯುವಕ್ ಸಂಘಾಚೊ ವಾವ್ರ್ ವಾಖಣ್ಣೆಕ್ ಫಾವೊ. ತಾಂಚ್ಯಾ ವಾವ್ರಾಕ್ ಸರ್ಕಾರಾನ್ ಸಯ್ತ್ ಪ್ರಶಸ್ತಿ ದೀವ್ನ್ ತಾಂಕಾ ಮನ್ಯತಾ ದಿಲ್ಯಾ. ತಾಂಚ್ಯಾ ಸಮಾಜ್ಮುಖಿ ಕಾಮಾಚಿ ದೇಕ್ ಘೆವ್ನ್ ನಿಸ್ವಾರ್ಥ್ಪಣಾನ್ ವಾವುರ್ಚೆ ಚಡ್ ಆನಿ ಚಡ್ ಸಂಸ್ಥೆ ಉದೆಂವ್ದಿತ್”
ಫಾಮಾದ್ ಕಾರ್ಯಾನಿರ್ವಾಹಕ್ / ಗಾವ್ಪಿ ಮಾನೆಸ್ತ್ ಅರುಣ್ ದಾಂತಿ, ಪೆರ್ನಾಲ್ ಹಾಣೆ ಮಾನೆಸ್ತ್ ಜೋಸೆಫ್ ಹಾಂಚ್ಯಾ ಭಿತರ್ಲ್ಯಾ ಕಲಾಕಾರಾವಿಶಿಂ, ತಾಂಚ್ಯಾ ಸಮಾಜ್ಮುಖಿ ವಾವ್ರಾವಿಶಿಂ ವಿವರ್ ದಿಲೊ ಆನಿ ಕೊಲ್ಕೋತ್ತಾಚಿ ಮದರ್ ತೆರೆಜಾ ಹಾಂಚ್ಯಾ ಉತ್ರಾಂಕ್ ಉಲ್ಲೇಕ್ ಕರುನ್ ಗರ್ಜೆಂತ್ ಆಸ್ಚ್ಯಾ ಸಗ್ಳ್ಯಾಂ ಪರ್ಯಾಂತ್ ಪಾವೊಂಕ್ ದೆವಾಕೀ ಸಾಧ್ಯ್ ಜಾಯ್ನಾ, ದೆಕುನ್ ದೆವಾನ್ ಜೋಸೆಫ್ ಮಥಾಯಸ್ ತಸಲ್ಯಾಂಕ್ ಆಮ್ಚೆ ಮಧೆಂ ಧಾಡುನ್ ದಿಲಾಂ ಮ್ಹಣ್ ಮಾನೆಸ್ತ್ ಜೋಸೆಫ್ ಮಥಾಯಸಾಚಿ ಸಮಾಜ್ ಸೆವಾ ವಾಖಣ್ಲಿ. ಆಮ್ಚ್ಯಾ ಸಮಾಜೆಂತ್ ಕೊರೊಡಾಂನಿ ದುಡು ಆಸ್ಚೆ ಜಾಯ್ತೆ ಆಸಾತ್ ಪೂಣ್ ಸಗ್ಳ್ಯಾಂಕ್ ಮಾನೆಸ್ತ್ ಜೋಸೆಫ್ ಮಥಾಯಸಾಪರಿಂ ಗರ್ಜೆವೊಂತಾಂಕ್ ಪಾಂವ್ಚೆಂ ಬರೆಂ ಮನ್ ಆಸಾನಾ ಮ್ಹಣ್ ಮಾನೆಸ್ತ್ ದಾಂತಿ ಹ್ಯಾ ಸಂದರ್ಭಿಂ ಮ್ಹಣಾಲೊ.
ಹ್ಯಾ ಸುವಾಳ್ಯಾರ್ ಫಾಮಾದ್ ತುಳು ನಾಟಕಿಸ್ತ್, ಫಿಲ್ಮ್ ನಿರ್ದೇಶಕ್ ಮಾನೆಸ್ತ್ ವಿಜಯ ಕುಮಾರ್ ಕೊಡಿಯಾಳ್ಬಯ್ಲ್. ರಿಲಯನ್ಸ್ ಇಂಡಸ್ಟ್ರಿಚೊ ಆದ್ಲೊ ಅಧಿಕಾರಿ ಮಾನೆಸ್ತ್ ಸುಧಿನ್ ಕುಮಾರ್, ಎಸ್.ಎಮ್.ಕೆ.ಸಿ. ದುಬಯ್ ಹಾಚೊ ಅಧ್ಯಕ್ಷ್ ಮಾನೆಸ್ತ್ ನೋಯೆಲ್ ಮಸ್ಕರೇನ್ಹಸ್, ಮಾನೆಸ್ತಿಣ್ ಜೆನ್ನಿಫರ್ ಮಸ್ಕರೇನ್ಹಸ್, ಅಶೋಕನಗರ ಯುವಕ ಸಂಘ(ನೊ) ಹಾಚೊ ಗೌರವ್ ಅಧ್ಯಕ್ಷ್ ಮಾನೆಸ್ತ್ ಜೋಸೆಫ್ ಲೋಬೊ, ಅಧ್ಯಕ್ಶ್ ಮಾನೆಸ್ತ್ ಜಯರಾಮ್, ಉಪಾಧ್ಯಕ್ಶ್ ಪ್ರಭಾಕರ್ ಎಸ್ ಆನಿ ನಿರಂಜನ್, ಪ್ರಧಾನ್ ಕಾರ್ಯದರ್ಶಿ ಬಿ. ವಸಂತ ಕುಮಾರ್, ಸಾಂಗಾತಿ ಕಾರ್ಯದರ್ಶಿ ಬಾಲಕೃಷ್ಣ ದೇವಾಡಿಗ ಆನಿ ಕೆ. ವಸಂತ ಕುಮಾರ್, ಕೋಶಾಧಿಕಾರಿ ನವೀನ್ ಕುಮಾರ್, ಖೆಳಾ ಕಾರ್ಯದರ್ಶಿ ಪ್ರಶಾಂತ್ ಆರ್, ಸಾಂಗಾತಿ ಖೆಳಾ ಕಾರ್ಯದರ್ಶಿ ದಯಾನಂದ ಶೆಟ್ಟಿ ಆನಿ ಸಮಿತಿ ಸಾಂದೆ ರಿತೇಶ್ ಕುಮಾರ್, ನಿತಿನ್ ಮಾಡ, ಶ್ರೀನಿವಾಸ ಕರ್ಕೇರ, ದಾಮೋದರ ಶೆಟ್ಟಿ ಆನಿ ಸಂಘಾಚೆ ಸಾಂದೆ ಹಾಜರ್ ಆಸ್ಲೆ.
ಗುಜರಾತಂತ್ ಗ್ಯಾಂಗ್ ರೇಪ್ ಕೆಲ್ಲ್ಯಾಂಕ್ ಅನಿಂ ಬಾಳ್ಶ್ಯಾಂಚಿ ಖುನಿ ಕೆಲ್ಲ್ಯಾಂಕ್ ಸುಟ್ಕಾ ದೀತಾನಾ ಆನಿಂ ತಾಂಕಾ ಬೊರೊ ಯೇವ್ಕಾರ್ ಮಾಗ್ತಾನಾ ಆಮ್ಚಾ ದೇಶಾಂತ್ ಅನಿಂ ಸಮಾಜೆಂತ್ ಸ್ತ್ರೀಯಾಂಕ್ ಕಿತ್ಲಿ ಭದ್ರತಿ ಆಸಾ, ಸ್ಥಾನ್ ಮಾನ್ ಕಿತೆಂ ಮ್ಹುಳ್ಳೆಂ ಸವಾಲ್ ಉಬ್ಜಾತಾ.
That’s right Sir Joseph until and unless the people of this great democratic country stand on their on feet we can’t celebrate real Independence Day.
The people are becoming poorer day by day while rich becoming billionaires until and unless this gap is reduced we can’t celebrate Independence.
There are many more issues especially pertaining women and children who are exploited, huge unemployment, inadequate medical facilities, etc etc. Until and unless these issues taken seriously we can’t celebrate Independence Day.
Thanks for your generous contributions for various charitable deeds.. You are a role model for many to think of poor and under privileged..