“ಕಾಲೆಂ ಸಗ್ಳೊ ದೀಸ್ ತ್ಯಾ ನ್ಯೂಸ್-ಪೇಪರಾಂತ್ ಬುಡ್ತಾಯ್? ಕುಜ್ಞಾಂತ್ ಫ್ರಿಜ್ಜ್ ಖಾಲಿ ಜಾಲಾಂ ತಾಚಿ ಪರ್ವಾ ನಾಂ. ಹೊ ಏಕ್ಲೊ ಸಗ್ಳ್ಯಾ ಸಂಸಾರಾಚಿಂ ಸಮಸ್ಸಿಂ ಆಪ್ಲ್ಯಾ ಮಾತ್ಯಾ ವಯ್ರ್ ಘೆವ್ನ್ ಮಾಂಡ್ಡೆ ಬೆಚ್ಚಾ ಕರ್ನ್ ಬೊಸ್ಲಾ”. ಕುಜ್ಞಾಂತ್ ಅಯ್ದನಾಂ ಬಡೊವ್ನ್ ಆಸ್ಲೆಲಿ ಮದಾಮ್ ಎಕಾಚ್ಚಾಣೆಂ ಹೊಲಾಕ್ ಯೇವ್ನ್ ಕಿಂಕ್ರಾಟ್ಲಿ. “ದೊನ್ಪರಾಂ ಜೇಂವ್ಕ್ ಜಾಯ್ ತರ್, ವಚ್ ಆನಿಂ ಮಾಸ್ಳಿ ಹಾಡ್”.
ಹಾಂವ್ ಹೊಲಾಂತ್ ಏಕಾ ಕೊನ್ಶ್ಯಾಕ್ ದವರ್ಲೆಲ್ಯಾ ಮ್ಹಜ್ಯಾ ಇಜಿ-ಚೇರಾರ್ ಆರ್ಧೊ ಆಡ್ ಪಡೊನ್ ಟೈಮ್ಸ್ ಒಫ್ ಇಂಡಿಯಾ ದಿಸಾಳೆಂ ವಾಚ್ತಲೊಂ. “ತುಕಾ ಗೊತ್ತಾಸಾ, ಆಜ್ ಪೈಲೆಂ ಪಾವ್ಟಿಂ ಎಕಾ ಡೊಲರಾಕ್ ಆಂಯ್ಶಿಂ ರುಪಯ್ ರೆಟ್ ಪಡ್ಲ್ಯಾ”.
“ಆಮ್ಚ್ಯೆಂ ಮೊಗೊರ್ಲೆಂ ಮಾಸ್ಳೆಕ್ ಡೊಲರ್ ಘೆನಾಂ. ರುಪಯ್‌ಚ್. ತುಕಾ ತಿ ಖಂತ್ ಕಿತ್ಯಾಕ್”?
ಯೆದೆಂ ವ್ಹಡ್ಲೆಂ ರಾಷ್ಟ್ರೀಯ್ ಸಮಸ್ಸೆಂ ಹೆಂ. ಮ್ಹಜ್ಯೆ ಬಾಯ್ಲೆಕ್ ಕಾಂಯ್ಚ್ ಪಡೊನ್ ಗೆಲ್ಲೆಂ ನಾಂ. ” ಮೊಗೊರ್ಲೆಂ ಡೊಲರ್ ಘೆನಾಂ ವ್ಹಯ್ ಪೂಣ್ ಮಾಸ್ಳೆಚಿಂ ಮೋಲಾಂ ಕಳಿತ್ ಆಸಾತ್‌ಗೀ ತುಕಾ? ಕಶೆಂ ಡೊಲರಾಚ್ಯೆಂ ಮೋಲ್ ವಯ್ರ್ ಗೆಲಾಂ ತಾಚ್ಯಾಕೀ ವರ್ತ್ಯಾ ಮಾಫಾನ್ ಸುರ್ಮಾಯೆಚ್ಯೆಂ ಮೋಲ್ ಚಡ್ಲಾಂ. ಆಮ್ ಲೋಕಾನ್ ಸುರ್ಮಾಯ್ ಖಾಂವ್ಚ್ಯೆಂ ಭಾಶೆನ್ ನಾಂ. ಆಮ್ಚ್ಯಾ ನಶಿಬಾಂತ್ ಆಯ್ಸಾಚ್ಯೆ ತಾರ್ಲೆ, ಬೋಂಬಿಲ್ ಆನಿಂ ಪೂಡ್ ಮಾಸ್ಳಿ‌ಚ್ ಭೊಗೆಲ್ಯಾ”. ಉದ್ಗಾರ್ಲೊಂ ಹಾಂವ್.
ಆಜ್ ಮ್ಹಾರ್ಗಯ್ ಮೊಳ್ಬಾಕ್ ತೆಂಕ್ಲ್ಯಾ. ಹರ್ಯೇಕಾ ವಿಷಯಾಚ್ಯೆರ್ ಫಟ್ ಮಾರ‍್ಚೊ ಆಮ್ಚೊ ಕೆಂದ್ರ್ ಸರ್ಕಾರ್ ಲೆಗುನ್ ಒಪ್ತಾ. ಮ್ಹಾರ್ಗಯೆಚಿ ದರ್ 8% ಖಂಯ್! ಅಸ್ಲಿ ಮ್ಹಾರ್ಗಯ್ ಕಿತ್ಲಿ ತೆಂ ಮ್ಹಕಾ ವಿಚಾರಾ. ಆದ್ಲ್ಯಾ ಮ್ಹಯಿನ್ಯಾಂತ್ ಏಕ್ ಕಿಲೊ ಸುರ್ಮಾಯ್ 800 ರುಪಿಯಾಂಕ್ ವಿಕ್ತೆಲೆಂ. ಆತಾಂ 1,600 ರುಪಯ್. ಹಾಂವ್ ಖಾಸ್ ಗಿರಾಯ್ಕ್. ಬಜರಾಂತ್ ಮೋಲ್ ವಿಚಾರ್ನ್ ಭೊಂವಾನಾಂ. ತರ್, ಮ್ಹಾಕಾ ಅಶೆಂ ಲುಟ್ಚ್ಯೆಂ‌ಗೀ ಮ್ಹಣ್ ಶಿಣ್ ಕೆಲ್ಯಾ ಉಪ್ರಾಂತ್, ವೊದ್ದು ವೊರಾಂಟ್ ಕರ್ತಾ ಮ್ಹಜ್ಯೆಂ ಖಾಸ್ ಮೊಗೊರ್ಲೆಂ. ಉಪ್ರಾಂತ್, ಘುಟಾನ್ ತುಕಾ ಮಾತ್ರ್ ಹೆಂ ಮೋಲ್ ದಿತಾಂ ಪೂಣ್ 1300 ರುಪಿಯಾಂ ಸಕಯ್ಲ್ ಪರ್ವಡ್ನಾ, ಜಾಯ್ ತರ್ ಘೆ ಮ್ಹಣೊನ್, ಮೊಗೊರ್ಲೆಂ ಮ್ಹಜ್ಯೆ ಖಾತಿರ್ ಸುರ್ಮಾಯ್ ಶಿಂಜುಂಕ್ ಲಾಗ್ತಾ.
“ಮ್ಹಾರ್ಗಯ್ ಮ್ಹಣ್ ಪೋಟ್ ಬಾಂಧುನ್ ಬೊಸ್ತಾತ್ ಥೊಡೆ. ತುಜ್ಯೆಂ ಫುಟ್ ಬೋಲಾ ತಸ್ಲೆಂ ತೊಂದು ಪೋಟ್ ಪೊಳೆ. ತಾಂತು ವ್ಹಾರೆಂ ಭೊರೊಂಕ್ನಾಂ. ಘಟ್ಟ್ ಜೇಂವ್ಕ್ ಖಾಂವ್ಕ್ ಜಾಯ್ ತುಕಾ. ಆತಾಂ ವಚ್, ಸುರ್ಮಾಯ್ ನಾಂ ತರ್ ರವಸ್. ಪಯ್ಲೆಂಚ್ ಸಾಂಗ್ತಾಂ. ಫೂಡ್ ಮಾಸ್ಳಿ ಹಾಡ್ಲ್ಯಾರ್ ಹಾಂವ್ ಮ್ಹಣಿ ರಾಂದಿನಾಂ, ಹಾಂ!”.
“ಅಶೆಂಯೀ, ರಾಂದ್ಪಿ ಗ್ಯೆಸಾಚ್ಯೆಂ ಮೋಲ್ ಸಿಲಿಂಡರಾಕ್ 1053 ರುಪಿಯಾಂಕ್ ಮಿಕ್ವಲಾಂ. ತುಂವೆಂ ಯು-ಟ್ಯುಬಾರ್ ವೀಡಿಯೊ ಪಳೆವ್ನ್ ರಾಂದ್ಚ್ಯೆಂ ನಾಕಾ. ಚಡ್ ಗ್ಯೇಸ್ ಕಾಪ್ತಾ. ಹಾಂವ್‌ಚ್ ಇಂಗ್ಳ್ಯಾಂಚಿ ಭಾಟಿ ಚಡಯ್ತಾಂ”.
“ಪಕ್ಕಾ. ತುಕಾ ಕಾಂಯ್ ಪಾತಿಯೆಂವ್ಕ್ ಜಾತಾ? ಮಾಗಿರ್, ಲಾಸ್ಟ್ ಮಿನಿಟ್ ಹಾಂವೆಂಚ್ ಫ್ರಯ್ ಕರಿಜೆ ಮ್ಹಣೊನ್ ಚುಕೊನ್ ಕಾಡ್ತಾಯ್‌ಗೀ ನಾಂ ಪೊಳೆ”!
“ಅಯ್ಯೊ, ಫ್ರಯ್! ನಾಕಾ-ಬಾ. ಲೀಟರಾಕ್ ಶೆಂಭೊರ್ ರುಪಿಯಾಂಕ್ ವಿಕ್ಚ್ಯೆಂ ಸೂರ್ಯಾಕಾಂತಿ ತೇಲ್ ಆತಾಂ ತಿನ್ಶಿಂ ಪಂಚ್ವೀಸ್ ರುಪಿಯಾಂಕ್ ಬಸ್ಲಾಂ. ಉಕ್ರೇನಾಂತ್ ಝುಜ್ ಆಸಾ ವ್ಹಯ್. ಥೈಂ ಥಾವ್ನ್ ತೇಲ್ ಯೇನಾಂ. ದೆಕುನ್ ಆಮ್ಚ್ಯೆಂಚ್ ದೇಸಿ ನಾರ್ಲೆಲ್ ತೇಲ್ ವಾಪ್ರಿಯಾಂ ಮ್ಹಳ್ಯಾರ್ ನಾರ್ಲೆಲ್ ತೇಲ್ ಕಾಂಯ್ ಸವಾಯ್ ಮೆಳ್ತಾ ಥೊಡೆಂ. ಆಮ್ಚೊ ಮಲ್ಯಾಳಿ ಜೋನ್ ಲೀಟಾರಾಕ್ ಸಾಡೆ ತಿನ್ಶಿಂ ರುಪಯ್ ಘೆತಾ”.
“ಮಾಸ್ಳಿ ಮ್ಹಾರಗ್. ಏಲ್. ಪಿ. ಜಿ. ಸಿಲಿಂಡರ್ ಮ್ಹಾರಗ್. ರಾಂದ್ಪಿ ತೇಲ್ ಮ್ಹಾರಗ್. ಡೊಲರ್ ಮ್ಹಾರಗ್. ಹ್ಯೊ ಸಗ್ಳ್ಯೊಮಂಡ್ಡೆ ಬೆಚ್ಚಾ ಗಜಾಲಿ ಸೊಡ್. ಕಾಂಯ್ಚ್ ಬೊರೆಂ ನಾಂ-ಗೀ ಹಾಸೊನ್ ಖೆಳೊನ್ ದೀಸ್ ಕಾಡುಂಕ್? ರಾವ್, ಟಿವಿ ಓನ್ ಕರ‍್ತಾಂ. ಮಹರಾಶ್ಟ್ರಾ ಕಿ ಹಾಸ್ಯ್ ಜ್ಯಾತ್ರಾ ಪೊಳೆ. ಪೂಣ್, ಮಾಸ್ಳಿ ಹಾಡ್ಲೆಲ್ಯಾ ಉಪ್ರಾಂತ್”.
” ಬೊರಿ ಖಬರ್ ಆಸಾ-ನೆ? ಆತಾಂಚ್ ಸಾಂಗೊನ್, ಮಾಗಿರ್ ಮಾಸ್ಳಿ ಹಾಡುಂಕ್ ವೆತಾಂ. ಆಯ್ಕ್”.
“ಸಾಂಗ್”. ಮದಾಮೆಚ್ಯೆ ಕಾನ್, ಸೊಂವ್ಶ್ಯಾಚ್ಯಾ ಕಾನಾಂ ಭಾಶೆನ್ ನೀಟ್ ಜಾಲೆ.
” ಲಲಿತ್ ಮೋದಿ ಸುಶ್ಮಿತಾ ಸೆನಾಕ್ ಡೇಟಿಂಗ್ ಕರ್ತಾ”!
“ವವ್! ಹಿ ಜಾಲ್ಯಾರ್, ಬೊರಿಚ್ ಖಬೊರ್. ಪೈಲೆಂಚ್ ಕಿತ್ಯಾಕ್ ಸಾಂಗ್ಲಿ ನಾಂಯ್? ಸಾಂಗ್, ಸಾಂಗ್. ಮಾಸ್ಳಿ ಕಾಂಯ್, ಖಂಯ್ ದಾಂವನಾಂ. ಡೀಟೈಲ್ ಸಾಂಗ್. ಹೆಂ ಕಶೆಂ ಜಾಲೆಂ, ಕೆದಾಳಾ ಜಾಲೆಂ? ಖಂಯ್ ಜಾಲೆಂ?” ಮದಾಮೆಚ್ಯೆಂ ಕುತೂಹಲ್ ವರ್ಣುಂಕ್ ಮ್ಹಾಕಾ ಸಬ್ದ್ ಮೆಳಾನಾಂ ಜಾಲೆ. ಆಮ್ರುಕೊ ಹಾಸೊ ದೀವ್ನ್, ಹಾಂವ್ ಪೊತೆಂ ಆನಿಂ ಸತ್ರಿ ಘೆವ್ನ್ ಮಾಸ್ಳೆ ಬಜಾರಾಕ್ ಭಾಯ್ರ್ ಸರ್ನ್ ಗೆಲೊಂ.
► ಫಿಲಿಪ್ ಮುದಾರ್ಥ್
Very nice interesting article Philip.It is true day by day commodity prices are increasing and middle class and lower class citizens are the most effected due to this high inflation.
Keep on writing!
ಫಿಲಿಪ್ ಆರ್ಥಿಕ್ ಗಜಾಲಿ ಆಪ್ಲ್ಯಾ ಮದಾಮೆನ್ ಸುರ್ಮಾಯ್ ರಾಂದ್ಚೆ ತಿತ್ಲೆಚ್ ಸುಲಬಾಯೆನ್ ಆಮ್ಚಾ ಕಟ್ಟ್ಯಾಂತ್ ರಿಗಯ್ತಾ! ಡೊಲ್ಲರಾಚೆಂ ಮೋಲ್ , ಸುರ್ಮಾಯೆಚೆಂ ಮೋಲ್ , ಎತ್ತಣಿಂದೆತ್ತ ಸಂಬಂಧವಯ್ಯ?!
“ಆಮ್ಚೊ ಫಿಲಿಪ್‍ಬಾಬ್ ಚೂಕಿ ಕರ್ಚ್ಯಾ ಕೊಣಾಯ್ಚೆಯ್ ಪಾಂಯ್ ವೊಡ್ಚ್ಯಾಂತ್ ನಂಬರ್ ವನ್! ತಾಚಿ ಹಾಸ್ಯ್‌ಮಯ್ ಚಿಂತ್ಪಾ ರೀತ್ ಬರೇಂ ಜೆವ್‍ಲ್ಲ್ಯಾಕೀ ಭಾಯ್ರಿ ದಿತಾ. ವಾಚ್ತಾಂ ವಾಚ್ತಾಂ ತೊ ಮುಖಾರಿಂ ಕಿತೆಂ ಮ್ಹಣೊಂಕ್ ಆಶೇತಾ ಮ್ಹಣ್ ರಾಕಾಶೆಂ ಕರ್ತಾ. ಬರಯ್ತ್ ರಾವ್ ಫಿಲಿಪ್‍ಬಾಬ್, ತುಜ್ಯಾ ಲಿಖ್ಣೆಚೆಂ ಜಯ್ತ್ ಜಾಂವ್.”
Philip uncle has his own way of narrating the price rise issue in a humorous way!.
Article on inflation is pinching all of us today…(the middle & the lower class citizens) but our present ruling government(regime) at the center is still fooling the general public by diverting attention from basic core issues which needs to be addressed first are affecting the public at large because our F.M has know idea/knowledge of poor man’s hardships. She doesn’t eat onions etc.
God save us from this “bankrupt-idea” ruling morons!
Philip has explained inflation in a hilarious manner. True there a substantial price increase in everything. Business sources conveniently pass it on the ultimate end user. Fuel price is major cause of such increases. Some countries where the currency is directly pegged to dollar may not feel direct impact but basket of currencies do. All in all middle class is most affected. There is a general prediction that massive recession may hit the world some stage in near future. What could be the impact, we do not know yet or it’s just a prediction. Mostly corruption in developing countries is adding fuel to fire. God save us all!