ಗೊಯೆರಪುಲ್, ಬುರ‍್ನಾಸ್, ನಸ್ರಾಣಿ, ಬಿಂಡೆಬಟಿ, ಹೆಂ ಕಾಲೆಂ ಎಕಾಮೆಕಾಕ್ ಅರ್ಥ್ ನಾತ್‌ಲ್ಲೆ ಸಬ್ಧ್ ಸಾಂಗಾತಾ ಘಾಲ್ನ್ ಆಸಾಂ ಮ್ಹಣ್ ಚಿಂತ್ತಾತ್‌ಗೀ? ಆದ್ಲ್ಯಾ ಕಾಂಯ್ ಚಾಳೀಸ್ – ಪಣ್ಚಾಳೀಸ್ ವರ‍್ಸಾಂಥಾವ್ನ್ ಹಾಂವ್ ಹೆ ಸಬ್ಧ್ ಆಯ್ಕುನ್ ಆಸಾಂ ಆನಿ ವಾಪಾರ‍್ನ್ಂಯ್ ಆಸಾಂ. ಹ್ಯಾ ಸಬ್ಧಾಂಚೆಂ ಮೂಳ್ ಕಳ್ನಾಶೆಂ ಆನಿ ಸ್ಪಷ್ಟ್ ಅರ‍್ಥಾವ್ಯಾಪ್ತ್ ಕಳ್ನಾಶೆಂ ವಾಪಾರ್‌ಲ್ಲೆಂ ಆಸಾ. ಕ್ರಮೇಣ್ ಹ್ಯಾ ಉತ್ರಾಂಚ್ಯಾ ಸಾರ‍್ಕ್ಯಾ ಅರ‍್ಥಾಕ್ ಸಮ್ಜಾಲ್ಯಾ ಉಪ್ರಾಂತ್ ಥೊಡ್ಯಾ ವಿಸ್ಮಿತ್ಕಾಯೆನ್ ತ್ಯಾ ಸಬ್ಧಾಂ ಪಾಟ್ಲ್ಯಾನ್ ಆಸ್ಚಿ ಗ್ರೇಸ್ತ್‌ಕಾಯ್ ತಶೆಂಚ್ ಆಮ್ಚ್ಯಾ ಲೊಕಾಂಚಿ ಧಾರ‍್ಮಿಕ್ – ಸಾಮಾಜಿಕ್ ಚರಿತ್ರಾ ಸಮ್ಜುಂಕ್ ಹಾಂವೆಂ ಪ್ರೇತನ್ ಕೆಲಾಂ.
ಆಮಿ ಭುರ‍್ಗ್ಯಾಂನಿ ಕಾಂಯ್ ಝಗ್ಡೆಂ ಮಾರ‍್ತಾನಾಂ ಆನಿ ಆಮ್ಚೊ ಕಾಂಯ್ ಆವಾಜ್ ಲೆಕಾವ್ಹರ‍್ತೊ ಜಾಲ್ಯಾರ್, ಘರ‍್ಚ್ಯಾ ಮ್ಹಾಲ್ಘಡ್ಯಾಂನಿ, ವ್ಹಡಾಂನಿ ‘ಕಿತೆಂರೆ, ಗೊಯೆರಪುಲ್ ಏಕ್ ಕರ‍್ತಾತ್?’ ಮ್ಹಣ್ ಜೊರಾನ್ ಉಲೊ ದಿಂವ್ಚೆಂ ಆಸ್‌ಲ್ಲೆಂ, ತವಳ್ ಹಾಂವೆಂ ಗೊಯೆರಪುಲ್ ಮ್ಹಳ್ಯಾರ್ ಝಗ್ಡೆಂ, ಗಲಾಟೊ ಮ್ಹಣ್ ಮ್ಹಜ್ಯಾ ಮತಿಂತ್ ಬಸ್‌ಲ್ಲೆಂ. ತರೀ ತೊ ಸಬ್ಧ್ ಏಕ್ ರೀತ್ ವಿಚಿತ್ರ್ ಆಸ್‌ಲ್ಲ್ಯಾನ್ ತ್ಯಾ ಸಬ್ಧಾ ಪಾಟ್ಲ್ಯಾನ್ ಮ್ಹಜಿ ತಕ್ಲಿ ಕೊರ‍್ಪುನ್ಂಚ್ ಆಸ್‌ಲ್ಲೊಂ. ನಿಮಾಣೆಂ ತಾಚಿ ಜಾಪ್ ಮ್ಹಾಕಾ ಎಕಾ ಮ್ಹಾಲ್ಘಡ್ಯಾಥಾವ್ನ್ ಮೆಳ್ಳಿ.
ಗೊಯೆರಪುಲ್ ಮ್ಹಣ್ಚೊ ಸಬ್ಧ್ ಗೊಂಯಾಂ ಆನಿ ವೆರಾಪೊಲಿ ಮ್ಹಣ್ಚ್ಯಾ ದೋನ್ ಸಬ್ಧಾಂಥಾವ್ನ್ ಆಯ್ಲಾ. ತ್ಯಾ ಆದ್ಲ್ಯಾ ಕಾಳಾರ್ ಕಾಂಯ್ 500-600 (ಪಾಂಯ್ಶಿಂ ಸಯ್ಶಿಂ) ವರ್ಸಾಂ ಆದಿಂಥಾವ್ನ್ ಗೋಂಯ್ ಪಾದ್ರುವಾದೊ ವೆವಸ್ತ್ಯಾಚೆಂ ಕೇಂದ್ರ್ ಜಾವ್ನಾಸ್‌ಲ್ಲೆಂ (ಪಾದ್ರುವಾದೊ ಮ್ಹಣ್ಚಿ ಪುಡ್ತುಗೇಝ್ ರಾಯಾ ಮುಕಾಂತ್ರ್ ಕಥೊಲಿಕ್ ಪವಿತ್ರ್‌ಸಭೆಚ್ಯಾ ವಿಸ್ತರಣಾಚಿ ವೆವಸ್ತಾ) ಆನಿ ವೆರಾಪೊಲ್ಲಿ ಪ್ರೊಪಗಾಂದಾ ಫೀದೆಚೆಂ ಕೇಂದ್ರ್ ಜಾವ್ನಾಸ್‌ಲ್ಲೆಂ. (ಪ್ರೊಪಗಾಂದಾ ಫೀದೆ – ಭಾವಾಡ್ತ್ ವಿಸ್ತರಾಂವ್ಚ್ಯಾಕ್ ಪಾಪ್‌ಸಾಯ್ಭಾಚ್ಯಾ ಶೀದಾ ನಿಯಂತ್ರಣಾಖಾಲ್ ಆಸ್ಚಿ ವೆವಸ್ತಾ). ಪಾದ್ರುವಾದೊಚೆ ಯಾಜಕ್ ಆನಿ ಭಾವಾಡ್ತಿ ಲೋಕ್ ಆನಿ ಪ್ರೊಪಗಾಂದಾ ಫೀದೆಚೆ ಯಾಜಕ್ ಆನಿ ಭಾವಾಡ್ತಿ ಲೋಕ್ ಲಾಂಬ್ ಕಾಳ್ ಎಕಾಮೆಕಾ ಎಕ್ದಮ್ ಝಗ್ಡ್ಯಾನ್ ಆನಿ ಝುಜಾನ್ ದೀಸ್ ಸಾರ‍್ತಾಲೆ. ಎಕಾಚ್ ಕ್ರಿಸ್ತಾಚ್ಯಾ ಇಗರ‍್ಜ್‌ಮಾತೆಚೆ ತೆ ದೋನ್ ಹಾತ್ ಎಕಾಮೆಕಾಕ್ ಮಾರ‍್ನ್ ಘೆತಾಲೆ. ಖಂಯ್ ಮ್ಹಣಾಸರ್‌ಗೀ ಮ್ಹಳ್ಯಾರ್ ಹಾಂಗಾ ಪಾದ್ರುವಾದೊ ಇಗರ‍್ಜ್ ಆಸುನ್ ಕಾಂಯ್ ಮಯ್ಲಾಂ ಪಯ್ಸ್ ಪ್ರೊಪಗಾಂದಾಚಿ ಇಗರ‍್ಜ್ ಆಸಾ ಆನಿ ಪ್ರೊಪಗಾಂದಾಗಾರ್ ಭುರ‍್ಗಿಂ ಪಾದ್ರುವಾದೊ ಇಗರ‍್ಜೆಚ್ಯಾ ಫೆಸ್ತಾಚೆಂ ಕಾಂಯ್ ಡೆಕೊರೇಷನ್ ಪಳವ್ನ್ ತ್ಯಾ ಇಗರ‍್ಜೆ ಆಂಗ್ಣಾಕ್ ಗೆಲ್ಯಾರ್ ತ್ಯಾ ಭುರ‍್ಗ್ಯಾಂಕ್ ಪಿಡ್ಯಾಂನಿ ಮಾರ‍್ನ್ ಧಾಂವ್ಡಾಯ್ತಾಲೆ. (ಹೆ ತಾಂಕಾಂ – ತೆ ಹಾಂಕಾಂ) ಹೊ ಎಕ್ ದಾಕ್ಲೊ ಮಾತ್ರ್, ಖರ‍್ಯಾನ್ ಪಾದ್ರುವಾದೊಗಾರ್ ಆನಿ ಪ್ರೊಪಗಾಂದಾಗಾರಾಂಚೆ ಝಗ್ಡೆಂ ಆನಿ ತಿಕ್ಕಾಟ್ ವಿಪ್ರೀತ್ ಜಾವ್ನಾಸ್‌ಲ್ಲೆ. ತ್ಯಾ ವೆಳಾರ್ ‘ಮಾರಾರೆ ತ್ಯಾ ಎರಾಪೊಲಿಗಾರಾಂಕ್’ ಮ್ಹಣ್ ತೆ ಸಾಂಗ್ತಾನಾಂ, ‘ಬಡಾಯಾರೆ ಹ್ಯಾ ಗೊಂಯ್ಕರಾಂಕ್’ ಮ್ಹಣ್ ಹೆ ಸಾಂಗ್ತಾಲೆ. ಹ್ಯಾ ತಿಕ್ಕಾಟಾನ್ ಫಿರ‍್ಗಜೊ ಫಿರ‍್ಗಜೊ ತೆಣೆಂಚ್ಯೊ ಹೆಣೆಂ ಜಾಲ್ಯೊ. ಹ್ಯಾ ಪಾಟ್‌ಭುಂಯ್ತ್ ಎಕಾಮೆಕಾ ಝಗಡ್ತಾಲ್ಯಾಂಕ್ ‘ಕಿತೆಂರೆ ಗೊಂಯಾಂ – ವೆರಾಪೊಲ್ಲಿ ಕರ‍್ತಾತ್’ ಮ್ಹಣ್ ಉಲೊ ದಿಂವ್ಚಿ ರೀತ್ ವಾಡ್ಲಿ. ಹೆಂಚ್ ಕ್ರಮೇಣ್ ‘ಗೊಯೆರಪುಲ್’ ಮ್ಹಣ್ಚಿ ವಾಪರ‍್ಣಿ ವಾಡ್ಲಿ.
ಬುರ‍್ನಾಸ್ ಮ್ಹಳ್ಯಾರ್ ಮ್ಹೆಳೊ, ಮ್ಹೆಳ್ಕುಟೊ, ಗಲೀಜ್ ಮನಿಸ್ ಮ್ಹಣ್ಚೊ ಅರ್ಥ್ ಆಸಾ. ಆತಾಂ ಹೊ ಬುರ‍್ನಾಸ್ ಸಬ್ಧ್ ಕಸೊ ವಾಡುನ್ ಆಯ್ಲೊ? ಬ್ರಿಟೀಶಾಂನಿ ಸುಮಾರ್ ತಿನ್ಶಿಂ ವರ್ಸಾಂ ಭಾರತಾಂತ್ ವಸ್ತಿ ಕೆಲಿ. 1756 ಥಾವ್ನ್ 1857 ಪರ‍್ಯಾಂತ್ ಕಂಪನಿ ಸರ‍್ಕಾರ್ ಆನಿ 1857 ಥಾವ್ನ್ 1947 ಪರ‍್ಯಾಂತ್ ಬ್ರಿಟೀಶ್ ಸರ‍್ಕಾರಾನ್ ಭಾರತಾಚೆರ್ ರಾಜ್ವಟ್ಕಿ ಚಲಯ್ಲಿ, ತ್ಯಾ ವೆಳಾರ್ ಬ್ರಿಟೀಶ್ ಆಪುಣ್ ಮಾತ್ರ್ ಶ್ರೇಷ್ಟ್ ಭಾರತಾಂತ್ಲೆ ಎಕ್ದಮ್ ನಿಕೃಷ್ಟ್ ಮ್ಹಣ್ಚೆಂ ಚಿಂತಪ್ ವಾಡಂವ್ಕ್ ಲಾಗ್ಲೆ. ಭಾರತೀಯಾಂಕ್ ಹಲ್ಕ್ ಕರ‍್ಚ್ಯಾ ಕಾರ‍್ಯಯೋಜನಾಚೊ ಏಕ್ ವಾಂಟೊ ಜಾವ್ನ್ ಭಾರತೀಯಾಂಕ್ ವಿಪ್ರೀತ್ ನಿಂದೆಚ್ಯೊ ಗಾಳಿ ತೆ ದಿತಾಲೆ. ತ್ಯಾ ಗಾಳಿಂ ಪಯ್ಕಿ ‘ಬೊರ‍್ನ್ ಆಜ್ ಆಸ್’ (ಗಾಡ್ವಾಂ ಪರಿ ಜನ್ಮಾಲ್ಲೊ) ಮ್ಹಣ್ಚಿ ಏಕ್ ಗಾಳ್ ಆಸ್‌ಲ್ಲಿ. ಹೆಂ ‘ಬೊರ‍್ನ್ ಆಸ್ ಎಸ್’ ಮ್ಹಣ್ಚೆಂ ಕ್ರಮೇಣ್ ಬುರ‍್ನಾಸ್ ಮ್ಹಣ್ಚಿ ಗಾಳ್ ಜಾವ್ನ್ ಉರ‍್ಲಿ. (ತಾಂಚ್ಯೊ ಉರ್‌ಲ್ಲ್ಯೊ ಗಾಳಿ ನಿಗ್ಗರ್ (ಕಾಳೊ), ಸುವ್ವರ್ (ದುಕೊರ್) ಇತ್ಯಾದಿ)
ಬುರ‍್ನಾಸ್ ಮ್ಹಣ್ಚೊ ಸಬ್ಧ್ ಜಶೆಂ ಇಂಗ್ಲೀಶಾಂಥಾವ್ನ್ ಗಾಳಿ ರುಪಾರ್ ಆಯ್ಲೊ ತಶೆಂಚ್ ಲಾಂಬ್‌ಕಾಳಾಥಾವ್ನ್ ನಸ್ರಾಣಿ ಮ್ಹಣ್ಚೊ ಸಬ್ಧ್ ವಾಪಾರ‍್ಣೆಂತ್ ಆಯ್ಲಾ. ಕ್ರಿಸ್ತಾಂವ್ ಸಾಂತ್ ತೊಮಾಸಾಚ್ಯಾ ಕಾಳಾಥಾವ್ನ್ ಹಾಂಗಾಸರ್ ಆಸ್‌ಲ್ಲೆ, ಹ್ಯಾ ಕ್ರಿಸ್ತಾಂವಾಂಕ್ ನೆಸ್ತೋರಿಯನ್ ಕ್ರಿಸ್ತಾಂವ್ ಮ್ಹಣ್ತಾಲೆ. ಕಾಂಯ್ ಮಧ್ಯಯುಗಾಂತ್ (ಕ್ರಿಶ 1480 ಉಪ್ರಾಂತ್) ಪುಡ್ತುಗೆಝ್ ಕ್ರಿಸ್ತಾಂವ್ ಇಂಡಿಯಾಕ್ ಯೆತಾನಾಂ ತಾಂಕಾಂ ಆನಿ ಹ್ಯಾ ನೆಸ್ತೋರಿಯನಾಂಕ್ ಸಮ ಪಡ್ಲೆಂ ನಾಂ, ತೆ ಎಕಾಮೆಕಾ ಝಗ್ಡುಂಕ್ ಲಾಗ್ಲೆ ಆನಿ ಎಕಾಮೆಕಾಕ್ ಗಾಳಿಂನಿ ಆಪಂವ್ಕ್ ಲಾಗ್ಲೆ. ಪುಡ್ತುಗೆಝಾಂಕ್ ಪಾಕ್ಳೆ ಮ್ಹಣ್ ನಾಂವ್ ಪಡ್ಲೆಂ ಆನಿ ಪುಡ್ತುಗೆಝಾಂನಿ ಹಾಂಕಾಂ ನೆಸ್ತೋರಿಯನಾಂಕ್ ನಸ್ರಾಣಿ ಮ್ಹಣ್ ನಾಂವ್ ದಿಲೆಂ. ಆನ್ಯೇಕಾ ವಿಶ್ಲೇಷಣಾಪರ‍್ಮಾಣೆಂ ಆಪ್ಣಾಕ್‌ಚ್ ಉಂಚ್ಲ್ಯಾ ವರ‍್ಗಾಚೆ ಮ್ಹಣ್ ದಾಕವ್ನ್ ಘೆತಲ್ಯಾ ಪುಡ್ತುಗೆಝಾಂಕ್ ಆನಿ ತಾಂಚೆಥಾವ್ನ್ ಕ್ರಿಸ್ತಾಂವ್ಪಣ್ ಆಪ್ಣಾವ್ನ್ ಘೆತ್‌ಲ್ಲ್ಯಾ ಲೊಕಾಕ್ ಹಾಂಗಾಚ್ಯಾ ಹೆರ್ ಲೊಕಾನ್ ಕಾಂಠಾಳುಂಕ್ ಧರ‍್ಲೆಂ ಆನಿ ತಾಂಕಾಂ ನಜರೆತಾಚ್ಯಾ ಜೆಜುಕ್ ಪಾತ್ಯೆಂವ್ಚೆ ನಸ್ರಾಣಿ ಮ್ಹಣ್ ಉಲ್ಲೇಕ್ ಕರುಂಕ್ ಲಾಗ್ಲೆ. ಆನಿ ನಸ್ರಾಣಿ ಮ್ಹಣ್ಚೊ ಸಬ್ಧ್ ವಾಪರ‍್ಣೆಕ್ ಆಯ್ಲೊ. ಆಜ್ ನಸ್ರಾಣಿ ಮ್ಹಳ್ಯಾರ್ ಕಪಟ್ಪಣಾಂ ಕರ‍್ಚೊ, ಮೋಸ್ ಕರ‍್ಚ್ಯಾಂತ್ ಚತುರ್, ಡೋಂಗಿ, ಇತ್ಯಾದಿ ಅರ್ಥ್ ಆಸ್ಚೊ ಗಾಳಿಚೊ ಸಬ್ಧ್ ಜಾಲಾ.
ಘರಾಂತ್ಲೊ ಕೋಣ್‌ಎಕ್ಲೊ ಖಂಯ್ ಗೆಲಾ ಮ್ಹಣ್ ಸಾರ‍್ಕೆಂ ಕಳಿತ್ ನಾಂ ತರ್, ‘ತೊ ಖಂಯ್ ಗೆಲಾ ?’ ಮ್ಹಣ್ ವಿಚಾರ‍್ತಾನಾಂ, ‘ತೊ ಬಿಂಡೆಬಾಟಿ ಗೆಲಾ’ ಮ್ಹಣ್ಚಿ ಏಕ್ ಉಲವ್ಪಾ ರೀತ್ ಆಸ್‌ಲ್ಲಿ. ಸಭಾರ್ ತೇಂಪ್ ಹಾಂವೆಂ ಹಿ ವಾಪರ‍್ಣಿ ಖಂಯ್‌ಥಾವ್ನ್ ಆಯ್ಲಿ ಮ್ಹಣ್ಚಿಂ ಸೊಧ್ನಾಂ ಕೆಲ್ಲಿಂ. ‘ಬಿನ್ ದೇ ಬಾತ್’ ಗೆಲಾ ಮ್ಹಳ್ಯಾರ್ ಕಿತೆಂಚ್ ಉತರ್ ದೀನಾಶೆಂ, ಕಿತೆಂಚ್ ಮಾಹೆತ್ ಕಳಯ್ನಾಶೆಂ ತೊ ಉಟುನ್ ಗೆಲಾ ಮ್ಹಣ್ಚ್ಯಾ ಅರ‍್ಥಾನ್ ಹೊ ಸಬ್ಧ್ ವಾಪರ‍್ತಾತ್. ಉಡ್ಪಾ ಕುಶಿನ್ ‘ಕುಟ್ಟಿ ಕುಂದಾಪ್ರ ಗೆಲಾ’ ಮ್ಹಣ್ ವಾಪರ‍್ಣಿ ಆಸಾ.
ಭಾಸ್ ಮ್ಹಣ್ಚಿ ಅಶಿಚ್ ಸದಾಂ ನವೆಸಾಂವ್ ಆಪ್ಣಾವ್ನ್ ಘೆವ್ನ್ ವ್ಹಾಳುನ್ಂಚ್ ಆಸ್ತಾ. ಅರ್ಥ್ ವಿಸ್ತರಣ್ ಆನಿ ಅರ್ಥ್ ಬದ್ಲಾಪ್ ಭಾಶೆಚೆಂ ಮುಳಾವೆಂ ಸಂಯ್ಭ್ ಆನಿ ಗ್ರೇಸ್ತ್‌ಕಾಯ್. ತಿಕಾ ಬಾಂದುನ್ ಘಾಲುಂಕ್ ಗೆಲ್ಯಾರ್ ಕುಸುನ್ ವಚುನ್ ಕ್ರಮೇಣ್ ಮೊರ‍್ತಾ.
► ಸ್ಟೀವನ್ ಕ್ವಾಡ್ರಸ್ ಪೆರ್ಮುದೆ
Good explanation I feel nasrani is not Portuguese.nasrani is the Arabic word for christians as Jesus was of naZAreth his followers were called naArenes which became nasrani in Arabic.
Good to know the origin of these words. I feel the origin of Nasrani is more with Nazarene than Nestorian. Nasrani is the Arabic term for Christian. Since Jesus was of Nazareth his followers were called Nazarene which became nasrani
ಸಾರ್ಕೊ ಅರ್ಥ್ ಕಳಿತ್ ನಾತ್ಲ್ಯಾರೀ ಸಾಂದರ್ಬಿಕ್ ಉಪ್ಯೋಗ್ ಕೆಲ್ಲ್ಯಾ ಸಬ್ದಾಂಚೆಂ ಜಾತಕ್ ದಾಕಯಿಲ್ಲ್ಯಾ ಲೇಖಕಾಕ್ ದೇವ್ ಬರೆಂ ಕರುಂ. ಕುತೂಹಲ್ಭರಿತ್ ಲೇಖನ್
Good information.Thank you.
Banian ಬಂಜನ್
Bush shirt ಬುಸ್ಕೊಟ್
Informative. Many scholarly priests know these words and it’s origin. Saddest part, documenting is lacking.
ಆಮಿ ಹರ್ಯೆಕ್ಲೆ ಅಸಲಿ೦ಚ್ ಉತ್ರಾ೦ ಆಯ್ಕುನ್ ಆಸ್ತಾ೦ವ್ ತೆ೦ ಹಾ೦ಗಾ ಚರ್ಚಿತ್ ಕೆಲ್ಯಾರ್ ಬರೆ೦ ಮ್ಹಣ್ ದಿಸ್ತಾ. ದಾಕ್ಲ್ಯಾಕ್ ಪರ್ಕಟ್ ತುಳ್ವೆಚ್ಯಾ ಪರ (ಪರ್ನ್ಯಾ) ಕಟ್ಟ್ (ಕಾಟ್) ಥಾವ್ನ್ ಆಯಿಲ್ಲೆ೦ ಅಶೆ೦ ಹಾ೦ವೆ೦ ಆಯ್ಕಾಲೆ೦.
Nice article, many informative on different words.
‘Paklle’ is reffed for soldiers. Is there any information on this word. Looks like its a Portughese word.
ಕುತೂಹಲ್ಭರಿತ್. ಬಿಂಡಾಬಾಟಿ, ನಸ್ರಾನಿ ಆಯ್ಕಾಲ್ಲೆಂ. ಅರ್ಥ್ ನೆಣಾಸ್ಲೊಂ.
Really interesting