ಹರ್ ವರ್ಸಾ ಮಾಯ್ ಮಯ್ನ್ಯಾಂತ್ ದಾವಣಗೆರೆಂತ್ ಚಲ್ಚೊ ಮೇ ಸಾಹಿತ್ಯ ಮೇಳ, ಹ್ಯಾ ವರ್ಸಾ ನಬೀ ಸಾಬ್ ಉಗ್ತಾಯ್ತಾ. ಪ್ರದೇಶಾಂತ್ ಚಡೊನ್ ಯೆಂವ್ಚ್ಯಾ ಪ್ರಸ್ತಾಪಿತ್ ಸಕ್ತೆಂಚ್ಯಾ ಜುಲುಮಾಚೆರ್ ಪ್ರತಿರೋಧ್ ದಾಕಲ್ ಕರುಂಕ್ ಪ್ರಗತಿಪರ್ ಮನಾಂನಿ ವಿಂಚ್‌ಲ್ಲಿ ಹಿ ಏಕ್ ವಾಟ್ ತರ್, ಅಲ್ಪೋನ್ಸ್ ಪಾಂಗ್ಳಾಚಿ ಕವಿತಾ ಅನ್ಯೇಕ್ ಪರಿಣಾಮ್‌ಕಾರಿ ವಾಟ್.
ಮೇ ಸಾಹಿತ್ಯ ಮೇಳಾಂತ್ ನಬೀಸಾಬ್ ಪ್ರತಿರೋಧಾಚೊ ಸಂಕೇತ್ ಕಸೊ ಉಭೊ ದಿಸ್ಲ್ಯಾರ್, ಹ್ಯಾ ಕವಿತೆಂತ್ ಕಾಂಳ್ಗಾಂ ಅಸಹಾಯಕತೆಚೊ ಸಂಕೇತ್ ಜಾವ್ನ್ ಸಮೊರ್ ಯೆತಾತ್. ವಿಪರ್ಯಾಸ್ ಮ್ಹಳ್ಯಾರ್, ಪ್ರದೇಶಾಂತ್ಲಿಂ ಪ್ರಗತಿಪರ್ ಮನಾಂ ನಬೀಸಾಬಾಚ್ಯಾ ಸಾಂಗಾತಾ ರಾಂವ್ಚೆಂ ಧಯ್ರ್ ಘೆತಾನಾ, ಕಾಂಳ್ಗಾಂಚ್ಯಾ ಪಕ್ಶೆನ್ ತಾಂಕಾ ಭುರ್ಗ್ಯಾಂಪರಿಂ ಪೊಸ್‌ಲ್ಲ್ಯಾ ರಯ್ತಾಂನಿ ತಾಕ್ತೆನ್ ರಾಂವ್ಚೆಂ ಧಯ್ರ್ ಘೆತ್‌ಲ್ಲೆಂ ಉಗ್ತ್ಯಾನ್ ದಿಸೊನ್ ಯೇನಾ. ಪಿಕಯಿಲ್ಲೆಂ ಬೆಳೆಂ ವಿಕುನ್ ಜಾಲ್ಯಾ ಉಪ್ರಾಂತ್ ರಯ್ತಾಂಚೀಯ್ ಜವಬ್ದಾರಿ ಸಂಪ್ಲಿಗಾಯ್ ದಿಸ್ತಾ. ಪೂಣ್, ಆಪ್ಲ್ಯಾ ಗರ್ಭಾಂತ್ ಕಿರ್ಲಾವ್ನ್, ಪಾನೊ ಪಾಜುನ್ ಕಾಂಳ್ಗಾಂಕ್ ಜೀವ್ ದಿಲ್ಲಿ ಪ್ರಕೃತಿ ಆಪ್ಲ್ಯಾ ಜವಾಬ್ದಾರೆಥಾವ್ನ್ ಚುಕಾರಿ ಮಾರಿತ್? ತಿಚ್ಯಾ ಬಾಳಾಂಕ್ ರಸ್ತ್ಯಾರ್ ಭೆತುನ್, ತಾಂಚ್ಯಾ ಶಿರಾಂನಿ ವ್ಹಾಳ್ಚೆಂ ರಗತ್ ರಸ್ತ್ಯಾರ್ ವ್ಹಾರಯಿಲ್ಲ್ಯಾಂಚೇರ್ ಆವಯ್ ಪ್ರತೀಕಾರ್ ಘೆನಾಸ್ತಾನಾ ರಾವತ್ ?
ಆಜ್ ಕೆಪ್ಪೆ ಜಾಲ್ಲೆ ಜಾಲ್ಲೆ ಕಾನ್ ಆನಿ ಮೊನಿಂ ಜಾಲ್ಲಿಂ ತೊಂಡಾಂ – ಆವಯ್ ಪ್ರಕೃತಿಚ್ಯಾ ಪ್ರತೀಕಾರಾಚ್ಯಾ ಘಡ್ಗ್ಯಾಡ್ಯಾ ಝಗ್ಲ್ಯಾಣಾ ಮುಕಾರ್ ಗೊಬೊರ್ ಜಾಂವ್ಚ್ಯಾಂತ್ ದುಬಾವ್ ನಾ.
- ಎಚ್ಚೆಮ್
ಪಯ್ಸ್ ಥಾವ್ನ್ ಆಯ್ಕಾಲಿ ಬೋಬ್
ಖಿಣಾ ಭಿತರ್
ಘಡ್ಗಡೊ ಝಗ್ಲಾಣೆಂ
ಸಗ್ಳೆಂ ಭೆಸಾಂ ಜಾಲೆಂ
ನಿಶ್ಶಬ್ದ್…
ಖಿಣಾಭಿತರ್ ಸಂಪದ್ಲೆಂ
ಅತ್ಮೆ ಉಬೊನ್ ಗೆಲೆ
ಆಮಿ ವಾರ‍್ಯಾರ್ ಧಲ್ತಾಂವ್
ಧನಿ ಆಮ್ಚೊ
ಮೌನ್ಪಣಿ ಕರ್ತಾ ರುದಾನ್
ಕಾರಣ್ ತೋಯ್ ನೆಣಾ
ಶಿರಾಂನಿ ಆಮ್ಚ್ಯಾ ವಾಳ್ತಲಿ ಝರ್
ಥಂಡ್ ಆನಿ ರುಚಿಕ್
ಭಾಗಂವ್ಕ್ ತಾನ್ ಭುರ್ಗ್ಯಾಂಚಿಂ
ಖರ್ಕಟ್ಯಾ ವೊತಾಂತ್ ಸುಕ್‌ಲ್ಲ್ಯಾಂಚಿ
ಮೊಗಾನ್ ಪೊಸುನ್ ವ್ಹಡ್ ಕೆಲ್ಲೆಂ
ಧನ್ಯಾನ್, ಆಪ್ಲ್ಯಾಚ್ ಭುರ್ಗ್ಯಾಂಪರಿಂ
ಆತಾಂ ಪ್ರಾಯೆಕ್ ಪಾವ್ಲ್ಯಾಂವ್
ಒಪ್ಸುನ್ ದೀಂವ್ಕ್
ಪಂಲ್ಗಾಣಾರ್ ಬಸೊವ್ನ್ ತಾಣೆಂ ಹಾಡ್ಲೆಂ
ವ್ಹರ್ತ್ಯಾ ಭರ್ವಾಶ್ಯಾನ್
ಘಡ್ಲೆಂ ದುಸ್ರೆಂಚ್
ಹೊರೆತಾ ಬದ್ಲಾಕ್ ಆಯ್ಲೆ ದುಸ್ಮಾನ್
ಘಾಲ್ಲ್ಯಾ ಖೊಟ್ಯಾಂಕ್
ಶಿರೊ ತುಟ್ಲ್ಯಾತ್
ವ್ಹಾಳ್ಳ್ಯಾ ರಗ್ತಾಝರ್ ರಸ್ತ್ಯಾರ್
ಪಾಯಾಂಕ್ ಪಡೊನ್
ಆಡ್ಡೋಸ್ ಮಾಗ್ಲೊ
ಪುಣ್ ಆಯ್ಕತಲ್ಯಾಂಚೆ
ಕಾನ್ ಜಾಲ್ಲೆ ಕೆಪ್ಪೆ
► ಆಲ್ಫೋನ್ಸ್, ಪಾಂಗ್ಳಾ.
Excellent meaningful very beautiful poetry. Congratulations Alphonse bab. All the best. Write more and more.
ಆಲ್ಫೋನ್ಸ್ ಪಾಂಗ್ಳಾ ಆಪ್ರೂಪಾಯೆನ್ ಕಾಂಯ್ ಕವಿತಾ ಬೊರಯ್ತಾ.ತಾಚ್ಯಾ ಕವಿತೆಂನಿ ಗಾಂವ್ಚ್ಯಾ ಮಾತಿಯೆಚಿ ಮೂರ್ , ಕಷ್ಟಿ ಜಿವಿತಾಚೊ ಘಾಮ್ ತಶೆಂಚ್ ಗಾಂವಾಂತ್ ವಿವಿಧ್ ಕಾರಣಾಂ ಲಾಗೊನ್ ಚಲ್ಚ್ಯಾ ವಿವಿಧ್ ಆತರ್ವಣಾಂಚೊ ಕ್ರೋದ್ ಜಾಯ್ತೊ ಆಸ್ತಾ.ಆದ್ಲ್ಯಾ ಪೌವ್ಟಿಂ ಹ್ಯಾಚ್ ಹಂದರಾಂ ಭಿತರ್ ಲಿಖ್‍ಲ್ಲಿ ತಾಚಿ ಕವಿತಾ “ಕಳೆ ಗುಂತಾ….ಗುಂತಾ” ಸರ್ವಾಂಚಿಂ ಮ್ಹನಾಂ ಜಿಕೊಂಕ್ ಕಾರಣ್ ಜಾಲ್ಲಿ.
ಪರ್ತೆಕ್ ಆತಾಂ ತಸಲ್ಲೊಚ್ಚ್ ಏಕ್ ಆನ್ಭೊಗ್ ವಾಚ್ಪ್ಯಾಂಕ್ ತಾಣೆ ದಿಲಾ ಆಪ್ಲಿ ಕವಿತಾ “ಕಾಂಳ್ಗಾಂಚೆಂ ರುಧಾನ್” ಮುಖಾಂತ್ರ್.ಕವಿತಾ ಪಯ್ಲ್ಯಾ ಪೌವ್ಟಿಂ ವಾಚ್ತಾನಾ ಕಾಂಳ್ಗಾಂಚೊ ಥಂಡ್ ಜ್ಯೂಸ್ ವಾಚ್ಪ್ಯಾಂಚ್ಯಾ ಶಿರಾಂ ಶಿರಾಂನಿ ದೆಂವ್ತಾ ತಶೆಂ ಭಗ್ತಾ.ಪುಣ್ ತಿ ಕವಿತಾ ಪರ್ತುನ್ ವಾಚ್ತಾನಾ ಆಮ್ಕಾಂ ಸಂತೊಸ್ ದಿಂವ್ಚ್ಯಾ ತ್ಯಾ ಕಾಂಳ್ಗಾಂ ಶಿರಾಂಚಿ ದೂಖ್ ಹಳ್ತಾರ್ ಆಮ್ಚ್ಯಾ ಕಾಳ್ಜಾಂಕ್ ಆಪ್ಟೊಂಕ್ ಲಾಗ್ತಾ ಆನಿ ಮುಕಾರಿಂ ವಚೊನ್ ಪರ್ತೇಕ್ ಪರ್ತೇಕ್ ವಾಚ್‍ಲ್ಲ್ಯಾ ಬರಿ ಆಮ್ಚ್ಯಾ ಭಾರತಾಚಿ ಆತಾಂಚಿ ಗಂಭಿರ್ ಪರಿಸ್ಥಿತಿ ಉಗ್ತಿ ಕರ್ತಾ.
ಸ್ತ್ರೀಯಾಂಚೆರ್ ಆತ್ತ್ಯಾಚಾರ್ , ಸಾರ್ವಜನಿಕ್ ಸಂಸ್ಥ್ಯಾಂಚೊ ವಿಕ್ರೊ , ಜಾತಿ-ಕಾತಿಚ್ಯಾ ನಾಂವಾನ್ ದಂಗೊ , ವಾಟ್ ಚುಕ್‍ಲ್ಲಿ ಆರ್ಥ್‍ವ್ಯವಸ್ಥಾ , ದುಬ್ಳ್ಯಾ ವಿದ್ಯಾರ್ಥಿಂನಿ ಹಾಂಚ್ಯಾ ಉತ್ರಾಂಕ್ ಭುಲೊನ್ ಶಿಕ್ಪಾ ಥಾವ್ನ್ ವಂಚಿತ್ ಜಾವ್ನ್ ಆಪ್ಲ್ಯಾ ಉಜ್ವಲ್ ಫುಡಾರಾಕ್ ಕುರಾಡ್ ಮಾರ್ಚಿ ಹೆಂ ಸಗ್ಳೆಂ ಪಳೆವ್ನ್ ಆಮಿಂ ಮೌನ್ಪಣಿ ರುಧಾನ್ ಕರ್ಚಿ ಆನಿವಾರ್ಯ್ ಪರಿಸ್ಥಿತಿ ಉದೆಲ್ಯಾ.ಪುಣ್ ಆಯ್ಕಾತಲೊ ತಾಚೆಂ ಬೊಳ್ಕೆಂ ಶಿಜಾಂವ್ಕ್ ಆಪ್ಲೆ ಕಾನ್ ಕೆಪ್ಪೆ ಕರುನ್ ಬೊಸ್ಲಾ.
ಹ್ಯಾ ಎಕ್‍ಚ್ ಕವಿತೆ ಮುಖಾಂತ್ರ್ ಸಭಾರ್ ಜನೆಲಾಂ ಉಗ್ತಿಂ ಕರುಂಕ್ ಸಾಧ್ಯ್ ಆಸಾ.ಆಸ್ಲಿ ಎಕ್ ಸುಂದರ್ ಕವಿತಾ ವಾಚುಂಕ್ ದಿಲ್ಲ್ಯಾ ಕವಿ ಆಲ್ಫೋನ್ಸ್ ಪಾಂಗ್ಳಾ ಹಾಕಾ ಮೊಜೆ ಉಲ್ಲಾಸ್ ಆನಿ ತಾಚೆ ಥಾವ್ನ್ ಕವಿತಾ ಸರಾಗ್ ವ್ಹಾಳೊಂದಿತ್ ಮುಣೊನ್ ಆಶೆತಾಂ.
A WONDERFUL THOUGHT. NICE PRESENTATION. SHOWS THE GROUND REALITY
ಪಾಂಗ್ಳಾ ಅಲ್ಫೊನ್ಸ್ ಬಾಬ್ ಇತ್ಲಿ ಗೂಂಡ್ ಚಿಂತ್ಪಾಚಿ ಕವಿತಾ ಬರಯ್ತಾ ಮ್ಹಣ್ ಆಜ್ ಕಳ್ಳೆಂ. ಬರಿ ರುಚ್ಲಿ.
ಕಾಂಳ್ಗಾಂಚೆ ರುದಾನ್ ಕಾಳ್ಜಾಕ್ ತೊಪ್ಲೆಂ.
Excellent and Meaningful poetry,
Congratulations and continue to write many more.
Beautiful poetry, heart touching it was. Congratulations.
This is the best poem.