ಕನ್ನಡಾಚೊ ಶ್ರೇಷ್ಟ್ ಕವಿ ಸಾಹಿತಿ ಡಿ ವಿ ಗುಂಡಪ್ಪಾನ್ ಲಿಕ್ಲಲಿ ಮಹಾನ್ ಕೃತಿ ಕನ್ನಡ ಭಾಗವತ ಮ್ಹಣ್ಂಚ್ ನಾಂವಾಡ್ಲಲ್ಯಾ ’ಮಂಕುತಿಮ್ಮನ ಕಗ್ಗ’ ಸ್ಟೀವನ್ ಕ್ವಾಡ್ರಸ್ ಪೆರ್ಮುದೆನ್ ಕೊಂಕ್ಣಿಕ್ ಭಾಶಾಂತರ್ ಕೆಲ್ಯಾ ಆಸುನ್, ತಿ ಕೃತಿ ಕರ್ನಾಟಕ ಸರ್ಕಾರಾಚ್ಯಾ ಕುವೆಂಪು ಭಾಷಾ ಭಾರತಿ ಪ್ರಾಧಿಕಾರಾನ್ ಪರ್ಗಟ್ಲ್ಯಾ. . ಕೃತಿಯೆಚೆಂ ಲೊಕಾರ್ಪಣ್ ತಾರೀಕ್ 20.5.2022 (ಸುಕ್ರಾರಾ) ಧನ್ಪರಾಂ 3.00 ವೊರಾಂಕ್ ಸಾಂತ್ ಲುವಿಸ್ (ಸ್ವಾಯುತ್ತ್) ಕೊಲೆಜಿಚ್ಯಾ ಎರಿಕ್ ಮಥಾಯಸ್ ಸಭಾಂಗ್ಣಾಂತ್ ಚಲ್ಚ್ಯಾ ಕಾರ್ಯಾಂತ್ ಜಾತಲೆಂ.
ಸಾಂತ್ ಲುವಿಸ್ (ಸ್ವಾಯುತ್ತ್) ಕೊಲೆಜಿಚೊ ಪ್ರಿನ್ಸಿಪಲ್ ಮಾನಾಧಿಕ್ ಬಾಪ್ ಪ್ರವೀಣ್ ಮಾರ್ಟಿಸ್ ಜೆಸ ಕಾರ್ಯಾಚೆಂ ಅಧ್ಯಕ್ಷ್ಪಣ್ ಸೊಭಯ್ತಲೆ ಆನಿ ಮೂಡುಬಿದ್ರೆ ಕೊರ್ಪುಸ್ ಕ್ರಿಸ್ತಿ ಫಿರ್ಗಜೆಚೆ ವಿಗಾರ್ ಮಾನಾಧಿಕ್ ಬಾಪ್ ಒನಿಲ್ ಡಿಸೋಜಾ ಕೃತಿ ಲೊಕಾರ್ಪಣ್ ಕರ್ತಲೆ. ಕುವೆಂಪು ಭಾಷಾ ಭಾರತಿ ಪ್ರಾಧಿಕಾರಾಚೊ ಅಧ್ಯಕ್ಷ್ ಪ್ರಾಧ್ಯಾಪಕ್ ಡಾ. ಗಿರೀಶ್ ಭಟ್ ಅಜಕ್ಕಳ ಆನಿ ಸಾಂತ್ ಲುವಿಸ್ (ಸ್ವಾಯುತ್ತ್) ಕೊಲೆಜಿಚೊ ರಿಜಿಸ್ಟ್ರಾರ್ ಡಾ. ಆಲ್ವಿನ್ ಡೆ’ಸಾರವರು ಮುಕೆಲ್ ಸಯ್ರೆ ಜಾವ್ನಾಸ್ತಲೆ.
