ಪಾಟ್ಲ್ಯಾ 27 ವರ್ಸಾಂನಿ ಖಂಯ್ಚ್ಯಾಯ್ ಅಧ್ಯಕ್ಶಾಚ್ಯಾ ಹಾತಾಂತ್ ಸಾಧ್ ಜಾಯ್ನಾತ್ಲೆಂ ಅಭಿನಂದನೀಯ್ ಕಾಮ್ ಪ್ರಸ್ತುತ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೊ ಅಧ್ಯಕ್ಶ್ ಡೊ| ಕೆ. ಜಗದೀಶ ಪೈ ಹಾಣಿಂ ಕರ್ನ್ ದಾಕಯ್ಲಾಂ – ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಕ್ ಸ್ವಂತ್ ದಫ್ತರ್ ಆನಿ ಕೊಂಕಣಿ ಭವನ್. ಆತಾಂ, ಕೊಂಕಣಿ ಭವನಾಚ್ಯಾ ಶಿಲಾನ್ಯಾಸ್ ಕಾರ್ಯಕ್ರಮಾಕ್ ಕೊಂಕ್ಣಿ ಕಥೊಲಿಕಾಂಕ್ ವೆದಿ ದೀಂವ್ಕ್ ನಾ ಮ್ಹಣ್ ಎಕೆ ಕುಶಿಥಾವ್ನ್ ಕೊಲೆ (ಕೊಂಕ್ಣಿ ಲೇಖಕ್) ಆನಿ ಆನ್ಯೆಕೆ ಕುಶಿಥಾವ್ನ್ ಫಿಲೆ (ಫಿಂರ್ಗಿ ಲೇಖಕ್) ಕಾತ್ಕುತ್ಲಿ ಹುಂಗ್ಲ್ಲೆಬರಿ ಖೊರ್ಪುನ್ ಘೆತೇ ಆಸಾತ್. ಆತಾಂ, ಖಂಯ್ಚ್ಯೆ ಅರ್ಹತೆರ್ ಅಕಾಡೆಮಿಚ್ಯಾ ಮಾಜಿ ಅಧ್ಯಕ್ಶ್ಯಾಂಕ್ ವಾ ಕೊಂಕ್ಣಿ ಕಥೊಲಿಕಾಂಕ್ ಆಪವ್ನ್ ವೆದಿ ದೀಜೆ ಆಸ್ಲಿ ಮ್ಹಳ್ಳ್ಯಾ ವಿಶಯಾಚೆರ್ ಜಾಂವ್ ಕೊಲೆಂಕ್ ಜಾಂವ್ ಫಿಲೆಂಕ್ ಸ್ಪಶ್ಟ್ ಕಲ್ಪನಾ ನಾ; ವಾ ಆಸ್ಲ್ಯಾರೀ ಕಥೊಲಿಕ್ ಕೊಮುವ್ಯಾಧಿನ್ ತಾಂಕಾಂ ಕುರ್ಡೆಂ ಕೆಲಾಂ.
ಫಟಿ – ಚೆಕ್
ಆತಾಂ – ಹಿ ವರ್ದಿ ತಯಾರ್ ಕೆಲ್ಲೊ ‘ಅಲ್ಫಿ’ ಮ್ಹಳ್ಳೊ ‘ವರ್ದೆಗಾರ್’ ಕಿತ್ಲೊ ಪಕ್ಶಪಾತಿ ಆನಿ ಆಪ್ಲ್ಯಾ ‘ಇಶ್ಟಾ’ ಖಾತಿರ್ ( ತಶೆಂ ತಾಣೆ ವರ್ದೆಚ್ಯಾ ಸುರ್ವೆರ್ಚ್ ಬರಯ್ಲಾಂ – ದಾಕ್ಲೊ ದಿಲಾ) ಖಂಯ್ಚ್ಯಾ ರೇಂಜಾಕ್ ಫಟಿ ಮಾರುಂಕ್ ತಯಾರ್ ಆಸಾ ಮ್ಹಣ್ಚ್ಯಾಕ್, ಹಾಂಗಾಸರ್ ಪ್ರಸ್ತುತ್ ಕೆಲ್ಲೆ ದಾಕ್ಲೆ ಪಳಯಾ. ಹೆ ನೋಟ್ಸ್ 30 ಜ್ಯೂನ್ 2015 ವೆರ್ ಹಾಂವೆ ದಾಕ್ಲ್ಯಾಂ ಸಮೇತ್ ಬರಯಿಲ್ಲೆ. ನೋಟ್ಸಾಚೊ ಗಾಂಚ್ ಹಾಂಗಾಸರ್ ಆಸಾ : https://www.facebook.com/media/set/?set=a.10204722742563897&type=3
ತವಳ್ ದಾಕ್ಲ್ಯಾಂ ಸಮೇತ್ ಹ್ಯಾ ಪಕ್ಶಪಾತಿ ಪತ್ರಕರ್ತಾಚಿ ಪಿಕುಳ್ ಭಾಯ್ರ್ ಘಾಲ್ಯಾ ಉಪ್ರಾಂತ್, ತಾಣೆ ಮ್ಹಜೆಂ ನಾಂವ್ ಉಲ್ಲೇಕ್ ಕರಿನಾಸ್ತಾನಾ Thank you for the alert? ಮ್ಹಣ್ ತ್ಯಾಚ್ ವರ್ದೆಪಂದಾ ಪರ್ಗಟ್ ಮಾಫ್ ಮಾಗ್ಲ್ಲಿ ಆಸಾ. ಹಾಂಗಾಸರ್ ದಿಲ್ಲೊ ದಾಕ್ಲೊ ಪಳಯಾ :
ಹ್ಯಾ ಘಡಿತಾಥಾವ್ನ್ ಹೊ ಪಕ್ಶಪಾತಿ ‘ಪತ್ರ – ಕರ್ತ’ ಲಿಸಾಂವ್ ಶಿಕ್ಲ್ಲೆಪರಿಂ ದಿಸಾನಾ. ಆಜ್ ಪರ್ತ್ಯಾನ್ ಆಪ್ಲ್ಯಾ ಇಶ್ಟಾಕ್ (ವಯ್ರ್ ದಿಲ್ಲೊ ದಾಕ್ಲೊ ಪಳಯಾ) ಲೊಣಿ ಲಾಂವ್ಕ್ ಕಥೊಲಿಕಾಂಕ್ ಕೊಂಕಣಿ ಭವನ ಶಿಲಾನ್ಯಾಸ ಕಾರ್ಯಾಕ್ ಆಪಂವ್ಕ್ ನಾ ಮ್ಹಣ್ ಫಟಿ ಮಾರ್ತೇ ಆಸಾ. ತಿತ್ಲ್ಯಾಕ್ ರಾವಾನಾಸ್ತಾನಾ, ಅಕಾಡೆಮಿಕ್ ‘ಹಂಬಕ್’ ಮ್ಹಣ್ತಾ. ಆನಿ ಥೊಡೆ ಕೊಲೆ – ಹಾಣೆ ಕೆಲ್ಲಿ ಪಕ್ಶಪಾತಿ ವರ್ದಿಚ್ ವಾಂಜೆಲ್ ಸತ್ ಮ್ಹಣ್ ಸಮಾಜಿಕ್ ಜಾಳಿಜಾಗ್ಯಾಂನಿ ವಾಂಟುನ್ ಘೆತೇ ಆಸಾತ್. ಹೆ ದಾಕ್ಲೆ ಪಳಯ್ಲ್ಯಾರ್ ಸ್ಪಶ್ಟ್ ಕಳ್ತಾ – ಕೋಣ್ ‘ಹಂಬಕ್’ ಆನಿ ಕೋಣ್ ಪ್ರಾಮಾಣಿಕ್ ಮ್ಹಣ್!
ಸರ್ಕಾರಿ ಅನುದಾನಿತ್ ಸಂಸ್ಥೊ ಜಾವ್ನಾಸ್ಚ್ಯಾ ಕರ್ನಾಟಕ್ ಕೊಂಕಣಿ ಸಾಹಿತ್ಯ ಅಕಾಡೆಮಿನ್ ಶಿಶ್ಟಾಚಾರಾಪ್ರಕಾರ್ ಚುನಾಯಿತ್ ಆನಿ ನಾಮ್ನಿರ್ದೇಶಿತ್ ಲೊಕಾಪ್ರತಿನಿಧಿಂಕ್ ಕಾರ್ಯಕ್ರಮಾಂತ್ ವೆದಿ ದಿಲ್ಯಾ ಸೊಡ್ಲ್ಯಾರ್, ಜಾತ್ ಆನಿ ಧರ್ಮಾಲೆಕಾರ್ ದೀಂವ್ಕ್ ನಾ. ಜಾತಿ ಆನಿ ಧರ್ಮಾಲೆಕಾರ್ ವೆದಿ ದೀಂವ್ಕ್ ಅಕಾಡೆಮಿ ಧರ್ಮ್ ಸಭಾ ವಾ ಜಾತಿ ಪಂಚಾಯ್ತ್ ನ್ಹಯ್! ಸರ್ಕಾರಿ ಅನುದಾನಿತ್ ಸಂಸ್ಥೊ ಮ್ಹಳ್ಯಾ ಉಪ್ರಾಂತ್ ಹರ್ ಕಾರ್ಯಕ್ರಮಾಕ್ ಸರ್ಕಾರಿ ಶಿಶ್ಟಾಚಾರ್, ಮ್ಹಳ್ಯಾರ್ ಪ್ರೊಟೊಕೊಲ್ ಆಸ್ತಾ ಆನಿ ಖಂಯ್ಸರೀ ಪ್ರೊಟೊಕೊಲಾಂತ್ ಫಿಟ್ ಜಾಯ್ನಾತ್ಲ್ಯಾ ಕಥೊಲಿಕಾಂಕ್, ಫಕತ್ ಆನಿ ಫಕತ್ ತೊ ಕಥೊಲಿಕ್ ಜಾವ್ನ್ ಜಲ್ಮಲಾ, ಸೊಜ್, ಸಲ್ಡಾನ್ಹ್, ಕಾಸ್ತೆಲಿನ್ ಮ್ಹಳ್ಳೆಂ ಆಲ್ಕುಂಜ್ (ತೆಂಯ್, ಬಾಪಾಯ್ಚೆಂ – ತಾಚೆಂ ನ್ಹಯ್) ವ್ಹಾವಯ್ತಾ ಮ್ಹಳ್ಳ್ಯಾ ಎಕಾಚ್ ಎಕಾ ಕಾರಣಾಖಾತಿರ್, ವೆದಿರ್ ಜಾಗೊ ದೀಂವ್ಕ್ ಜಾಯ್ನಾ. ಆತಾಂ, ಕೊಲೆ ಆನಿ ಫಿಲೆ ಹಾಣಿಂ ಸಾಂಗ್ಚೆ ಕಥೊಲಿಕ್ ಜರಿ ಲೊಕಾಮತಾನ್ ವಿಂಚುನ್ ಯೇವ್ನ್ ಎಂಎಲ್ಲೆಗೀ ವಾ ಸರ್ಕಾರಾಥಾವ್ನ್ ನಾಮ್ನಿರ್ದೇಶಿತ್ ಜಾವ್ನ್ ಎಮ್ಮೆಲ್ಸಿಗೀ ಜಾಲ್ಲೆ ಜಾಲ್ಯಾರ್ ವಾ ಉಣ್ಯಾರ್ ಉಣೆಂ ತ್ಯಾ ವಾರ್ಡಾಚೊ ಕೊರ್ಪೊರೇಟರ್ ತರೀ ಜಾಲ್ಲೆ ಜಾಲ್ಯಾರ್ ಸರ್ಕಾರಿ ಶಿಶ್ಟಾಚಾರಾಪ್ರಕಾರ್ ತಾಂಕಾಂ ವೆದಿರ್ ಆಪಾಪಿಂ ಜಾಗೊ ಮೆಳ್ತೊ. ಹಿ ಬೊವ್ ಸೊಂಪಿ ಗಜಾಲ್. ಆತಾಂ, ಏಕ್ ಥಳೀಯ್ ಕೊರ್ಪೊರೇಟರ್ ಜಾವ್ನ್ ಎಲಿಸಾಂವಾಂತ್ ವಿಂಚೊನ್ ಯೆಂವ್ಚಿ ಯೋಗ್ಯತಾ ನಾತ್ಲಲ್ಯಾಂಕ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚ್ಯಾ ಕಾರ್ಯಕ್ರಮಾಂತ್ ವೆದಿರ್ ಜಾಗೊ ಜಾಯ್ಜೆ ಮ್ಹಣ್ಚ್ಯಾಕ್ ರಾಜಾಂವ್ ನಾ! ತಶೆಂ ಪಳೆಂವ್ಕ್ ಗೆಲ್ಯಾರ್, ಕಥೊಲಿಕ್ ಮ್ಹಳ್ಳ್ಯಾ ಹುದ್ದ್ಯಾಹಕ್ಕಾನ್ ಶಿಲಾನ್ಯಾಸ್ ಕಾರ್ಯಾಚ್ಯೆ ವೆದಿರ್ ಅವ್ಕಾಸ್ ಮೆಳ್ಚ್ಚೊ ಜಾಲ್ಯಾರ್ ಭವನ ಆಸ್ಚ್ಯಾ ವಾಡ್ಯಾಚ್ಯಾ ಗುರ್ಕಾರಾಕ್ ತೊ ಮಾನ್ ಫಾವೊ ಸೊಡ್ಲ್ಯಾರ್ ಕೊಲೆ ಆನಿ ಫಿಲೆಂನಿ ಉಲ್ಲೇಖ್ ಕೆಲ್ಲ್ಯಾಂಕ್ ನ್ಹಯ್!
ಕೊಲೆಂನಿ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಂತ್ ಕಥೊಲಿಕಾಂಕ್ ಪ್ರತಿನಿಧಿತ್ವ್ಚ್ ನಾ ಮ್ಹಣ್ ಮುರಿಯೊ ದಿಂವ್ಚೆಂ ಕಾಂಯ್ ಆಜ್ಕಾಲ್ಚೆಂ ನ್ಹಯ್. ಪ್ರಸ್ತುತ್ ಅಕಾಡೆಮಿಂತ್ ಏಕ್ಯೀ ಕಥೊಲಿಕ್ ಸಾಂದೊ ನಾ ಮ್ಹಣ್ ತವಳ್ ತವಳ್ ತೆ ಪಿಂರ್ಗೊನ್ಚ್ ಆಸ್ತಾತ್. ಕೊಂಕಣಿ ಭವನ ಶಿಲಾನ್ಯಾಸ ತಸಲಿಂ ವ್ಹಡ್ಲಿಂ ಕಾರ್ಯಕ್ರಮಾಂ ಜಾತಾನಾ ಹಾಂಚಿ ಪಿಂರ್ಗೊಣ್ ಎಕಾಣೆಂ ಫಿಟ್ಸ್ ಜಾವ್ನ್ ದಾಂತ್ ಕಿರ್ಲೊಣೆಂತ್ ಬದಲ್ತಾ. ಪುಣ್ ಅಕಾಡೆಮಿಥಾವ್ನ್ ಸಂಭಾವನ್, ಅನುದಾನ್ ಮ್ಹಣ್ ಕಿತ್ಲೊ ಫಾಯ್ದೊ ಜೊಡುಂಕ್ ಜಾತಾ, ತೊ ಜೊಡ್ಚೊ ಏಕ್ಯೀ ಆವ್ಕಾಸ್ ಹೆ ಕೊಲೆ ಸೊಡಿನಾಂತ್ ತಿ ವೆಗ್ಳಿ ಗಜಾಲ್!
ಮ್ಹಾಕಾ ಪ್ರಾಮಾಣಿಕ್ಪಣಿ ಭೊಗ್ತಾ, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಂತ್ ಹಾಣಿಂ ಬಾಲ್ದಿ ಧರ್ಚ್ಯಾ ಕೊಣಾಯ್ಕೀ ಆವ್ಕಾಸ್ ದೀನಾಸ್ತಾನಾ ಸರ್ಕಾರಾನ್ ಭಾರಿಚ್ ಬರೆಂ ಕಾಮ್ ಕೆಲಾಂ. ಎಕಾದಾವೆಳಾ ಹಾಣಿಂ ಸಾಂಗ್ಚೆಪಯ್ಕಿಂಚ್ಯಾ ಕೊಣಾ ಎಕ್ಲ್ಯಾಕ್ ಕಥೊಲಿಕ್ ಮ್ಹಣ್ ಅಕಾಡೆಮಿಂತ್ ಸಾಂದೊ ಕೆಲ್ಲೊ ಜಾಲ್ಯಾರ್, ಕೊಂಟ್ರ್ಯಾಕ್ಟ್ ಆನಿ ಕಮಿಶನ್ ಮ್ಹಣ್ ಭವನಾಚೆಂ ಕಾಮ್ ಸುರು ಜಾಂವ್ಚ್ಯಾ ಪಯ್ಲೆಂಚ್ ಬಜೆಟ್ ಖಾಲಿ ಜಾತೆಂ! ಜಾಂವ್ ಇಗರ್ಜ್, ಜಾಂವ್ ಹೆರ್ ಖಂಯ್ಚೋಯ್ ಸಂಸ್ಥೊ – ಚಡಾವತ್ ಕಥೊಲಿಕ್ ಮುಕೆಲ್ಯಾಂಚಿ ದೀಶ್ಟ್ ಆಸ್ಚಿ ಕೊಂಟ್ರ್ಯಾಕ್ಟ್ ಆನಿ ಕಮಿಶನಾಚೆರ್. ಕೊಂಟ್ರ್ಯಾಕ್ಟ್ ಆನಿ ಕಮಿಶನ್ ನಾ ಜಾಲ್ಯಾರ್ – ಹ್ಯಾ ಮುಕೆಲ್ಯಾಂಕ್ ಕಥೊಲಿಕ್ಪಣ್ಚ್ ಲಾಗನಾ ಮ್ಹಳ್ಯಾ ಉಪ್ರಾಂತ್ ಕೊಂಕ್ಣಿ ಕಶಿ ಲಾಗ್ಚಿ?
ಕಾಂಯ್ ವರ್ಸಾಂ ಆದಿಂ, ಮಂಗ್ಳುರ್ ವಿಶ್ವವಿದ್ಯಾಲಯಾಂತ್ ಕೊಂಕ್ಣೆಕ್ ಏಕ್ ಅಧ್ಯಯನ ಪೀಠ ಜಾಯ್ ಮ್ಹಣ್ ಸರ್ಕಾರಾನ್ ದೋನ್ ಕೊರೊಡ್ ರುಪಯಾಂಚೆಂ ಅನುದಾನ್ ದಿಲೆಂ. ದುಡು ಲೊಕಾಚೊ, ಪೀಠ ಮಂಜೂರ್ ಕೆಲ್ಲೆಂ ಸರ್ಕಾರಾನ್, ಪತ್ರಾಂನಿ ಪೀಠ ಸ್ಥಾಪಕರು ಮ್ಹಣ್ ಜಯ್ತ್ ತಸ್ವಿರೆಸವೆಂ ಸಗ್ಳ್ಯಾ ಪಾನಾಚಿಂ ಜಾಯ್ರಾತಾಂ ಮಾತ್ ಕಥೊಲಿಕ್ ಮುಕೆಲ್ಯಾಚಿಂ ಆಯ್ಲಿಂ. ಪಾವನಾತ್ಲ್ಯಾಕ್ ಕೊಡ್ಯಾಳ್ಚ್ಯೆ ಪೆಂಟೆಂತ್ ನಾಕ್ಯಾಂನಿ ಹೋರ್ಡಿಂಗಾಂ – ಪೀಠ ಸ್ಥಾಪಕರು! ದಿಯೆಸೆಜಿಚ್ಯಾ ಪತ್ರಾರ್ ಸಯ್ತ್ ಮುಕ್ಪಾನ್ ಖಬರ್ – ಪೀಠ ಸ್ಥಾಪಕ! ಮೆಜಾವಯ್ಲೆಂ ಕೆಳೆಂ ಕಾಡ್ನ್ ಪಿಲ್ಯಾದ್ ಜೊಡ್ಚೆಂ ಕಶೆಂ ಮ್ಹಣ್ ಅಸಲ್ಯಾ ಕಥೊಲಿಕಾಂ ಥಾವ್ನ್ ಶಿಕಜೆ.
ಆತಾಂ – ಪ್ರಸ್ತುತ್ ಅಧ್ಯಕ್ಶ್ ಡೊ| ಕೆ. ಜಗದೀಶ್ ಪೈಚ್ಯಾ ಜಾಗ್ಯಾರ್ ಜರಿ ಕೊಲೆಂನಿ ಸಾಂಗ್ಚೆಪಯ್ಕಿಂತ್ಲೊ ಕಥೊಲಿಕ್ ಕೊಣೀ ಅಧ್ಯಕ್ಶ್ ಆಸ್ಲ್ಲೊ ಜಾಲ್ಯಾರ್? ಪರಿಸ್ತಿತಿ ಕಶಿ ಆಸ್ತಿ ಮ್ಹಣ್ ಕಲ್ಪನ್ ಕರಿಜೆ ಜಾಲ್ಯಾರ್ ಪೀಠಾಚ್ಯಾ ಸಂದರ್ಬಾಕ್ ಎಕಾ ಖಿಣಾಕ್ ಪಾಟಿಂ ಗೆಲ್ಯಾರ್ ಜಾಲೆಂ. ಕೊಂಕಣಿ ಭವನದ ಸ್ಥಾಪಕರು – ಮ್ಹಣ್ ಖಂಯ್ಚ್ಯಾ ರೇಂಜಾಕ್ ಹೆ ಪತ್ರಾಂನಿ ಜಾಯ್ರಾತಾಂ ಛಾಪ್ತೆ? ವಿಶೇಸ್ ಪುರವಣ್ಯೊ ಕಾಡುನ್ ಮಾದ್ಯಮಾಂನಿ ಪ್ರಚಾರ್ ಜೊಡ್ತೆ? ಟೆಲಿವಿಶನಾಂನಿ ಸಂದರ್ಶನಾಂ ದಿತೆ? ಕೊಡ್ಯಾಳ್ಚ್ಯೆ ಪೆಂಟೆಂತ್ ನಾಕ್ಯಾ ನಾಕ್ಯಾಂನಿ ಹೋರ್ಡಿಂಗಾಂ ಉಬಿಂ ಕರ್ತೆ? ಇಲ್ಲೆಂ ಚಿಂತುನ್ ಪಳಯಾ. ಹೆಂ ಇತ್ಲ್ಯಾಕ್ ರಾವಾಯ್ನಾಸ್ತಾನಾ, ಕರ್ನಾಟಕಾಂತ್ಲ್ಯಾ ಸಗ್ಳ್ಯಾ ಬಿಸ್ಪಾಂಕ್ ಆಪವ್ನ್ ವೆದಿರ್ ಬಸಯ್ತೆ.
ಆತಾಂ ಅಸಲೊ ಏಕ್ ಆವ್ಕಾಸ್ ಹಾತ್ ಚುಕೊನ್ ಗೆಲೊನೇ ಮ್ಹಳ್ಳ್ಯಾ ಎಕಾಚ್ ಎಕಾ ಕಾರಣಾಕ್ ಲಾಗೊನ್, ಕಥೊಲಿಕ್ ಮುಕೆಲಿ ತಾಂಚೊ ಹಾತ್ ಪಾವ್ತಾ ಥಂಯ್ ಆನಿ ಹಾತ್ ಪಾವನಾತ್ಲ್ಯಾ ಜಾಗ್ಯಾಂನಿ ಕೊಲೆಂಕ್ ಆನಿ ಫಿಲೆಂಕ್ ನಮಿಯಾರ್ನ್ ಖೊರ್ಪುನ್ ಕಾಣ್ಘೆತೇ ಆಸಾತ್!
ಆತಾಂ, ಅಸಲ್ಯಾ ಗಜಾಲಿಂಕ್ ಕಾಳ್ ಕಶೆಂ ಜಾಪ್ ದಿತಾ ಪಳಯಾ – ಲೊಕಾಚ್ಯಾ ದುಡ್ವಾನ್ ಜಾಂವ್ಚ್ಯಾ ಪೀಠಾಂತ್ ಕೊಂಕ್ಣಿ ಸಾಹಿತಿಂಕ್ ಆವ್ಕಾಸ್ ದೀಜೆ ಆಸ್ಲೊ ಮ್ಹಣ್ ಫೇಸ್ಬುಕಾರ್ ಎಕಾ ಬರಯ್ಣಾರಾನ್ ತಾಚಿ ಅಭಿಪ್ರಾಯ್ ಉಚಾರ್ಲ್ಲೆ ತವಳ್ ಅಕಾಡೆಮಿಚೊ ಸಾಂದೊ ಜಾವ್ನಾಸ್ಲ್ಲ್ಯಾ ಎಕಾ ಕಥೊಲಿಕ್ ಸಾಂದ್ಯಾನ್ ತಾಕಾ ದಿಲ್ಲಿ ಜಾಪ್ – ‘ತುಂ ಏಕ್ ಅಸಲೊಚ್ ಅಧ್ಯಯನ್ ಕೇಂದ್ರ್ ಸುರು ಕರ್ ಆನಿ ಬಾಕಿ ಪೂರಾಂಕ್ ಸೊಡ್ನ್ ಸಾಹಿತಿಂಕ್ ಮಾತ್ ಆಪಯ್!’ ಆಜ್ ಕಾತ್ಕುತ್ಲಿ ಹುಂಗ್ಲ್ಲೆಬರಿ ಖೊರ್ಪುನ್ ಘೆಂವ್ಚ್ಯಾ ಕೊಲೆಂಕ್, ಫಿಲೆಂಕ್ ಆನಿ ಹೆರ್ ಕಥೊಲಿಕಾಂಕ್ ಕಾಳಾನ್ ಸ್ಪಶ್ಟ್ ಜಾಪ್ ದಿಲ್ಯಾಶೆಂ ದಿಸ್ತಾ. ತುಮ್ಕಾಂ ಜಾಯ್ ಜಾಲ್ಯಾರ್ ಏಕ್ ಭವನ ಬಾಂದಾ, ತುಮ್ಕಾಂ ಜಾಯ್ ಜಾಲ್ಲ್ಯಾಂಕ್ ಆಪಯಾ, ವೆದಿರ್ ಬಸಯಾ!
ವೆದಿ, ಮೈಕ್ ಆನಿ ಸನ್ಮಾನಾಖಾತಿರ್ ಕಥೊಲಿಕಾಂಚೆಂ ರಡ್ಣೆಂ, ರುದಾನ್ ಆನಿ ದಾಂತ್ ಕಿರ್ಲೊಣಿ ಆಯ್ಚಿ ಕಾಲ್ಚಿ ಗಜಾಲ್ ನ್ಹಯ್. ಅಸಲಿಚ್ ದಾಂತ್ ಕಿರ್ಲೊಣಿ ವಿಶ್ವ ಕೊಂಕ್ಣಿ ಕೇಂದ್ರಾಚ್ಯಾ ಶಿಲಾನ್ಯಾಸ್ ಕಾರ್ಯಾವೆಳಾರ್ಯೀ ಜಾಲ್ಲಿ. ತವಳ್, ಕೊಲೆ ಆನಿ ಫಿಲೆಂಚೊ ಪೊದೊರ್ನ್ ಅಕಾಡೆಮಿಚೊ ಅಧ್ಯಕ್ಶ್ ಜಾವ್ನಾಸ್ಲೊ. ವಿಶ್ವ ಕೊಂಕ್ಣಿ ಕೇಂದ್ರಾಚ್ಯಾ ಕಾರ್ಯಾಕ್ ಅಕಾಡೆಮಿಚ್ಯಾ ಅಧ್ಯಕ್ಶ್ಯಾಕ್ ವೆದಿರ್ ಜಾಗೊ ದೀಂವ್ಕ್ ನಾ ಮ್ಹಣ್ ಕೊಲೆಂನಿ ಪತ್ರಾಂನಿ ರಡ್ಣೆಂ ರುದಾನ್ ಆನಿ ದಾಂತ್ ಕಿರ್ಲೊಣೆಚಿ ಸಾಂಕಳ್ ಕಾಣಿಚ್ ಸುರು ಕೆಲ್ಲಿ. ಹಾಂಗಾಸರ್ ದಿಲ್ಲೆ ದಾಕ್ಲೆ ಪಳಯಾ :
ಮುಕ್ಪಾನಾರ್ ಶಿಲಾನ್ಯಾಸಾಚಿ ವರ್ದಿ
ವರ್ದಿ ಫಾಯ್ಸ್ ಜಾಲ್ಲ್ಯಾ ಅಂಕ್ಯಾಂತ್ಂಚ್ ವಿಶೇಸ್ ಸಂಪಾದಕೀಯ್
ವರ್ದಿ ಫಾಯ್ಸ್ ಜಾಲ್ಲ್ಯಾ ಅಂಕ್ಯಾತ್ಚ್ ವಾಚ್ಪ್ಯಾಂಚಿಂ ಪತ್ರಾಂ ???
ಉಪ್ರಾಂತ್ಲ್ಯಾ ಅಂಕ್ಯಾರ್ ವಿಶೇಸ್ ಮುಕ್ಪಾನ್ ಲೇಕನ್
ಮುಕ್ಪಾನ್ ಲೇಕನಾಕ್ ವಾಚ್ಪ್ಯಾಚೆಂ ಪತ್ರ್ – ತೇಂಯ್ ಒಳಕ್ ಲಿಪವ್ನ್
ಸ್ತ್ರೀಯಾಂಕರ್ನಾ ಸ್ಪೆಶಲ್ ವಾಚ್ಪ್ಯಾಂಚಿಂ ಪತ್ರಾಂ
ವಿಶ್ವ ಕೊಂಕ್ಣಿ ಕೇಂದ್ರ್ ಏಕ್ ಖಾಸ್ಗಿ ಸಂಸ್ಥೊ. ಥಂಯ್ ಸರ್ಕಾರಿ ಶಿಶ್ಟಾಚಾರ್ ಲಾಗು ಜಾಯ್ನಾ ಮ್ಹಳ್ಳಿ ಗಜಾಲ್ ಕಳಿತ್ ಆಸೊನೀ ಆತಾಂ ಮುರಿಯೊ ದಿಂವ್ಚ್ಯಾ ಕೊಲೆಂನಿ ‘ಅಕಾಡೆಮಿಚೊ ಅಧ್ಯಕ್ಶ್ ಸಾದ್ಯಾ ಮನ್ಶಾಬರಿ ಯೇವ್ನ್ ಸಭಿಕಾಂಮದೆಂ ಬಸೊನ್ ಜೇವ್ನ್ ಗೆಲೊ, ತಾಕಾ ಮರ್ಯಾದ್ ದಿಲಿನಾ’ ಮ್ಹಣ್ ಆರೋಪ್ ಮಾಂಡ್ಲ್ಲೆ. ವಿಪರ್ಯಾಸ್ ಪಳಯಾ – ತವಳ್ ‘ಪೊಸ್ಕಿಂ’ ಆಸ್ಲ್ಲಿಂ ಪತ್ರಾಂ ಆತಾಂ ‘ಪುಸ್ಕು’ ಜಾಲ್ಯಾಂತ್. ವಿಶ್ವ ಕೊಂಕ್ಣಿ ಕೇಂದ್ರಾಂತ್ ಜಾಂವ್ಚಿಂ ಕೊಂಕ್ಣೆಚಿಂ ಕಾಮಾಂ ಕೊಂಕ್ಣಿ ವಿಶ್ವಾಂತ್ ಖಂಯ್ಸರೀ ಜಾತೇನಾಂತ್. ಅಕಾಡೆಮಿ, ಭವನ ಮ್ಹಣ್ ತೆ ಪಾಟಿಂ ಉರೊಂಕ್ ನಾಂತ್. ಕಾಳಾಸಾಂಗಾತಾ ವಾಡ್ಲ್ಯಾತ್ ಮಾತ್ರ್ ನ್ಹಯ್ ಸಮಸ್ತ್ ಕೊಂಕ್ಣಿ ಸಮಾಜೆಕ್ ಎಕಾ ಪಾಲ್ವಾಂತ್ ತಾಣಿಂ ಆರಾವ್ನ್ ಧರ್ಲಾಂ.
ಕಥೊಲಿಕ್ ಮಾತ್ರ್, ಅಕಾಡೆಮಿಂತ್ ಸಾಂದೆಪಣ್ ನಾ, ಭವನಾಚ್ಯಾ ಶಿಲಾನ್ಯಾಸ ಕಾರ್ಯಕ್ರಮಾಂತ್ ವೆದಿರ್ ಜಾಗೊ ನಾ ಮ್ಹಣ್ ದಾಂತ್ ಕಿರ್ಲೊಣಿ ಕರುನ್ ಬಸ್ಲ್ಯಾತ್. ಕಥೊಲಿಕಾಂಚ್ಯಾ ಸಂಸ್ಥ್ಯಾಂಕ್ ತೀಸ್ ಪ್ರಾಸ್ ಚಡ್ ವರ್ಸಾಂ ಪ್ರಾಯ್ ಜಾಲ್ಯಾರೀ ಆಜೂನ್ ಪಾಂಚ್ ಹಜಾರ್ ದೀ, ಧಾ ಹಜಾರ್ ದಿ – ಲಕ್ಕಿ ಡಿಪ್ ಕಾಡ್ತಾಂವ್, ತುಕಾ ಕಾರ್ ದಿತಾಂವ್ ಮ್ಹಣ್ ಮಾಗೊನ್ ಆಸಾತ್. ತೀಸ್ ನ್ಹಯ್, ಶೆಂಭೊರ್ ವರ್ಸಾಂ ಗೆಲ್ಯಾರೀ, ಕೊಂಕ್ಣೆಚ್ಯಾ ನಾಂವಾನ್ ಹಾಣಿಂ ಮಾಗ್ಚೆಂ ರಾಂವ್ಚೆಬರಿ ಸದ್ದ್ಯಾಕ್ ತರೀ ದಿಸನಾ.
ಹಾಂವೆಂ ಪಾರ್ಕಿಲ್ಲೆಪರ್ಮಾಣೆಂ ಸಂಸ್ಕೃತೆಚ್ಯಾ ಗಜಾಲಿಂಕ್ ಯೆತಾನಾ ಕರಾವಳೆಂತ್ ಕಥೊಲಿಕಾಂತಿತ್ಲೆ ಕೋಮುವಾದಿ ದುಸ್ರೆ ನಾಂತ್. ಕಥೊಲಿಕಾಂಚಿಂ ಖಂಯ್ಚೀಂಯ್ ಸಂಸ್ಕೃತಿಕ್ ಕಾರ್ಯಿಂ ಪಾದ್ರಿ, ಬಿಸ್ಪ್ ನಾಸ್ತಾನಾ ಜಾಂವ್ಕ್ಚ್ ಜಾಯ್ನಾಂತ್! ಸಮಡ್ತ್ ಆನಿ ಸಂಸ್ಕೃತಿ ಖಂಯ್ಸರ್ ವೆಗ್ಳಿ ಕರಿಜೆ, ಖಂಯ್ಸರ್ ಗೀಟ್ ವೊಡಿಜೆ ಮ್ಹಳ್ಳಿ ಮುಳಾವಿ ಸಮ್ಜಣಿ ಕೊಂಕ್ಣಿ ಕಥೊಲಿಕಾಂಕ್ ನಾ! ನಾಚ್ – ಗಾಯನ್ – ಹಾಸ್ಯ್ – ಸೊಭಾಯ್ – ಸಗ್ಳ್ಯಾ ಶೆತಾಂನಿ ರಾಯ್ ಆನಿ ರಾಣಿಯಾಂಕ್ ಮುಕುಟ್ ಖೊವಂವ್ಕ್ ಮಾತ್ರ್ ನ್ಹಯ್, ಲಕ್ಕಿ ಡಿಪ್ ಡ್ರೊ ಕರುಂಕ್ಯೀ ಕೊಂಕ್ಣಿ ಕಥೊಲಿಕಾಂಕ್ ಬಿಸ್ಪ್ ಜಾಯ್! ವಿಪರ್ಯಾಸ್ ಮ್ಹಳ್ಯಾರ್ ನಾಚ್, ಗಾಯನ್, ಹಾಸ್ಯ್ ರಾಯಾಂಕ್ ಆನಿ ರಾಣಿಯಾಂಕ್ ಮುಕುಟ್ ಖೊವಂವ್ಚೆಂ ಆನಿ ಲಕ್ಕಿಡಿಪ್ ಡ್ರೊ ಕಾಡ್ಚೆಂ ಆಪ್ಣಾಚೆಂ ಕಾಮ್ ನ್ಹಯ್, ತೆಂ ತುಮ್ಚೆಂ ಲಾಯಿಕಾಂಚೆಂ ಕಾಮ್ ಮ್ಹಣ್ ಸ್ಪಶ್ಟ್ ಸಾಂಗ್ಚ್ಯೆ ಪರಿಸ್ತಿತೆಂತ್ ಕಥೊಲಿಕ್ ಸಮಡ್ತಿಚೆ ವ್ಹಡಿಲ್ಯೀ ನಾಂತ್! ತೆ ದಾಕ್ಶೆಣೆಚ್ಯಾ ಆನಿ ರುಣಾಚ್ಯಾ ವೊಜ್ಯಾಪಂದಾ ಅಡ್ಚೊನ್ ಗೆಲ್ಯಾತ್ಶೆಂ ದಿಸ್ತಾ!
ವಿಚಿತ್ರ್ ದಿಸ್ತಾ – ಕಥೊಲಿಕಾಂಕ್ ವೆದಿರ್ ಸ್ಥಾನ್ ದೀಂವ್ಕ್ ನಾ, ಸೊಜ್ ನಾ, ಸಲ್ದಾನ್ಹ್ ನಾ, ಕಾಸ್ತೆಲಿನ್ ನಾ ಮ್ಹಣ್ ವಿಳಾಪ್ ದಿಂವ್ಚೆ ಕೊಲೆ ಆನಿ ಫಿಲೆ, ಬಿಸ್ಪಾಕ್ ಕಿತ್ಯಾಕ್ ಶಿಲಾನ್ಯಾಸಾಕ್ ಆಪಂವ್ಕ್ ನಾ? ಮ್ಹಣ್ ಕಿತ್ಯಾಕ್ ವಿಚಾರ್ತೇನಾಂತ್? ಕೊಲೆಂಚಿ ಆನಿ ಫಿಲೆಂಚಿ ಮೂಳ್ ವ್ಯಾಧಿ(ದೂಕ್) ಕಥೊಲಿಕಾಂಕ್ ಪ್ರಾತಿನಿದ್ಯ್ ನಾ ಮ್ಹಳ್ಳಿ ನೇ? ತಾಕಾ ಸೊಜ್, ಸಲ್ಡಾನ್ಹ್, ಕಾಸ್ತೆಲಿನ್ ಮ್ಹಣ್ ದೊಗ್ – ತೇಗ್ ಕಿತ್ಯಾಕ್ ? ಅಖ್ಖ್ಯಾ ಕಥೊಲಿಕಾಂಚೊ ಅಧಿಕೃತ್ ಪ್ರತಿನಿಧಿ ಬಿಸ್ಪ್ ಎಕ್ಲೊ ಪಾವನಾಂಗೀ?
ವಿಪರ್ಯಾಸ್ ಮ್ಹಳ್ಯಾರ್ – ಅಕಾಡೆಮಿಂತ್ ಆನಿ ಅಕಾಡೆಮಿಚ್ಯಾ ಕಾರ್ಯಕ್ರಮಾಂನಿ ಕಥೊಲಿಕ್ ನಾಂತ್, ಕಥೊಲಿಕಾಂಕ್ ಪ್ರಾತಿನಿಧ್ಯ್ ನಾ ಮ್ಹಣ್ ಆಜ್ ಮುರಿಯೊ ದಿಂವ್ಚೆ ಕೊಲೆ ಆನಿ ಫಿಲೆಂನಿ, ಕೊಂಕ್ಣೆಂತ್ ಸುಡಾಳ್ ಏಕ್ ಅಕ್ಶರ್ ಬರಂವ್ಕ್ ಯೇನಾತ್ಲೆ ಕಂತ್ರಾಟ್ದಾರ್ ಅಧ್ಯಕ್ಶ್ ಜಾತಾನಾ, ಅಕಾಡೆಮಿಂತ್ ಸಾಹಿತಿಂಕ್ ಫಾವೊತೆಂ ಪ್ರಾತಿನಿಧ್ಯ್ ಮೆಳ್ತೇ ನಾ ಮ್ಹಣ್ ಸ್ಪಶ್ಟ್ ಉಲಯಿಲ್ಲ್ಯಾಂಚಿಂ ಖೆಳ್ಕುಳಾಂ ಕರ್ನ್ ತೋಂಡ್ ಧಾಂಪವ್ಚೆಂ ಪ್ರೇತನ್ ಕೆಲ್ಲೆಂ. ತವಳ್ ಉಲಯಿಲ್ಲೆ ಅಕಾಡೆಮಿಂತ್ ಸಾಹಿತಿ ಜಾಯ್ ಮ್ಹಣ್ ಉಲಯಿಲ್ಲೆ ಶಿವಾಯ್ ಕಥೊಲಿಕ್ ಜಾಯ್ ಮ್ಹಣ್ ಉಲಯಿಲ್ಲೆ ನ್ಹಯ್. ಆನಿ ಆಜ್ ಉಲಂವ್ಚೆಂ, ಅಕಾಡೆಮಿಂತ್ ಕಥೊಲಿಕ್ ಜಾಯ್ ಮ್ಹಣ್ ಉಲಯ್ತಾತ್ ಶಿವಾಯ್ ಸಾಹಿತಿ ಜಾಯ್ ಮ್ಹಣ್ ನ್ಹಯ್! ಫರಕ್ ಮುಳಾವ್ಯಾ ಉದ್ದೇಶಾಂತ್ಚ್ ಆಸಾ – ಆಜ್ ಉಲಯ್ತಲೆ ಧರ್ಮಾವಿಶ್ಯಾಂತ್ ಉಲಯ್ತಾತ್, ತವಳ್ ಉಲಯಿಲ್ಲೆ ಸಾಹಿತ್ಯಾವಿಶ್ಯಾಂತ್ ಉಲಯ್ತಾಲೆ!
ಆಜ್ಕಾಲ್ ಸರ್ಕಾರಿ ಸಂಸ್ಥ್ಯಾಂಭಿತರ್ ಖಬ್ರೆಶಿವಾಯ್ ವಾಡೊನ್ ಯೆಂವ್ಚ್ಯಾ ಉಜ್ವ್ಯಾಪಂಥೀಯ್ ಸಿದ್ಧಾಂತಾಚ್ಯಾ ಪ್ರಭಾವಾಚೊ ಆಪಾಯ್ ಎಕೆ ಕುಶಿನ್ ತರ್, ವೆದಿರ್ ಕಥೊಲಿಕಾಂಕ್ ಜಾಗೊ ದೀಂವ್ಕ್ ನಾ ಮ್ಹಣ್ಚೊ ಭಾಯ್ಲೊ ಕಥೊಲಿಕ್ ಕೋಮುವಾದ್ ಆನ್ಯೆಕೆ ಕುಶಿನ್. ಭಾಯ್ಲ್ಯಾ ಆನಿ ಭಿತರ್ಲ್ಯಾಂಚ್ಯಾ ಝಗ್ಡ್ಯಾಂತ್ ಅಕಾಡೆಮಿಂತ್ ಸಾಹಿತಿ ಅನಾಥ್ ಜಾಲ್ಲಿ ಗಜಾಲ್ ಮಾತ್ರ್ ಕೊಣಾಕೀ ದಿಸನಾ!
► ಎಚ್ಚೆಮ್
We are witnessing in our Catholic/Christian community consisting of powerful laity writers, composers, thinkers, leaders but I do not know whether any of them have worked to build an united front for the united cause of Konkani !. Because we are not bound by the unity; conflict provokes a decrease in our mutual relationships and mutual understanding in the cause of our Konkani community, causing divide and live/leave. As you understand, these deteriorations are almost exclusively relationships that linked opponents and supporters confirming further the community divide, social divide and strong ties divide. Perhaps, I believe, this could be the one of the reason why we were left out from the invite card although still in persistence we all ask, ‘ why we were left out from the invite card’?.
ವ್ಹಯ್ ಫ್ಲೊರಿನ್ ಬಾಯೆ, ಹಾಂವೆಂ ಎರಿಕ್ ಆನಿ ರೋಯ್ ಅಧ್ಯಕ್ಷ್ ಜಾತಾನಾ ವಿರೊಧ್ ಕರುಂಕ್ ನಾ ಆನಿ ಪ್ರಸ್ತುತ್ ಆಸ್ಚೊ ಅಧ್ಯಕ್ಷ್ ಜಾತಾನಾಯ್ ವಿರೊಧ್ ಕರುಂಕ್ ನಾ. ಪೂಣ್ ತುಂಮಿಂ ತವಳ್ ವಿರೊಧ್ ಕರುನ್ ಆತಾಂ ಕಿತ್ಯಕ್ ವೊಗೆ ಮ್ಹಣ್ ಮ್ಹಜೆಂ ಸವಾಲ್ ಆಸ್ಲೆಂ. ಸಾಹಿತಿ ನ್ಹಯ್ ಆಸ್’ಲ್ಲೆ ಅಧ್ಯಕ್ಷ್ ಜಾಂವ್ಕ್ ತವಳ್ ಫಾವೊ ನಾ ಆಸಲ್ಲೆ .ಆತಾಂ ಜಾತಾಗೀ? ಹ್ಯಾ ವಿಶಿಂ ತುಂಮ್ಚೆಂ ಧೊರಣ್ ಕಿತೆಂ? ಯಾ ತುಂಮ್ಚೆಂ ಮಾನ್ ದಂಡ್ ರಾಜಿ ಜಾಲಾಂ?
You have clearly highlighted the double standards of certain media personalities and some self-styled Konkani lovers who want to hijack Konkani for their personal benefit. One of the commentators even questioned how a BJP functionary got his name in the invite card. When you are a part of the system and support it anything is ok. When in opposition there are always question marks. Interestingly the same commentator or many those who raise questions today about Catholics not getting their due during the foundation laying ceremony for Konkani Bhavan did not ask any questions when a contractor was made President of Karnataka Konkani Sahitya Academy President. So much so this businessman and his cronies went to the extent of removing “sahithya” from the title to suit them. No one asked questions.
Today many say that Catholics have no representation in the Konkani Sahithya Academy. Either they are blinded by their thinking or are prejudiced or are ignorant. Canute Jeevan Pinto (Pen Name : Canute Kelarai) who is one of the members of Academy is not a catholic to them? Canute was actively involved in the foundation laying ceremony of Konkani Bhavan and had even welcomed the distinguished guests with his welcome address. Just because Canute doesn’t make noise like our self-styled Konkani lovers his representation doesn’t warrant merit? Or is it just another effort to communalize the whole issue and divert the attention from their own shenanigans when they were running the academy as their personal fiefdom?
Anyways, the analysis has raised several questions. As you have rightly raised if questions were raised on why the leader of the Catholic community is included in the function at least it is reasonable though government related programmes need not and should not be divided on religion lines.
As the adage goes everything is fair in love and war Catholics find fault everything when they are not in the driver’s seat and try to give a communal colour to it. A few of them time and again raise questions on awards and Konkani script and and further divide the community. Now some of them question why Central Sahithya Academy awards are given only to 8 writers of Catholic community and to other Konkani communities. Questions are raised on TMA foundation Konkani Literature Awardees also. Do you need any more examples to show the myopic thinking and double standards of our people?
We have to learn many lessons from this episode. First of all the present Konkani Akademi member does not belong to any organization and institute. Therefore he is neutral and he is only thinking for the welfare of Konkani Academy.
Moreover, one should not be hungry for publicity. That is why he never claimed that he is responsible for all these developmental works. Moreover, he did everything silently.
Thirdly, we should never support any person just because he/she is from our community. Let us support any person who works for the welfare of Konkani.
And there is something called protocol while organizing a government programme. One should be aware of it before commenting.
Perfect response. There is no sense in questioning why catholic leaders are not invited, The main question is for what???
ಏಕ್ ಸೊಭಿತ್ ಕೊಂಕ್ಣಿ ಕಾರ್ಯೆಂ ಜಾಯ್ಜೆ ಜಾಲ್ಲೆಂ ಕೊಂಕ್ಣಿ ಭವನಾಚೆಂ ಶಿಲಾನ್ಯಾಸ್ ಕಾರ್ಯೆಂ BJP ಪಾಡ್ತಿಚೆಂ ಪ್ರಚಾರ್ ಕಾರ್ಯೆಂ ಜಾಲ್ಲೆಂ ಸತ್ ‘ಪ್ರೊಟೊಕಾಲಾಚ್ಯಾ’ ಜಡಯೇ ಪದಾಂ ಚಿರ್ಡೊನ್ ಮೆಲೆಂ. ಮಾನೆಸ್ತ್ C.T.ರವಿನ್ ಖಂಚ್ಯಾ ಪ್ರೊಟೊಕಾಲಾ ಪ್ರಮಾಣೆಂ ಆಮಂತ್ರಣ್ ಪತ್ರಾರ್ ಜಾಗೊ ಆಪ್ಣಾಯ್ಲಾ ಮ್ಹಳ್ಳೆಂ ತಜ್ವೀಜ್ ಕೆಲ್ಯಾರ್ ಅಕಾಡೆಮಿನ್ ಫಕತ್ ಆಪ್ಣಾಕ್ ನೇಮಕ್ ಕೆಲ್ಲ್ಯಾ ಪಾಡ್ತಿಚೆಂ ಋೂಣ್ ಫಾರಿಕ್ ಕೆಲ್ಲಿ ಹಕೀಗತ್ ಕಳ್ತಾ. ಕೊಂಕ್ಣೆಕ್ ಸರ್ವ್ ರಿತಿನ್ ಯೊಗ್ದಾನ್ ದಿಲ್ಲ್ಯಾ ಕೊಂಕ್ಣಿ ಕ್ರೀಸ್ತಾಂವ್ ಸಾಮುದಾಯೆಕ್ ಶಾಣೆಪಣಿಂ ಬಾಯ್ರ್ ದವರ್ಲೊಲೊ ಹೀನ್ ಖೆಳ್ ‘ಕೋಮ್ ವಾದಾಚೊ’ ಲೇಪ್ ದೀವ್ನ್ ತುಂಮಿಂ ವಿಶಾಯಂತಾರ್ ಕೆಲಾ. ಪ್ರಸ್ತುತ್ ಕೊಂಕ್ಣಿ ಅಕಾಡಮಿಚ್ಯಾ ಸಾಂಧ್ಯಾಂಚಿ ವಿಚೊವ್ಣಿಂಯ್ ಧರ್ನ್ ಹರ್ ರಿತಿನ್ ಹ್ಯಾ ಸಾಮುದಾಯೇಕ್ ಜಾಲ್ಲೊ ಅನ್ಯಾಯ್ ತುಂಮ್ಚ್ಯಾ ಗುಮಾನಾಕ್ ಯೇವ್ನಾ ಕಿತೆಂ ?ಮಾನೆಸ್ತ್ ಎರಿಕ್ ಅಧ್ಯಕ್ಷ್ ಜಾತಾನಾ ತೊ ಸಾಹಿತ್ ನ್ಹಯ್ ಮ್ಹಣ್, ಮಾನೆಸ್ತ್ ರೋಯ್ ಅಧ್ಯಕ್ಷ್ ಜಾತಾನಾ ಉಧ್ಯಮಿ ಮ್ಹಣ್ ವಿರೊಧ್ ಕರ್ನ್ ಆವಾಜ್ ಉಟಯಿಲ್ಲಿ ತುಂಮ್ಚಿ ಲಿಖ್ಣಿ ಪ್ರಸ್ತುತ್ ಅಧ್ಯಕ್ಷಾ ವಿಶಿಂ ಕಿತ್ಯಾಕ್ ಮೌನ್ ಜಾಲಿ? ಚೂಕ್ ಕೊಣೆಂ ಕೆಲ್ಯಾರೀ ಚೂಕ್ ಚ್ ಮ್ಹಣಾಜೆ ಶಿವಾಯ್ ವ್ಯಕ್ತಿಂಕ್ ವಿಂಚುನ್ ತಾಂಚೆರ್ ಚುಕಿ ಮಾಂಡ್ಚೆಂ ಮ್ಹಾಕಾ ಸಾರ್ಕೆಂ ಮ್ಹಣ್ ದಿಸಾನಾ.
When Konkani Academy was formed, it was decided only Sahitis should become president. So my father suggested name of V. J. P. Saldanha. Then everything got political. Community has not been betrayed, there were many catholics at shilanyas programme and our community member welcomed everyone.
ಅಕಾಡೆಮಿ ಸರ್ಕಾರ್ ಚಲವ್ನ್ ಅಸಾ. ಆಪಯಿಲ್ಲೆ ಸಕ್ಕಡ್ ಪ್ರೊಟೊಕೊಲ್ ಪರ್ಮಾಣೆ೦ ಆಸಾತ್. ಕಥೊಲಿಕ್ ಕೊಂಕ್ಣಿ ಲೊಕಾಥ೦ಯ್ ಹ್ಯಾ ಪ್ರೊಟೊಕೊಲ್೦ತ್ ಅಸ್ಚೆ ಕೊಣೀ೦ ನಾ೦ತ್ ತೆಂ ಸತ್. ನಾಂ ತರ್ ತೆ ಖಂಡಿತ್ ಆಪಯ್ತೆ!
So you expert us to be the barking dogs every time and you guys just sit back and watch the fun? U people raise questions unnecessarily like the one during the recent foundation laying programme. Why do you cry saying Christians were not invited and create divisions among Konkani speaking people? Many among us refuse to accept or ignore Canute’s participation and say names of Catholics wasn’t there in the invite. In what capacity we want names of Catholics in the invite? Office bearers were there on the stage as per the invite. So don’t comment just for the sake of commenting. U say we did not protest this time. What should we protest against ? When we protested many times the result has been like that of a ‘dog barking at the moon’ But I or we neither deviate from our motto nor compromise on our principles.
There was no discrimination,…..
We don’t want any religious leader for Konkani.
If land was sanctioned in past presidents time, They didn’t work hard from their political influence.
What all other past president couldn’t do,.. Dr. Jagdish Pai has done it.