ಪಾಟ್ಲ್ಯಾ ಏಕಾ ಮಹಿನ್ಯಾ ಥಾವ್ನ್, ಉಡ್ಪಿ ಸರ್ಕಾರಿ ಜುನಿಯರ್ ಕೊಲೆಜಿಂತ್ ಸ ಮುಸ್ಲಿಂ ಚೆಡ್ವಾಂ ವಯ್ರ್ ಪ್ರವೇಶ್ ಬಂದಿ ಘಾಲ್ಯಾ. ಕ್ಲಾಸ್ ಎಟೆಂಡ್ ಕರಿಜೆ ತರ್, ತಾಣಿಂ ಹಿಜಬ್ ಕಾಡಿಜೆ. ಹಿಜಬ್ ಘಾಲ್ನ್, ಕೊಲೆಜಿಕ್ ಯೆವ್ಯೆತ್; ಪೂಣ್ ಕ್ಲಾಸಿಂ ಭಿತರ್ ರಿಗೊಂಕ್ ಅಡ್ವರ‍್ಲಾಂ.
ಕೊಲೆಜಿಂತ್ ಸಕ್ಕಡ್ ವಿಧ್ಯಾಥಿಂಕ್ ಏಕ್‍ಚ್ ರೂಲ್. ಕೊಲೆಜಿಚ್ಯೆಂ ಯುನಿಫೊರ್ಮ್ ಆಸಾ ತೆಂ ಮಾತ್ರ್ ನೆಸಾಜೆ. ಹಿಜಬ್ ಕೊಲೆಜಿಚ್ಯಾ ಯುನಿಫೊರ್ಮಾಂತ್ ಮೆಳೊನ್ ನಾಂ ಅಶೆಂ ಅಧಿಕಾರಿಂಚ್ಯೆಂ ಸಾಂಗ್ಣೆಂ.
ಹೊ ವಿಷಯ್ ಉದಯವಾಣಿರ್ ಹಾಂವ್ ಸದಾಂ ವಾಚ್ತಾಂ, ಮ್ಹಜ್ಯಾ ಸ್ಟಡಿ ರೂಮಾಂತ್ ಏಕಾಂತ್ ಬಸೊನ್. ಬಸ್ಕೆ ಸಾಲಾಂತ್ ಬಸೊನ್ ಟಿವಿರ್ ಸಾಂಕಳ್ ಧಾರಾವಾಹಿ ಪಳೆಂವ್ಚಿ ಮ್ಹಜಿ ಯೆಜ್ಮಾನ್ ಕೆನ್ನಾಂ-ಯೀ ಸ್ಟಡಿ ರೂಮಾಕ್ ಆಯಿಲ್ಲಿ ನಾಂ. ಪೂಣ್, ಆಜ್ ತಿಚ್ಯೆಂ ಐಪೇಡ್ ಘೆವ್ನ್ ಆಯ್ಲಿ ಆನಿಂ “ಹಿ ಆಯ್ಕ್ ಖಬೊರ್ ತುಜ್ಯಾ ಗಾಂವ್ಚಿ. ತುಜೊ ಗಾಂವ್ ಪಾಡ್ ಜಾಲಾ.” ಮ್ಹಣೊನ್ ಏಕ್ ಸೊಶಿಯಲ್ ಮೀಡಿಯಾಚ್ಯೆರ್ ವಾಯ್ರಲ್ ಜಾಲ್ಲೊ ಏಕ್ ವೀಡಿಯೊ ದಾಕಯ್ಲಾಗ್ಲಿ.
“ತುಂ ಕಿತೆಂ ಚಿಂತಾಯ್?” ವಿಚಾರಿ ತಿ, ಸವಯೆರ್ ಪಡೊನ್. ವಿಷಯ್ ಕಸಲೊಯೀ ಜಾಂವ್ದಿ. ಮದಾಮೆಚಿ ಆಪ್ಲಿ ಅಭಿಪ್ರಾಯ್ ಆಸೊಂದಿ. ಪೂಣ್, ಮ್ಹಜ್ಯಾ ತೊಂಡಾ ಥಾವ್ನ್ ಕಿತೆಂ ಭಾಯ್ರ್ ಪಡ್ತಾ ತೆಂ ಪೈಲೆಂ ಆಯ್ಕೊಂಕ್ ಜಾಯ್.
“ಕಿತೆಂ ಮ್ಹಣೊಂ? ಮುಸ್ಲಿಂ ವಿಧ್ಯಾರ್ಥಿಂಚ್ಯೆಂ ಏಕ್ ಪೊಂಯ್ಟ್ ಆಸಾ. ತಾಂಚ್ಯೆಂ ಧರ್ಮ್ ಚಲಿಯಾಂಕ್ ಹಿಜಬ್ ಖಡ್ಡಾಯೆಚ್ಯೆಂ ಮ್ಹಣ್ ಶಿಕಯ್ತಾ.”
“ಅಶೆಂ ಕೋಣ್ ಶಿಕಯ್ತಾ? ಅಫ್ಗಾನಿಸ್ತಾನ್‌ಗೀ? ತಾಲಿಬಾನ್‌ಗಿ? ವ ಸಾವ್ದಿ ಅರೇಬಿಯಾಚ್ಯೆ ವಹ್ಹಾಬಿ ಧಾರ್ಮಿಕ್ ಪೊಲಿಸ್? ಅಮಿಂ ಇತ್ಲಿಂ ವರ್ಸಾಂ ಖತಾರ್ ಆಸ್ಲ್ಯಾಂವ್. ಭೊವ್‍ಚ್ ಥೊಡಿಂ, ತಿಂಯೀ ಪ್ರಾಯೆಸ್ತ್ ಬಾಯ್ಲೊ ಮಾತ್ರ್, ಹಿಜಬ್ ಘಾಲ್ತೆಲಿಂ ನಹಿಂ?”
“ವ್ಹಯ್. ಮುಸ್ಲಿಂ ಧರ್ಮಾಂತ್ ಮತ್-ಭೇದ್ ಆಸಾತ್. ಮತ್-ಭೇದ್ ನಾತ್ಲೆಲೆಂ ಏಕ್ ಧರ್ಮ್ ದಾಕಯ್ ಮ್ಹಕಾ.”
“ಹ್ಯೆ ಕೊಲೆಜಿಂತ್ ಸತ್ತರ್ ಮುಸ್ಲಿಂ ಚೆಡ್ವಾಂ ಶಿಕ್ತಾತ್. ಹ್ಯಾ ಸ ಚೆಡ್ವಾಂಕ್ ಸೊಡ್ನ್, ಹೆರಾಂ ಮುಸ್ಲಿಂ ಚೆಡ್ವಾಂಕ್ ಹಿಜಬ್ ನೆಸಾನಾತ್ಲ್ಯಾರ್ ಕಾಂಯ್ಚ್ ತೊಂದ್ರೆ ನಾಂತ್ . ಹ್ಯಾ ಚೆಡ್ವಾಂಚ್ಯಾ ವಾರೆಸ್ದಾರಾಂಚೊ ಏಕ್ ರಾಜ್‍ಕೀಯ್ ಖೆಳ್ ಹೊ ಮ್ಹಣ್ತಾತ್ ಪಕ್ಶಾತೀತ್ ಶಿಕ್ಪಿ. ಮ್ಹಕಾ ತಶೆಂಚ್ ಭಗ್ತಾ.”
ಮ್ಹಜಿ ಯೆಜ್ಮಾನ್ ಸಮಾದಾನೆಚಿ ಮನಿಸ್. ವೊದ್ದು ವೊರಾಂಟ್ ತಿಕಾ ಆಂವ್ಡನಾಂ. ದೆಕುನ್, ಮ್ಹಜಿ ಅಭಿಪ್ರಾಯ್ ಜಾತಾ ತಿತ್ಲಿ ಪಕ್ಶಾತೀತ್ ಜಾಂವ್ಕ್ ಪ್ರೇತನ್ ಕರ್ನ್ ಅಶಿ ದಿಲಿ ಹಾಂವೆಂ.
“ಅಸೊಂಕ್ ಪುರೊ. ಅಶೆಂಯೀ, ಕರ್ನಾಟಕಾಂತ್, ಪ್ರತ್ಯೇಕ್ ಜಾವ್ನ್ ಆಮ್ಚ್ಯಾ ಕರಾವಳಿಚ್ಯಾ ಜಿಲ್ಲ್ಯಾಂನಿಂ, ಕೋಮುವಾದಾಚ್ಯೆಂ ವಾಯ್ರಸ್ ವಿಸ್ತಾರ್ಲಾಂ. ಹೆ ತೀನ್ ಕರಾವಳಿ ಜಿಲ್ಲೆ ಹಿಂದುತ್ವಾ ಕೋಮುವಾದಾಚಿ ಲೆಬೊರೆಟರಿ ಜಾಲ್ಯಾತ್. RSS, VHP, ABVP, ಬಜರಂಗ್ ದಳ್, ರಾಮ್ ಸೇನೆ, ಹಿಂದು ಜಾಗ್ರಣ್ ವೇದಿಕೆ ಸಗ್ಳೆ BJPಚ್ಯೆ ಕೋಮು ಪಂಗಡ್. ತಾಂಚೊ ವಿರೋದ್ ಕರುಂಕ್ ಮುಸ್ಲಿಮಾಂ ಮಧೆಂ, PFI ಆನಿಂ CFI ಕೋಮು ಪಂಗಡ್ ಉದೆಲ್ಯಾತ್. ತಾಂಚಿ ರಾಜಕೀಯ್ ಪಾಡ್ತ್ SDPI. ಹ್ಯಾ ಪಾಚ್ವ್ಯಾ ಬಾವ್ಟ್ಯಾಂಚ್ಯಾ ಕೋಮುವಾದಾ ಮಧೆಂ ಆನಿಂ ಕೇಸರಿ ಬಾವ್ಟ್ಯಾಂಚ್ಯಾ ಕೋಮುವಾದಾ ಮಧೆಂ ಕಾಂಯ್ ಫರಕ್ ನಾಂ. ದೋನೀ ಕಟ್ಟ್ ಕೋಮುವಾದಿ. ಏಕಾಮೆಕಾ ಝುಜ್ಚ್ಯೆಂ ಶಿವಾಯ್ ಶಾಂತಿ ಸಮದಾನೆನ್ ಸಾಂಗಾತಾ ಜಿಯೆಂವ್ಕ್ ಹಾಂಕಾಂ ನಾಕಾ.”
ಯೆಜ್ಮಾನೆನ್ ಕಾಂಯ್ಚ್ ಉಳ್ಟೊ ವಾದ್ ದೀವ್ನಾ ದೆಕುನ್ ಹಾಂವೆ‍ಚ್ ಮುಕಾರಿಲೆಂ:
“ಉಡ್ಪಿ ಜಿಲ್ಲ್ಯಾಂತ್ ಪಾಂಚ್ ವಿಧಾನ್ ಸಬೆಚಿಂ ಶೆತಾಂ ಆಸಾತ್. 2013 ಇಸ್ವೆಂತ್, ಬಿಜೆಪಿ ಏಕ್ ಸೀಟ್ ಜಿಕ್ಲೆಲಿ. ಉರ್ಲೆಲೆ ಚ್ಯಾರ್ ಸೀಟಿ ಕೊಂಗ್ರೆಸಾಕ್ ಗೆಲ್ಲ್ಯೊ. ತವಳ್ ಥಾವ್ನ್, ಹಿಂದುತ್ವಾವಾದಿಂಚ್ಯೆ ಪ್ರೇತನ್ ಚಾಲು ಜಾಲಾಂ. 2014 ಇಸ್ವೆಂತ್, ಮೋದಿ ಪ್ರಧಾನಿ ಜಾಲ್ಲೆಂ‍ಚ್, ಹಾಂಕಾಂ ಪಾಕಾಟೆ ಫುಟ್ಲೆ. ಲಗಾತಾರ್ ಚ್ಯಾರ್ ವರ್ಸಾಂಚ್ಯೆ ಮಿನತೆನ್ ಲೋಕಾಕ್ ಧರ್ಮಾಂಚ್ಯಾ ಆಧಾರಾರ್ ದ್ರುವಿಕರಣ್ ಕೆಲೆಂ. ಹಾಚೊ ಫಳ್ 2018 ವಿಧಾನ್ ಸಭೆಚ್ಯಾ ಚುನಾವಿ ರಿಸಲ್ತಾಂತ್ ಮೆಳ್ಳೊ. ಸರ್ವ್ ಪಾಂಚ್ ಸೀಟಿ ಬಿಜೆಪಿಕ್ ಮೆಳ್ಳ್ಯೊ. ಕೊಂಗ್ರೆಸಾಕ್ ಸೊನ್ನೆ!”
***
ಹ್ಯಾಚ್ ದಸೆಂಬ್ರಾಂತ್, ಕರ್ನಾಟಕಾಂತ್ ಥಳೀಯ್ ಸಂಸ್ಥ್ಯಾಂ ಖಾತಿರ್ ಚುನಾವ್ ಜಾಲ್ಲೆ. ಆಮ್ಚ್ಯಾ ಕರಾವಳಿ ಜಿಲ್ಲ್ಯಾಂನಿಂ, ಅಲ್ಫ್-ಸಂಖ್ಯಾತ್ ಮುಸ್ಲಿಂ ಆನಿಂ ಕ್ರಿಸ್ತಾಂವ್ ವೋಟ್ ಕೊಂಗ್ರೆಸಾಕ್ ಕಾಯಾಮ್ ಆಸ್ಲೆ. ಹ್ಯಾ ಪಾವ್ಟಿಂ ತಶೆಂ ಜಾಲೆಂ ನಾಂ. ಮುಸ್ಲಿಂ ವೋಟ್ ಕೊಂಗ್ರೆಸಾಕ್ ಪಡ್ಲೊ ನಾಂ. ಬದ್ಲೆಕ್, ಉಗ್ರವಾದಿ ಪಾಡ್ತ್ SDPIಕ್ ಗೆಲೊ. ಉಡ್ಪಿ ಕೊರ್ಪೊರೇಶನಾಂತ್ ತೇಗ್ SDPI ಸಾಂದೆ ಜಿಕೊನ್ ಆಯ್ಲೆ. ಕಾಪು ಟವ್ನ್ ಮುನಿಸಿಪಾಲಿಟಿ SDPI ಚ್ಯಾ ಕಂಟ್ರೊಲಾರ್ ಗೆಲಿ. ದೆಕುನ್, ಆತಾಂ, SDPI ಆಪ್ಲಿಂ ಮಾಸ್ಕುಟಾಂ ದಾಕಯ್ತಾ.
ಉಡ್ಪಿ ಜಿಲ್ಲ್ಯಾಂತ್ ಸರಾಸರ್ 18% ಮುಸ್ಲಿಂ ಮತದಾರ್ ಅಸಾತ್. ಉಚ್ಚಿಲ, ಕಾಪು, ಪಡುಬಿದ್ರಿ, ವಿಟ್ಲಾ, ಕೋಟೆಕರ್, ಉಲ್ಲಾಳ್ ಇತ್ಯಾದಿ ಪೆಂಟೆಂನಿಂ ಮುಸ್ಲಿಮಾಂಚ್ಯೊ ಖೇರಿ ಆಸಾತ್. ಹಾಂಚ್ಯೆ ತರ್ನಾಟೆ ಹಾರಿಹಾರಿಂನಿಂ ಗಲ್ಫ್ ದೇಸಾಂಕ್ ಪಾವ್ಲ್ಯಾತ್. ಥೈಂಸರ್, ಉಗ್ರವಾದಿ ಮುಸ್ಲಿಂ ಶಿಕವ್ಣೆಚಿ ವಳಕ್ ತಾಂಕಾ ಜಾಲ್ಯಾ. ತಾಣಿಂ ಧಾಡ್ಲೆಲೊ ದುಡು ಥಳೀಯ್ ಮಸಿದಿಂಕ್ ಇಜ್ಮೊಲ್ ಜಾವ್ನ್ ವೆತಾ. ಹ್ಯಾ ದುಡ್ವಾಚ್ಯಾ ಪ್ರಭಾವಾನ್, ಜಾಯಿತ್ತ್ಯೊ ಮಸೀದಿ ಸುಕ್ರರಾ ಸಾಂಜ್ಯೆರ್ ಶಿಬಿರಾಂ ಚಲಯ್ತಾತ್. ಹ್ಯಾಂ ಶಿಬಿರಾಂನಿಂ ಮುಸ್ಲಿಂ ಉಗ್ರವಾದಾಕ್ ಉಲೊ ದಿತಾತ್. ಕೇಸರಿ ಉಗ್ರವಾದಾ ವಿರುದ್ಧ್ ಝುಜ್ ಮಾಂಡುಂಕ್ ಲೋಕಾಕ್ ಉಚಾಂಬೋಳ್ ಕರ್ತಾತ್.
“ಹೆಂ ಸಕ್ಕಡ್ ಹಾಂವೆಂ ಕರಾವಳಿ ಥಾವ್ನ್ ಪರ್ಗಟ್ಚ್ಯಾ ದಿಸಾಳ್ಯಾಂನಿಂ ವಾಚ್ಲಾಂ. ಆಮಿಂ ಬೊಂಬಯ್ತ್ ಜಿಯೆತಾಂವ್. ಆನಿಂ ರಾಷ್ಟ್ ಮಟ್ಟಚಿಂ ಇಂಗ್ಲಿಸ್ ಮಾಧ್ಯಮಾಂ ಮಾತ್ರ್ ಆಮ್ಕಾಂ ಖಬ್ರೊ ದೀತಾತ್. ದೆಕುನ್, ಥಳೀಯ್ ವಾಸ್ತವಿಕತಾ ಆಮ್ಕಾಂ ಕಳಿತ್ ಆಸಾನಾಂ.” ವಿಸ್ತಾರ್ ವಿವರ್ ದಿಲೊ ಹಾಂವೆಂ.
“ಮ್ಹಳ್ಯಾರ್, ಜಿಲ್ಲ್ಯಾಂತ್ ಕಿತೆಂ ಚಲ್ತಾ ತೆಂ ತುಕಾ ಕಳಿತ್ ಆಸಾ. ವಾಸ್ತವಿಕತೆಚೊ ಆರ್ಥ್ ದೊಳ್ಯಾಕ್ ದೊಳೊ ಕಾಡ್ಚೊ ನೆ? ಅಶೆಂ ಚಲ್ಲ್ಯಾರ್, ದೋನಿ ಸಮುದಾಯಾಂಚೊ ಲೋಕ್ ಕುಡ್ಡೊ ಜಾತಲೊ. ಕಾಂಯ್ ಬೊರೆಂಪಣ್ ಜಾಂವ್ಚ್ಯೆಂ ನಾಂ.” ಯೆಜ್ಮಾನಿನ್ ಹೆಂ ತಿಚ್ಯೆಂ ವಾಜ್ಬಿ ವ್ಯಾಖ್ಯಾನ್ ಮುಕಾರಿಲೆಂ. “ಪೂಣ್, ಬದ್ಲಾವಣ್ ಜಾಯ್ಜೆ. ಉಗ್ರವಾದ್ ಸಲ್ವಾಜೆ. ಶೆಂಬೊರಾಂತ್ ನೊವೊದ್ ಮುಸ್ಲಿಂ ಚೆಡ್ವಾಂ ಹಿಜಬಾವಿಣೆಂ ಕ್ಲಾಸಿಕ್ ಯೆಂವ್ಕ್ ತಯಾರ್ ಆಸಾತ್. ಮ್ಹಳ್ಯಾರ್, ಸಮಸ್ಸೆಂ ಮುಸ್ಲಿಂ ಉಗ್ರವಾದ್. ಮುಸ್ಲಿಂ ಸಮುದಾಯಾಂತ್ಲಿ ಲ್ಹಾನ್ ಮಿನೊರಿಟಿ ಬಹು-ಸಂಖ್ಯಾತಾಂ ವಯ್ರ್ ಆಪ್ಲೊ ಅಧಿಕಾರ್ ಥಾಪ್ತಾ. ಹೊ ವ್ಹಡ್ ಅನ್ನ್ಯಾಯ್.” ಮದಾಮೆನ್ ನಿರ್ದಿಷ್ಟ್ ಉತ್ರಾಂನಿಂ ತಿಚೊ ನಿರ್ಣಯ್ ದಿಲೊ.
“ವಿಷಯ್ ತಿತ್ಲೊ ಸಾಧೊ ನಹಿಂ. ಕೊಮುವಾದ್ ದೋನಿ ತರ್ಫೆಚೊ. ಕೇಸರಿ ಪಯ್ಲೊ ಗೀ ಪಾಚ್ವೊ ಪಯ್ಲೊ? ಹೊ chicken and egg ತಕ್ರಾರ್: ಕೊಂಬಿ ಪಯ್ಲಿಗೀ, ತಾಂತಿಂ ಪಯ್ಲೆಂ ಮ್ಹಣ್”. ದೋನಿ ಸಮುದಾಯಾಚ್ಯಾನಿ ರಾಜಿ-ಸಂದಾನಾಚಿ ವಾಟ್ ಸೊಧಿಜೆ ಮ್ಹಳ್ಳ್ಯಾ ಅರ್ಥಾನ್ ವಾದ್ ಮಾಂಡ್ಲೊ ಹಾಂವೆಂ.
“ಹಾಂವೆಂ ಮ್ಹಣ್ಚ್ಯೆಂ ಪಯ್ಲೆಂ ಮುಸ್ಲಿಮಾಂಚ್ಯೆಂ ನಡ್ತೆಂ ಬದ್ಲಾಜೆ. ಹರ್ಯೇಕಾ ವಾದಾಂತ್ ವಿವಾದ್ ಉಟವ್ನ್ ಝುಜಾಕ್ ದೆಂವ್ಚಿ ಸವಯ್ ಮುಸ್ಲಿಮಾಂಚಿ. ಹುನ್ ರಗತ್ ಆನಿಂ ಗರಮ್ ಮಿಜಾಸ್ ತಾಂಚಿ”.
“ಆಮ್ಚೊ ರಾಷ್ಟ್ರೀಯ್ ಬಾವ್ಟೊ ಕೇಸರಿ ನಹಿಂ.” ಸಮ್ಜಾಯ್ಲೆಂ ಹಾಂವೆಂ.
“ತೊ ಪಾಚ್ವೊಯೀ ನಹಿಂ.” ಕುಡ್ಸಿಲೆಂ ತಿಣೆಂ.
ಹಾಂವ್: “ರಾಷ್ಟ್ರೀಯ್ ಬಾವ್ಟ್ಯಾಂತ್ ಕೇಸರಿಕ್ ಆಪ್ಲೆಂಚ್ ಸ್ಥಾನ್ ಆಸಾ. ತಶೆಂಚ್ ಪಾಚ್ವ್ಯಾ ರಂಗಾಕ್. ಮಧೆಂ ಧೊವೊ ರಂಗ್ ಆಸಾ. ಆಮ್ಚ್ಯಾ ಹರ್ಯೇಕಾ ಸಮಸ್ಯಾಕ್ ಸಂವಿದಾನ್ ಮಾತ್ರ್ ಏಕ್ ಪರ‍್ಯಾರ್. ಸಂವಿದಾನ್ ಹರ್ಯೇಕಾ ನಾಗ್ರಿಕಾಕ್ ಆಪ್ಲೆಂ ಧರ್ಮ್ ಪಾಳುಂಕ್ ಹಕ್ಕ್ ದಿತಾ. ಮುಸ್ಲಿಂ ಚೆಡ್ವಾಂ ಹಿಜಬ್ ನೆಸ್ಚ್ಯೆಂ ಆಪ್ಲ್ಯಾ ಧರ್ಮಾಚಿ ಶಿಕವ್ಣ್ ಮ್ಹಣ್ತಾತ್. ತಿ ಶಿಕವ್ಣ್ ಪಾಳುಂಕ್ ದೇಸಾಚ್ಯೆಂ ಸಂವಿದಾನ್ ತಾಂಕಾಂ ಹಕ್ಕ್ ದಿತಾ. ಮ್ಹಣೊನ್, ಕ್ಲಾಸಿಂತ್ ಹಿಜಬ್ ರೆವ್ಡಾವ್ನ್ ಹಾಜಿರ್ ಜಾಂವ್ಕ್ ಸೊಡಿಜೆ ಮ್ಹಳ್ಳೆಂ ತಾಂಚ್ಯೆಂ ಮಾಗ್ಣೆಂ. ಹೆಂ ರಾಜಾಂವ್ ಮ್ಹಣ್ತಾಂ ಹಾಂವ್. ತಾಂಚ್ಯೆಂ ಹಿಜಬ್ ಕಿತ್ಯಾಕ್ ಕೇಸರಿ ದೊಳ್ಯಾಂಕ್ ತೊಪ್ತಾ? ಕಸ್ಸಲೊ ಕಾಯ್ದೊ ತಿಂ ಮೊಡಿನಾಂತ್. ನಾಂ ಮ್ಹಣ್, ಸಮಾಜಿಕ್ ಹುತಾವಳ್ ತಿಂ ಕರಿನಾಂತ್. ಚ್ಯಾಯೆಚ್ಯಾ ಕೊಪಾಂತ್ಲೆಂ ವಾದಾಳ್ ಮ್ಹಣ್ತಾತ್ ತಸ್ಲೊ ಏಕ್ ಆನಾವಶ್ಯಕ್ ವಿವಾದ್ ಕೇಸರಿ ಕೋಮುವಾದಿಂನಿಂ ಉಟಂವ್ಚ್ಯೆಂ.”
ಯೆಜ್ಮಾನ್: “ಹಿ ತುಜಿ ರಾಹುಲ್ ಗಾಂಧಿಚಿ ಭಾಸ್ ಆಜ್. ರಾಹುಲ್ ಗಾಂಧಿನ್ ಉಡ್ಪಿಚ್ಯಾ ತ್ಯಾ ಮುಸ್ಲಿಂ ಚೆಡ್ವಾಂಕ್ ಆಪ್ಲೊ ಸಹಕಾರ್ ದೀವ್ನ್ ಟ್ವೀಟ್ ಕೆಲಾಂ. ತಾಕಾ ತಸಲಿ ಗರ್ಜ್ ಕಿತೆಂ ಆಸ್ಲಿ? ಸಿದ್ದರಾಮಯ್ಯನ್ ಕರ್ನಾಟಕ ಬಿಜೆಪಿ ಸರ್ಕಾರಾಚ್ಯಾ ನಡ್ತ್ಯಾಚಿ ನಿಂದಾ ಕೆಲ್ಯಾ. ನೆಸ್ಣಾಚ್ಯೆರ್ ಹೊಂದ್ವೊನ್ ಪ್ರವೇಶ್-ಬಂದಿ ಕರುಂಕ್ ನಜೊ ಮ್ಹಳಾಂ ತಾಣೆಂ. ಅಶೆಂ ಉಗ್ರವಾದಿ ಮುಸ್ಲಿಮಾಂಕ್ ಸಹಕಾರ್ ದಿಲ್ಯಾರ್, ಚುಕ್ಲಲೊ ಮುಸ್ಲಿಂ ವೋಟ್ ಪರತ್ ಆಪ್ಲ್ಯೆ ವೊಂಟಿಯೆಂತ್ ಪಡತ್ ಮ್ಹಣ್ ಹ್ಯಾಂ ಕೊಂಗ್ರೆಸ್ ಮುಖೆಲ್ಯಾಂಕ್ ಭಗ್ತಾಗೀ? “.
ಹಾಂವ್: “ಹಿಂದು ಆನಿಂ ಮುಸ್ಲಿಂ ಸೊಡ್ನ್, ಆಮ್ಚ್ಯಾ ದೇಸಾಂತ್ ಹೆರ್ ಧರ್ಮ್ ಆಸಾತ್. ಸಿಖ್ ಧರ್ಮಾಂತ್ ಪಾಂಚ್ ಕ ಕಡ್ಡಾಯೆಚ್ಯೆ. ಪಯ್ಲೆಂ, ಕೇಸ್. ಸಿಖ್ ದಾದ್ಲ್ಯಾಂಕ್ ಕೇಸ್ ಕಾತ್ರುಂಚ್ಯೆಂ ಆನಿಂ ಖಾಡ್ ತಾಸ್ಚ್ಯೆಂ ಅಡ್ವಾರ್ಲಾಂ. ಮಾತ್ಯಾರ್ ಶೆಂಡೊ ಬಾಂದ್ತಾತ್ ಆನಿಂ ಟರ್ಬನ್ ಪಂದಾ ಲಿಪಯ್ತಾತ್. ಟರ್ಬನ್ ತಾಂಚೊ ಮುಂಡಾಸ್. ತಶೆಂಚ್ ಹಾತಾಂತ್ ಕಂಗಣ್ (ಕಡಾ), ಬೊಲ್ಸಾಂತ್ ಕಂಗಿ (ದಾಂತೊಣಿ) ಆನಿಂ ಕಮರ್ ಬಂದಾಂತ್ ಕಿರ್ಪಣ್ (ಸುರಿ). ಸಿಖ್ ಚೆಡ್ವಾಂ ಚುನಿ ಮ್ಹಳ್ಳೊ ವೇಯ್ಲ್ ನೆಸೊನ್ ಆಪ್ಲೆ ಕೇಸ್ ದಾಂಪ್ತಾತ್. ಸಿಖ್‌ಯೀ ಅಲ್ಫ್ – ಸಂಖ್ಯಾತ್. ತಾಂಚ್ಯಾ ಧಾರ್ಮಿಕ್ ನೆಸ್ಣಾಕ್ ಕೇಸರಿ ಪಂಗ್ಡಾಚ್ಯೆ ವಿರುದ್ಧ್ ನಾಂತ್. ಕೇವಲ್, ಮುಸ್ಲಿಂ ಧಾರ್ಮಿಕ್ ಗುರುತ್ ತಾಂಕಾಂ ದೊಳ್ಯಾಂಕ್ ತೊಪ್ತಾತ್. ಹೆಂ ನಡ್ತೆಂ ಮುಸ್ಲಿಂ-ದ್ವೇಶ್, ಇಸ್ಲಾಮೊಫೊಬಿಯಾ, ಶಿವಾಯ್ ಆನಿಂ ಕಿತೆಂ?”
ಹ್ಯಾ ಮ್ಹಜ್ಯಾ ವಾದಾಕ್ ಯೆಜ್ಮಾನಿನ್ ಉಳ್ಟಿ ಜಾಪ್ ದಿಲಿನಾಂ. ಕಾಯ್ಲ್ ತಾಪ್ಲೆಲಿ ಆಸಾ, ಏಕ್ ದೋನ್ ಭಾಕ್ರ್ಯೊ ಚಡಿತ್ ಭಾಜ್ಯಾಂ ಮ್ಹಣ್ ಹಾಂವೆಂ ಮುಕಾರಿಲೆಂ.
“ಹಿಂದು ಚೆಡ್ವಾಂ ಕಪಾಲಾರ್ ಬಿಂದಿ ದವರ್ತಾತ್. ಹಿಂದು ಚೆಡೆ ಹಾತಾಚ್ಯೆ ಕಲಾಯೆರ್ ತಾಂಬ್ಡಿಂ ಸುತಾಂ ಬಾಂದ್ತಾತ್. ಬಾಮಣ್ ಚೆಡ್ಯಾಂನಿಂ ಆಂಗಸುತ್ಲಿ ರೆವಡ್ಚಿ ರೀತ್ ಆಸಾ. ಕ್ರಿಸ್ತಾಂವ್ ಗಳ್ಯಾಂತ್ ಬೆಂತಿಣ್ ವ ಖುರಿಸ್ ಘಾಲ್ಚಿ ರಿವಾಜ್ ಪಾಳ್ತಾತ್. ಆತ್ತುರ್ ಬಾಸಿಲಿಕಾಚಿ ಸುತ್ಲಿ ಕಲಾಯೆರ್ ಬಾಂದ್ತಾತ್. ತರ್, ಹ್ಯಾಂ ಥೊಡ್ಯಾಚ್ ಮುಸ್ಲಿಂ ಚೆಡ್ವಾಂನಿಂ ಹಿಜಬ್ ರೆವ್ಡಾವ್ನ್ ಆಪ್ಲೆ ಕೇಸ್ ದಾಂಪ್ಲೆಲ್ಯಾಂತ್ ಕೇಸರಿ ಪಂಗ್ಡಾಕ್ ಕಸಲೆಂ ಲುಕ್ಸಾಣ್ ಜಾತಾ?”
“ಆಜ್ ಹಿಜಬ್, ಪಾಲ್ಯಾಂ ಶರಿಯಾ. ನಮಾಜ್ ಪಡೊಂಕ್ ಪರ್ಮಿಶನ್ ಜಾಯ್ ಆನಿಂ ಉದು ಕರ್ಚ್ಯೊ ಸವ್ಲತ್ಯೊ ಜಾಯ್ ಮ್ಹಣ್ ಮಾಗ್ತೆಲಿಂ. ನಮಾಜ್ ಪಡ್ಚ್ಯೆ ವೇಳ್-ಘಡಿಯೆ ಪ್ರಮಾಣೆಂ, ಕ್ಲಾಸ್ ರಾವಯ್ಜೆ ಆನಿಂ ರೀಸೆಸ್ ದೀಜೆ ಮ್ಹಣ್ತೆಲಿಂ. ಅಸಲಿಂ ಪೂರಾ ಮಾಗ್ಣಿಂ ಯೆತಾತ್‌ಗೀ ನಾಂ, ಪಳೆ! ಜರ್ಲ್ಯಾಂಕ್ ಲ್ಹಾನ್‌ಶೆಂ ಇಢೆಂ ಮೆಳ್ಳ್ಯಾರ್ ಜಾಲೆಂ. ಮಾಗಿರ್ ತಾಂಚ್ಯೆಂ ಪಟ್ಟ್ ಉಬ್ಜತಾ.”
ಮದಾಮೆಚ್ಯೆಂ ಹೆಂ ರಾಜಾಂವ್ ಮಾತ್ರ್ ಮಾಂದಿಜೆ ತಸ್ಲೆಂ. ಉಗ್ರವಾದಿಂಕ್ “ಸಂವಿದಾನಿಕ್ ಹಕ್ಕ್” ಮ್ಹಣ್ ಏಕ್ ರಿಯಾಯ್ತ್ ದಿಲ್ಯಾರ್ ಪುರೊ. ಬೋಟ್ ದಿಲೆಂ ತರ್, ಹಾತ್‍ಚ್ ಗಿಳ್ತಾತ್!
“ದೆಕುನ್ ಸೆಕ್ಯುಲರ್ ಸಂವಿದಾನಾಂತ್ ಕಸಲಿ ವಾಟ್ ಆಸಾ ತೆಂ ಸೊಧಿಜೆ. ಧರ್ಮ್ ಪಾಳ್ಚ್ಯೆಂ ಹಕ್ಕ್ ಆಪ್ಲ್ಯಾ ಜಾಗ್ಯಾರ್ ಆನಿಂ ಶಿಕ್ಪಾಚ್ಯೆಂ ಸಾರ್ವಜನಿಕ್ ಹಕ್ಕ್ ಆಪ್ಲ್ಯಾ ಜಾಗ್ಯಾರ್. ಕೊಡ್ತ್ ಕಿತೆಂ ಮ್ಹಣ್ತಾ ತೆಂ ರಾಖೊನ್ ಪಳೆಂವ್ಯಾಂ”.
***
ಫೆಬ್ರೆರ್ 8-ವ್ಯೆರ್ ಕರ್ನಾಟಕ ಹಾಯ್-ಕೊಡ್ತಿಂತ್ ದಾಖಲ್ ಜಾಲ್ಲ್ಯಾ ಹಿಜಬ್ ದಾವ್ಯಾಚ್ಯೆರ್ ಸುನಾವ್ಣಿ ಜಾತೆಲಿ. ತೆದೊಳ್ ಪರ‍್ಯಾಂತ್ ರಾಕನಾಸ್ತಾನಾಂ, ಆಪಾಪ್ಲಿ ಅಭಿಪ್ರಾಯ್ ರಾಜ್‍ಕಾರಣಿ ಆನಿಂ ಸಮಾಜಿಕ್ ಪ್ರಭಾವ್‍ಶಾಲಿ ವ್ಯಕ್ತಿ ಟ್ವೀಟ್ ಸಂಸರಾಂತ್ ಉಚಾರ‍್ನ್ ಆಸಾತ್.
ಪಯ್ಲಿ ಟ್ವೀಟ್ ಆಮ್ಚ್ಯಾ ಅಧಿಕ್ ಬುದ್ವಂತ್ ರಾಜಕಾರಣಿ ಶಶಿ ತರೂರಾಚಿ. ಹೊ ತಿರುವನಂತಪುರಾಚೊ ಸಾಂಸದ್. ಕೊಂಗ್ರೆಸ್ ಪಾಡ್ತಿಂತ್ ತಾಕಾ ಬರೆಂ ಸ್ತಾನ್ ಆಸಾ. ಇಂಗ್ಲಿಶಾಂತ್ ತಾಣೆಂ ಟ್ವೀಟ್ ಕೆಲಾಂ ತಿ ಆಸಾ ತಶಿ ಸಕಯ್ಲ್ ದಿಲ್ಯಾ:
“It’s been a strength of India that everyone is free to wear what they want. If the hijab is disallowed, what about the Sikh turban? The Hindu’s forehead mark? The Christian’s crucifix? This college is going down a slippery slope. let the girls in. Let them study. let THEM decide”.
ಆಮ್ಚ್ಯಾ ಮೋಹನದಾಸ್ ಪೈಕ್ ಗಳ್ಯಾ ಕಢೆಂ ಲಾಸ್ಲೆಂ ದಿಸ್ತಾ. ಕರಾವಳಿಚೊ ಏಕ್ಲೊ ವ್ಹಡ್ ಪ್ರಬಾವಶಾಲಿ ಮಹಂತ್ ನೇ ತೊ? ತರೂರಾಕ್ ಜಾಪ್ ದೀಜೆ ಮ್ಹಣ್ ಮನ್ ಜಾಲೆಂ ತಾಕಾ. ತಾಚಿ ಜಾಪ್ ಇಂಗ್ಲಿಶಾಂತ್ ಅಶಿ:
“Please stop politics Shashi Tharoor. All schools have a uniform code to create unity! Wearing this violates that code! If people want to wear something else, they must petition the government to change the code, not play politics!..”
ತರೂರಾನ್ ಸೊಡ್ನ್ ದೀವ್ನಾ. ತಾಚಿ ಜಾಪ್!:
“This is a college, @TVMohandasPai, not a school. And in any case, there is no law banning religious forms of dress like a Sikh turban or a crucifix around your neck or a tilak on the forehead, all of which are forbidden in France’s govt schools but permitted in India’s….”
ಮೋಹನದಾಸ್ ಪೈ ಜಾಪ್ ದೀನಾಸ್ತಾನಾಂ ರಾವತ್‌ಗೀ?
“This is a school, PUC, class 12 not college, has a uniform for all! Crucifix, tilak, are all personal adornments, no bar! Dress is regulated in a uniform. Hijab is a new attire in these schools only over the last 1 year, not earlier. That is the dispute started by PFI fundamentalist…”
ಸತ್ ಸಾಂಗ್ತಾಂ. ಆಮಿಂ ಘೊವ್-ಬಾಯ್ಲ್, ತರ್‌ಯೀ, ಹರ್ಯೇಕಾ ವಿಷಯಾಚ್ಯೆರ್ ವೆವೆಗ್ಳಿ ಅಭಿಪ್ರಾಯ್ ಆಮ್ಚಿ. ಹ್ಯಾ ಪಾವ್ಟಿಂ, ವೆವೆಗ್ಳಿ ಅಭಿಪ್ರಾಯ್ ಆಸ್ಲ್ಯಾರ್‌ಯೀ, ಮ್ಹಜ್ಯಾ ಸ್ಟಡಿ ರೂಮಾಂತ್ ಸಾಂಗಾತಾ ಬಸೊನ್, ತರೂರ್ ಆನಿಂ ಪೈ ಮದ್ಲೊ ಟ್ವಿಟ್ಟರ್ ಸಂವಾದ್ ವಾಚುನ್ ಸಂತೊಸ್ಲ್ಯಾಂವ್. ತರೂರ್ ಕಿತೆಂ ಮ್ಹಣ್ತಾ ತೆಂ ತುಮ್ಕಾಂ ರುಚ್ತಾ ತರ್, ಹಾಂಗಾ ಕಳಯಾ. ಜರ್ ಪೈ ಮಾಮ್ ಮ್ಹಣ್ತಾ ತೆಂ ವಾಜ್ಬಿ ಮ್ಹಣ್ ತುಮ್ಕಾಂ ಭಗ್ತಾ ತರ್, ತಶೆಂ ಸಾಂಗಾ.
ಆಮಿಂ ತುಮ್ಚ್ಯಾ ವಾದ್-ವಿವಾದಾಚ್ಯೆರ್ ಆನ್ಯೀಕ್ ಭಾಸಾ-ಭಾಸ್ ರಚುಂಕ್ ತಯಾರ್ ಜಾತಾಂವ್.
► ಫಿಲಿಪ್ ಮುದಾರ್ಥ್
I feel this hijab controversy is uncalled for. When 92girls have no objection to remove hijab while attending classes, why this fanaticism of 8girls. Even the Honourable Karnataka High Court has clearly said ” No entry for girls wearing hijab in class”.
Good article on the current affairs. I do not agree and condemn the way the educational institutes and government try to implement the uniform policy. but there is some amount logic here, why students (here girls) belongs to or coming from the same geographical area in a classroom are with two different outfits ?. Religion is for walking, I mean way of life and not for talking,
The one question I wanted to ask Mr. Pai was what happens to international students coming from Malayasia, Indonesia, Singapore, Middle East coming to college to study degree courses to India.The institutions will close the door for these students. Will the Indian Institutions operating in other countries will use the same code and ask people to wear their local dress. I agree that the dress code to be uniform to everyone. But why kindle which was working so many years. Next what ?.Someone will say do not put Crucifix in a christian Institution, or a Saraswati photo in a another school or Kaba photo, as some people do not believe in image worship or say conversion. There is no end to arguments and fighting. The religious upmanship of politicial leaders and persons with communal interests will never end. Few month back somebody put a board that the other religion people should not put stalls during a festival and sell items or someone put a poster saying do not buy fish/mutton from other religion people. There is no end to it unless our political leaders and the IAS/IPS officers take a impartial view and take action. Else there will be more fights and deaths and endless pain
Mohandas Pai is current Chairman of Manipal Global Education. He is a prominent Konkani too, so I expect this article is brought to his attention.
Hence, it is best to let him answer your queries related to Muslim girl students enrolled to study in the institutions he directs.
I have been to some convocation ceremonies in Manipal and found Hijab wearing students and parents there. Even, the Muslim women faculty wears Hijab, going by their profile on the websites of concerned departments of Manipal. Edu
Thanks Mr. Philip for making my point clear. I wanted to avoid the name of the institute as the Editor may not publish my comment. I did same in another website and they did not publish similar comment may be due to reason of advertisements. Thanks the Kittall Editor.
Good article
Good article relevant to current affairs, May be these affairs are far too bitter I guess. This row is purely political and stooping very low!? Both sides can be slightly flexible. Having said that boys can wear normal dress, for Muslim girls a scarf is tradition for generations, though not all. All these years it was fine. These attempts are polarising the society and youth towards a dangerous future trend, It may never happen in communist thinking states like Kerala and WB. Coastal belt was always peaceful and constitutes of wonderful people. I worry communal octopus and the fire is reaching doorstep, while society is reeling under Corona consequences. Development gone to dogs, roads are pathetic with potholes, politicians need bigger cut in every project, govt has no money to recruit teachers, record tax collection and loot through illegal tolls goes unabated!
ಹಿಜಾಬ್ ಆನಿ ಕೇಸರಿ ವಿವಾದಾಚಿಂ ಕೆಂಡಾಂ ಆನಿ ಥೊಡೊ ತೇಂಪ್ ಫುಂಕುನ್ ಚ್ ರಾವ್ಲ್ಯಾರ್ ಯೆಂವ್ಚ್ಯಾ ಚುನಾವಾಂತ್ ಬಿಜೆಪಿ ಪರತ್ ಆಮ್ಚ್ಯಾ ಕರಾವಳಿಂತ್ ಸಕ್ಕಡ್ ಸಿಟಿ ಜಿಕ್ಚ್ಯಾಂತ್ ದುಬಾವ್ ನಾ!
“ಮದಾಮೆಚ್ಯೆಂ ಹೆಂ ರಾಜಾಂವ್ ಮಾತ್ರ್ ಮಾಂದಿಜೆ ತಸ್ಲೆಂ. ಉಗ್ರವಾದಿಂಕ್ “ಸಂವಿದಾನಿಕ್ ಹಕ್ಕ್” ಮ್ಹಣ್ ಏಕ್ ರಿಯಾಯ್ತ್ ದಿಲ್ಯಾರ್ ಪುರೊ. ಬೋಟ್ ದಿಲೆಂ ತರ್, ಹಾತ್‍ಚ್ ಗಿಳ್ತಾತ್!” It appears to me that the above statement from the author assumes that the hijab wearing Muslim girls are extremists. Language could be dangerous. All in all, the article is good.
ಆಮ್ಕಾಂ ಹಿಜಬ್ ನೆಸೊಂಕ್ ಜಾಯ್ ಮ್ಹಣ್ತೆಲಿಂ ಚೆಡ್ವಾಂ ಸಾಂಪ್ರದಾಯಿಕ್ ಮ್ಹಣ್ಚೆಂ ಸಾರ್ಖೆಂ, ಉಗ್ರವಾದಿ ನಹಿಂ. ವಾಚ್ಪಿ ಸ್ಯಾಮ್ ಬೊಳಿಯೆನ್ ಉಕಲ್ನ್ ದಾಖಯಿಲ್ಲಿಂ ವಾಕ್ಯಾಂ ಮ್ಹಜ್ಯಾ ಭಿತರ್ಲೊ “ಲಿಪ್ತೊ” ಕೋಮುವಾದ್ ಉಗ್ಡಾಯ್ತಾತ್ ದೆಕುನ್ ತಿಂ ಪಾಟಿಂ ಕಾಡ್ತಾಂ. ದೆವ್ ಬೊರೆಂ ಕರುಂ, ಸ್ಯಾಮ್.