ಐವನ್, ಮಿಯಾರ್ ಹ್ಯಾ ಲಿಕ್ಣೆನಾಂವಾನ್ ಕವಿತಾ ಆನಿ ಸಾಹಿತ್ಯ್ ರಚ್ಚೊ, ಮುಳಾನ್ ಮಿಯಾರ್ ಫಿರ್ಗಜೆಚೊ, ಪ್ರಸ್ತುತ್ ಜೆಪ್ಪು ಸಾಂ. ಜುಜೆ ಸೆಮಿನರಿಚೊ ಪ್ರಾಧ್ಯಾಪಕ್, ಮಾ|ದೊ| ಐವನ್ ಸೊಜ್ ಹಾಂಕಾ ಮಂಗ್ಳುರ್ ವಿದ್ಯಾಪೀಠಾಚ್ಯಾ ಚೇರ್ ಇನ್ ಕ್ರಿಶ್ಚಿಯಾನಿಟಿ ಹಾಚೊ ಪ್ರಾಧ್ಯಾಪಕ್ ಆನಿ ವಿಭಾಗ್ ಪ್ರಮುಕ್ ಜಾವ್ನ್ ನೆಮ್ಲಾ ಆಸುನ್ 2022 ಜನೆರಾಚ್ಯಾ 27 ತಾರಿಕೆರ್ ತಾಣಿ, ದಿಯೆಸೆಜಿಚೆಂ ಗೊವ್ಳಿಕ್ ಕೇಂದ್ರ್ – ಶಾಂತಿಕಿರಣ್, ನಂತೂರ್ ಹಾಂಗಾಸರ್ ಹುದ್ದೊ ಸಾಂಬಾಳ್ಳಾ.
ಗೊವ್ಳಿಕ್ ಕೇಂದ್ರಾಚೊ ನಿರ್ದೇಶಕ್ ಮಾ| ಬಾ| ಸಂತೋಶ್ ರೊಡ್ರಿಗಸ್, ಜೆಪ್ಪು ಸಾಂ. ಜುಜೆ ಸೆಮಿನರಿಚೊ ರೆಕ್ಟರ್ ಮಾ| ದೊ| ರೊನಾಲ್ಡ್ ಸೆರಾವೊ, ಕಥೊಲಿಕ್ ವಿದ್ಯಾ ಬೋರ್ಡಾಚೊ ನಿರ್ದೇಶಕ್ ಮಾ| ಬಾ| ಆಂತೊನಿ ಶೇರಾ ಆನಿ ಹೆರ್ ಯಾಜಕ್ ಹ್ಯಾ ಸುವಾಳ್ಯಾರ್ ಹಾಜರ್ ಆಸ್ಲೆ.
ದಿಯೆಸೆಜಿಚೊ ಛಾನ್ಸಲರ್ ಆನಿ ಚೇರ್ ಇನ್ ಕ್ರಿಶ್ಚಿಯಾನಿಟಿಚೊ ಹ್ಯಾ ಪರ್ಯಾಂತ್ ವಿಭಾಗ್ ಪ್ರಮುಖ್ ಆನಿ ಪ್ರಾಧ್ಯಾಪಕ್ ಮಾ| ದೊ| ವಿಕ್ಟರ್ ಜೋರ್ಜ್ ಸೊಜ್ ಹಾಣಿ ಮಾ| ದೊ| ಐಅವನ್ ಸೊಜ್ ಹಾಂಕಾ ಹುದ್ದೊ ಹಾತಾಂತರ್ ಕೆಲೊ.
ಮಾ| ದೊ| ಐವನ್ ಸೊಜಾನ್ ಹಾಣಿ 2018 ವ್ಯಾ ವರ್ಸಾ ಪುಣೆಚ್ಯಾ ಜ್ಞಾನ ದೀಪ ವಿದ್ಯಾಪೀಠಾಥಾವ್ನ್ ತತ್ವಶಾಸ್ತಿರಾಂತ್ ದೊತೊರ್ ಸನದ್ ಜೊಡ್ಲ್ಯಾ ಆಸುನ್, ತವಳ್ ಪಾಸುನ್ ಆಜ್ ಮೆರೆನ್ ಜೆಪ್ಪು, ಮಂಗ್ಳುರ್ ಸಾಂ. ಜುಜೆ ಸೆಮಿನರಿಂತ್ ತೋ ಭಾರತೀಯ್ ತತ್ವಶಾಸ್ತಿರ್ ಶಿಕಯ್ತೇ ಆಸಾ.
ಸಂವೇದನಾಶೀಳ್ ಕವಿ ಆನಿ ಸಂಸೋಧಿತ್ ಸಾಹಿತ್ಯ್ ರಚ್ಚ್ಯಾ ಮಾ| ದೊ| ಐವನಾಕ್ ಬರೆಂ ಮಾಗ್ತಾಂವ್.
ಕಿಟಾಳಾರ್ ಮಾ| ದೊ| ಐವನ್, ಮಿಯಾರ್ ಬರ್ಪಾಂ ► https://archive.kittall.com/author/fr-ivan-miyar/
