ಉದೆವ್ನ್ ಯೆಂವ್ಚ್ಯಾ ಯುವ ಬರೊವ್ಪ್ಯಾಂಕ್ ಪ್ರೊತ್ಸಾವ್ ದಿಂವ್ಚ್ಯಾ ಉದ್ದೇಶಾನ್, ದೆ. ಜೋಸೆಪ್ ಆನಿ ಮೇರಿ ಪಿಂಟೊ ನಿಡ್ಡೋಡಿ ಹಾಂಚ್ಯಾ ಕುಟ್ಮಾನ್, ಕಥೊಲಿಕ್ ಸಭಾ ಉಡ್ಪಿ ಪ್ರದೇಶ್ ಹಾಂಚ್ಯಾ ಸಾಂಗಾತಾ ಮೆಳುನ್ ಆಸಾ ಕೆಲ್ಲೊ ದೆ| ಜೋಸೆಪ್ ಆನಿ ಮೇರಿ ಪಿಂಟೊ ನಿಡ್ಡೋಡಿ ಸ್ಮಾರಕ್ ಉದೆವ್ನ್ ಯೆಂವ್ಚೆಂ ನೆಕೆತ್ರ್ ಸಾಹಿತ್ಯ್ ಪುರಸ್ಕಾರ್, ಮುದ್ದು ತೀರ್ಥಹಳ್ಳಿ ನಾಂವಾನ್ ಬರೊಂವ್ಚ್ಯಾ ವಿತಾಶ ರಿಯಾ ರೊಡ್ರಿಗಸ್ ಹಿಕಾ ದಶೆಂಬ್ರಾಚೆ 5 ತಾರಿಕೆರ್, ಕಲ್ಯಾಣ್ಪುರ್ ಮಿಲಾಗ್ರಿಸ್ ಕೊಲೆಜಿಂತ್, ಕಥೊಲಿಕ್ ಸಭಾ ಉಡ್ಪಿ ಪ್ರದೇಶ್-ಹಾಣಿ ಆಯೋಜನ್ ಕೆಲೆಲ್ಯಾ ಬರೊವ್ಪ್ಯಾಂಚ್ಯಾ ಸಹಮಿಲನಾಂತ್ ಹತಾಂತರ್ ಕೆಲೊ.
ಕಥೊಲಿಕ್ ಸಭಾ ಉಡ್ಪಿ ಪ್ರದೇಶ್ ಅದ್ಯಕ್ಷಿಣ್ ಮಾನೆಸ್ತಿಣ್ ಮೇರಿ ಡಿ ಸೋಜಾನ್ ಕಾರ್ಯಾಚೆಂ ಅದ್ಯಕ್ಷ್ಪಣ್ ಘೆತ್ಲ್ಲೆಂ.
ವಾಲ್ಟರ್ ಸಿರಿಲ್ ಪಿಂಟೊನ್ ತಿಚಿ ಪರಿಚಯ್ ಕರುನ್ ದಿವ್ನ್ ಅಭಿನಂದನ್ ಪಾಟಯ್ಲೆ. ಕೊಂಕ್ಣಿಂತ್ ಬರೊಂವ್ಕ್ ಉತ್ತೇಜನ್ ದಿಲ್ಲ್ಯಾ ನಮಾನ್ ಬಾಳೊಕ್ ಜೆಜು ಪತ್ರಾಚ್ಯಾ ಸಂಪಾದಾಕಾಕ್ ದೇವ್ ಬರೆಂ ಕರುಂ ಮ್ಹಳ್ಳ್ಯಾ ತಿಣೆ, ಯುವಜಾಣಾಂನಿ ಪ್ರಸ್ತುತ್ ಆನ್ ಲೈನ್ ಪರಿಗತಿಚೆರ್ ಸಾಹಿತ್ ರಚನ್ ಕರುಂಕ್ ಚಡ್ ಆವ್ಕಾಸ್ ಆಸಾತ್ ತೆ ಗಳ್ಸುಂಕ್ ಉಲೊ ದಿಲೊ. ತಿಕಾ ದಿಲ್ಲೆ ಪುರಾಸ್ಕಾರಾಚೊ ಐವಾಜ್ ಮಾನಸ ತರ್ಬೆತಿ ಕೇಂದ್ರ್ ಪಾಂಬೂರ್ ಹ್ಯಾ ಭುರ್ಗ್ಯಾಂಕ್ ದಾನ್ ಜಾವ್ನ್ ದಿಲೊ.
