ಮಂಗಳೂರಚೆ ವಿಶ್ವ ಕೊಂಕಣಿ ಕೇಂದ್ರ ಥಾವನ ದಿವಚೆ ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸಮಾಜ ಸೇವಾ ಪ್ರಶಸ್ತಿ – 2021 ಜಾಹೀರ ಕೆಲಾಂ ಆಸುನೂ, ಕೊಂಕಣಿ ದಾರಲೆ ವಿಭಾಗಾಂತ ಡಾ. ಪದ್ಮನಾಭ ಕಾಮತ (ಮಂಗಳೂರು) ಹಾಂಕಾ ಲಾಭಲಾಂ ಆನಿ ಕೊಂಕಣಿ ಬಾಯಲಾಂಗೆಲೆ ವಿಭಾಗಾಂತ ಮಂಗಳೂರಚೆ ನಾಮಾನೆಚೆ ಸಮಾಜ ಕಾರ್ಯಕರ್ತೆ ಶ್ರೀಮತಿ ಕೋರಿನ್ ಎ.ರಸ್ಕಿನ್ಹಾ ಹಾಂಕಾ ಲಾಭಲಾಂ.
ಆರೋಗ್ಯ ಸೇವಾಂತ ಉತ್ತಮ ಜಾವನ ಸೇವಾ ದೀವನು ರಾಷ್ಟ್ರ ಮಟ್ಟಾರ ಶಾಭಾಸ್ ಪಾವಿಲೊ ಹೃದ್ರೋಗ ತಜ್ನ, ಹೃದಯ ಸಂಜೀವಿನಿ ಜಾವನ ಹಜಾರಾಂನಿ ಹೃದ್ರೋಗಿಂಕ ಜೀವ ದಾನ ದಿಲೆಲೊ ಹೊ ದುರ್ಬಳೆಂಕ ಸಂಜೀವಿನಿ ಜಾವನು ಆಸಾ. ಹಾನ್ನಿ ಕರಾವಳಿ ಕರ್ನಾಟಕ ಮೆರೆನ ಗ್ರಾಮೀಣ ಪ್ರದೇಶಾಂತ ಆನಿ ಹಳ್ಳಿಂತ ಇ.ಸಿ.ಜಿ ಮೆಶಿನಾಚೆ ಕೇಂದ್ರ ಸ್ಥಾಪನ ಕರನ ಕಾರ್ಡಿಯಾಲಜಿ ಎಟ್ ಡೋರ್ ಸ್ಟೆಪ್ C.A.D (ಘರಾ ಬಾಗಲಾಗ ಹೃದ್ರೋಗ ಚಿಕಿತ್ಸೆ) ಮ್ಹಣಚೆ ವೈದ್ಯಕೀಯ ಪಂಗಡ ಕರನು ಸರ್ವಾಂಕಯ ಸಕಾಲಾಂತ ಚಿಕಿತ್ಸಾ ಮೆಳಚೆ ತಶಿ ಕರನು ಸಮಾಜಾಕ ಆನಿ ಕೊಂಕಣಿ ಸಮುದಾಯಕಯ್ ನಾಂವ ಆನಿ ಕೀರ್ತಿ ಹಾಳ್ಳಾ. ಡಾ. ಪದ್ಮನಾಭ ಕಾಮತ ಹಾಂಗೆಲೆ ಆರೋಗ್ಯ ಸೇವಾಂತ ತಾಂಗೆಲೆ ಮಹಾನ ಸೇವಾ ಮಾನುನ ಘೆವನು ತಾಂಕಾ ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸೇವಾ ಪುರಸ್ಕಾರ – 2021 ದಿವಚಾಕ ನಿರ್ಣಾಯಕ ಸಮಿತಿನ ನಿರ್ಧಾರ ಕೆಲಾಂ.
ಶ್ರೀಮತಿ ಕೋರಿನ್ ಎ.ರಸ್ಕಿನ್ಹಾ ಹಾನ್ನಿ ವೈಟ್ ಡೌಸ್ ಸೆಕೇಟ್ರಿಕ್ ನರ್ಸಿಂಗ ಆಂಡ್ ಡೆಸ್ಟಿಟ್ಯೂಟ್ ಹೋಮ್ ಸಂಸ್ಥೆಚೆ ಸಂಸ್ಥಾಪಕ ಜಾವನು 28 ವರಸಾ ತಾಕುನ ನಿರಂತರ ಜಾವನು ಜನಸೇವಾ ಖಾತಿರ ಜೀವನ ಅರ್ಪಣ ಕೆಲಾಂ. ಆನಿ ಮುಖ್ಯ ಜಾವನು ದುರ್ಬಳೆಂಗೆಲೊ ಸೇವಾಯ್ ಕರತ ಆಸುನು ಮಂಗ್ಳೂರ ಆನಿ ಮಸ್ತ ಇತಲೆ ಪ್ರದೇಶಾಂತ ಆಶ್ರಯ ನಾತ್ತಿಲೆ ಆಸುಚೆ ವಾಟ್ಟೆರಿ ಪಳ್ಳೆಲೆ ಜನಾಂಕ ಖಾಣ ಜೆವಾಣ ದೀವನು ಸೇವಾ ದಿಯತ ಆಸಾಂತಿ. ಕೋವಿಡ್ ಸಾಂಕ್ರಾಮಿಕ ರೋಗ ಕಾಳಾರ ಹಜಾರ ಇತಲೆ ಆಶ್ರಯ ನಾತ್ತಿಲೆ ದುರ್ಬಳೆ ಲೋಕಾಂಕ ಆನಿ ದಿವಸ ಕೂಲಿ ಜಾವನ ವಾವರ ಕರತಲೆಂಕ ಖಾಣ ಜೆವಾಣ ದೀವನು ಜನ ಮೊಗಾಳ ಜಾಲ್ಲಾಂತಿ. ಹಾನ್ನಿ ಜಿಲ್ಲಾಡಳಿತ ಆನಿ ಸರಕಾರಾ ಥಾವನೂಯ ಶ್ಲಾಘನ ಪಾವಲಾಂತಿ. ಶ್ರೀಮತಿ ಕೋರಿನ್ ಎ. ರಸ್ಕಿನ್ಹಾ ಹಾಂಗೆಲೆ ಸಮಾಜ ಸೇವಾ ಕ್ಷೇತ್ರಾಂತ ದಿಲೆಲೆ ಅನುಪಮ ಜನ ಸೇವಾ ಮಾನ್ವುನ ಘೆವನು ಹಾಂಕಾ ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸಮಾಜ ಸೇವಾ ಪುರಸ್ಕಾರ – 2021 ದಿವಚಾಕ ನಿರ್ಣಾಯಕ ಸಮಿತಿನ ನಿರ್ಧಾರ ಕೆಲಾಂ.
ಹೆಂ ದೊನಿಯ ಪ್ರಶಸ್ತ್ಯೊ ರೂ. 1.00 ಲಾಖ ಆನಿ ಶಾಲ, ಯಾದಸ್ತಿಕಾ ಆನಿ ಮಾನಪತ್ರ ವಿಜೇತಾಂಕ ದಿವಚೆ ಆಸಾ. ಅಶಿಂ ವಿಶ್ವ ಕೊಂಕಣಿ ಕೇಂದ್ರ ಪ್ರಕಟಣ ಕಳಯತಾ. ಮಣಿಪಾಲ ಗ್ಲೋಬಲ್ ಎಜುಕೇಶನ್ ಸಂಸ್ಥೆಚೆ ಶ್ರೀ ಟಿ. ವಿ. ಮೋಹನದಾಸ ಪೈ ಹಾನ್ನಿ ಹೆಂ ಪ್ರಶಸ್ತಿಚೆ ಪ್ರಾಯೋಜಕ ಜಾವನ ಆಸತಿ.
