ಸ್ತ್ರೀಯೆಚೆ ಗೂಣ್ ಪಾರ್ಕುಂಕ್ ದಾದ್ಲ್ಯಾಚೆಂ ಸಂಯ್ಭ್ ಮಾಪ್ ಜಾವ್ನ್ ವಾಪಾರ್ಚ್ಯಾ ಸಮಾಜಿಕ್ ಸಂದರ್ಭಾರ್, ಸ್ತ್ರೀ ವಾ ಚೆಡ್ವಾಚೆ ಗೂಣ್ ಮಾರ್ನ್ ಕಾಡುಂಕ್, ಚೆಡೊ ವಾ ಪುರುಶ್ ನಂಯ್ ಮ್ಹಳ್ಳೆಂ ಹಾತೆರ್ ಸಾಸ್ಣಾಥಾವ್ನ್ ವೆವಸ್ತಿತ್ ವಾಪಾರ್ಲೆಲೆಂ ಗೆಲಾಂ. ಆಜ್, ಧಾಕ್ಡ್ಯಾಂ ಆದಿಂ ಚಾ. ಫ್ರಾ. ದೆಕೊಸ್ತಾನ್ ‘ಆಮ್ಗೆರ್ ಏಕ್ ಬಾಬು ಜಾಲಾ’ ಕವಿತೆಂತ್ ದರ್ಶಾಯಿಲ್ಲೆ ತಸಲಿ ಗೊಟ್ಯಾಂತ್ ಗಾಯ್ನ್ ಪಾಡಿ ದಿಲ್ಯಾರ್ ಸಂತೊಸ್ ಪಾಂವ್ಚಿ, ಘರಾಂತ್ ಚೆಡುಂ ಭುರ್ಗೆಂ ಜಲ್ಮಾಲ್ಯಾರ್ ಶಿಣ್ಚಿ ಸಮಾಜಿಕ್ ಮನ್ಶ್ಯಾ ನಾ ಜಾಲ್ಯಾರೀ, ಪುರುಶಾಚೆಂ ಆಲ್ಕುಂಜ್ ಉರಂವ್ಕ್ ತರೀ, ಏಕ್ ಚೆರ್ಕೊ ಭುರ್ಗೊ ಆಸ್ಲ್ಯಾರ್ ಬರೆಂ ಆಸ್ತೆಂ ಮ್ಹಳ್ಳೊ ಆಂವ್ಡೊ ಅಜೂನ್ ಪುರ್ತೊ ಗಳ್ಯಾಂತ್ಲೊ ಸುಕೊಂಕ್ ನಾ.
ಘರಾಂತ್ ಅಮ್ಕಾಂ ವಾಸ್ರಾಂ ತೆಗಾಂ
ತಾಂಚೆರ್ ಕೊಣೀ ಶಿಣಾನಾ
ಆಮೀಂಯ್ ಚೆಡ್ವಾಂ ತೀಂಯ್ ಚೆಡ್ವಾಂ
ಪೆಲ್ಯಾನ್ ಸರಾ ಮ್ಹಣಾನಾ.
ಆಮ್ಗೆರ್ ಏಕ್ ಬಾಬು ಜಾಲಾ…
ಬಾಬು ಜಾಲಾ
[ ಆಮ್ಗೆರ್ ಏಕ್ ಬಾಬು ಜಾಲಾ – ಚಾ. ಫ್ರಾ. ದೆಕೊಸ್ತಾ ]
ಆನಿ…ಗಳ್ಯಾಂತ್ ಜಿರಾನಾಸ್ತಾನಾ ಉರ್‌ಲ್ಲೊ ಹೊ ಆಂವ್ಡೊ‌ಚ್ ತವಳ್ ತವಳ್ ಖಳ್ಣೆಚ್ಯಾ ವೆವೆಗ್ಳ್ಯಾ ರುಪಾಂನಿ ಭಾಯ್ರ್ ಪಡ್ಚೊ ದಿಸ್ತಾ. ತಸಲ್ಯಾ ಖಳ್ಣೆಚಿಂ ಕಾಂಯ್ ಥೊಡಿಂ ರುಪಾಂ ಕವಿನ್ ಪ್ರಸ್ತುತ್ ಕವಿತೆಂತ್ ಪರಿಣಾಮ್‌ಕಾರಿ ರಿತಿನ್ ವಾಪಾರ್ಲ್ಯಾಂತ್ ತೆಂ ದಿಸ್ತಾ. ಸಮಾರೋಪಾಂತ್, ಪುರುಶ್ ಆನಿ ಸ್ತ್ರೀ ಮ್ಹಣ್ಚ್ಯಾ ಸಂಯ್ಭಿಕ್ ಫರಕಾಂ ಪ್ರಾಸ್, ಮನ್ಶ್ಯಾಸಂಯ್ಬ್ ವರ್ತೆಂ ಆನಿ ಫಕತ್ ತೆಂ ಮಾತ್ ಖರೆಂ ಸಂಯ್ಭ್ ಮ್ಹಳ್ಳೊ ಸ್ಪಶ್ಟ್ ನಿರೋಪ್ ದಿಂವ್ಚೆ ಸಾಂಗಾತಾ, ನರ್ಸಾಚಿ ಪ್ರತಿಮಾ ವಾಪರ್ನ್ ಖಳ್ಣೆಚ್ಯಾ ಪಿಡೆಚೊ ಉಪಚಾರ್ ಕರುನ್ ಸೊಡ್ತಾ.
ಸಾದಿಂ ರುಪಾಂ ಘೆವ್ನ್, ಸೊಂಪ್ಯಾ ಭಾಶೆನ್, ಆಪುರ್ಬಾಯೆನ್ ವಿಣ್ಲೆಲ್ಯಾ ದರ್ಜೆದಾರ್ ಕವಿತೆಂ ಪಯ್ಕಿ ಪ್ರಸ್ತುತ್ ಕವಿತಾ ಏಕ್ ಮ್ಹಣ್ಚ್ಯಾಕ್ ದೋನ್ ಉತ್ರಾಂ ನಾಂತ್.
► ಎಚ್ಚೆಮ್
“ಚೊವ್ತ್ಯಾ ಕ್ಲಾಸಿಂತ್ ಶಿಕ್ತಾಯ್ ತುಂ…”
ಬೊಡ್ಯೆಂತ್ ದೋನ್ ವ್ಹಾಜಾವ್ನ್
ಮ್ಹಣಾಲಿ ತಿ….
” ಚೆಡ್ಯಾ ಬೊರಿ
ದೊರೊ ಉಡೊನ್ ಯೆತಾಯ್?! ”
ಟೀಚೆರಿಚಾ ಉತ್ರಾನ್ ಕಳ್ಳೆಂ..
ಹಾಂವ್ ಚೆಡೊ ನೈಂ!
ಭಾವಾಚೆಂ ಸೈಕಲ್
ಚೊರಿಯೆನ್ ಶಿಕ್ತಾನಾ
ಸೆಜಾರಿ ಶೈಲಕ್ಕಾ ಮ್ಹಣಾಲಿ..
” ಲಜ್ ದಿಸಾನಾ…?
ಚೆಡ್ಯಾಂಚೆಂ ಸೈಕಲ್ ಸೊಡ್ತಾಯ್! ”
ತಿಚ್ಯಾ ಉತ್ರಾನ್ ಕಳ್ಳೆಂ
ಹಾಂವ್ ಚೆಡೊ ನೈಂ!
ಜೀನ್ಸ್ ಆನಿ ಟೀ ಶರ್ಟ್ ಘಾಲ್ನ್
ಬೊಶಿಯೆಂತ್ ಫುಲಾಂ
ಘೆವುನ್
ಖೆಳೊನ್ ಖೆಳೊನ್
ಹಾಸೊನ್ ಉಡೊನ್
ನೊವೆನಾಕ್ ವೆತಾಸ್ತಾನಾ
ಮ್ಹಜೆಂ ಇಶ್ಟಿಣ್ ಮ್ಹಣಾಲೆಂ…
” ಪ್ಯಾಂಟ್ ಘಾಲುಂಕ್ ಕಾಂಯ್
ತುಂ ಚೆಡೊ ನೈಂ.! “
ವ್ಹಡಿಲಾಂನಿ ಮ್ಹಾಕಾ
ಕೊಲೆಜಿಕ್ ಧಾಡ್ತಾಸ್ತಾನಾ
ಸೆಜಾರಿ ತಿಚ್
ಅಮ್ಚಿ ಮೊಗಾಳ್ ಅಕ್ಕ
ಮ್ಹಣಾಲಿ…
” ಚೆಡ್ವಾಕ್ ಶಿಕಪ್ ಕಿತ್ಯಾಕ್
ದಿತಾತ್? ”
ಹಾಂತುಂಯ್ ಕಳ್ಳೆಂ…
ಹಾಂವ್ ಬಿಲ್ಕುಲ್ ಚೆಡೊ ನೈಂ!
ಚಿಂತುನುಂಚ್ ಅಸ್ತಾಂ ಹಾಂವ್…
ಲಾಂಬ್ ಮಾಡಾಕ್
ವೀಜ್ ಖಾಂಬ್ಯಾಕ್ ಚಡ್ಲ್ಯಾರೀ
ಬೈಕ್, ರೈಲ್
ಏರೋಪ್ಲೇನ್ ಸೊಡ್ಲ್ಯಾರೀ
ಹಾಂವ್ ಚೆಡೊ ಜಾಂವ್ಕ್
ಸಾದ್ಯ್‌ಚ್ ನಾ…
ಆದ್ಲ್ಯಾ ಹಫ್ತ್ಯಾಂತ್ ಮಾತ್ರ್
ವಿಚಿತ್ರ್ ಘಡ್ಲೆಂ…
ತಿ ಟೀಚೆರ್, ಶೈಲಕ್ಕಾ, ಮ್ಹಜೆಂ ಇಶ್ಟಿಣ್,
ಆನಿ ಮೊಗಾಚಿ ಅಕ್ಕಾ
ಮ್ಹಜ್ಯಾಚ್ ಆಸ್ಪತ್ರೆಂತ್
ಭರ್ತಿ ಜಾಲ್ಯಾಂತ್…
ರೋಗ್ ಪಾಸಾರ್ಚಾ ಭಿಂಯಾನ್
ಕುಟ್ಮಾಂತ್ಲಿಂ ಕೊಣೀ
ಲಾಗಿಂ ಯೆನಾಂತ್…
ತಾಂಚಿಂ ಸೆವಾ ಕರ್ನ್
ವಾಂಚಾಯ್ಲೆಂ ಹಾಂವೆಂ..!.
ಆಜ್ ತಿಂ
ಮ್ಹಜ್ಯಾಚ್ ವಿಶ್ಯಾಂತ್ ಉಲಯ್ತಾಲಿಂ
ಆಡೊಸಾಕ್ ರಾವೊನ್ ಕಾನ್ ದಿಲೆ
“ತೆಂ ಚೆಡೊ ನಂಯ್
ತಾಚ್ಯಾಕೀ ವರ್ತೆಂ…”
► ಸಲೊಮಿ ಮಿಯಾಪದವ್
I remembered my own childhood. I was among six girls in the family, i asked most number of questions. All i saw is same situations in this poem… Though much has changed, so much remains same…. If only girls are not told you are not a boy to wish for freedom, so much good can happen.. Thankyou Bai Salomi, bhari boren ek kavita tuven dilan amka.,.. ????
A wonderful thought provoking poem.. Hats off… Ending is super..
Keep writing
Great poem Salomi, liked every line of it. You have given a good message to the girls. Girls please stop listening to others comments. Let other comments do not dictate or decided your life. Your life is your life and much more precious than their comments. You cannot stop others from commenting and it is not your work either If you keep listening to others and do what they say, you will be a kicking ball for them, just like a football kicked by everyone and not reaching anywhere. Just ignore them and instead do what your hearts/ minds tell you to do and pour all your energies into it.. Do not aim to reach the boys levels but go beyond what boys can do. You can be much more than the boys and you have the abilities to achieve that. Keep it up
Liked it, as the poem is written in simple language so that the people like me can understand the it.
Well Done and thank so much.
ಆಖ್ರೆಕ್ ಚೆಡ್ವಾಂನಿಂ ಆಪ್ಣಾಯಿಲ್ಲಿ ವ್ರತ್ತಿ “ನರ್ಸಿಂಗ್” ಘೆವ್ನ್ “ಟಾಂಕಾಂ” ವಾಂಚಯಿಲ್ಲೆಂ ಇಲ್ಲೆಂ anti-climax ಜಾಲೆಂ. ನರ್ಸಿಂಗ್ ಕಿತ್ಯಾಕ್ ದಾಕ್ತೆರ್ಗಿ ನಹಿಂ?
ದುಸ್ರ್ಯಾನ್, ಚೆಡೊ ನಹಿಂ ಮ್ಹಣ್ “ಮ್ಹಕಾ” ಸಮಾಜಿಕ್ ರೂಪ್ಣ್ಯಾಂನಿಂ ಮಿಸ್ಳಾಂವ್ಚಿಂ ಸರ್ವಾಂ ಸ್ತೀ-ಚ್ ಮ್ಹಳ್ಳೆಂ ವಿಪರ್ಯಾಸ್. ಕೋಣ್ ದಾದ್ಲ್ಯಾನ್ ತಶೆಂ ಆಡಾವ್ನಾ ನಹಿಂ?
ಆಮ್ಗೆರ್ ಲಕ್ಶ್ಮಿ ಜಾಲಾಂ
ಲಕ್ಶ್ಮಿ ಜಾಲಾಂ
ಅಯ್ಯೊ, ಟಾಂಕಾ ನಹಿಂ ತಾಂಕಾಂ.
Wonderful Salomi, good one!
Indeed a beautiful poetry Salomi. Keep it up.
ಭೋವ್ ಅಪುರ್ಬಾಯೆಚಿ ಕವಿತಾ ಸಲೋಮಿ. ಅಶೆಂ ಬೇಧ್ ಕರ್ಚ್ಯಾ ಸಮಾಜೆಕ್ ತುವೆಂ ಜೊಕ್ತಿ ಜಾಪ್ ದಿಲ್ಯಾಯ್