ಕೊಂಕ್ಣಿ ನಾಟಕ್ ಸಭೆಚೊ 78ವೊ ವಾರ್ಷಿಕ್ ದೀಸ್ 2021 ಸಪ್ಟೆಂಬರಾಚಾ 24 ತಾರಿಕೆರ್ ಸಾಂಜೆರ್ 6.30 ವೊರಾರ್ ಸಾಂತ್ ಆನ್ನಾ ಫ್ರಾಯರಿಚಾ ಕೊಪೆಲಾಂತ್ ಅರ್ಗಾಂ ಬಲಿದಾನಾ ಸವೆಂ ಆಚರಣ್ ಕೆಲೊ. ಕೊಂಕ್ಣಿ ನಾಟಕ್ ಸಭೆಚೊ ಅಧ್ಯಕ್ಷ್ ಮಾ|ಬಾ| ಪಾವ್ಲ್ ಮೆಲ್ವಿನ್ ಡಿಸೋಜ ಕಾಪುಚಿನ್, ಪ್ರಧಾನ್ ಯಾಜಕ್ ಜಾವ್ನ್ ಫೆಸ್ತ್ ಮಿಸಾಚೆಂ ಬಲಿದಾನ್ ಹೆರ್ ಚವ್ಗ್ ಕಾಪುಚಿನ್ ಯಾಜಕಾಂ ಸಾಂಗಾತಾ ಭೆಟಯ್ಲೆಂ. ಮಾ|ಬಾ|ರಿಚ್ಚರ್ಡ್ ಕ್ವಾಡ್ರಸ್ ಕಾಪುಚಿನ್ ಹಾಣಿಂ ಪ್ರಸಂಗ್ ದಿಲೊ.
ಉಪ್ರಾಂತ್ ಸಾಂತ್ ಆನ್ನಾ ಮಿನಿ ಹೊಲಾಂತ್ ಕೊಂಕ್ಣಿ ನಾಟಕ್ ಸಭೆಚಾ ಸಾಂದ್ಯಾಂಚೆಂ ಸಹಮಿಲನ್ ಮಾಂಡುನ್ ಹಾಡ್ಲ್ಲೆಂ. ಕೊಂಕ್ಣಿ ನಾಟಕ್ ಸಭೆಚೊ ಅಧ್ಯಕ್ಷ್ ಮಾ|ಬಾ| ಪಾವ್ಲ್ ಮೆಲ್ವಿನ್ ಡಿಸೋಜ, ಉಪಾಧ್ಯಕ್ಷ್ ಲಿಸ್ಟನ್ ಡಿಸೋಜ, ಜೆರಾಲ್ ಕಾರ್ಯದರ್ಶಿ ಫ್ಲೋಯ್ಡ್ ಡಿಮೆಲ್ಲೊ,ಸಹ ಕಾರ್ಯದರ್ಶಿ ಪ್ರವೀಣ್ ರೊಡ್ರಿಗಸ್, ಖಜನ್ದಾರ್ ಜೆರಾಲ್ಡ್ ಕೊನ್ಸೆಸೊ, ಪಿ.ಆರ್.ಒ. ರೇಮಂಡ್ ಡಿಕೂನಾ ವೇದಿಚೆರ್ ಹಾಜರ್ ಅಸ್ ಲ್ಲೆ.
ಅಧ್ಯಕ್ಷ್ ಮಾ|ಬಾ| ಪಾವ್ಲ್ ಮೆಲ್ವಿನ್ ಡಿಸೋಜನ್ ಹಾಜರ್ ಜಾಲ್ಲ್ಯಾ ಸರ್ವಾಂಕ್ ಮೊಗಾಚೊ ಯೆವ್ಕಾರ್ ಮಾಗ್ಲೊ ಅನಿ ವಾರ್ಷಿಕ್ ದಿಸಾಚೊ ಸಂದೇಶ್ ಪಾಟಯ್ಲೊ. ಹ್ಯಾ ಸಂಧರ್ಬಾರ್ ಡೊನ್ ಬೊಸ್ಕೊ ಹೊಲಾಚಾ ನವೀಕರಣ್ ಕಾಮಾಕ್ ಆರ್ಥಿಕ್ ಕುಮಕ್ ಜಾವ್ನ್ ಮೂಲಗೇಣಿ ವೊಕ್ಕಲು ರಕ್ಷಣಾ ವೇದಿಕೆ® ಹಾಚಾ ಹುದ್ದೆದಾರಾನಿಂ ಪಂಚ್ವೀಸ್ ಹಜಾರ್ ರುಪಯ್ ಹತಾಂತರ್ ಕೆಲೆ. ತಾಂಕಾ ಶೊಲ್ ಪಾಂಗ್ರುನ್ ಉಡಾಸಾಚಿ ಕಾಣಿಕ್ ಅರ್ಪುನ್ ಮಾನ್ಕೆಲೊ.
ಜೆರಾಲ್ ಕಾರ್ಯದರ್ಶಿ ಫ್ಲೋಯ್ಡ್ ಡಿಮೆಲ್ಲೊನ್ ಖೆಳ್ ಚಲವ್ನ್ ವೆಲೆ. ಜಿಕ್ಲೆಲ್ಯಾಂಕ್ ಅಧ್ಯಕ್ಷ್ ಬಾಪಾನ್ ಇನಾಮಾಂ ವಾಂಟ್ಲಿಂ. ಪಿ.ಆರ್.ಒ. ಮಾನೆಸ್ತ್ ರೇಮಂಡ್ ಡಿಕೂನಾನ್ ಸರ್ವಾಂಕ್ ಧನ್ಯವಾದ್ ಪಾಟಯ್ಲೆ.
ಮಾ|ಬಾ|ರೋಶನ್ ಕಾಪುಚಿನ್ ಹಾಣಿಂ ಜೆವ್ಣಾಚೆರ್ ಅಶೀರ್ವಾದ್ ಮಾಗ್ಲೊ. ಆಂಜೆಲೊರ್ ಘಟಕಾಚೊ ಮುಖೆಲಿ ಮಾನೆಸ್ತ್ ಜೊಸೆಫ್ ಪಿಂಟೊನ್ ಸಹಮಿಲನ್ ಕಾರ್ಯಾಚೆಂ ನಿರ್ವಹಣ್ ಕೆಲೆಂ. ನಾಟಕ್ ಸಭೆಚಾ ಗಿತಾ ಉಪ್ರಾಂತ್ ಜೆವ್ಣಾಂ ಸವೆಂ ಕಾರ್ಯೆಂ ಸಂಪ್ಲೆಂ.
