ವಿಶ್ವ ಕೊಂಕಣಿ ಕೇಂದ್ರ ವತೀನ ‘ಕೊಂಕಣಿ ಸಂವಾದ ಜಾಲಗೋಷ್ಠಿ’ ಸರಣಿ ದೊನ್ನೀಚೆ ಉಪಾಖ್ಯಾನ 10-07-2021 ತಾರ್ಕೆರ ಚಲ್ಲೆ. ವಿಶ್ವ ಕೊಂಕಣಿ ಕೇಂದ್ರಚೆ ಅಧ್ಯಕ್ಷ ಬಸ್ತಿ ವಾಮನ ಶೆಣೈನ ಸ್ವಾಗತ ಕೆಲ್ಲೆಂ.
ವಿಶ್ವ ಕೊಂಕಣಿ ಕೇಂದ್ರ ‘ಶಾಳೆಂತ ಕೊಂಕಣಿ ಶಿಕವಣ ವಿಭಾಗಾಚೊ ಮುಖೇಲ ಪ್ರೊ. ಡಾ. ಕಸ್ತೂರಿ ಮೋಹನ ಪೈ ಹಾನ್ನಿ ಕೊಂಕಣಿ ಭಾಷೆಚೆ ಸಂಸ್ಕೃತ ಆನಿ ಪ್ರಾಕೃತ ಸಂಬಂಧ ವಿಷಯ ಬದ್ದಲ ಪ್ರಸ್ತಾವನ ಕೆಲೆಂ.
ಕೇರಳ ಕೊಂಕಣಿ ಅಕಾಡೆಮಿ ಆದಲೆ ಅಧ್ಯಕ್ಷ ಶ್ರೀ ಪಯ್ಯನೂರು ರಮೇಶ ಪೈ ಹಾನ್ನಿ ‘ಕೇರಳ ರಾಜ್ಯಂತು ಕೊಂಕಣಿ ಭಾಸ ಆನಿ ಸಾಹಿತ್ಯ’ ಬದ್ದಲ ಉಪನ್ಯಾಸ ದಿಲೆಂ.
ಇಂಗ್ಲೆಂಡಂತು ಆಸುಚೆ ಶ್ರೀಮತಿ ಶಾಂಭವಿ ಕಾಮತ ಆನಿ ಶ್ರೀ ಜಯನಾರಾಯಣ ಭಟ್ಟ ಹಾನ್ನಿ ಇಂಗ್ಲೆಂಡ ದೇಶಾಂತು ಆಶಿಲೆ ಕೊಂಕಣಿ ಜನ ಆನಿ ಥಂಯಚೆ ಕೊಂಕಣಿ ಭಾಸ ವಾಡ್ಡಿಲೆ ಬದ್ದಲ ಆನಿ ಥಂಯ ಕೊಂಕಣಿ ಚೆರ್ಡುವಾಂಕ ಮಾಂಡುನ ಹಾಳ್ಳೆಲೆ ಮಸ್ತ ಇತಲೆ ಕಾರ್ಯಕ್ರಮ ಬದ್ದಲ ಮಾಹಿತಿ ದಿಲೆಂ.
ವಿಶ್ವ ಕೊಂಕಣಿ ಕೇಂದ್ರ ಉಪಾಧ್ಯಕ್ಷ ಶ್ರೀ ವೆಂಕಟೇಶ ಎನ್. ಬಾಳಿಗಾ ಹಾನ್ನಿ ಕಾರ್ಯಕ್ರಮ ನಿರೂಪಣ ಕರನು ದೇವು ಬರೆಂ ಕೊರೊ ಸಾಂಗಲೆಂ. ಮಂಗಳೂರು, ಉಡುಪಿ, ಕಾರವಾರ, ಕುಮಟಾ ಪ್ರದೇಶಾ ಥಾವನು ಕೊಂಕಣಿ ಶಿಕ್ಷಕ ಆನಿ ಗಣ್ಯಂನಿ ಗೂಗಲ್ ಮೀಟ ಅಂತರ್ಜಾಲ ಮೂಲಕ ಕಾರ್ಯಕ್ರಮಾಂತು ಭಾಗಿ ಜಾಲಿಂತಿ .
